意屋

营业中

休息中

我一直都好支持香港小店，小本經營餐廳。 絕對明白得兩個人經營既餐廳係需要等食物，等執枱，等安排入座。 明明無乜人堂食，當你有外賣做梗好忙都唔使完全無視堂食食客！ 等左一排先出黎同我講話做梗外賣，堂食要等好耐，咁我話我照落左單先，唔梗要。跟手又話唔落單住，要做晒外賣先。 咁講咁耐其實係唔想做我堂食生意啦。 咁想做晒啲外賣你不如唔好放枱櫈做堂食！ 等真係唔係問題，但啲態度其差！ 明明有枱，想入去坐又話向出面等陣唔好入黎。 坐低左想叫野食又話一陣先 ，唔好叫住。 我係有俾錢食飯，唔係乞你既。 唔係話俾錢大晒，但我都唔係食你餐飯要受你氣囉！

店主見我倆公婆帶住一個小朋友就唔太想俾入, 坐低後話一定要分開2個人坐, 我小朋友3歲幾, 不可以3個人一齊坐, 都是第一次遇到甘樣事, 又好笑又好嬲!!!!!!!當時6點幾, 餐廳未冇人!!! 好差經歷!

其實之前都食過幾次，對上7月去食連下午茶都唔做，可能因為比人介紹完生意太好？佢地服務態度就一向都麻麻，佢唔叫妳點餐，妳唔好講野住，今日同同事一行三人入到去淨返2張2人台，佢地話佢地唔做3個人，我地呆左🙄 有點無奈之下我地自己就分開坐住先，隔咗一陣另外二台客都食完走了，我地自己再坐返埋一齊，老實講佢地啲意粉味道係唔錯有啲質素，但都唔代表態度可以甘差，有時一間餐廳都要有返正常既服務吧？唔好再話點解香港食市無生意，想撐小店但都撐唔落😪

佢地真係好過份, 上次我同男朋友去食午餐, 有一個伯伯1個人入來食, 另一位男士好大聲叫佢出去等要執左台先入得, 呀伯話好丫~ 出左去等, 當日好大雨又突然好熱出太陽, 呀伯等左十分鐘 最後走左..呢十分鐘期間個男士同女士見到呀伯, 專登唔執張台, 唔比佢入來, 呀伯正正常常面帶笑容, 就係因為佢得1個人, 後尾有2位入咗, 佢就即刻執野.. 我地同場幾個客人都睇到真係好反感。食物做得幾好都無用無品德好快會失敗離場! 

之前見到我當時都排長龍🫣所以沒排今日經過見到唔多人排🍴即刻去試試🍴辣蝦蕃茄大蝦意粉🍝真係好好食微辣🍅好香d汁掛住意粉好入味👍🏻🍴餐湯 甘荀🥕好足料🍴蒜蓉包都好好食🫶🏻香港用心小店、值得支持🫶🏻

－向喜愛幫襯小店的我，見food talk 介紹這間小店，星期三下午三時後帶同80多歲的媽媽，一行三人由黃埔半小時慢慢行到小店，滿心期待一嘗蝦意粉和粟米湯，因為媽媽是蝦愛好者，到達門口有位女士正在等位，並說等待店員清枱才能入座，我便推門通知店員我哋三位，店員說出面等先，一會兒前面位女士入座，我們跟入內，店員突然間說店舖只招待2人，3人不做，當下感到愕然😕正想理解，家人說算吧，比你入去食都食得唔開心，離開前看到店內有十多個坐位，只有2枱各一人客，真唔明點解店鋪會只做2人，如果係就事先聲明，免得令客人感覺難受，係咪talk food介紹完太多人食，所以揀客嚟做最後我哋亦都會繼續支持其他小店嘅😃

和老公於下午5:45分到達餐廳。餐廳內總共有6張細枱(可坐二人), 有兩張用來擺放雜物, 似乎不能坐。另外有一兩位客人在餐廳內, 各佔一張細枱。還有兩張細枱空著, 但於了兩袋外賣碗在上面。即是整間餐廳只有兩個客人在內, 其中一個己差不多食完。員工方面, 有另一位男士在廚房內煮野食既。我們開門話兩個, 有個嬸嬸話要等等, 未能入坐。我己經覺得奇怪，得兩個客人都未能入座?有兩張吉枱喎。隔了5分鐘, 其中一個客人食完走左。我地再開門問嬸嬸, 我地可唔可以入去坐住等, 因為外面好熱, 又有煙味。佢都係黑住面話唔得, 有好多外賣單, 執唔切枱。我地話唔緊要, 我地坐住等, 你慢慢做, 唔會催你。佢都話唔得, 未執枱, 有衛生問題, 唔可以入去坐。我地再話有兩張吉枱喎。佢話佢地有佢地規舉，唔得就係唔得，唔好意思。咩道理！講真, 執張枱要幾耐, 得一個人食完野走左, 一分鐘都執完啦！何況仲有兩張吉枱，放啲外賣碗係度唔知做咩, 俾人入去坐住等都唔得，講埋唔催佢, 佢可以慢慢黎, 都唔俾人入去, 超級唔想做生意。耐何老遠黎到, 唔食好可惜。再等左10分鐘, 終於"放"我地入去。食物方面，叫左意式青醬雞肉

呢間小店真心掂，絕對可以用酒店水準黎形容。😊😊😊😊😊😊😊😊😊😊😊😊😊😊😊😊😊😊😊😋😋😋😋😋😋😋😋😋😋大廚都會出黎同客人溝通，問食物岩唔岩食（我覺得太好喇），呢間餐廳係好有以客為本既餐廳。一定要支持小店。香辣蕃茄尤魚意大利粉辣味岩岩好汁仲要掛住每一條意粉尤魚超新鮮蓮隻碟都要😋粟米湯，夠濃，好香牛油味另人回味用膳期間，聽到隔離枱話佢個辣蝦意大利粉超好食。

本人住屯門，經有朋友介紹，親身黎到小店，值得幫襯😋，我叫左個香辣蕃茄尤魚意大利粉，辣味剛剛好，大廚話蕃茄醬係用每日新鮮蕃茄制作蕃茄汁，唔怪得別有另一番風味支持小店👍👍👍

大年初二的早餐🥰$3x-4x煙三文魚炒蛋熱咖啡☕️滑順絲柔的油花口感，帶著點煙燻的風味與鹹味🐟 質地滑溜，啜到有蛋汁又咬到炒蛋，口感豐富。 炒蛋感覺唔油膩，唔會食到成口油。不過炒蛋有少量水滲出，合理範圍內⭐️📍紅磡青州街💐意屋Smoked salmon scrambled eggs hot coffee ☕️Smooth and silky oily taste, with a little smoky flavour and salty flavour 🐟The texture is smooth, sip the egg juice and bite the scrambled eggs, and the taste is rich. Scrambled eggs don't feel greasy, and you can't eat enough oil. However, a small amount of water seeps out of scrambled eggs, within a reasonable range ⭐️

今個週末咁啱瞓晏咗，平時去開嘅餐廳已經冇早餐食。咁啱經過呢間舖頭，見到仲有早餐食，所以就去試吓啦。原來早餐食到12點，週末可以訓到自然醒再慢慢過去嘆個靚既西式早餐，同埋嘆杯靚咖啡，真係一個愉快嘅開始。裝修有心思，壁畫嘅狗狗好可愛🐶🐶🌟炒菌&炒蛋&紐倫堡腸配蒜蓉包配搭健康，味道適中，唔會太鹹，太油膩。飲品凍齋啡，都幾大杯，cp值高👍👍🌟大啡菇配南瓜薯餅配菠菜炒蛋兩樣都係我媽咪嘅至愛，所以佢就揀咗呢個，味道不錯

食開對面紅磡廣場入邊個間西餐廳，心血來潮上OpenRice 睇吓附近仲有冇其他做西餐嘅餐廳。喺佢哋個社交媒體網頁入邊見到佢哋嘅餐單，穩穩陣陣咁我就揀咗個煙三文魚菠菜忌廉汁意大利粉，中午打電話叫外賣，老闆娘態度都好好，叫我大概15分鐘左右去攞外賣。去到我自己都有少少早，咁就喺門口等咗一陣，中午時間，入邊餐廳坐滿客人，我覺得如果過咗繁忙時間，喺入邊坐喺度食都會幾舒服。等咗一陣老闆娘親自將外賣遞俾我，返上公司打開個盒一睇，覺得個份量對於我一個成年男人嚟講，份量真係唔夠食。如果煙三文魚可以再加多兩三塊，我諗過性價比會比現時嘅更加吸引，因為食開對面紅磡廣場入邊嗰間西餐廳，人哋係比一大塊三文魚扒個客，咁兩者一比較價錢相若，真係會將你比落去囉。味道算OK嘅，咁我都會向公司其他同事推介呢間餐廳，咁都希望餐廳越做越旺，生意興隆。

「意屋」係一間以輕鬆文青風格為主嘅餐廳，佈置舒適可愛，好適合打工仔追求休閑同安靜嘅需要。我哋選擇喺下午2點嚟試下佢哋嘅下午茶。我點咗個蜜糖芥末雞肉漢堡，雞肉好嫩滑，味道適中，份量亦唔會太多，啱晒我哋嘅胃口。我仲加咗$12細薯條，但結果發現份量一點都唔少，厚切薯條，食晒，好滿足。另外我哋都叫咗杯熱咖啡，雖然冇拉裝飾，但咖啡香氣好濃郁，唔會太酸或太苦，飲落好舒服，令人心情放鬆。當時餐廳有一個媽媽同佢兩個約5歲同3歲嘅小朋友。餐廳嘅店員好友善，主動同佢哋傾嘢，好有家庭餐廳嘅感覺。可愛簡單的裝修令人好放鬆，適合忙碌工作後休息的下午。

做完yoga要醫肚，幾個月前發現呢間小店，噚日食完早餐再去運動，質素依然保持水準，即叫即做，現今香港算係難得。廚師應該是店主自己負責，比較容易維持食物質素。已經幫襯左五次。

紅磡新開小店，用餐環境舒適，雖然坐位相隔有點擠迫，但整體氣氛不錯。星期六一點半到餐廳，因為座位少，難免要等位。午餐和同事各點了一客意粉，包餐湯和熱飲。加$12有兩件蒜蓉法包。是日餐湯是甘荀忌廉湯，賣相不錯，味道亦濃淡得宜。剛剛好就是不錯。既然有餐湯，便決定加$12，加一客兩件蒜蓉法包配餐湯。這是屬於脆口乾身的口感，蒜香味不錯，不過個人口味比教喜歡包身軟身一點的。欖油辣椒菠菜煙肉意粉望落清淡，但食入口是惹味的，不過稍為覺得意粉軟身了一點，醬汁和意粉不夠融合。同樣意粉本身口感不夠彈牙，不過茄汁味道調得不錯，混入了意式香草，雖然沒有肉類，但味道很豐富，好吃。早餐和下午茶似乎很多選擇，有緣可再試。多支持香港小店，始終係香港經營小店實在艱難。