意樂餐廳 (海怡西商場)

营业中

休息中

探個親戚 所以黎左呢到食晚飯嗌左個蒜香蜆肉天使麵 - 不過不失, 蜆嘅數量正常 但係食落唔覺得有蒜香味, 好淡口, 麻麻地跟餐要左杯凍檸茶 - 之前飲過佢嘅凍檸茶都覺得好飲,  唔洗篤檸檬 係冷榨檸檬茶, 幾清新如果唔係呢邊冇咩餐廳選擇, 相信我都唔會入黎食

簡直係不吐不快話說我近幾個禮拜每個星期有一日都會過嚟呢一區, 本來滿心期待呢間餐廳食早餐, 因為佢同集團嘅餐廳質素都唔錯, 裝修唔錯, 餐廳亦好新.點知...第一次去嗌咗雞扁意粉早餐, 首先得嗰幾嚿雞, 然後食食下唔對路, 佔咗八成以上都係雞皮, 成碟面嘅份量又唔夠, 同佢哋員工講, 員工好大聲咁樣同個廚房講咗幾次-- 佢話好多雞皮喎冇雞肉呀, 語氣好似話：個客麻鬼煩咁. 就算唔計呢個問題, 成間餐廳啲服務都好似愛理不理, 粗粗魯魯. 已經打電話比總公司, 佢哋公司有個經理亦有打比我跟進, 就以為改善方面會有曙光...如是者第二星期...今次order漢堡扒半熟蛋面, 碟大份量少, 隻蛋又老又鞋, 又要換過！！今次ws個經理, 佢有回覆話跟進.到咗今朝, 入去其實仲有位, 有個侍應迫埋我同另一食客一張枱, 我哋兩個都坐低之後, 佢粗手粗腳整跌咗個膠隔板, 成塊膠板拍向我張枱, （好在我隻手冇擺喺枱, 如果唔係一定會受傷！！）我冇出聲, 只係行咗去另一張枱坐, 跟住邊個服務態度惡劣嘅員工, 同嗰個食客落完柯打之後, 仲唔知講d乜, 我估大概話我麻煩, 自己走咗去另一張枱坐... 跟住我行

熟海怡的朋友應該都知海怡係個美食沙漠嚟最近新開意樂，雖然期望不大，但見門口咁多人排，都俾次機會試下啦米蘭肉醬焗扁意粉 $51講真味道就無乜特別，同出面食到的都係差唔多，係表面嗰層芝士幾厚，食完有飽肚感。不過份量以午餐嚟計就真係少咗啲，要預咗食完唔會夠飽普通茶餐廳質素，不過不失

唔想同人逼，一於食下午茶當午餐。呢間連鎖店分店遍佈港九新界，平時多數食午餐，價錢合理唔太貴，原來下午茶都幾抵食，而且仲幾多選擇，$36有大大個嘅豬扒包，另配沙律或炸薯條，仲有杯咖啡或茶。豬扒包嘅size夠晒大，但略嫌塊豬扒相比下細，如果大件返d啲就好些，有千島醬汁伴食，味道中規中矩。沙律主要是羅馬生菜和少許紫洋蔥，新鮮度可以，醬汁則是我喜愛的日式芝麻醬。咖啡係生磨的，好味，喺呢間餐廳食嘢多數會要咖啡。

晚餐時，點選完正餐後，再加點了一杯凍檸茶，但係內裡有很多不明的白色狀似像豆腐花般質地的浮遊物，本人很禮貌地查詢過服務員，回答說是此店凍檸茶的正常現象，而且她的態度非常差，最後經過多次查問後，得到的回覆是此店的凍檸茶是正常的，但本人其實是此區居民，並不是首次幫襯此店，根本這次飲品，比較以前幫襯時所點選的凍檸茶明顯係是有異常情況，結果，店員的不禮貌態度，令人非常失望，只係不停講話凍檸茶是這樣的，真的令人失望，連结帳時，也只可以收現金，不能接受八達通，冇下次了！

食物質素差👎🏻勁勁勁難食，服務仲差到無朋友👎🏻👎🏻👎🏻明明出錯餐，餐牌同我張單都入得啱㗎喎🤔，同我講無得轉汁，之後又改口話賣曬，錯咪認囉，同喺第2間食真係差得遠，

我啱啱食咗有史以來最驚嚇嘅pizza其實唔可以話食咗因為咬咗一兩啖就掉咗外賣一嚟到 打開個盒一陣燶味再睇吓個pizza濕det det 流晒啲油出嚟啲肉同芝士側埋一面 偏離咗個餅諗住攞一塊出嚟食 發現切都無切pizza 底有燶味唔食得諗住食啲芝士同肉又甜又濕又多油 味道好差我自問食嘢都唔係好揀擇但係真係食唔落感覺係一塊包上面加咗吉野家牛肉連多汁加十幾羹糖 加芝士叮到淋晒咁簡直浪費食材唔該唔好再亂整好無??唔會再食呢間

這間新開連鎖店之海怡分店，食物質素高，職員效率更高，服務態度也不錯。試過早餐，午餐，下午茶，都很好吃，卡位舒適，時常爆滿。唯一意見是早餐的沙爹牛肉麵的麵沒有選擇，不能加錢升級至其他麵，但整體食物價錢也算很合理，絕對值得推介!

星期日朝頭早去嗌外賣早餐，去到舖頭用正常速度嘅廣東話點早餐。點到第3個餐嘅時候，個收銀阿姐話，“可唔可以嗌快啲，我哋好忙！”返屋企食早餐，發覺其中一杯嘢飲唔係我叫嘅。 用正常速度嗌餐都落錯單，咁講快啲落單咪要食surprise?I went this morning to order breakfast take out. in the middle of my order, the cashier lady said, "please order quicker, we are very busy!"😳And then she got my order wrong.

於openrice訂外賣，最快30分鐘可以自取。去到收銀counter時未夠鐘，問職員有未，職員無對order no. 就話外賣都放係對面另一張枱上，果度無即係未有。我見到收銀後面有一包外賣包裝既袋，但由於未夠時間我亦無追問。等到過左30幾分鐘都未有得拎再問職員，都係講番同一番說話，就係外賣會放係對面枱。我問收銀counter後面呢包係唔係我既外賣，職員堅持呢包唔係外賣，外賣會放對面枱。我再三堅持叫佢對下order no. 先，佢先肯睇下，原來真係我嘅。最後重要態度惡劣咁話點知其他人放左係到啫，一句唔好意思都無。

今日放lunch既時候，同事就介紹食呢間餐廳，原來係新開左一段時間，餐廳入面環境都幾舒適，堂食大約等了5分鐘就可以入去了。我今日叫左蒜香豬扒滑蛋飯配皇牌蒜蓉汁，飲品揀左凍檸茶。-蒜香豬扒滑蛋飯配皇牌蒜蓉汁&凍檸茶食物一送到既時候，有一陣香濃蒜蓉味，賣相唔錯，份量都好多，豬扒和蛋都嫩滑，不過蒜蓉汁方面偏小小鹹。🍋凍檸茶方面比較特別，沒有一片片檸檬，反而餐廳將檸檬搞碎，融入檸檬茶入面，感覺好特別，好方便。

休閒嘅星期日， 去一個休閒嘅商場， 食番個優閒嘅下午茶， 簡簡單單嘅一餐， 都係人生嘅小享受。這間店舖已經開咗兩個月， 終於有機會嚟試而係唔使排隊等位。點咗一個煙三文魚牛角酥茶餐及柚子西多士茶餐。 先嚟煙三文魚牛角酥， 賣相同餐牌嗰張相極類似， 牛角酥外脆內軟， 一定有烘過， 好味。 柚子西多士落單的時候＂走牛油＂， 嚟到檯面的時候， 廚房唔記得＂ 走牛油＂， 不過自己一撥就解決到嘅問題， 想幫佢哋慳番啲資源都唔得添。 多士非常厚身及鬆軟， 極好味！ 奶茶ok， 鴛鴦的比例適中。這間店比起其他同牌子的分店比較光猛， 比較精神。 是次環境及食物，非常滿意。

在一個閒日的早上，1個cashier 4個樓面，居然可以2分鐘無人幫手落單，只識得埋頭執食具，抹下枱，完全忘記左餐廳營運係需要有顧客入單，最後要由caisher幫忙，樓面果幾個真係要再培訓，唔係密密手做就啱，係要睇成個環境有咩重要就做左先，觀察！觀察！觀察先係最重要元素！

終於在長實商場有其他連鎖集團食店，唔駛去香港仔中心搵食👏🏻！新開左一段時間今日才有空閑來進食，假期中午時段都算繁忙，幾full , 午餐餐牌好得意，成個menu 係搵唔到豬食（除咗叉燒拉麵）！對於我呢啲唔食牛唔食鷄真係比較難選擇！我問職員係咪成個餐廳冇賣豬扒，佢講幾次話豬脾冇貨🤔！真係問非所答，我就冇再考究落去！九洲叉燒豬骨湯拉麵- 叉燒多肥膏，湯底好重味精，拉麵都算滑黑松露煙肉菌意大利飯- 似珍珠米加傑既忌廉湯撈埋，煙肉少到數得出🙁，菇菌類勁多，下次咪攪🤯我哋配餐湯-粟米忌廉湯，中規中矩，下次都係叫飲品好啲😎

最近海怡商場開了一間連鎖西餐廳意樂。和其他分店一樣，不論裝潢食品都是大同小異。因餐廳新開無耐，午市人潮如鯽，需排隊輪候入座。各式午餐以飯麵主食為主，其他小食及伴菜款式相對較少。柚子芝麻蜜糖雞翼及日式煎餃子皆屬隨大盤追加的特價小食，前者外皮炸煮得脆香，食味甜蜜，柚子出味；後者同樣以炸煮手法處理，但烹調時間略為過火，餃皮食感乾硬。法式香檳汁焗魚柳珍珠飯汁醬微酸，半溶芝士美味吸引，更為珍珠飯加強煙韌感。魚柳選材大塊，挺滑，但肉質偏向散軟。米蘭肉醬扁意粉汁醬以肉沫、車厘茄、茄醬、洋蔥粒、番茜、磨菇等製成，酸香開胃，番茜味出。相比一般意粉醬材，這個份汁醬質感比較薄身，適合配搭扁意粉。蛋黃煙肉卡邦尼長通粉也屬小編喜愛的意粉款式之一，蛋黃芝士醬口味更為濃厚，較適合共享，不宜獨食。與米蘭肉醬扁意粉一樣，菜式泛著一陣番茜香氣。小編覺得不錯，但同枱小鬼則不太欣賞。意樂的凍檸檬茶以新鮮檸檬冷壓精製，原汁原味水準佳。午市人均消費六七十元左右，計及食品質素，性價比合理，平日吃飯又多一個選擇。