意日菜 (已結業)

貪平入黎食左個招牌鬼王地獄手板叉燒, 個menu話係手打的叉燒, 點知厚到咩咁都算, 食落去竟然係咸牛肉咁味, 個湯底同公仔麵無分別, 環境又dirty, 下次入食肆之前我一定會上openrice睇下食評先

我錯啦，我冇係入呢間餐廳之前黎openrice睇下...除左平之外...我諗唔到其他野可以讚佢...我叫左一個叫做磨菇汁石班帶子焗飯...都成$44蚊架...個飯黎到...焗到超燶...同女侍應個塊面係一様既...首尾呼應....有汁個啖飯超咸，冇汁又冇味...我完全平衡唔到...我超錯!!!!!個d坐位窄都算啦...我本身唔肥...但係咁既質素...實在係絕...我好同意另一位既評價....如果唔係呢個位置...佢冇可能生存得到....我亦唔會再中計架啦....

來到旺角搵食，路經此地，入來幫襯吓。時維晚上六點多，原來店內客人都唔少，所有卡位幾乎全部坐滿，只剩下一張卡位，最後都俾我同老婆坐埋。看看餐牌，這店雖名為「意日菜」，其實拉麵又有，意粉又有，有些菜式更加上韓國釜山、濟州等名字，都幾騎呢！叫來兩個主菜，再加錢叫了兩杯特飲。見這裡的小食三文魚只賣$19，雖然對這價錢的三文魚質素不存什麼信心，純粹見到餐牌中的圖片，忽然有衝動想食，價錢又唔係貴，所以咪叫來做餐前小吃囉，想唔到又唔太差喎。一客四件的三文魚是薄切，餐牌上話係挪威來的，雖然未算好肥美，都算ok。湯係一般茶記的必然選擇----羅宋湯同忌廉湯。呢日我地兩個都揀左羅宋湯。呢個湯的味道雖然唔夠濃郁，不過總算正正常常，唔會太酸或者淡而無味。主菜方面，老婆嘅「鐵板鰻魚炒飯」鰻魚份量既少，又飯還飯，魚還魚，不單止飯太乾身，而且食到一半鰻魚已經差唔多食晒，就算鰻魚飯本身味道未算好差，都絕對係唔合格的出品。我嘅「焗芝士白汁雞皇芝士腸長通粉」相對較佳，起碼雞肉同芝士腸夠多，而且有芝士白汁撈勻長通粉來食，點都有d味道，就算芝士白汁較稀，都比「鐵板鰻魚炒飯」好一d。兩杯飲品因為係特飲，所以都要加錢。其實呢度的

外貌不俗！不過唔可以太相信佢個樣！我被佢呃左！首先黎個餐湯！淡而無味！鐵板照燒豚肉炒飯既豚肉好韌焗芝士千層面不過不失吧!最後就三文魚！放入口唔知自己食緊乜=__=

行通女人街,見到入面好多人,稔都會幾好食..點知..............................餐廳推介,芝士拉麵...(係餐廳推介,唔係我推介...)入到去又逼又嘈 (係呢到好多十八,廿二 90後)我同Honey 2個人叫咗個照燒雞扒拉麵加芝士 / 滑蛋豚肉石頭窩飯/忌廉蟹肉薯餅照燒雞扒拉麵加芝士~好多芝士,好"漏" 雞扒帽都係得芝士味滑蛋豚肉石頭窩飯~一般,不過不失忌廉蟹肉薯餅~ 唔睇餐牌都唔知薯餅裡面係忌廉蟹肉,得一pat 漿****下次請都唔去****

一推門入去呢間鋪頭就心知不妙環境迫不特止，啲渣汁機加上環境既嘈雜聲令我煩躁waiter工作態度散慢，餐紙餐牌「呢啡」雖然食物選擇都幾多下最終都揀左個照燒吉烈豬排炒年糕黎左個羅宋湯，賣相已經不好佢仲要碗疊碗咁上菜，碗碟骯髒，扣分炒年糕到，一看之下，e，都ok喎好似，就抱左個希望都不過不失啦：）士多啤梨綠茶，我唔知道佢混合左啲咩東西係入面點解可以難飲到咁…唯一可以講既係，有咁既價錢，就係咁既質素

再次踏上女人街 搵食之旅...本來想食日本菜 但因為花多眼亂加上價錢頗貴 於是亂打亂撞下入到來呢間...入到來先醒起 朋友講過 女人街入面有間意x菜 麻麻地..唉但我已經入左來 想走都唔得...仲要坐得勁入.... 咁心諗算啦 還死店死 都係一次jei.. 難食極搵笨極都係一次環境裝修都ok@_@ 但間野有d迫...基本上我咁肥既人想係入面轉身係好痛苦既事..再加上我咩住個大書包...真係步步為營.....另外d 餐具 但台面都比較濕...因為繁忙時間..人手一般夠..但地方細 做既野又多..所以d侍應都急急腳...我見d spoon 同快子 分分鐘係岩岩洗完拿出來.....餐牌上選擇ok 多.. 有炒飯 拉麵 年糕 烏冬 意粉 ....但我第一眼就睇中左寫住既招牌芝士薯蓉千層麵... 另外再叫多碟 3文魚 + 豬扒湯拉麵 (+芝士底)由於跟餐飲平d 所以 叫了 百香果綠茶+青蘋果綠茶...千層麵餐仲跟埋紅湯/白湯好喇為d食物評下分:什菜湯: 水汪汪...味道唔鹹唔淡 三文魚: 細細片 但味道ok豬扒湯拉麵: 配了芝士底, 但其實係將d芝士溶左佢倒落去..但個味重左好多..另外豬扒新鮮

行街行得太晏,又未食野行到呢度見唔貴,D野都岩食,就入去試下啦我叫左個鐵板浦燒鰻魚炒飯,飲咖啡珍珠女朋友就要左個牛肉石頭鍋飯,飲凍檸茶跟餐每人都有個湯,我地都要左忌廉湯忌廉湯:仲淡過水...又唔夠熱鐵板浦燒曼魚炒飯:咁大個炒飯,你就是但放條薄薄的鰻魚係上面,真正的鰻魚還鰻魚,飯還飯...個飯無咩特別,好普通牛肉石頭鍋飯:個賣相幾好,味道都唔錯,都叫有d驚喜餐飲好普通,無咩特別真係未必會再黎了,因為無咩野吸引到我

徘徊在旺角通菜街的幾間食店之間，就是被這間的芝士麵吸引而選擇光顧~鐵板日式海鮮炒飯 $42 - 海鮮幾豐富，不過味道偏淡跟餐忌廉湯 - 一般茶餐廳忌廉湯感覺，普普通通啦手板叉燒拉麵加芝士湯底 $32+$8 - 叉燒幾好食，不過拉麵的湯本身已經夠鹹，但是加上芝士汁之後就變得太鹹跟餐分別加$3和$4就有熱桂花花釀和菠蘿珍珠 - 價錢便宜味道也ok，不過熱桂花花釀沒有攪勻就上枱，不夠細心~

朋友食過話好抵，誠邀我一齊去食單睇價錢係好合理的，但質數都心中有數先講食物海鮮意粉: 心諗呢d應該好穩陣，難食極都有個譜，果然，不算難食，但絕對唔好食，魷魚好似橡筋咁...茄汁什扒腸+蟹鉗: 這個ok，因我中意食茄汁，豬扒同雞扒好一般...有d茶餐廳都好過佢再講環境&服務晚餐時間極多人，門口又有幾位等緊，入到去，座位之間好迫，我坐個位上面係冷氣機，間唔中就滴幾滴水落黎...本想快快手食完走就算，但張檯太細，2碟野黎到就冇哂位擺，點都避唔到滴水位，唯有叫佢清理下d水...個職員都好樂意去做...只係比佢ge大動作嚇親...店內眼見的侍應只有2個，嚴重人手不足，顧得左邊又顧唔到右邊，佢地做野又心急，成日行得好快，有時會撞到d客

朋友講過通菜街有間意日菜平靚正今次行完街就過左去這間意日菜試一試見到隔離台的石頭飯很像不錯....所以我地都叫了一個咖喱吉烈豬扒石頭飯+牛肉石頭飯牛肉石頭飯-----$30 係我朋友點既....佢話幾好味同埋有飯焦,,, 令人感覺真係一個石頭鍋整咖喱吉烈豬扒石頭飯-----好似$36....我覺得初初個半碗好好味...但愈食愈飽就變得唔好味 唔知係未份量太多呢侍應們一般,.....佢地好多野做人手不足價錢真係平既....30幾蚊已經有埋湯,加錢仲可以有野飲

要不是門口的哥仔sell 得不錯，我們又餓了，不想再找，一定不會入這一店的。聽了哥仔的介紹，就點了招牌焗芝士薯蓉肉醬千層麵，鬼王地獄手板叉燒加芝士湯底，菠蘿芒果沙冰和芋香珍珠奶茶。招牌焗芝士薯蓉肉醬千層麵 – 芝士不夠香，還有最討厭的肉醬，深啡一"pat"沒有什麼醬酸味，只有怪而不討好的味，千層麵加了茄醬煮成，口感和味道不錯，薯蓉不錯，面層也有輕輕燒過，不過不燒好過燒，整個有點像 pie & tart 的薯蓉螺絲粉，而pie & tart 的較香濃。鬼王地獄手板叉燒加芝士湯底，這個比千層麵差，芝士味不香不濃就只有鹹，放在拉麵沒有不夾，但就是不好吃吧。叉燒手扳的大? 那當然是女孩子的小掌比例，味道就不過不失，厚身不太韌就是了。菠蘿芒果沙冰是意想不到的高身，都是完完全全的綿，不過兩種生果的味道mix 得不好，每次只飲到一款生果味，而且味道也不夠突出，這個算合格，還有進步空間。芋香珍珠奶茶芋香味不夠，珍珠軟弱無力，就只飲了兩口。此店的確沒有選錯位，因為只有旺角，它才可以生存，其他地方，以這個食物質素和室內裝修，算了吧。其實我的忍耐力不低的，這個對我來說未去到谷底，比這店差的還有很多，不過我不

同朋友報完團搵地方食飯*第二次到來~~因為上次食完石頭飯覺得好味+抵食30幾蚊包餐湯...加幾蚊有野飲茶今次order左個鐵板雞扒飯+焗素菜飯餐湯~~~白湯mama....紅湯會好dd鐵板雞扒飯好味道~~不過焗素菜飯就ma ma...佢個旦白汁令我有d反胃-.-野飲叫左杯芽珍珠奶茶~~~.不錯但當然比不上出面既仙跡岩 or 輕鬆飲 or 貢茶um~~service方面~ok既...要體諒^^"因為佢地人手太小了~

星期日, 行過想食tea, 見d野都幾平, 就試下我地order左芝士白汁腸仔意粉, 茄汁吉烈豬排意粉, d意粉太淋!!!無味!!!無汁!!! (BF煮得好食過佢), 要落cheese粉先食得落實!珍珠奶茶d珍珠生既, 奶茶味道好怪, d奶精唔溶, 一粒粒, 好難飲！食剩好多……….waiter態度散慢有人用垃圾黎形容係正常既…係好平, 但在旺角女人街一定有更好的選擇…從未試過有咁差既用餐經歷!!!真係好差..... 以後吾會再去。

是日六時多到通菜街吃晚飯,其實不算人多所以很多餐廳都不用等位牛肉石鍋飯跟牛肉鐵板炒飯的味道是蠻好的,不過最大的問題出於炸芝士年糕,第一口咬下去,一些似是麵粉/薯粉的傾巢而出,原來內裡根本還不熟透,要留意!