意壽司-心意之日本料理

营业中

休息中

是日同HONEY一齊放假，去左荃灣行街之後HONEY想食日式野，去到海霸街，行行下見到哩間外表精簡，價錢不太貴的意壽司同HONEY相量下，點左胡麻冷柏葉 柚子唐揚雞 鵝肝和牛粒石頭飯 帶子蟹膏刺身 雪酒煮花甲胡麻冷柏葉胡麻冷柏葉真的初看佢系好普通的一個小食，但食一口時，真的估唔到好夾，冷柏葉爽脆，加上胡麻汁，真的好開胃的小食， 帶子蟹膏刺身  帶子蟹膏刺身哩個小食，見到好多人都點，所以也忍唔住點左來食， 帶子加上香濃的蟹膏，加埋蟹子，真的一口好滿足，柚子唐揚雞柚子唐揚雞見到大大舊的雞，加上柚子SAUCE，真的唔會有油利的感覺，雪酒煮花甲哩個真的值得推介，大大隻好多份量的蜆，加上日本酒味重的湯底，另外也有埋娃娃菜同埋粉絲，真的食到想要埋一碗飯哈哈鵝肝和牛粒石頭飯HONEY話做人要有飯氣，所以點埋鵝肝和牛粒石頭飯，和牛粒真的好多，粒粒有肉味，另外鵝肝甘香，加埋石頭飯，真的好好味，店舖真的好有人情味，見到店員和食飯的客人打成一片，有談有笑，同埋店員的服務真的一流，在現在的飲食中，都好少見到有咁有人情味的餐廳了，值得再去~~

因為疫情關係，寶寶唔俾我食生野，我已經好耐冇食過日本野喇🥺今晚唔理咁多，一定要食返餐先❗️因為今晚寶寶差唔多搞到八點先有得放工，所以最後都係揀返喺附近食❣️最後就揀咗呢一間要排隊食嘅日式料理🤓咁嘅時勢仲要排隊，都唔會差得去邊😏等入坐期間，喺門口睇左一陣餐牌～除咗好抵食嘅晚市定食、二人餐、四人餐之外，連單點都好多選擇❣️刺身、壽司、卷物、手卷、沙律、炸物、串燒/燒物、鐵板、炒飯、鍋物、拉麵/烏冬，仲有各種各樣嘅小食❗️應有盡有，總有幾款啱你心水，可以滿足晒全家人嘅胃口😎 啲嘢食唔單止平，仲係全年365日都係免加一嫁❗️❗️❗️咁啱坐喺我哋附近果幾台都明顯係街坊客😲見佢哋食得好溫馨好幸福呀☺️☺️.仲有外賣set🤩和風日本溫室蕃茄 $32大大個新鮮蕃茄配以切得好細嘅洋蔥粒➕清爽柚子沙律❗️入口酸酸地，咬落冰涼爽口，非常之適合做前菜❣️.帶子蟹膏刺身 $65今年都好多日式餐廳都鍾意將帶子同埋蟹膏放埋一齊🙈 變咗一款新食法咁～帶子新鮮清甜😍 蟹膏嘅味道唔會太過濃烈而蓋過帶子嘅甜味，兩者平衡得好好👍🏻仲加咗啲蟹子增強口感，有幾有heart喎🤓.聽到店員介紹，話呢個係佢哋嘅皇牌，即刻諗都唔諗就點嚟試吓➡️鵝肝和牛粒石頭飯

成日見到呢間日本野好多人，今日終於一試，疫情底下生意似乎無受影響，都要等一陣先有位😗見到menu有好多創作料理，例如呢個帶子蟹膏刺身，帶子肉厚厚的，夾住新鮮蟹膏仲有蟹籽，一啖擺落口好滿足，口腔充滿各種鮮味，正~胡麻冷柏葉，牛柏葉意想不到的爽口彈牙，無需花太多氣力咀嚼，蘸上胡麻醬，酸甜開胃醒神👍🏻 相信背後必定花了不少工序製作，才有這樣令人喜出望外的口感😗👍🏻鵝肝和牛石頭粒飯，未黎到我面前已經聽到熱辣辣的滋滋聲，來到面前更是香氣撲鼻，先一口吃掉鵝肝，充滿脂香，和牛粒非常好吃，不會有筋位，爽口嫩滑，每顆和牛還有肉汁😬 燒肉汁很充夠，吃到最後也有充足的汁配飯，不怕吃到一半不夠汁。這個飯應該一個人吃，不要跟別人share 🤣小食點了和風燒烤菇，想不到原來也挺大的，店員細心地切好了四件，讓客人方便進食，烤過的大啡菇最好吃了😋 伴著葱花和蟹籽，清新爽口怕不夠飽還點了一客三文魚卷，想不到這家小店的卷物也做得挺好，不會鬆散，而且魚生也新鮮，不過略嫌沙律醬太多，少一點就好了

趁呢排唔洗返學，就梗係外出食好西嘅好時機，近近地選址荃灣福來邨附近，由於近邨屋同埋工業區，所以都幾多食市林立，有人等位排隊，實有返咁上下實力~我地今日食日本野，等咗四五張枱先入得，等候時間不算耐，大概十五～二十分鐘就有枱，地方不大，坐得比較親蜜，但非常爆場。今次我叫咗帶子蟹膏刺身做頭盤，帶子厚身又新鮮，配埋份量十足的蟹膏和蟹子食，集咸香和鮮味於一身，幸福滿瀉跟住就係愛人最愛的火炙壽司，叫咗兩種三文魚款，分別係三文魚腩壽司同三文魚醬油漬壽司，三文魚腩炙燒至微焦，淋上芝士，鮮味十足，外熱內暖，而火炙三文魚醬油漬壽司較小見，雖是漬物，火炙令它更美味，一個不錯的嘗試~主食叫咗一個矜貴配搭，鵝肝和牛粒石頭飯，上枱時香煙裊裊，＂炸炸＂聲不絕，迫不及待就要品嚐，鵝肝不太油膩，較乾爽，和牛粒也大粒有厚度，牛味濃郁，入囗軟腍香糯，無筋也不肥。個飯做咗炒飯底，配上香甜醬汁及石鍋的熱鍋效果，熱辣辣之餘，仲有微微飯焦，飯粒炒到粒粒分明，拿捏得恰到好處。再來係雪酒煮花甲，雖然酒味在煮制過程蒸發不少，但仍有小許酒香和辛辣，花甲又大隻又鮮味，而且粒粒飽滿，用雪酒烹調過後鮮味更昇華，仲有晶粉同娃娃菜墊底，索晒D精華。

這店子位於荃灣海霸街，不經不覺已開業6年了，價錢大眾化，全年免收加一，不收開瓶費和切餅費，街坊們熟晒地埗，所以經常爆滿。今晚沒有吃壽司，而是吃了幾個店子廚師推介菜式，味道很不錯。【帶子蟹膏刺身】4粒鮮帶子刺身橫身切開，夾著鮮甜蟹膏，外邊還上些蟹籽。一口便可以嚐到帶子和蟹膏的鮮味，感覺超正!【胡麻冷柏葉】牛柏葉好爽好腍的，下面還有些青瓜絲，配上日式胡麻醬一起吃，好好味!【雞軟骨】雞軟骨唔油膩，粒粒卜卜脆，有咬口。自家柚子醬味道清新，可以中和雞軟骨的熱氣感。【鵝肝和牛粒石頭飯】這個石頭飯不可不吃，因為非常好味。和牛粒好腍，味道濃郁。炒飯底加入鵝肝碎一起炒，所以特別香。另外，飯裡面是有一片鵝肝的，入口即溶。成個飯是A級推介!【黑松露醬焗金菇】金菇好爽口，加入黑松露醬令到本身沒有味道的金菇，立即昇華起來。【蒜蓉燒茄子】原隻茄子燒完之後變得軟軟腍腍，入口立刻溶化。蒜香、蔥化、熱油配合燒茄子，是很好的配搭，令人一吃難忘。

荃灣真係個好地方，比啲心機就會搵到好多平民價但有驚喜既餐廳！就好似呢間咁！話說近期市道因為疫症所以都幾差，但呢間小店竟然係下午茶時段都差不多半滿。先點壽司三文魚腩壽司帶子壽司兩件都係非常非常平民既價錢，但可以見到上面既刺身一啲都唔孤寒，都幾大舊下！兩刺身都ok鮮甜，呢個價格黎講認真唔錯！呢個刺身丼咩名堂我唔記得啦，但價錢都係好實惠既。不過呢個就略嫌少啲，部分刺身都唔算十分新鮮，本人冇咁推薦啦。牛柳粒鵝肝石頭飯哇哇哇！我係為左呢個而黎個飯即叫即整，超級熱。仲好有心機，個飯底係炒飯黎，成件事好香口牛柳粒都幾林幾好食！鵝肝就中規中矩啦。再撈埋啲醬汁食，非常好食必須enocre!!然後就再試埋啲小食炸野都係即叫即整，好食最後呢個係芝士軟殼蟹卷又係即叫即整，個心係熱架!!一啲都唔偷工減料，整體味道不錯，可以一試！

是日好攰無胃口, 是但入一間餐廳拿拿聲食完快走系列,比平時食開既細粒, 嫌不夠熱蟹子壽司紫菜仍脆口呢個燒茄子有驚喜!蒜蓉份量多, 茄肉滑滑,另外, 平時去串燒店食燒茄子,都一定燒到個茄皮焦哂, 只係食到茄肉,但呢間燒完, 個皮仲係靚仔紫色, 食得到架!食完快D返去瞓zZzZ

壽司定食份量好多，一客有五件三文魚壽司同三件炸蝦卷物，而且size絕對唔細👍我最欣賞個火炙三文魚腩壽司經火槍燒過既三文魚腩更加突顯到個魚油香，食落感覺唔會好「漏」😋而個炸蝦卷物表現正常，面頭嘅沙律醬同個卷好夾，大路之選壽司定食仲會跟個迷你湯烏冬通常壽司定食個烏冬都係無咩期望，只求填飽肚子但今次呢個做得幾認真，配菜仲有一塊叉燒同蟹棒tim😍叉燒係平時食拉麵好稔個種，搵筷子夾一夾已經可以夾斷烏冬方面好彈牙，配埋個湯底同叉燒一齊食真係唔錯，以六十零蚊黎講真係超值👍🏻.鯖田魚便當份量亦都好豐富，仲有蟹子沙律、炸雞翼等燒鯖魚係即叫即燒嘅，所以送上嚟嗰時仲有啲熱氣泡「咇」出嚟😱鯖魚個外皮燒到好香好脆口，入面既肉質唔會話好「鞋」再配埋個酸酸美味嘅醬汁同埋新鮮嘅檸檬汁一齊食，味道真係唔錯，成個感覺好Fresh🌿雞翼炸到外層幾香口，以送嘅小食黎講表現不錯蟹籽沙律方面略嫌沙律醬唔太夠，所以感覺有點單調🙈中間的泡芙口感軟淋淋，如果脆多少少會更好🤣.💬整體感覺係用心經營既小店，價錢唔算太貴之餘，款式同用料都好豐富，會再黎試下其他✌️

Lunch time過黎試下呢間日式料理店,系oprnrice見到甘多好評,所以就黎試下好唔好味～未入門口前,已經系出面窗見到爆曬場,所以都有d期待感,因為隔離都分別有一間日式同韓式料理,都無呢度甘誇張。入到去因為爆曬場,坐既位置都吾算特別舒服,不過無所謂啦 都可以接受既。見到Lunch menu都幾多野簡,價錢都吾算太貴,分別叫左三文魚炒飯,牛舌石鍋飯,兩款特色壽司(三文魚&鰻魚),仲有我最愛既天婦羅蝦壽司。食完之後勁飽！三文魚炒飯7/10賣相正常,味道不錯,吾算太油,可以更好牛舌石鍋飯7.5/10牛舌好軟,流心蛋賣相一般,味道幾好食,但係汁唔係好夠。三文魚&鰻魚&天婦羅壽司8/10賣相當然無menu圖甘靚,味道還好,對得住個價錢回頭指數6/10

再一次黎食 試下個溫泉蛋吉列咖喱豬扒飯($46) 凍飲 加2蚊溫泉蛋係完全流心，攪落d飯到，十分岀色！而個豬扒唔算大塊但係咬落好諗身👍🏻 D炸粉都啱啱好👍🏻食落唔會熱氣而個咖喱汁係日本咖喱唔辣的，甜甜地，幾好食😋

午餐好多人排隊，要齊人先入到座嗌左 帶子蟹膏魚生飯 ($68)好快就會送餐！魚生份量份小、薄，有點失望但係帶子就幾厚，入面仲夾住左蟹膏！一口咬落去，好滿足呢！飯既份量都幾多，所以都食得飽既~

今次係屋村附近都搵到一間性價比幾高既小店，星期六LUNCH時間、大熱天時都有唔少人排隊等候，就估到有幾吸引。小店主打日式料理，不過偏向港味既日式料理，唔正宗，但我個人覺得都唔錯。午市套餐有好多款式，壽司、丼飯、烏冬、連石頭鍋飯都有!! 大部分價錢都係$5X-$6X，包一杯餐飲。芝味咖哩雞石頭鍋飯石頭鍋上枱果陣非常熱，芝士瞬間就溶左，仲可以拉到絲添~~呢個飯一D都唔馬虎，用上金黃色既炒飯底；炸雞有4大舊，肉質唔會好實，食得過； 火炙壽司定食壽司共有8件，其中三件係卷物；卷物炸蝦已經唔脆，相信已經放左一段時間，賣相亦一般，味道正常；由於呢個餐係朋友點既原因，我只係試左其中一款火炙三文魚壽司，三文魚相當肥美，入口充滿油脂，我個人覺得唔差。定食中包含一碗迷你烏冬，烏冬麵彈牙好味；叉燒亦煮得夠淋，脂肪位亦唔會覺得膩；不過整體叉燒同湯底都偏鹹。餐牌中仲有好多款都想試，下次有機會一定會再黎。

同朋友一齊去呢間受荃灣街坊歡迎既日式料理店~位於海壩街，非常方便。不過由於店面太細， 座位同坐位之間好狹窄，如果有bb車既食客就更為不便。但係一坐低，見到個餐牌就令我同朋友兩眼發光~因為有19款晚市定食(主食+1款小食)，而價錢就由$65-78，如果要加飲品就加$5溫泉蛋豬軟骨野菜鍋配白飯$68呢個鍋既湯底係好香既豬骨湯熬製而成，絕對喜出望外!而豬軟骨味道好夠，份量都唔少。先將溫泉蛋撈飯再配鍋食，認真唔錯~溫泉蛋蒲燒鰻魚石頭飯$78首先要讚讚，石頭飯真係用石頭鍋上架!之前食過一間日式店既石頭飯只係啅頭，令人失望。而蒲燒鰻魚嘅鰻魚一啲都唔腥，唔會整到好，韌口感適中，配上燒汁，絕對同日本食到既水準相同呀～火炙壽司(1份3件) 隨餐附送的小食三文魚壽司x1蟹柳壽司x1玉子壽司x1味道唔錯!

今次食呢間係朋友以前係荃灣反工嘅飯堂，但自從無係荃灣反正之前就已經好耐無食過喇!首先位置唔算太方便，地鐵站或西鐵站都要行15分鐘左右，雖然呢到主要係做街坊生意，但我地去到嘅時候都要等位，不過好彩今日朋友訂左位，先唔洗等咋。我地叫左幾款刺身同壽司，另外仲叫左個日式牛肉野菜鍋定食刺身：三文魚、赤蝦、北寄貝三款刺身都好鮮甜，三文魚肥美赤蝦肉質結實火炙三文魚壽司一樣都係咁肥美鵝肝壽司上嘅鵝肝入口即溶，甘香，真係好值得推介另外就係日式牛肉野菜鍋定食配花之戀+白飯呢個定食真係好抵食。牛肉鍋其實有啲似壽喜燒，甜甜地，花之戀的三文魚同樣新鮮

是日晚餐。我叫左滑蛋吉列豬扒飯，一坐低，員工已奉上綠茶，服務周到。滑蛋吉列豬扒飯份量十足，吉列豬扒亦好好味，滑蛋算是高質素，環境較窄，但性價比高。值得大家嘗試。