意樂餐廳 (海怡西商場)

营业中

休息中

嗌左和味啖啖肉排餐 本身嗌左兩份嘅 個侍應又聽左做一份叫佢再一次Comfirm Order嘅時候佢既態度十分不耐煩 哩個行為都唔係咁委屈啫係食物服務方面，塊牛扒勁Dry 超硬塊雞排就勁油湯同薯條都係凍既 體驗一般炸雞不過不失，算係唔錯檸檬茶無檸檬，同埋有種洗潔精嘅感覺呢間應該唔會再幫襯架啦

服務員態度差，語氣十分不耐煩！今日奶茶點多奶，來到是少奶，問服務員攞多的奶，問完一次好似唔明你講乜，又要再問先畀！食店上網訊號差，自己已用5G,在這食店上網點餐就令你無語，去過幾次都無改進，令你氣憤！以後唔會再幫襯

今日食早餐，落單後員工已給我們一張單，落單時要求兩杯奶茶多奶，沒多奶，兩份即食麵，麵餅煮未熟仍硬硬地，一員工送來一小杯奶後又給我們多一張單，同先前張單銀碼不同，剛巧馬尾中年員工經過，便同佢講有兩張單，我們沒有特別看清楚內容，佢話其中一張單唔係我地，係隔離檯的，鬧我地自己食乜都唔知咩！真O嘴！ 我哋介意嘅唔係佢畀咗兩張單我哋，而係佢嘅語氣好差， 以後都唔會再幫襯呢間餐廳

普通一個下午茶用咗25分鐘，啲嘢食都可以未齊。 員工態度得過且過媽媽夫婦好明顯係管理上出咗好大問題。一間咁大間嘅連鎖集團餐廳。竟然可以求其到咁出品差，食物差，味道差，連飲品都差。 失敗！

本人剛晚上到餐廳堂食，我問該女侍應是日餐湯是中湯還是西湯，之後對話了一陣，我話我要白湯，該侍應語氣不滿地說“你頭先又話紅湯”我話我無講過，我話唔緊要我朋友未叫，佢叫白湯咪得囉。由於我係兩人用餐，之後其中一張枱被拉走，唔緊要，張單都拎走埋，唔緊要，我出去埋單時再同佢講番，我覺得無問題。好啦，我出去埋單時，我企左一陣係cashier，個女侍應問我企係度做乜，我話埋單，佢問我張單呢，我就解釋一次點解我無左張單，佢聽完唔明，就轉身同佢一個侍應講“我唔明佢講乜，你去搞掂佢”態度之惡劣無下一次幫襯。

落單落錯其實我唔介意，但係你自己落錯單，仲要上碟炸雞上第二次係咩事？我嘅感覺好似係你話我屈你落錯單咁，但我無啦啦點解要咁做先？😓😓😓除此之外仲要冇咗隻汁0通知，要問佢佢先講😓

今日因為要去拎啲野人生第一次過來啲邊人生路不熟是但入左間茶記簡簡單單叫個午餐🔆慢煮秘製咖喱焗牛腩飯味道都唔錯喎，牛腩份量都唔小，仲有薯仔配，咖哩味濃郁又夠多，送飯一流！餐飲加5蚊叫左罐可樂，配埋冰底！

第一次寫食評，其實唔係咁差真係唔會寫用openrice外賣自取，原來圖片僅供參考…..第一次食意粉係用芫茜唔係用parsley.. 叫唔食芫茜嘅人情何以堪🥹🥹蛋黃煙肉卡邦尼長通粉，但完全無煙肉嘅蹤跡… 只有菇、洋蔥、橄欖、紅腰豆同好多芫茜雖然呢兜野唔係貴，但可唔可以俾少少誠意

今日去左試新野，海怡意樂，早餐餐牌睇落幾吸引，就入去試下結果呢，發現呢間野的服務態度真系唔掂意大利蕃茄濃湯牛肉通粉$38食物質素Ok ge，個蕃茄濃湯都幾濃烈，唔算好假陣味牛肉都嫩，通粉都煮得幾好，唔會太腍但呀姐落單呼呼喝喝無咩禮貌咁奶油多$29另外叫左個奶油多餐，$29餐抵唔抵就見人見智喇 最多嘅份量就係白方包，所以就嗌叫多咗個通粉，我都想正正常常不過不失啦

今日有啲事要去海怡半島，中間大約有一個半小時冇嘢做，加上要食午餐，於是揾咗間靚仔少少嘅餐廳入去坐。入到去，由於唔係好肚餓，於是點咗個蕃茄天使麵餐，成個餐我基本上食咗唔夠一半。先講炒蛋：正常 之後個蒜蓉包：冇蒜蓉味，我食到大少少鹹味， 總括嚟講，就係冇乜味。個蕃茄豬扒腸仔天使麵：成碗嘢明明係蕃茄湯底，但完全冇蕃茄味，個豬扒都叫做比較冧，條腸就完全冇腸仔味。奶茶：難得叫做好飲總括係，我全部食左吾夠一半，同唔知食咗啲乜嘢。

我第一次幫襯呢間店，我叫咗杯凍檸茶少甜，但係發覺杯凍檸茶勁酸，我問店員可唔可以俾杯糖水我，同第一個女店員講，佢聽完之後就行開咗，隔咗好耐再同另外一個男店員講，個男店員又係聽完之後行開咗。喂大佬俾同唔俾都講聲好冇，佢話叫你啲店員係又聾又啞呢？

放假既一Day 諗住會食個好滿足既第一餐.一心為左食意樂既水牛城雞翼 而簡左呢間餐廳食.因為上次想食竟然賣哂餐廳 服務 係有需改善舉手舉左幾次都可以視而不見係要大聲講句『唔該，嗌野食』 先會有反應眼見睇餐廳既人手唔算不足起碼有3-4個人係樓面 ，我諗餐廳要正視下呢個問題。講返野食先 都係一次一次地失望經過呢之之後 我諗都唔會再食與同行人各點一份野食🔸滑蛋鰻魚丼飯照燒雞肉流心蛋即食麵+2隻水牛城雞翼+2杯凍檸茶🔸照燒雞肉湯流心蛋即食麵流心蛋不是流心，而且隻蛋既賣相真係好不討好究竟係用刀切定係用口咬湯底 普通 淡過屋企自己煮自己係屋企煮 都可能好過出去食人　滑蛋鰻魚丼飯飯太淋 滑蛋個味好奇怪唔知係咪落得太多奶既關係 呢個飯我係食唔晒嘅可能隻滑蛋我越食越奇怪 有點想反胃既感覺所以無食落去最好食其實就係呢隻水牛城雞翼夠哂脆 個汁都都好味 我諗下次都係只會外賣水牛城雞翼返屋企食堂食其他主菜 都係不了

點左個嫰煎香草雞扒早餐，講明係煎，黎到變左炸，都唔緊要既，但係炸完又乾又硬又黑，真係接受唔到換左一次，都係一模一樣🤦‍♂️另外點左個炸魚柳，都係炸到個外皮好黑，但入面d魚肉係有d生生地😶，似乎係個爐開得太高溫，搞到外面燶左而入面都仲未熟透。仲有就係見到隔離枱都要求換過塊煎豬扒🥩呢個仲離譜，成塊都係黑色😑點解可以咁求其？食物質素有極大改善空間，圖片與食物有極大差異，試過其他分店唔係咁樣🤷‍♂️

‹v^v^v^• 開心食 •^v^v^v›大家知唔知南港島線最尾嗰個站係咩呢？就係海怡半島站啦🤪今日同大家嚟到海怡廣場醫肚啦推薦程度：3.5/5🍛「蒜香豬扒．滑蛋蓋飯」$56配皇牌蒜蓉汁蛋十分嫩滑!!!豬扒大大件，肉質一啲都唔柴仲好juicy喎～不過略嫌蒜蓉汁偏咸😢份量多!!食到超級飽🤰🏻🍹「凍好立克 」+$3唔好睇個杯比市面上大咁多啲冰都多好多呀😭食到最後啲冰融晒，變到超級淡大家記得叫少冰!!整體而言：上菜速度快，唔洗等好耐啱晒趕時間嘅大家😆👍🏻呢個價錢對比質素同份量都幾抵食連鎖餐廳，唔同地方都有唔洗一定嚟海怡試xD🔘推薦程度🔘🌟🌟🌟⭐️意樂餐廳是次地址：📍 鴨脷洲海怡路12A號海怡西廣場1樓117-119號舖海怡半島站B出口☎️ 2753 7668

今日繼續係港島區做野，過黎海怡呢邊食野，今次食周圍都有嘅意樂。我點左個鴛鴦扒飯，係呀！你無睇錯，望到一塊係面，雞扒切件加埋有3條，同3隻手指一樣大。。。食落去唔錯嘅，汁同飯都好好食。個紅湯咸到呢，飲埋杯野都頂唔住。然後一路食一路食，聽到遠處有人係度講：「嘩，呢塊西冷黎架？咁大塊啊。。。」聽落都知咩事🤣🤣而家啲肉應該好x貴，食落聽落好多怨聲哈哈！我呢set59蚊，我覺得。。。呢。。。點嘅野食唔貴，食落去又ok ge，嫌雞扒細左啲啫！