意日菜 (已結業)

據聞這間以鐵板出名，於是就試下這個鐵板照燒雞扖炒飯每個餐都會奉送湯，叫了個羅宋湯，略為濃了些，偏甜。至於炒飯份量十足，幾香，味道不過不失。雞扖口感不俗，滑而彈牙，幾有雞味。可惜的是服務要扣分。叫落單時，店內的兩名落單店員處理好手上工作後，曾幾次互相打眼色後，但仍沒行動，有互相推塘之嫌。總之最後等了頗久才有人理會及落單。

難食到要講粗口！店員態度差都算！完全係一個伏冇下次！！！1. 招牌焗芝士薯蓉肉醬千層麵！擺到上枱完全唔熱可以即食，而且每塊千層麵都有成2-3mm 厚好似餅皮咁，好彩有肉醬係到吊味，如果唔係完全冇味！2. 焗煙肉磨菇汁石斑帶子長通粉 呢碟夠熱不過完全冇味，汁都冇味食左一半完全冇食！3. 每個餐都會跟一碗湯，我選擇左忌廉湯成碗湯得四五粒粟米冇其他料！最後係我寜願食m記都唔食佢！

放假行下旺角，又吾知食咩好，經過尼間鋪門口，見到餐牌上既食物幾吸引，被餐牌吸引入左去，嗌左個 鰻魚炒飯 $49 ，個炒飯無味得d粟米粒有味，鰻魚有陣臭腥味竟然，有點失望。還嗌了個焗蒜茸汁牛扒飯$49，但竟然來了個黑椒汁牛扒........  還好我也吃黑椒汁，沒要緊，飯不錯，但牛扒除左上面黑椒汁有味道，牛扒是沒有味的。兩個餐有湯送，點了忌廉湯，無味，似鹽都無落，又係得粟米有味道。再次失望！還點了杯朱古力珍珠$19，又係沒味道，吾夠甜味吾緊要，侍應給了杯糖水我，但是不夠朱古力味！失望到我立刻結賬了！服務不錯，但味道真的........

一個日式一個意式我地揀左招牌焗芝士薯蓉肉醬千層麵同釜山照燒牛肉石頭鍋飯實行日意全試石頭鍋飯夠晒氣勢 sa sa聲 不過個飯就乾左D千層麵個芝士味好夠但個肉醬有D咸今次揀嘅2個系列都有個湯送**呢到出名在個芝士 所以都建議大家要一試

晚上8時多，與朋友到旺角吃飯，原本想嚐試附近的沙嗲王，可惜要等十幾個位，就決定沿住女人街走，看看有沒有別的東西可吃。沿途見到意日菜的餐牌，價錢以晚市來說都算經濟，而且免加一服務費，雖然都要等位，但比起其他店舖已算是少人，就決定一嚐。店內只有兩、三個侍應，並不夠人手，但店員的態度仍然十分良好，這一點我是十分欣賞的。每個飯/麵都會奉送湯，但忌廉湯有點像味精湯。炒飯份量十足，味道不過不失。

等位等左好耐，差唔多有一個鐘，出面等位又熱又冇chair，入到去，冷氣唔夠大，capacity細，坐既空間好細，肥少少既行出行入都有點困難，但食物OK，有D小食幾好味，野飲就4杯有2杯冇味，我個杯日式沫茶雪冰，完全冇味，綠茶又唔甜又唔苦。但係香宇雪香就幾好飲，上面仲有D杯胚牙。荔枝雪冰都淡味，外形不錯，芝士細滑，可以拉長到很遠，但麵略少，加上薯茸作點綴，一口吃下去，不錯，但與其他餐廳差不多，而旁邊的羅宋湯一般，有點像公仔麵的味精味～yummy.年糕比其他鋪頭既唔同，較林，易chew，有口感，彈性唔似咬緊橡根，煮得岩岩好，再加上D汁，十分好味，至於豬頸肉就普通，同出面食個D差唔多。不好吃，味道麻麻，鰻魚得兩片（太少），飯生硬，配料不多，比起店內其他菜，這個不值得叫比起一田既燒餅更好吃，意料之外，好似係用左D生菜同薯仔整成，皮脆，同朋友好快就食曬，值得一試。$29兩隻，有點貴，但幾特別，豬肉餃子饢係雞翼入面，一口吃，仲有少許雞肉係到，味道一般，加上份量太少，不會再想試

一向支持小店的筆者今日決定到旺角橫街重拾當年讀書時期的覓食感覺黎到意日菜 緊係要叫返個抵食dinner set黑松露牛仔柳意大利飯set $75跟餐羅宋湯細細碗抱的期望亦不會大顏色明顯偏淡 以味精開出的味道較強但值得讚係佢既risotto真係有驚喜飯夠軟身和圓粒 同正宗risotto略有不同但勝在creamy的味道醬汁絕對有得比最愛食落濕濕地 但係唔濟又唔漏口加上滑嫩的牛仔柳呢個飯真係值得一試筆者咁為食當然會加單要返個芝士焗西蘭花 $35意想不到有咁濃厚既芝士味比出面好多芝士焗XXX的菜好食無論醬汁定口感同樣豐富吸引西蘭花食落亦好爽口值得一試!

中午搵新餐廳，在女人街一帶尋找～同事話想試這間意日菜。在女人街內的餐廳，其佈置沒有太大期待，清潔已好足夠。這間餐廳都合格.牆上有些清新的油彩, 都不錯!午餐選擇有17款, $36~47, 有餐湯及飲品. 價錢合理!飲品有不少特飲選擇而且不用加錢, 幾好!雖然門面只有1名男店員,但手腳快,都幾好. 看環境及餐牌後, 都有小小期待.餐湯: 羅宋湯味道偏甜,味道可以. 忌廉湯好似開粉,好難飲石頭煱飯(牛肉)$36送上時,有"炸炸"聲, 加上有隻生蛋伴飯, 賣相對辦! 食落味道十分一般,牛肉鬆化但加了太多梳打粉做成, 不太好. 石頭煱飯(雞)$38同事的煱飯同我的牛肉煱飯同時上枱, 她的沒有"炸炸"聲, 食落飯是凍的,好似沒有煮一樣.要求再做,店員很快安排了. 但是, 對這餐廳已大打折扣~福崗拉麵$37食物擺放太過隨意, 賣相不太吸引! 有照燒雞柳+日式蟹球+蟹腳肉, 味道一般. 麵條淋, 不太好味. 湯底一般.同事點了名字美麗的熱玫瑰花釀及桂花花釀同事評語是~超難飲台式珍珠奶茶這個應是今餐最正常的總結:沒有下次!!

印象中應該係第二次黎, 地方窄無所謂, 如果食物質素keep到都仲ok, 但今次食物質素真係令人相當失望(雖然價錢算抵)!!份招牌千層面同個酥皮湯得個飽字, 入口質感欠奉, 外表雖然可以, 但一試就。。。唉。 。 。飲品越來越淡,好地地一杯奶茶就只飲到水溝糖, 小食刺身唔新鮮, 西蘭花十分普通,賣相不佳。。。唯一令我有點安慰既或者只能係薯蓉, 雖然味道普通, 但外觀仍做得相當有層次不過今次我驚恐既程度真係大過驚喜好多😅😅上碟時發生了一段小插曲, 即係咁, 等左好耐都未有食品到, 後來查知原來俾錯客, 店員知道後竟然從人地張枱原碟直接搬番去我面前, 份食物當時已經有明顯“傷痕”, 果一刻除了苦笑還可以怎樣?! 如果唔介意迫d, 接受到食物質素普通, 價錢ok, 而最重要係同店員們一樣有足夠既接受能力, 呢度都還可以既😶

想食鐵板炒飯第一時間諗起佢，晚餐嚟到有時要排有時唔駛，今次等得耐d，入到去原來裝修左，光左好多同乾淨左，不過menu未換，我依然食番海鮮炒飯，朋友叫左叉燒芝士拉麵，海鮮炒飯好味左，係香過之前，芝士拉麵保持水準，夢幻雪香好味又唔太甜，價錢唔貴又冇加一，下次再嚟不過希望有新menu，因太舊了

其實這家並不是第一次光顧了，之前有時出餐時間偏慢，曾一段時間沒來吃了，今次經過好想再嘗試下會否再這樣，點了個石頭牛肉窩飯同千層麵，另點了兩份三文魚，三文魚竟然比之前食過的新鮮，千層麵比餐湯來得還要快，差不多飲完湯石頭窩飯都來了，個飯好夠熱，本來心想飯同千層出得咁快應該不太熱，但兩個都好夠熱，今次果然沒有選擇錯誤，珍珠奶茶都好大杯，味道ok,價錢非常超值，一定會再來幫襯P.s希望貴公司可安裝上面的燈，因今次覺得冇點暗

在旺角要找一家好食又平的餐廳實在不易。晚上9時多，肚餓了，見到這家餐廳在街上的易拉架宣傳，有「芝士拉麵」這款食品，作為芝士迷的我當然不容錯過。沒看食評便衝入餐廳，發覺環境一般，不算太乾淨。不管了，就點一客「海鮮拉麵加芝士底」及「炸蝦球」。先吃一口蝦球。第一口，覺得還不錯，至少是脆的。吃下去，發覺又乾又吃不出鮮蝦味，$20得來這四粒，不值。及後上芝士拉麵了。湯底與麵分開了。先飲一口湯，只覺味道剛好，不鹹不淡。麵呢？吃一口帶着熔化芝士的拉麵，有點驚喜—麵的軟硬度適中，芝士稱得上香濃。可是，多吃幾口，就會覺得太膩了，於是直接將湯底放入麵裏，又是另一種味道—麵的味道提升之餘，芝士的味道能從湯中散發，變得好味了。至於海鮮，還是數塊急凍的帶子，蝦，蟹柳吧，毫無新意亦不算好吃。這樣就花了$73，若果店鋪衛生能大大改善，枱和椅子看不到銹漬，餐具新淨點，桌子乾淨點，我會考慮再次光顧。

嚟過依度已經無數次 每次都只係會食嗰度嘅千層麵 第1次嚟依度食已經覺得好普通 雖然係咁 但我都仍然會嚟依度食 原因係因為貪佢幾十蚊就可食到千層麵之餘仲會包埋餐湯餐飲今日第一次自己嚟依度食 竟然令我好失望 比我以前喺度食嗰d千層麵真係差左勁多倍 我知道幾十蚊貨色唔可以要求太高 但我真係兩年嚟第一次見依度嘅千層麵可以難食到咁 比起以前d味酸左 d薯蓉完全好似水狀 成pat屎咁 一啲硬身度都無 千層麵亦細舊左好多 食食吓千層麵裡面仲可以bid左d唔知係咪蕃茄汁咁嘅野出嚟 真係～有無搞錯 點解可以差左咁多?平時唔會寫食評嘅我都忍唔住要喺度寫番一篇 希望店長見到之後可以稍作改善 期望下次再嚟幫襯嘅時候可以有番我第1次嚟食嘅水準～

旺角有好多野食，但邊間平靚正呢，心想韓國野，但首爾又食過多次，想試下其他，就沿住女人街搵下，行過路邊，有個 banner, 1個粉麵飯+餐湯+$3有野飲，合共唔過$50，旺角好少有$50一餐，唔洗唸，搵鋪頭，行到門口，都8成坐滿，唔洗等，即入。座位窄，坐落就唔好郁，好易碰到別人 ，馬上看看餐牌，好多野揀啊 ，有烏冬，拉麵，石頭 ，炒飯，還有我最喜歡食既炒年糕 ，全部價錢不過$50,叫了鐵塊牛肉炒飯及豬頸肉炒年糕，珍珠奶茶，朱古力珍珠，還有餐湯整體都不錯，味道好好，價錢實惠，不收加一，$94埋單 ，里間可以列入我的飯堂榜了 ，食飽後，沒有口乾感覺，味精少

路過見未試過，又平平地，就入左去。環境麻麻，係就係暗暗地，但一點情調都談不上，似冇開燈開D。有10幾個lunch set揀，都幾多元化，拉麵，年糕，牛扒，龍脷柳等等。羅宋湯好難飲 從來都未飲過甜既羅宋湯，飲左幾啖決定放棄。意式芝士焗雞扒飯，唔知意式喺邊到，唔通係D茄汁？不過fair D講，＄36其實算係咁。煎雞扒唔嚡，加塊半融既片裝芝士，都算唔錯既。茄汁撈飯都幾好食。友人既紐西蘭牛扒配薯菜，賣相不太吸引。lunch set包埋飲品，有珍珠系列，紅茶／綠茶同普通凍飲。味道普通，但幾抵。