意樂餐廳 (彩雲商場)

营业中

休息中

係冇乜選擇嘅情況底下去到個 brunch! 比我預期中好食 🤣🤣叫左兩份英式早餐- 蒜香豬扒 加煎焗流心蛋 同腸仔配蒜香牛油多士 ，凍檸茶睇相都知 果隻好明顯係煎熟左嘅蛋，仲要係全熟⋯⋯🤣🤣笑死我 …簡單講既係一隻煎蛋😂😂 豬扒都好似煎過龍咁，有d〈 鞋〉口！ 好彩呢個餐唔係我嘅！ - 嫩煎香草雞扒 加煎焗流心蛋同餐肉配蒜香牛油多士，凍奶茶嗱.…又係另一隻煎蛋🍳⋯⋯🤣🤣 塊鷄扒係正常嘅！ 全靠塊多士同杯奶茶求番成個餐！ 建議 一上餐就食多士先，趁仲熱拿拿臨搽牛油食，係 好食嘅！

意樂普遍出品嘅嘢食都有感上下水準，唔會有一樣嘢係好伏，佢嗰早餐可以話係正常價，38蚊嘅歐陸早餐，有扒有蒜蓉多士有沙律菜，跟兩樣配菜，佢最高質嘅係豬扒，豬扒夠沐，調味都好唔錯，但炸魚就相對乾同普通，如果唔想食扒嘅，仲有$27一個嘅麥皮多士餐，性價比高

今日早上大約7:30am去食早餐，入座後向侍應示意點餐，當時侍應係收銀嗰度只顧同其他人傾計，完全無理我，要另一個客人提佢有人落單佢先慢慢行過嚟，點餐時我好清楚同佢講我要咩餐，但到食物上枱先發覺佢落錯單，我又要從新再同佢落單，之後佢一點悔意都無重話以為我叫另一個餐，之後佢印過另一張單比我，但都係錯嘅，我又再同佢講你入錯單，佢好似理解能力有問題咁，聽唔明人講咩，最後係另外一個侍應去廚房同我更改，埋單時都係佢同我改返岩張單，意樂的食物味道係可以嘅，但貴公司的侍應質素有待改善，請相關部門去彩雲分店跟進情況。

話說幾年前當隊友們還相當熱血，未生子育女之前，曾經熱血到，由青衣葵涌荃灣居住嘅地方前來九龍東相當偏僻嘅地方打球，那次還要是東拉西扯之下，勉強湊夠五個人，才能繼續這次在這兒上邊的體育館的比賽。因此，那次就到來這間彩雲邨的意樂試過晚餐。這次到友人在牛池灣的新居作客，還以為她介紹什麼餐廳，竟然有焗飯那麼出色，之後發現原來是意樂焗飯，一邊是蕃茄豬扒，蕃茄拿來焗飯，豬扒有弄得挺軟，不太鞋；令一邊的白汁雞扒，白汁之中還有點薯蓉，用來拌飯相當之可口，雞扒竟然有兩塊之多，亦都是相當之嫩滑。另外它的凍檸茶也值得讚賞，雖然妻子的熱飲有三份一杯倒瀉了，但我的凍檸茶，竟然發現不到有檸檬，但茶味亦都有點檸檬味，可以想像到是店方先為客人戳了檸檬，檸味酸香香，茶味濃郁。

估唔到有一日會見到有人喺卡邦尼意粉入面落芫荽，連西餐都會落芫荽真係另唔食芫荽嘅人快都走避不及。外送叫到尼份食物，唔單止另我完全食唔落，仲浪費埋。希望下次個廚識分芫荽同番荽。另外叫多咗份芝士焗西蘭花同水牛城雞翼，好意外尼兩份食物邊左嗰餐嘅主角。芝士焗西蘭花平平無奇，而水牛城雞翼夠辣，隻隻雞翼都好有肉地同多肉汁，會返叫。不過總結尼餐真係失望大於驚喜，如果本身真係會落芫荽煮嘅希望餐廳會改良吓個食譜，因為個長通粉真係好難食

簡單好味道的下午茶，唔係咁容易做到！今日下午茶在意樂食咗豬扒腸麵，腸仔唔咸，朱扒入味，難得麵又滑，湯底是有做過處理，很香呀！另外我叫了檸檬水作為飲品，但係我在杯內找不到檸檬，原因是大㕑將檸檬渣汁再加水，很特別呀！

疫情期間多去咗彩雲街市買餸，因為人流比牛池灣街市少，有冷氣通道闊落，順便到彩雲邨商場逛逛，商場內有2間酒樓，西式餐飲除咗麥記就好似得呢間意樂，某日中午約朋友去試試。平日中午好多學生光顧，等咗10分鐘有位，餐廳兩邊係4位卡座，中間直通餐廳係兩行相連有間隔2位卡座，簡單餐牌分早餐、午餐，下午茶、晚餐、特別推介，幾塊餐牌，餐枱椅算清潔乾淨，見仕應生，清理枱後會噴消潔劑抹枱。食物選項不多，各有所好就點咗，美國安格斯牛扒定食$67，蒜香猪扒滑蛋蓋飯$52，慢煮秘製咖喱焗牛腩飯$56，煙肉卡邦尼扁意粉$50，餐跟是日餐湯或茶啡。幾款食物賣相ok，各人食後感，牛扒冇用鬆肉粉，煎到半熟唔(鞋)有咬口配自選汁醬，咖喱腩欠少少水候，十分有咬口，慢煮應該淋身D，味道不錯中辣，豬扒鬆化蛋滑溜蒜汁香口，卡邦尼粉仔，條條粉都沾到汁醬，呢餐大家都滿意，一定會再光顧試其他出品。

急急腳要搵間無人既餐廳快食 逼於無奈都要食..香草烤雞茄子忌廉焗珍珠飯香草-無咩味烤雞-都算係幾滑 有兩三舊雞既茄子-有趣有趣 茄子係一片only 食落去勁生既感覺忌廉-無特別珍珠飯-好乾既飯

意樂 價錢柚子蜜味芝麻烤雞翼 +$9 原價$30法式田螺香蒜焗薯蓉 +$22 原價 $32下午茶 日式特製蒲燒鰻魚丼飯 $44下午茶 日式照燒汁烤雞焗珍珠飯 $37利賓納啫喱冰冰 +6 原價$22凍檸茶 +$3先講小食 柚子味雞翼 雞翼係啱啱炸起 外脆內軟柚子味應該係柚子蜜糖漿淋上去 比出邊嘅柚子味雞翼比較重口味 但$9兩隻來說非常抵法式田螺 薯蓉正常 唔會凍咗變硬身 同花園餐廳嘅田螺味道一模一樣下午茶鰻魚丼飯 鰻魚有少少骨 比較細塊 但飯上有好多汁 就算食晒鰻魚都好易撈飯 蛋唔流心既 即係恰蛋 燒汁烤雞焗飯 正正常常飯量比較多 但賣相麻麻利賓納啫喱冰 純粹加咗蘆薈啫喱落去 但的確幾好飲檸檬茶就有驚喜 係預先廚房會幫你整好檸檬 出嚟嘅就係一杯有檸檬味嘅凍冰茶順帶一提佢哋嘅下午茶我見到唔同嘅餐嘅賣相都非常之好 令人好想試唔同嘅下午茶餐 喺連鎖餐廳來講擺放得幾好

每個星期日都會過黎lunch, 自從意樂裝修過之後，除左價錢貴左，份量都細左。 今日諗住試下新野，見有個蒲燒鰻魚丼。好正，追左三次都未黎，同行朋友差唔多食晒咁濟，最後追左第四次，足足40分鐘先送上枱，真係火火地，唔知係咪啱啱捉上黎燒所以要咁耐。即管試下係咩味，本身無咩期望。但估佢唔到個鰻魚係好食喎，好肥美@@, 係有d 位d 骨比較粗，加埋鰻魚底d 洋蔥幾香口。 飯面既唔係鰻魚汁，似係燒汁，不過都好食。其實個飯ok, 係今次服務唔ok~落單比較亂，make me angry😤

無飯家庭今日繼續無煮飯，外賣咗意樂嘅下午茶餐，今日試咗芝士焗西蘭花、鴨胸意粉同柚子雞翼。芝士焗西蘭花毫無防備之下大啖食入口，有蒜味嘅喂！有啲俾個蒜蓉味嚇親😂😂因為個人唔太鍾意蒜蓉，呢個創新嘅口味對我嚟講一般般，覺得蒜蓉味搶晒啲芝士味咁，下次可以order走蒜蓉？？鴨胸意粉睇落顏色好似好淡咁，但食落口都食到陣陣蕃茄味，鴨胸肥膏部分較多柚子雞翼呢個雞翼係加咗平時飲柚子茶嘅柚子醬，好入味，個人幾鍾意整體嚟講意樂價錢合理，食物水準亦唔錯，食厭咗屋邨茶記、茶樓，意樂都真係一個好好嘅選擇👍🏼

今朝(28號)10 點左右去食早餐，叫凍檸水俾錯凍檸茶，唔緊要，換番就ok. 到食完埋單，食咗74元，因為銀包只有500 元紙幣，個收銀問有冇散紙，咁我話冇，佢又話八達通都得，但咁啱我八達通負錢，問佢有冇得增值，佢話冇，咁冇計，跟住好悔氣話咁早俾500,又叫第2 個找錢俾我，大佬，我唔係朝早7 點，第1 單生意俾500 啦，咁大間餐廳，開門3 個鐘，俾500 元找都唔like ? 傻傻地。

今日早放工，同朋友食返个靚tea, 下午茶我點左个牛角包芝士磨菇，估唔到影相咁上鏡，價錢37元，再送杯飲品，都算幾抵食。飲品我㨂左碗白湯，如果再加多十蚊就係黑松露白湯，我無加十蚊呀，加左應該好香。

許久沒有幫襯，左極有限的選擇下，再一次進入。在入座前再一次睇餐牌，確定有可選午餐後就入座。舉起手一段時間先有人落單，叫了慢煮咖哩雞，唔駛一陣就上。伴菜，飯都足夠，咖喱雞件應該有3-4件，其餘是薯仔，都有成4件。味道方面，咖喱係十分惹味，辣中帶甜，越食越想食，相信這份咖喱夠送兩碗飯。雞肉口感適中，唔太滑但都唔鞋。新薯可以淋多少少會更佳。

掛羊頭賣狗肉， 話加十蚊有黑松露酥皮忌廉湯， 六點鐘開始有。 特登教準時間六點去 一樣話畀你聽冇貨。 去過十幾次 得一次有。 員工服務水準好低， 個飯嚟到冇都差叫佢攞， 佢順住枱派派到過嚟碟飯都凍曬。 叫咗人攞 餐具 ， 過幾分鐘佢先派到過嚟， 飛象過河 阻住我食嘢