意八餐廳 (已結業)

今晚黎到意八食晚餐，門口都多人等位。意八夜晚夠多野食，打開Menu,可以話咩地方既菜式都有，炒反，沙律，拉面都有。我地3個人叫左1個焗豬，1個豬軟骨拉面，1個牛扒餐同1個沙律。牛扒餐都幾受歡迎，見到好多台都有叫，扒餐有飯，蛋同唔少配菜，不過量就比較少，大食既人可能唔夠飽。豬軟骨拉面都唔錯，湯幾濃，豬軟骨同平時食到既好唔同，真係好淋，不過我就一般，朋友就話好好食。其他野都不過不失，不過野飲就貴跟餐有半價都覺得貴。不過咁樣叫3個人4樣野賣單都係250到，都叫抵食！

今日去左意八食個lunch ，叫左個咖哩牛坑腩飯加冰檬茶， 也許慢工出細貨，食意八好似食個法國餐咁，等20分鐘先岀杯冰檬茶，再等20分鐘先岀到個飯。但叻哩牛坑腩飯依然有質素，牛腩多汁，咖哩小辣，重咖哩味，送飯一流。

早餐可以話係每日最重要嘅一餐，提供每日所需的能量，所以我梗係要食好啲啦。所以我就走左去搭咗叫咗一個醒神嘅美式早餐，有菜有肉，豬扒非常鬆軟，應該係用咗梅林豬扒，不錯不錯。可惜要趕住返工，唔可以慢慢嘆。不過都非常滿足！正 yummy yummy

舊同學係呢到做所以專登係沙田過黎食~~~~~~~~~~~~~~~~~~~~~~~~~黎到既時候係晚市都好多人下不過好在唔洗排隊但係就要同人搭枱服務都幾好我坐左好耐都未諗到叫咩都冇催我~~~~~~~~~~~~~~~~~~~~~~~~~我最後叫左個三文魚炒飯個飯幾夠味，又足料啖啖都有三文魚肉不過個焦糖燉蛋下面凍左而焦糖就有d苦，個人唔推薦~~~~~~~~~~~~~~~~~~~~~~~~~不過呢到免加一自己一個人食都只係$67有一飯一甜品都幾抵

一人去食午餐排隊飛選擇不搭枱，但員工話要等好耐，又話全場只有兩張枱係for 一位唔搭枱我問可否二枱供我一位坐？員工話公司規矩唔可以最終都係被逼要搭枱！poor service!

今日星期六 ， 同爸爸媽媽老婆四個人一齊 ，去 黃大仙意八食午餐， 因為人多關係等咗半小時有位都算快啦， 價錢大眾化， 味道適中， 環境舒適， 坐位舒服， 光暗度適中， 屋邨商場呢講咁嘅價錢食物質素 ，算唔錯

今晚我和朋友去了意八吃晚餐。裝修還可以，坐位也不會迫。選擇和種類都算多。首先來的是法式紅酒香茅燴牛肋條（配珍珠飯）。紅酒汁幾香，牛肋條不會韌，不過不太吃到有香茅味，但整體來說也是不錯的。然後點的是浦燒鰻魚玄米炒飯，貌相不錯，上面還放有我喜歡吃的木魚呢！浦汁幾甜，不過鰻魚本身略嫌太乾不夠汁，但味道還不錯的。飯煮得也夠軟熟，不過吃不到有玄米的味道😂然後點了甜品瑞士巧克力奶凍，味道還不錯，不過我自己是喜歡甜甜的夠牛奶味的，所以就會覺得這個不夠甜了。埋單2知人共122元，價錢經濟實惠，食物質素不錯。

辛苦OT完，難得老公有空等埋我食飯，但時間關係我們選擇了這間！ItaMoMo Cafe 既選擇都算多，有比薩、有焗飯、有意粉、有小食、意大利飯......相片都幾吸引！老公幫我叫了【法式紅酒香茅燴牛肋條(配珍珠飯)】，味道還可以，正常沒有驚喜，但勝價比高。他就叫了【米蘭原茄烤豬扒焗珍珠飯】，味道也是正常沒有特別，豬扒較淋沒有口感，最欣賞係芝士夠多，因為我好都幾鍾意食芝士，老公將佢既芝士比晒我，哈哈哈！好開心啊！整體黎講，味道屬正常，而且價錢好經濟實惠，咁既價錢仲要係免加一，所以我們覺得好抵食。

次次黎Itamama食晚飯，我都係叫三文魚炒飯，係好味，因為炒得乾爽。今次光顧，本來想試下其他選擇，點知中伏-牛肝野菜汁烤雞小鍋($49)。奉上枱，不過是一盤香白汁雞肉飯，但牛肝汁太鹹味，都係鹹。雞肉切太大件，女仔唔係好咬得開。雖然白飯好大碗，但係同雞肉比例唔balance。 最後我都係食左兩件雞就算，因為真係好鹹。媽子叫左個帆立貝海鮮龍蝦意大利飯($56)，risotto食得出用龍蝦湯整，雖然龍蝦味重，又係鹹，海鮮都有青口、蝦，質素普通。今次食評負評只係針對烤雞，餐廳其他食物都係ok。

喺屋邨食有咁嘅質素，已經算係好好。起碼俾屋邨朋友，用較實惠嘅價錢🤗，食到真係似意大利菜嘅食物都算唔錯。見到都幾多一位嘅人士嚟呢度食，門口排得太多人啦，等得較耐嚟呢嘅機會可能會少啲，但好味都值得一等嘅…😄我哋當日有帶BB🍼，所以入坐時BB車要放喺指定嘅位置，先可以入坐嘅。旁邊仲見到不少用嚟買餸嘅手拉車仔，因為呢到剛好樓下就係街市，上嚟食完個下午茶就可以去買菜🍆🐟，非常方便。食物方面，個特濃蕃茄湯好重香草味🍜。而個忌廉煙肉菌皇意大利飯，煙肉嘅關係味道比較燶。 活蜆魷魚圈香草忌廉意大利飯， 每隻蜆都係原隻連殼冇甩肉嘅，相比有煙肉嘅意大利飯未到就較為淡少少，但味道係算適中幾好味😊。

今日搵阿爸阿媽食飯，唔想成日去飲茶，佢就帶咗我黎食意大利餐，係意大利快餐！位於商場裏面非常多人，街坊生意，價錢都幾平，午餐時段需要等位，等左15分鐘左右就有啦老豆要食肉叫咗一個牛扒，牛扒有手掌咁大，配菜仲有飯，啱晒啲男人！牛扒略為老了一點，熟了一點，一分錢一分貨老豆都好滿意阿媽揀咗紅汁牛腩飯，湯汁太鹹，肉質又係太老，最後都要叫侍應換過一個，不過換返嚟都係一樣，都係算吧啦我叫左個集菌海鮮燴飯，恕我直言10分難食. 整個飯就只有鹹味，不停飲水，海鮮又唔新鮮，當然知道係雪藏但係啲蝦係梅的，啲菇又唔入味有陣臭菇味係呢個雞亦正常好多，熟到啱啱好味道都不錯正如之前咁講街坊生意街坊口味街坊價錢，普通街坊應該覺得幾好，但係我寧願都係食貴DD

早上去到黃大仙廟拜神，完成後肚子餓餓的，便決定去意八醫肚。中午時分，人流漸多，但等位不用太耐，5分鐘。有午餐定食，包餐飲或湯，都只係$40多，好抵食。我們一行3人，要了千島甜蝦比薩，米蘭甜茄烤豬扒飯，百里香烤雞飯。首先送來的是玉米忌廉湯，讓我們在等待飯餐也不用太餓，很貼心。玉米很多，唯懷疑落了味精，渴湯後有點口乾。比薩很滿意，沒焦黑，芝士很多，4塊比薩也有蝦和 橄欖。我們都很滿意這比薩呢！人均四十多元，價錢合理，回頭率很高！

Itamomo 意八呢間嘢，開咗係黃大仙都好多年時間啦 屹立不倒總有原因嘅🧐小編久唔久就會去食，今次嗌咗個香辣欖油煙鴨胸炒天使麵加杯牛乳抺茶啫喱冰冰🤤鴨胸炒天使麵 唔太辣 有啲雜菇 鴨胸肉份量足厚切亦肥美 簡直係啖啖肉啊麵身都幼滑 落咗茄汁煮 所以有微微嘅酸 十分開胃牛乳抺茶啫喱唔記得影相 但超級好飲！好香濃嘅茶香同花奶味 配搭檸檬味啫喱 好fresh好match 好清新！！！最重要嘅係 個麵可以半價加飲品！姐係杯嘢飲只係$11咋

意八嘅天使麵真係好好食，今次試咗個香辣鴨胸炒天使麵，就算唔食得辣、但又想食少少辣過吓癮嘅朋友都可以揀呢個！因為因為其實佢只係好少辣，不過炒得好香，加埋鴨胸、青椒絲，非常之惹味！

意八平價西餐之選想下午茶嘆番個意粉，又或者焗豬扒飯，首選一定係意八！下午茶平價得尼，份量有大大碟，而且食材新鮮，真係唔錯嘅選擇！晚市西式飯麵鐵板扒餐都有，小食飲品選擇都好多！最緊要係價錢平民！