意樂餐廳 (逢源大廈)

营业中

休息中

這裡是筲箕灣道上的餐廳，午市及晚市都有幾多人光顧，午餐價錢普通，下午茶好抵食，身為街坊的我，有時幾喜歡過來食下飯。次次黎到好多人，我第一時間會用電腦取票，有時會有搭檯的需要，一個人的用餐就沒所謂了鮮茄豬扒焗珍珠飯$50不要看似小小的，份量卻足夠女生所吃，豬扒不厚不薄，配上新鮮蕃茄汁，吃下去又覺得幾香濃wo，撈埋表面已烤蕉的芝士，評分合格！對了！下午茶份量會迷你些，不過價錢更便宜，十分不錯！熱飲不用加錢，再叫熱檸水就可以中和肥膩感。

之前po過佢既午餐🥣今次就講下佢個晚餐啦🌝🌝🌝🌝 呢個係佢地店夜晚主打既扒餐 fd試過話幾抵食 就帶咗我地黎試試🤢但結果又令我失望😖😢-呢個係加拿大🇨🇦既安格斯牛🐂🐂我同朋友都嗌咗五成熟 suppose佢入面唔會好熟好難咬 點知超韌 仲要咁啱比咗塊有筋既我🤦🏻‍♀️🤦🏻‍♀️🤦🏻‍♀️ 雖然係嗌五成熟但都整到入面無曬血紅色 超熟🌚 全部fd都話好一般🤧🤧 介紹我地食嗰個朋友就話今次失咗水準 之前黎好食d 可能多人嗌咗個質量下降咗啦😢😢-但反而佢個餐前湯幾好飲 係蘑菇湯👻👻 超足料 啖啖都有一粒粒切碎咗既茹 呢個就幾好飲👍🏻👍🏻 加分！-評分:4/10價錢:$88

大和圓板燒 - 美式雜扒 $72雜扒餐好豐富包括豬扒、雞扒、煙肉、法蘭克福腸、加埋薯條、煎蛋、雜菜仲有炒珍珠飯，淨係數到數咁耐，份量又大又抵食，可選牛肝菌汁或黑椒汁，我自己選擇牛肝菌汁，店員會另上汁自己淋上面，食得哂包你飽到上心口，非常豐富，值得推介。厚切吉列豬扒豬骨濃湯拉麵 $53豬骨湯比較普通，食落似牛乳湯多過豬骨湯，配料有溏心蛋，粟米，木耳等，拉麵煮到淋左少少，無咩口感，不過吉列豬扒就真係炸到脆卜卜，咬落仲有肉汁，加埋千島醬食又幾夾。黑松露煙肉菌皇忌廉扁意粉 $56呢樣又係另一個值得推介既食品，扁意粉軟硬適中有咬口，忌廉汁濃厚Creamy，份量亦不少，抵食！

周末同朋友行完山，落到筲箕灣搵嘢食，一班人行完幾個鐘頭山都非常肚餓啦，去到筲箕灣見到間裝修唔錯，而且都幾多人食於是就去試吓啦。首先入到去，由於太多人嘅關係都要等一陣位嘅，但係其實都好快安排到，大約5分鐘就有得入去坐啦。我同朋友每人叫咗個下午茶餐，性價比都非常高，下午茶餐大約＄30左右。我嘅公司三文治就貴左少少，要40幾蚊，但份量都非常足，材料亦非常新鮮，好好食呀。另外叫咗個柚子蜜糖雞翼，第一次食柚子味嘅雞翼，非常唔錯。朋友就叫咗個焗豬扒飯，我麻麻哋唔係太好食。整體而言30幾蚊嘅價錢都算係咁啦。平平哋性價比高，值得推介

$31早餐有蒜蓉多士包熱奶茶 今日食左番茄湯餐蛋通粉，好耐冇食語有質素早餐，另外野菌沙嗲牛通仲好味，如果凍奶茶就+3蚊 熱飲唔洗加錢 ，環境真係幾好，唔會太迫，可能未算好多人識 我都係朋友介紹 想食下快餐傾下計 呢度一流下午茶餐就兩點開波 柚子雞翼都係+9蚊港紙有2隻足料唔係hea你果種 我番意到佢個炒飯幾有心機茶餐38算係超值係意大利風格既菜單、唔會同其他茶仔撞到拍拍聲 係佢地優勝之處 呢間會成為我既長期幫襯之選 坐得舒服

上星期六，同成班朋友行龍脊，行完山落返黎筲箕灣之後太肚餓，所以就搵吓附近有冇餐廳食下午茶。去返大街見到好多唔同嘅餐廳，但唯獨是呢間呢間意樂人氣非常之旺，五點幾鐘去食下午茶都仲要排隊，我地都等左十幾分鐘先入到去。之後我哋每個人都叫着一個下午茶嚟食，有公司三文治啦、幾隻雞翼、同埋一個焗飯。食物質素都唔錯，特別鍾意就係食雞翼，脆口得來又幾甜。最後埋單每人大概＄40左右，以港島區食下午茶來講都算幾抵食，如果下次行完龍脊都會考慮再過嚟食多次。

介紹翻一間價錢幾平嘅西餐廳🍴🌝🌝呢間嘅芝士類既嘢食係值得一試！！係超多超濃既芝士 作為芝士控既我覺得佢個芝士薯條唔錯必嗌👍🏻👍🏻👍🏻係多芝士到夠包曬每一條薯條而且夠味唔係得個拉絲樣🤣🤣但相反呢間野既主食 飯呀🍚意粉🍝就麻麻地啦🤭🤭🤭自己嗌既辣鴨胸意粉味道就夠辣🤔 但始終辣同意粉唔係好夾 加上佢啲意粉好似煮唔熟咁 有啲黐埋一舊 食到最後🤢🤢🤢而朋友嗌既白汁吞拿魚肉醬長通粉 (第二張相)佢就覺得味道唔夠濃唔夠味🤭我都試過佢嗰碗反而覺得佢嗰碗好食啲 啲汁都有呑拿魚味 配長通粉正正常常 我覺得唔錯🤭🤭 可能對比自己個碗人地個碗會好食啲🤣🤣 而咖喱牛腩飯同個薯蓉田螺就同出面一樣冇乜特別普普通通啦！ 但以佢呢個價錢來講都算係唔錯㗎啦！ 佢主食係一般咗d但係有芝士既小食都真係幾好食！ 如果想平平哋食個lunch嘅話呢間都係個唔錯嘅選擇🌝🌝🌝

舊區比較少有的西式茶餐厅，今天就来个港西合璧早餐。因為西式部分是意式蕃茄湯，但欧式早餐甚少吃通粉，通粉是港式茶餐厅招牌菜！意式蕃茄濃湯肉碎通粉：湯底夠濃，足料，味道夠，有蔬菜鮮味，又混了點肉味，肉碎又吾鞋。而通粉又煮到軟硬度適中，當灌上濃湯，就能章顕通粉比其他粉麵不同之處，湯粉變成一體!蒜香牛油多士: 其實我吾太喜歡厚多士，因為不能烘得很脆，薄多士口感會更細緻，配合蒜蓉牛油會更甘香。即磨咖啡：OK, 不錯。

意樂係一間帶意式風味嘅茶餐廳，星期一至日2-6pm都有下午茶，$30左右就有不少食得飽嘅options。因為同屋企人3人分2個tea set，所以外賣。西西里式烤豬扒焗珍珠飯茄汁濃郁，有不少茄肉，飯面鋪上一大塊焗芝士，醬汁媲美一哥焗豬。豬扒偏鹹，肉質冇一哥咁鬆，但size都大過手掌心，呢個價算唔錯。香草烤雞茄子忌廉珍珠飯烤雞都大塊，拳頭size。但味道過鹹。雖然唔係淨鹽味，係有香料味，但鹹到食唔出雞味。茄子有一厚塊。MENU講明係迷仔焗，所以咁都合理。炒飯底，其實乾濕度唔錯，但配埋汁食就太鹹，食唔到cream嘅甜味。之前堂食都食過白汁菜式，但味道明顯優勝。不過飯類份量外賣比堂食更大份，至少有一大碗飯嘅份量。送熱飲，凍飲加$3。堂食用凍飲杯裝熱飲，冇量過容量，但覺得堂食大杯啲。凍飲杯同熱飲杯差不多高同闊，連埋冰真係細杯咗啲。呢杯華田淡而無味，外賣失手喇！

今日試新餐廳 雖然開左都有一排 但一直無機會黎食難得lunch時間無咩人等位 入去望下午餐menu 都幾多選擇午餐1130-1400供應 送餐湯或者野飲 仲可以揀其他餐牌啲野 但加配飲品半價 餐湯都幾大份 味道順滑 用料都算多朋友叫左天使麵餐送多塊多士 用蒜蓉烘底 口感都算鬆軟豬扒加流心蛋！ 湯底蕃茄味濃郁仲有另一款雞扒扁意粉 雞扒香脆 意粉唔會偏軟我點左墨西哥辣醬焗扁意粉 芝士夠！肉醬味非常突出 同辣醬混和好好味☺️呢個冷麵等左三四個字 但個麵底好彈牙 最岩夏日炎炎的季節！ 見啲蟹柳同配菜份量十足 都非常抵食整體個性價比唔錯！會再幫襯

炎炎夏日, 總是想吃冷盤。餐廳最近推出夏日冷麵，所以今天午餐我選擇了日式芥末醬烤雞冷麵。這個冷麵配撘甚廣，汁醬可配鰻魚汁或日式芥末汁；餸菜可選烤雞或煙三文魚；客人亦可選擇拉麵或烏冬。本來以為只有wasabi汁拌冷麵，原來餐廳已經把拉麵以芝麻醬混合。酸酸甜甜加上芝麻的香令冷麵入味，wasabi汁有畫龍點睛的作用。餐廳還附上田園沙律，蔬菜清新之餘還提供爽脆的口感，所有材料的配合，令普通的拉麵不再單調。可惜這個餐目並不包括飲品，如想配飲品需要付半價。冷麵相等於一個午餐價錢，略嫌比較貴。

今日陪老婆落筲箕灣搵朋友食午餐，無乜想法見到這間食意式嘢，而且價錢好抵就試下。午餐非常多選擇，内裡裝修用工業風，幾特別。午餐加湯要加錢，但無所謂，就試下，都O K，不會水水的，而且料足夠味，可以。我食意大利飯，味道幾好，亦夠C re a m，可惜用珍珠米而不是意大利米，比較軟身，咬口不夠。老婆這個蛋黃卡邦尼通粉反而不錯，芝士香夠，通粉煙韌，幾意式。總括:4，50蚊食個午餐，而且味道O k，坐得可以，算唔錯。

再次黎意樂食野，今次試蛋黃醬煙肉卡邦尼長通粉餐，連餐飲 $34。又係抵食夾大碟之選！包括牛油炒菇，煙肉，香草，洋蔥；個醬泛濫濃稠，芝味滿瀉，完全覆蓋晒 D 長通粉，唔會唔夠汁。之前試過佢 D 咖啡奶茶鴛鴦，無論熱度，厚度，滑度都很好。

早午晚餐都會有精選餐會平d叫野食 野飲會半價我試左個鐵板餐同拉麵鐵板餐超級豐富 如圖～有黑椒汁同牛肝菌汁揀不過注意要晚上6:00後先供應$7x左右豬軟骨拉麵 湯底濃 不過小咸for me豬軟骨好夠林 肥瘦都適中$5x左右總括：好食又幾抵食 特別係我個人好鐘意意粉同鐵板燒

每日午飯時間都會見到有好多人係意樂出面排晒隊，諗住佢既午餐一定係好食又抵食先會咁多人等位，但今次去食午餐既經歷實在係太失望，點都唔會再黎！一坐低就叫左兩個午餐，跟餐有兩碗湯，我同朋友叫左一個雜菜湯一個忌廉湯。雜菜湯一黎到既溫度只係微暖，唔夠熱。而且個人比較鐘意酸味重少少既雜菜湯，但呢碗湯味道好甜，完全無酸味，所以感覺一般。磨菇粟米忌廉湯反而唔錯，入面有好多蔬菜蓉，質地杰身，同埋幾濃味。鮮茄烤豬扒焗珍珠飯好快就黎到，我地平時都算食得幾酸，但係都仍然覺得佢既蕃茄汁好酸，唔食得酸既朋友真係唔好叫。重點係食食下竟然發現有生豬肉，係完全粉紅色未煮熟既生豬肉，真係好嘔心。同侍應反映完之後，佢收起左我地碟飯，然後只係換過一塊新鮮炸起既豬扒比我地。另一位貌似高級少少既侍應黎了解完之後，只係叫果位侍應拎返頭先碟飯出黎比我地送塊新鮮豬扒食，但係啲飯已經掂過啲生肉，仲點樣食得落？最後經理都出埋黎了解情況，佢提議不如重新煮過一碟焗豬扒飯比我地，但我地已經無晒胃口，完全食唔落，佢就話送返杯野飲比我地補數。由於已經乜都食唔落，我地就求其要杯凍朱古力算。果時太嬲，到差唔多飲完杯野先記得影返。蛋黃煙肉卡邦尼長通粉既份