意八餐廳 (已結業)

過開黎沙田同朋友house warming，一個人係附近打個底先上去。廢時餓親。行匀全場，睇落最市正就係呢間又有人等位，就食呢間。好少見西餐廳午餐都有咁多選擇，連日式拉麵都有。羅宋湯: 跟餐既，好少見羅宋湯裏頭d蔬菜係打到碎晒既，但係咁，我反而覺得幾好飲，味道更加濃。大大碗，我都飲晒既。蛋黃煙肉卡邦尼長通粉 $50: 同我地平時食既卡邦尼係兩回事，雖然都有煙肉同意粉，但就食唔出有蛋香同芝士味，d汁似湯，完全唔可以掛係長通粉上。不過公平d，敞除佢唔似係卡邦尼之外，其實都好食既，當佢係一個上湯長通粉黎食，味道都幾好，夠味又足料。係一個屋村商場食野又以呢個價錢，不能要求太高。都算唔錯。

星期六到朋友位於沙田的家作客，正值午餐時間，經過商場時見到這家意式餐廳門口滿是人潮，於是選了它，價錢不算貴，所以有點快餐店的感覺，食物來得很快，肉醬扁意粉奉來時，真心覺得這個賣相非常恐怖，拌勻後發現味道尚算正常，醬汁很多但肉粒小，而且好油膩，碟底滿是油，吃了一半已很飽。朋友點了煙肉卡邦尼長通粉，賣相都是好一般，醬汁不濃稠，還是水狀的，不好吃。第一次吃到這麼差勁的意粉，一間意式餐廳竟然連普通意粉都做不好，應該很難經營下去了，失望。

環境尚可，卡位有二，四，六人的座位，其他坐位有少少逼。食物質素平平，與其他茶餐廳的差不多，佢的蒜蓉多士和牛角包不俗。之但係職員服務有欠公平，懷疑要留卡位給熟客。曾多次兩人幫襯未能安排卡位，兩座位卡位又冇位，明白兩人坐四人卡位會阻住人做生意，故坐普通兩人位，但眼見不少四人卡位都是坐兩人，亦有四人位是吉的，心諗可能留俾啲三位以上的客人。昨天早上，我們一行三人諗住入去食早餐，亦見到有吉的四人卡位，但職員一樣安排普通4人座位，她說要留給4人客的，但我眼見前面幾張都是坐3個人，自然地問職員前面都係坐3個人，點解偏偏要我地3個人坐普通位？佢竟回答說呢啲位要留俾4人客坐的。真奇怪！難道有吉卡位也不容許人數相近的客人坐嗎？還是職員有心為熟客留位呢？

之前有朋友在這店食過拉麵，因為拉麵中的流心蛋而出事，入左醫院，所以已有一排冇在這兒食過，但因為方便，所以都在此食午餐。為左唔食咁heavy, 所以我叫了拉麵，而阿仔就叫了吉列豬扒黑椒磨菇汁。拉麵好香麻油味，但麵量好似比以前少了，日本叉燒亦沒甚特別，蛋感覺冇以前咁流心，可以係出過事的緣故😅黑椒磨菇汁好味，吉列豬扒都算大塊，但就覺得乾身左啲。午餐飲各款啫喱冰冰都只係加$3，抵！整體來講，不錯，加上一向唔加一，係不錯的選擇。

今日在附近工作，所以早少少到愉翠苑找吃🙂🙂不過冇乜choose ~可能我吾太熟啩！見到呢間吾錯，咪等位食囉！其實之前響其他地方都食過呢間鋪頭，但可以差甘遠，定係我自己嗌錯餐🧐🧐🧐🧐甘岩下午茶時間，我又吾係太餓，咪諗住叫個公仔麵算😋😋見佢又寫係濃湯就試一試啦！叫左個豬扒濃湯公仔麵😧點知～～☹️☹️☹️個麵好難食囉！啲豬扒係入味，但吾吸引，可能浸過湯啦🙄🙄唉～好後悔，本身想叫個炒扁意粉，點知⋯早知叫意粉好過🙄相都吾想影😠

有日經過愉翠苑間商場，見到呢間西式茶餐廳 ，見環境唔錯就入去食晚飯lu...間餐廳都幾大，有好多2人枱。咁就好喇，唔洗疊枱同人迫，有屬於2個人既空間。餐牌好多野食喎，有小食，粉麵飯，Pizza, 仲有鐵板燒.....香草野菌忌廉天使麵好鍾意呢個麵呀，有好多雜菌，味道好濃郁！忌廉又唔會好膩，食晒成個超滿足！！加拿大安格斯牛扒餐好豐富既牛扒餐，除左大大塊牛扒之外，仲有薯角，太陽蛋，翠玉瓜同南瓜，仲有個飯...牛扒夠淋，一d都唔靭

同男朋友經過附近諗住入間餐廳食下午茶， 叫左一個雞翼加pizza下午茶餐。點知個餐大份到呢！pizza只有10份1都唔知有無嘅分量！唔使1分鐘就食完！咁樣就收左我地28蚊！到底要食幾個餐先夠飽？

今日lunch經過一間連鎖（西餐廳？），人山人海，午市套餐價位又正常（5x-6x)，選擇又多，又有拉麵，又有pasta，套餐仲可以優惠價加甜品，正呀！即刻排埋一份先最後我揀左個焗豬扒飯，一上枱就俾佢個蕃茄味吸引左，面層仲有層焗到微燶既芝士等我試下先！ 果然滿滿蕃茄肉仲有大大塊豬扒，塊扒醃得岩岩好有微微煎過，但就肥左小小。而入面既紫椰菜同南瓜片偏生，最後我都冇食到。凍檸茶夠大杯但欠茶味，不及茶餐廳好飲，不過不失啦。但個飯性價比黎講都算高，可以一試！

相約友人在圓洲角打波， 走到附近屋苑餐廳食午餐，友人 介紹食呢間。中午時間非常多人， 雖然係民居屋苑， 要排隊攞籌。 餐廳環境幾好， 座位寬闊 空間感充足。 但待應服務像一般茶餐廳。 平民意大利餐廳。餐牌選擇幾多， 價錢40至60， 非常化算， 附送餐湯或餐飲。叫咗卡邦尼長通粉， 本土化不正宗， 像白汁長通粉， 沒有蛋黃味及芝士味， 蘑菇煙肉分量都幾多， 通粉份量適中， 比較適合女士，汁夠rich好味， 整體口感算係幾好味。總結， 性價比高。茶餐廳價錢， 比茶餐廳更好的味道及環境。

星期日早上做了整朝家務，所以午餐還是出去食啦。下午一時，剛好最後幾張空檯，不用等位。午餐四五十元已有交易，我們倆點了一客焗豬扒飯、一客吉列豬扒咖喱飯。論份量絕對夠，尤其吉列豬扒像兩隻手掌般大，我老公一向食量算大也吃不完。至於味道，的確只是普通貨色，但一分錢一份貨，而且西、日菜式也算選擇多，平日來個快吃之選也算合格。

這天與幾位朋友在圓洲角體育館打完羽毛球，便去了附近的餐廳充飢。路經這間餐廳看似不錯，便直接進去了。裏面空間很大，位置很多，可容納很多人，也有很多人在用餐，幸好我們不用排隊便可以入座。一坐下，我們便翻看菜單，有多款食物選擇，但我們都不約而同只看下午茶menu，因為平靚正。以下是我們點選的食物:日和芝麻燒雞炒珍珠飯味道不錯！比想像中更好吃！我很怕吃到沒有味道的炒飯，怎料這個炒飯炒得剛好，有燒雞味也不會太咸，飯炒到一粒粒，下午茶水平來説，有驚喜蛋黃煙肉卡邦尼長通粉這個餐我卻十分失望，普通一個卡邦尼長通粉其實要整得好食不會太難，但這個卡邦尼汁我覺得太水，味道很淡幸好有其他足料材料打救，有很多雜菇，才不至於太難吃。香辣欖油煙鴨胸炒扁意粉這個意粉也不錯，炒得十分香辣，十分開胃！份糧也十足，加上青椒及紅椒的點綴，賣相及味道都不錯

放工約咗朋友去健身，之前就梗係附近搵地方食嘢醫肚啦！於是就去咗就近嘅愉翠Itamomo食晚飯。可能係平日嘅關係，唔使排隊等位就已經可以入座。店舖算環境算寬敞舒適。我點咗鐵板牛扒，而我朋友就食鰻魚炒飯。鐵板牛扒餐都算大叫夾揸食，因為＄80就有幾大塊，仲有飯同薯菜，份量夠之餘牛扒味道都唔錯。雖然佢冇問我要幾成熟但係佢都算煮得唔太熟。朋友食個鰻魚炒飯就略嫌有點油膩。賣相好吸引。身為鰻魚迷嘅我，當然唔可以錯過叫鰻魚嘅機會啦！鰻魚同飯嘅配搭一流，食落去好有口感，令人津津有味。總括而言，呢間餐廳性價比高，兩個人食加埋都係大概＄200左右。

今日約左係威爾斯醫院工作既朋友仔食午飯，佢介紹左愉翠苑愉翠商場個邊既意八餐廳。未夠1230，已經人頭湧湧，好多人排緊隊等位，等左差唔多到20分鐘先入到去。睇完個午餐menu，我叫左法式紅酒香茅燴牛肋條(配珍珠飯) (HKD 56)配牛乳栗米忌廉湯。呢間食店係不收加一既。雖然人多，但上菜時間一點也不怠慢。好快個午餐同湯就到左。 個飯賣相唔錯，仲有翠肉瓜同顏色鮮豔既蔬菜伴碟。至於個牛肋骨味道唔錯，肉質都算嫩，醬汁好配合，而且分量都唔細。個湯就好香忌廉味，栗米都唔少。整體黎講，係度食午餐，抵食又好味。

每個星期日都喜歡到意八吃他們的鮮雜菌蕃茄湯。其實他們的早餐有很多選擇不過我喜歡吃他們的蕃茄湯米粉我叫了他們的鮮什菌蕃茄湯米粉餐加兩蚊有一個牛角包🥐我喜歡吃鮮雜菌蕃茄湯米粉，原因好簡單，因為我喜歡吃雜菌同埋蕃茄湯😂加上他們的蕃茄湯不會很假，不會加太多茄膏，而他的番茄湯真的好像自己煲的蕃茄般米粉剛剛好索晒啲蕃茄湯，好Match佢個牛角包雖然只係加兩蚊，但係都唔錯㗎！我喜歡吃佢嘅早餐，因為＄30有找外，味道又唔錯添

不懂應變，個客有件樂器，有枱剩，我們兩個人只比二人枱，而我一張有椅背的櫈又怎能一個人坐又放樂器呢？最後我的樂器在放在BB車一邊😞問佢可否比梳化位，唔得！態度好差。希望佢地理下一些有需要人使而作出應變，以客為先