意大利餐廳

营业中

休息中

平安夜黎到比較浪漫既黃金海岸同愛人食個晚餐，黎到就見到餐廳入面全新裝修及格調吸引，加上平安夜點都要食西餐先叫貼題黎到有條人龍仔，證明食物應該有返咁上下水準，為左食好野，比少少耐性忍耐係值得既入到室內，高而闊落既樓底充滿空間感，同時我已經比侍應手上既豬仔骨吸引我地叫左兩杯啤酒，香蒜蜆肉扁意粉，海鮮拼盤同豬仔骨意粉唔會乾身，保持到合適油份，香蒜十足，整體嗅覺味覺都好滿足海鮮拼盤入面有魚，軟蓋蟹，蝦，魷魚，香口美味，送酒一流燒豬仔骨外脆肉滑，肉質幼嫩，份量十足我地兩個細到捧住肚走，而且價錢合宜，平安夜大滿足

今日同屋企人決定嚟呢間意大利餐廳食下好嘢食～一間位於香港黃金海岸嘅餐廳裝修得好靚，有啲歐式風情，見到都好掛住之前係歐洲嘅生活😢入到去坐嘅時候都見到有唔同種類嘅嘢食～我哋三個人就叫咗一份baby rib同一份香蒜意粉，其實三個人都幾夠食，因為個baby rib都好大份，但係價錢都唔算好貴，所以都幾抵食～個baby rib同平時喺出邊食嗰啲有啲唔同，佢嘅肉質比較腍，啲骨同埋肉都好容易分離到，食起上嚟都比較方便，而且個BBQ醬好香好好食，啲薯條都好脆😍香蒜意粉就比較有少少辣味，亦都好香蒜味，同事都有好多蜆肉，真心幾高質！所以之後想食歐洲風情嘅嘢都可以嚟呢度，環境又唔錯嘢食又好食😍

見天氣稍涼，去黃金海岸行下，同專登嚟Resto 食晚飯。未夠6 點入去食，因為晏d人多, 枱與枱之間好迫⋯好耐無飲佢嘅朱古力奶昔，專登叫嚟飲。 但好甜⋯Iced Cappuccino 就正常味道。專登嚟食佢嘅蜆肉意粉，意粉仍然好味 只係蜆肉太瘦～叫左個夏威夷pizza (Hawaii Delight pizza) 中size 薄底，味道ok海鮮Risotto 味道ok , 反而雞肉串燒 （chicken satay) 肉好‘鞋’，個醬汁麻麻，可以唔食 食食下開始多人，waitress 一見食完就即刻收碟，坐多一陣都無可能 ⋯⋯咁耐無嚟，價錢費左就一定，但質素真係不及以前，又要趕住走，短期內都唔會再嚟食了～

唔知點解咁多好評！星期五晚點了二人餐，野菌pizza數到有幾粒菇，沒有其他料，只有芝士！餅底又唔係薄脆，唔係鬆厚！個西冷牛扒仲差！三分一係肥膏，五成熟都搞到咁鞋！真係佩服！一次算！點會有下次呢！唯一salad係ok既！餐湯，茶餐廳既羅宋湯仲好飲！

去年開始，生日節目是在香港的酒店渡過，今年選了黃金海岸酒店，有家人陪伴，海景，沙灘，從凌晨到晚，眾多朋友的祝福訊息，紅包，蛋糕，足矣。最後當然少不了來頓美味的晚餐，從海水裡玩了兩個小時出來，我們都已飢腸轆轆，最後選擇了在黃金商場的義大利餐廳。室內已滿座，當晚氣溫只有20幾度，涼風習習，我們坐在室外，人流不多，頗有度假感覺。首先登場的是海鮮披薩，我們要的是Thin & Crispy 的餅底，芝士和海鮮份量都很大方，芝士拉絲，吃到條狀的新鮮魷魚，很快被瓜分完畢。再來的是醬烤豬仔骨，才129塊，份量比澳洲或者美國餐廳的份量更大，但價格卻只有它們的1/2，甚至1/3醬汁很濃但並不咸，肉質烤得非常酥軟入味，小姪女大讚好吃，連老爸也讚不絕口。伴碟的炸薯外脆內粉，老人家小朋友都大愛。老媽最愛牛油果，所以選了香芒大蝦牛油果沙拉，材料新鮮，醬汁開胃可口，唯一美中不足的是牛油果還沒熟透，竟然是脆的，像青泰芒的口感。紐西蘭青口是餐廳的Signature Dish, 有別於常吃到的白汁做法，這裏的做法是泰式，加了辣椒和蒜蓉，微辣香口，吃得到的鮮味最後上場的是烤牛肉千層麵，同樣有我們都愛的芝士，但麵的份量偏少，

香港黃金海岸係近沙灘所以好多人都想過黎慢活一下😻餐廳種類雖然唔多有d店舖價格也較高而這間西餐廳店性價比不錯👍🏼Ribs 佢肉嘅比例都唔會剩係得啲骨而且佢嘅醬烤汁好味卡邦尼 佢意粉嘅口感還可以 以佢嘅味道個人認為唔夠香芝士味唔濃 可以再好啲炸魚薯條 魚嘅肉質唔會鬆散炸粉吾厚👍🏼而且薯條真係熱辣辣飲品方面選擇都多有milkshake mocktail cocktail 等 三款我哋都有點 我同三五知己去飲杯野傾個計係一個幾好嘅選擇佢嘅份量都好多 細食嘅朋友 一人叫一個主菜應該會食唔晒

自己住喺附近咁耐都仲未試曬黃金海岸商場所有餐廳。 見今日有時間，六點就嚟到喇！有少少落雨所以都唔係咁多人，本來去咗隔離中東餐廳，跟住發覺好似快餐店🙄 就行返出嚟😌成日行過呢間意大利餐廳裏面都好多人，於是入去試下啦！兩個人唔食得幾多嘢,不過預咗要打包㗎啦。首先叫咗個青口， 廚師用好多材料去炒呢個青口。好惹味！好香！呢個好食非常推介 佢配嘅蒜蓉包，點埋啲汁食一留第二樣叫嘅就係蟹肉意粉 🍝好好食好多蟹肉 🦀seasoning做得啱啱好好耐冇食過咁到位的 🍝比個Like 個chef！去意大利餐廳當然要試佢嘅pizza 🍕嗌咗最典型嘅至尊pizza 厚批。因為大碼同中碼差20蚊，所以我哋都係叫個大嘅，食唔曬打包返屋企。 但係呢度嘅pizza比較遜色 做得麻麻地....希望佢哋繼續努力。順帶一提今日見到個後生鬼仔乜都唔識，唔知係學生定係新請，不過好靚仔

一班朋友去左位住黃金海岸附近既朋友屋企，本來想bbq。最後太趕book唔到，於是只好叫外賣，試下呢間野。7個人叫左1）炸雞翼 （4/5）- 成盆雞翼，份量十足，好味！2）pizza （3/5）- 全晚最無驚喜食物，不過都幾好味3) 炸尤魚圈 （4/5）- 尤魚香趣可口，配埋他他汁一流😋4）燒雞白汁意粉 （5/5）個人意為最好食既食物。白汁有cream又滑，燒雞好入味又香口！5）燒汁豬肋骨 （4/5）份量好大，同pizza做combo套餐，抵食！全餐咁多人都係$140per head.仲要食淨一半，下次開party encore!

星期日冇節目同女朋友由三聖沿著海邊步行到黃金海岸 行來行去每間餐廳都充斥著人流千挑萬選 揀左呢間餐廳因為想食pizza充被人家pizza 吸引進去～果然冇揀錯 叫左個秘制雞肉pizza 醬汁係用左少許酸辣醬我一個人食左四分三個 餅底夠脆口芝士味厚材料夠份量～～😽😽因爲食中午餐🥣我地叫左兩樣野仲有個沙律🥗 烤牛肉好香口 肉質好夠味 沙律夠多元化 有牛油果🥑蛋 香葉 蕃茄仔～仲有脆煙肉感覺好fresh 仲叫左一杯ice coffee 一杯hoegaarden咁就享受了一個下午值得推薦餐廳

bad experience! pizza very few ingridents and taste normal. And most important the large size should be 14 inches but actually just around 12 inches. I ask the staff and they replied impolitely and just claimed the dish size is 14 inches. Ribs is also dry and tough!

之前已經去過黃金海岸, 但這是第一次夜晚時分到來...隨意逛了一逛後便開始選擇晚餐的地點, search完一輪後選了我們都愛吃的西餐。由於進去前已經在門外瀏灠過餐牌, 所以就坐後隨即可以點菜：這家餐廳價錢以意大利菜來說不算昂貴, 每道菜大約100元上下, 我們照平常的習慣點了一份意粉和一個pizza。第一道是簡單之餘又符合我們口味的香蒜蜆肉扁意粉, 首先扁意粉的質感合格, 是我們喜歡的軟硬度, 而且意粉也算入味, 有蒜香味之餘也帶香辣的味道。 唯一失色之處是蜆肉令人稍為失望, 因為蜆肉較細粒而且不夠新鮮, 甚至有沒有煮開口的蜆！下一道是秘製雞肉薄餅, 我們點了中批, 有10吋size (小size 和大size 分別有8吋和12吋, 各位可以按需要選擇喔！)相比意粉, 這個Pizza令我更為驚喜！它的材料非常豐富, 批底厚薄適中, 醬汁偏甜但配上蛋黃醬, 整體而言, 每一口pizza都不會有空虛的感覺, 不過10吋pizza對我們兩個人來說亦說大件, 下次選擇細size會比較適合。由於這裡的cocktail大部份都統一價錢在$65, 最後我們貪心地每人點了一cocktai (已經記不清

已經係第二次來，今次係幫朋友慶祝生日(雖然係遲咗一個月)，朋友叫我揀餐廳我就揀咗呢間餐廳，希望佢哋覺得我冇介紹錯啦！呢間餐廳係喺黃金海岸，如果大家揸車入嚟應該都會覺得方便嘅，我哋呢啲學生就唯有搭車去屯門市中心再轉巴士入嚟啦，不過冇塞車好快就入咗嚟啦。 呢間餐廳嘅侍應大部份都係講英文，如果大家唔識讀嗰啲字指住都可以對於黃金海岸其他餐廳黎講，呢一間算平！我自己個人就最鍾意食呢一間嘅ribs,個醬汁好正但係沙律就麻麻哋，鹹左D，如果用黑醋會更加好

今日係去朋友屋企到開PARTY, 順便慶祝一下生日......(又大一歲T_T).......屋主美女廚神唔得閒煮飯，咁就唔好煩啦！都係叫外賣pizza算啦～岩晒一班人食又唔洗諗麻～！！由於美女廚神屋企比較偏少少，以我所知就出名Ｄ既ＰＩＺＺＡ鋪都唔會送入黎。。咁就打去黃金呢間Resto到訂啦~ (其實呢個月第2次食Resto, 上次去男朋友同學入伙飯?都係叫呢間~)上次食過都唔錯～早早打定電話問定會唔會送先～又好好彩真係送喎！！由於有朋友係唔食牛既，所以呢日都無order到任何牛既食物～首先就有Curly Fries $70 啦！唔夠多茄汁同比較乾身，食幾舊已經感覺到自己好熱氣ＸＤ再黎就叫左個Asian Platter, $135有Ｄ咩呢？就有咖哩角，春卷，沙嗲雞串同洋蔥圈其中。。沙嗲雞串又係勁dryyyyyyyyy。。其他３款都幾好食，由其係個洋蔥圈，食落仲有洋蔥生生地先有既刺激辣～再黎就叫左穩陣之選，　Carbonara $125都幾漏同濃味既, 略鹹, 份量都有一個叮得既食物盒, 算ok啦!再叫左個南瓜蘆筍意大利飯 $115唉, 打食評呢刻先記起自己係叫左呢個飯，一路由開盒到食左

Seafood risotto哩個海鮮燴飯賣相唔錯入面嘅海鮮份量唔算多但個人認為都算足夠燴飯食落有咬口 口感唔錯Blue swimmer crab linguine哩碟扁意粉味道唔錯食落煙煙韌韌 如果入面嘅配菜多返啲就好啦Meat love pizzaPizza材料好足賣相同味道都唔錯值得一試

想揸下車去食飯，又唔想太遠話去大縫20分鐘車程嘅黃金啦😃一定有位丫嘛😆其實呢度餐廳唔多，就是但揀間啦😅叫咗一個2人set加闊麵試下先...2人餐有2個湯同2杯汽水湯，類似好稀嘅薯溶質地幾香，幾好味海鮮拼盤炸蝦大大隻，又juicy仲有炸蠔，魷魚圈同薯圈，正👍🏻燒豬骨BBQ醬好惹味豬骨唔靱唔鞋，有驚喜其實2個人食都飽飽地！牛肉醬千層闊麵芝士拉絲㗎😆😆😆😆好香，又唔會焗到乾爭爭最後汁都撈埋😂