意樂餐廳 (富泰商場)

营业中

休息中

家人加班很辛勞，決定一起吃一頓豐富的晚餐。先來餐湯，一個紅湯一個白湯。白湯是粟米忌廉湯，粟米粒爽口，香甜creamy。羅宋湯雜菜多，味道夠濃。我點了龍蝦湯海鮮湯飯，龍蝦湯十分濃郁，和白飯伴在一起很配合，海鮮有蝦，蜆，帶子，份量十足而新鮮，雖然大大碗也很快吃完。家人點了鐵板澳洲T骨牛扒，醬汁選了黑椒汁，最初看餐牌，覺得扒份量頗為誇張，怎料上枱時，竟然真的是大過手掌的大小，厲害！T骨扒有肥有瘦，最合家人胃口，肉質鮮嫩，黑椒汁濃度適中，還有不少蔬菜和薯條。今晚胃口大一點，加配了半溶芝士伴一口炸雞，芝士很香口，與炸得脆卜卜有肉汁的炸雞完美配合。還有水牛城辣汁雞翼，那辣汁滲入雞翼在口中的豐富和刺激，實在滋味。飲品選了香濃西班牙可可椰子奶，在刺激了味蕾的一餐之後喝一口，好像運動之後喝汽水那麼清爽。還點了泡沫焦糖海鹽，這個泡沫奶特飲，在焦糖香之中帶海鹽鹹味，滑滑的口感，非常特別，一定要試！以這一頓晚餐完結2024年，真的很豐盛，寄望明天會更好！

富泰邨意樂外賣不快事件，副店長呂佩雯態度極差，不願做生意，串串公，無禮貌，餐廳的服務員態度真的很差！我點餐的時候，感覺超不耐煩。希望他們能改善服務，唔怪之得無人會再係香港食飯

今晚又要OT，收工後選擇少了，好在還有意樂。點了一口炸雞配溫泉蛋豬骨湯拉麵，雖然主打西餐，但都有日式和港式的食物。豬骨湯味道不錯的，就是不夠熱，要扣分。拉麵煙韌有口感，配料多，炸雞另上，可以保持脆口，溫泉蛋煮得剛剛好，滑滑的流心口感很好。吃頓好的晚餐釋放壓力是必須的，有優惠價加配水牛城辣汁雞翼，吃！醬汁很濃稠，有小辣程度，鹹甜味道很開胃，辣一辣，立刻幫我消氣了，雞翼嫩滑多汁，外皮脆口，好味！熱泡沫奶紅茶，聞到茶香，飽飯一頓喝一口，寧神怡人。可能香港人超時工作誇張，九時多仍然有同路人趕來晚飯，職員依然熱誠招待，真的感謝有這麼好的餐廳職員，給我們辛苦一天後的招呼。

𖤐ˊ˗面積頗大，門口旁設有麵包櫃，裝潢風格偏向工業式，座位安排則較擠，整體燈光明亮，加上不少裝飾，十分光鮮。｡ﾟ･𖥸──────-ˋˏ 𝓜𝓮𝓷𝓾 ˎˊ-──────𖥸 ｡ﾟ･✎ ̼和風牛肉豬骨溫泉蛋濃湯拉麵 $61份量足，湯底是奶白濃郁但少許油，溫泉蛋黃已熟透，沒流心，而牛肉炒得入味，本來沒期望，想不到也不差。✎ ̼水牛城辣汁雞 $15想不到茶記都有這款小食，味道雖不是正宗，但夠辣，炸得外脆內嫩，不錯。✎ ̼熱新鮮冷壓檸檬水很方便飲用，味道挺酸。

呢日朋友又嚟搵我食午餐，因為最近迷上左意樂既拉麵所以最後又揀左食佢🤣原本諗住照返拉麵，但朋友叫我我試下叫其他嘢食，接納佢既意見就叫左日式燒汁溫泉蛋牛肉丼飯，再叫多個葡汁芝士焗雜菜。朋友就叫左個日式咖哩唐揚炸雞丼飯，加左個半溶芝士配薯條，仲有個餐湯。個芝士焗雜菜幾好食，係我鍾意既葡汁！而個薯條點埋芝士就偏鹹，不過朋友就話幾岩佢食。而兩個飯都ok好食，炸雞飯既量都幾多，加埋都6-7嚿中等size既炸雞粒，飯都幾多。因為食果陣仲好熱所以係外脆內軟都幾正，不過咖哩汁略嫌唔夠。而個溫泉多牛肉丼就同普通牛肉飯差不多，波子有好大驚喜，不過加左溫泉蛋感覺易入口左，所以最後都成功食晒！

Itamomo餐廳，係我同事極力推薦嘅地方，佢話好食又抵食。原來呢間餐廳有好多分店，剛好有一間喺我屋企附近，所以今日收工後我就去試吓。收工嘅時候正值下午茶時間，我當然選擇咗茶餐來試！首先，講吓餐廳環境，地方寬敞，裝修雅致，坐得好舒服。員工友善，一坐低就即刻送上一杯水同埋餐牌，服務一流。茶餐方面，我揀咗龍蝦湯通粉、漢堡扒溫泉蛋，仲有蒜蓉多士，飲品就係凍檸檬茶。通粉煮得剛好，唔會太腍，湯底味道香濃，加咗少少胡椒粉，微辣好味👍。不過，溫泉蛋整得有啲過熟，有少少失色。蒜蓉多士烤得香脆，用咗厚切嘅方包，口感更佳。凍檸檬茶用咗檸檬汁代替檸檬片，我個人比較鍾意有檸檬片嘅。總括來講，食物同用餐體驗都令我好滿意，而且價錢只係40元，真係物超所值，經過今次嘅用餐體驗，我相信呢間餐廳已經成為我其中一間常去嘅飯堂。

呢日嚟左富泰附近，做完嘢後去左富泰商場食午餐，環境都幾大，餐牌都有好附選擇，睇左一陣因為想食啲有湯既嘢，最後叫左個和風照燒肉溫泉蛋湯拉麵同熱華田。唔知係咪太肚餓既關係，覺得十分好食！拉麵係我鍾意既唔太腍有少少爽口既口感，照燒肉既汁同煎到有少少脆既皮一齊食勁香！ 最後好快就食完，而熱華田雖然唔係傳統既華田粉，餐牌到寫左個麥可可，不過因為我接受到啲奶味所以覺得麵幾好飲。下次如果再係附近會想再食呢個拉麵🍜🤣

食咗個溫泉蛋牛肉丼飯 溫泉蛋撈飯一流 味道正正常常 都算幾多牛肉唔係得幾片利賓立偏甜 服務態度唔錯 上餐速度亦都算快 落咗單三個字後就上餐 另一個朋友嗌咗焗意粉 相對就要等耐少少

今日去食晏 嗌凍朱古力話冇一時間諗唔到飲乜 就問佢有咩飲佢答：華田horlick我要咗杯凍華田但出單 張單都唔係寫華田 係寫麥可可 我已經心知不妙 但都想睇下係咪隻粉唔同咗埋到嚟 杯嘢隻色奶茶咁 飲落好horlick同佢講 佢收走咗 換過杯一模一樣嘅嚟檸茶檸水冇檸檬都已經好唔掂依家仲要用埋啲非華田嘅粉嚟沖華田啲staff仲要被洗腦話係華田我知我有責任睇清楚menu 但佢身為一個職員係咪都唔應該扭曲事實 叫麥可可做華田呢？恕我冇影到麥可可嘅樣 我忙住同佢換

9月1號8號波真是稀有！全港停工停課更是少有！屯門總是在風尾才會感受到颱風，是故街上仍有不少屯門友的蹤影。到附近屋邨商場走走，意外地仍有不少餐廳開業中。意樂餐廳下午茶份量十足，價錢同大快活大家樂相約，風假可以外食下午茶是小確幸。西多士($35)十分厚身的西多士，雖然牛油是少了點，但麵包非常鬆軟，令人滿意。炸雞髀拼薯條($35)新鮮即炸賣相很吸引，雖然雞髀肉味不明顯，但都算皮脆肉嫩，薯條外脆內軟十分美味。凍奶茶(跟餐)茶味較平淡是茶包貨色，奶味亦不明顯。

員工人手不足，整個午膳繁忙時間樓面員有2個員工，一行人坐低左，又話未執枱點解我會坐低左，叫佢而家執又話我坐低左執枱會整污糟我，員工服務態度極差，坐低左都比佢趕走，好唔想做生意，永遠無回頭。

環境暗暗地都幾好下午茶先有嘅餐好鍾意呢隻米粉雞扒同埋滑蛋都好好食😚😚唔會太鹹但係又唔會冇味加埋啲蔥真係絕配一流通常叫多蔥哈哈食咗起碼五次以上估唔到呢間餐廳叫呢樣嘢食會有驚喜🤪必試！$36 配嘢飲真係性價比高！

連鎖餐廳有驚喜嘅外賣 值得試下係屋企有時遇試打風落雨真係唔想出街食飯，呢個時候就梗係搵外送嘅餐廳。因為本身住個區無意樂嘅分店，所以一直都無試過，但聽朋友講過幾次好好食，如果諗唔到食邊間餐廳可以試下佢。今次終於到我食啦，叫左個拉面同豬扒蓋飯。拉面就一般般，個湯好咸，餸分量正常。如果有其他野想食嘅建議唔好食拉面。反而個蒜香豬扒滑蛋蓋飯配蒜香汁就好有驚喜，豬扒好大塊，有一個手掌咁大而且好入味。 而且個滑蛋份量都好大而且炒得好靚金黃色，足夠食曬個飯。 另外嘢飲轉咗做蔬菜湯好濃郁好好味， 大家可以試下。整體嚟講意樂嘅西餐都做得唔錯但拉麵就麻麻地， 另外佢哋嘅嘢飲都好濃唔會飲到一半冇味值得讚賞。

為咗捉住假期嘅尾巴，決定要享受一個豐富嘅早餐。當然啦享受豐富嘅早餐前提就係我唔想離開屋企。於是嗌咗foodpanda外賣！特選鮮奶炒滑蛋配漢堡扒個炒滑蛋配漢堡扒下面仲有少少沙律墊底，都幾有誠意㗎！又估唔到佢仲有薯蓉同埋有少少芝麻醬！整體來講睇落去都心情愉悅嘅。多士轉左牛角穌見到佢間舖頭入邊有麵包，就決定唔食多士轉下啲特別嘅麵包啦。個牛角酥都幾大㗎，不過味道呢都係正常嘅！不過可能因為我係外賣啦，所以送到過嚟都已經變淋左。火腿濃湯通粉呢一個通常同佢個名都係一樣嘅，感覺都係濃味。最驚火腿通粉淡到死，都唔知加鹽定加豉油好啊。凍朱古力飲到落底都仲係覺得呢個朱古力好濃味。真係覺得好唔錯！強推

Tried this one for another branch and i would say the food quality is a bit higher than cha chaan teng and the environment is bit better tooI always like roasted rice and having baked chicken fillets with fried rice in truffle sauce is not bad choice but i would say i can’t taste any truffle taste lolll, actually i not expecting too ha, the rice is well cooked and there is creamy sauce burnt on the top, and the chicken fillets are pretty soft, but don’t expect so high standard here Corn soup is