惠比壽居食屋 (已結業)

今日山長水遠去到屯門見工, lunch想食好點所以來到呢間多人讚既日本野.一個人要坐壽司巴, 見到面前個阿嬸整緊壽司, 衛生好像麻麻. 最後點左天婦羅手打烏冬, 配壽司.壽司來先, 竟然有4件, 我仲以前呢d配菜只有2件, 不過味道一般, 飯太大件唔可以一口食晒~之後個天婦羅手打烏冬來喇, 一睇碗烏冬見到有粟米, 芽菜, 熟蛋做配料, 已經心知唔係正宗風味, 一飲個湯底...果然....係普通似拉麵d湯底. 不過d烏冬真係幾煙韌, 我相信真係手打的.個天婦羅麻麻地, 炸到三尖八角, 一隻長長既蝦都竟然炸到三角形, 沾太多粉漿了, 同埋有點硬, 不是十分脆~不過個lunch真的好大份~ 食得好飽.

之前去過dinner, d 魚生都幾fresh, 炒飯炒得唔油, service ok 啦, 價位算略高~

set lunch 幾好食, 刺身壽司拼盤大份, 以5x 元計用料算好. 其他定食方面, 金菰牛肉卷香口, 而且塞滿金菰, 口感不錯. 鰻拉麵俾足成條鰻, 十分抵食.反而泠麵普通, 不吃也罷

是普通的日本食物, 價錢在TUEN MUN 來說是貴了點,不值!

0係屯門0黎講, 惠比壽算係唔錯0架喇.午餐比較抵食,魚生都好大件.晚餐就冇咁吸引喇, 試過綠茶冷麵,全完唔掂,清酒煮硯都唔係咁得,d硯太細粒喇,d殼又有d爛,仲有0個個炸海鮮卷,好油,而且,一d海鮮都冇.

一連去了兩天，第一次食LUNCH，第二次食DINNER。其實之前都食過幾次，覺得D野唔錯，但今次有D失望。LUNCH那次與兩位朋友去，叫了SET LUNCH (牛肉烏冬窩、天婦羅同吉烈豬扒SET)，D野食OK LA，但個拉麵真係唔係幾好食，好似食緊公仔麵咁，我同個FRIEND都食剩大半。此外D壽司真係麻麻地，D飯太硬又落唔夠醋，乾爭爭咁，我相信自己整會好食過佢。晚餐那次和男友食，叫了個大和牛肉窩飯、什錦烏冬窩同日式炸蠔，牛肉飯好好食，烏冬窩都幾多料，烏冬亦幾彈牙(好食過拉麵多多聲!!)個炸蠔外脆內軟，同樣好正。我發覺佢D熱食係幾好食的(除了拉麵)，壽司就不食也罷。不過最想講就係佢D侍應，LUNCH 那次有個長髮扎馬尾女侍應幫我地落單，個時都算少人，又0岩0岩開舖，照計都唔係好辛苦，佢全程黑臉，落單時眼尾都唔望你，講野又細聲又快，一落完單就飛快地拿走MENU頭也不回地走，佢落完單我同兩個FRIEND都呆了對望，忍唔住講0左句：「佢D態度真係......」。DINNER時又見到她，仍舊臉黑，一點笑容也沒有，真係睇見都唔開胃。不過觀察所見，得佢係咁ONLY，大部份侍應都好有禮貌仲成日幫你添茶

刺身冷面,55大元刺身唔新鮮,不過睇佢咁既門面我都唔expect佢新鮮,但係佢居然比埋d下闌野人,魚肉近皮白色既地方都可以比人做刺身,有無搞錯.刺身腥臭,份量又少,蟹子又少,所謂冷面口感同味道同出前一丁一樣!五十五蚊一個腥臭刺身蟹子出前一丁,what the hell!我既朋友食既冷面一樣糟糕.美名為扎幌拉面,實質係出前一丁痲油味,仲要好少料,又要成五十大元.難得佢咁既食物質素仲要成日夜晚爆埸,究竟d人既味覺係咪痲木唒!仲有,佢d待應無啦啦成日係到傻笑,嬉戲,隱形.整體而言,食物貴,服務差,食店格調不堪入目,食物味道苦不堪言. 呃錢!搵笨!

琴日去惠比壽食野<br />ｄ　ｓｅｔ　ｌｕｎｃｈ勁大份<br />本身自己都算大食<br />都竟然食唔哂<br />ｄ侍應又好好笑容又好好禮物<br />有一個女仔好可愛好細個，有一個就有ｄ似蔡依琳，係個度食野都開胃ｄ

和食來講, 惠比壽都應該係全個屯門最正既日本料理, 否則佢都唔會可以做到咁耐啦!個日去食lunch, 個set真係好抵食, $43拉麵烏冬餐附送sushi四件(蝦,墨魚, 三文魚同埋吞拿魚, 正常size), 叫了一個北海道海鮮烏冬set,地獄海鮮烏冬set, 什錦天婦羅烏冬set同埋一個$58魚生壽司定食(附麵鼓湯+前菜同生果)北海道海鮮同地獄海鮮d料係一樣, 只係湯唔同, 地獄湯係一d都唔辣, 北海道係一般清湯啦, 料有天婦羅炸蝦一只, 粟米, 紫菜, 蟹柳, 大大隻帶子, 青口2隻, 幾多料啊!! 什錦天婦羅有炸蝦2隻, 南瓜, 蕃薯, 蘿蔔, 蝦好大隻, good!!最正既係係屯門區竟然可以搵到一間真係比日本烏冬你食既食肆, 烏冬好彈牙!!!個魚生定食就正啦, 有二個花之戀, 三件厚片三文魚刺身, 太卷4件, 壽司4件, 雖然花之戀唔係好靚好大件, 但整體都算好抵食店舖service好好, 清潔乾淨, 坐得都算舒服, 價錢平, 係屯門食日本菜首選.

假日都有午餐，而且份量十足。我們一行四人，叫了四個餐，兩男兩女。但吃完後，各人均叫很飽。下次食一定要叫少一個。餐除主食，還有壽司或剪餃子選擇，壽司有五件，餃子四件。很難叫你不飽地離開。

連假期都有set lunch，咁就試佢。食佢地個魚生飯盒，初頭以為會好細盒，所以加＋蚊要埋三文魚壽司(都拖地)，食完壽司後，個魚生飯盒估唔到好快就到，個Size都亦唔係細，配料有三文魚、吞拿魚、鎗魚、八爪魚、墨魚、甜蝦、蛋、魚子，加埋甜日本米飯底都幾飽肚，飲埋個麵豉湯好。埋單六＋有一都算抵食，最出奇就係連埋單後仲問你駛駛加水！

刺身壽司併盆、綠茶麵定食；牛肉窩飯；銀雪魚。埋單計數$289。最開心的是定食,包括日本蒸蛋,好味丫。食物新鮮。星期日晚飯時間,坐了2個半鐘,都沒有趕客走,都算吾錯了。

食過幾次次次水準都大致上保持到,佢個價錢唔太貴以咁既價錢有咁既質素,算ok,

呢一間惠比壽日本菜,唔止平,重好味道,上一次我叫咗"綠茶冷麵加麵天豉湯加茶杯蒸蛋什錦壽司"set dinnr,什錦壽司好大盤,起碼有15件魚生壽司,d三文魚壽司又好新鮮,正!!!(我同我男友share 一個set dinner都好full)呢一度又唔會吹你走,任你坐,d waitress同老闆好nice,成日幫你添茶,有個waitress好得意,成日say sorry ,成間店氣氛好nice,見到老細同d下屬係sars都好加油同團結,真係難得~~~~~好啦,結帳時真係..."嘩"...加一後都around一百蚊左右....wonderful

屯門人都知道屯門區其實唔係好多間正餐廳，但惠比壽都算係其中一間好o既啦﹗我一家人成日都會去食飯，連唔鍾意食日本菜o既媽媽都好鍾意去，因為惠比壽o既熱盤好好味。裝修雖然唔算特別，總算企企理理，乾乾淨淨，坐得舒舒服服﹗惠比壽最吸引人之處就梗係佢o既高水準食物啦，最抵食係星期一到日都有供應o既set lunch，四十幾蚊至五十幾蚊，有湯(麵豉湯)有飯有前菜(中華沙律or八爪魚)有主菜(日日唔同款)有配菜(日日唔同款)有水果(橙)。不過set lunch好大份，女仔通常都食唔晒，尤其當主菜係鍋o既時候，share又唔過癮，我諗都係等肚餓D時先去食啦﹗其實好多款主菜都好正，好似各款鍋啦、蒜香牛柳粒、七味豬柳、鹽燒三文魚…一時之間都唔記得咁多﹗叫開set lunch，記住加$20要一份三文魚刺身，大大件又夠新鮮，好正。散叫就冇咁抵食，但可以選擇自己o既favourite，有幾個菜一定要叫：清酒煮蜆--肥美o既蜆肉配上淡淡o既清酒湯，正﹗軟殼蟹卷--軟滑o既牛油果、炸得脆脆地o既軟殼蟹同醋飯好配合，再加上一小堆蟹子調味，好好味o架﹗不過一份有八件，最好四個人以上去先食啦，如果唔係冇胃口食其他野。其實