意樂餐廳 (黃大仙中心南館)

营业中

休息中

28/7 午餐時間1點半到達，門口接待處職員見我一位，即時安排入座，無需襟飛，坐喺麵包房對出座位。手機點餐後只需約5-8分鐘就送食物到來，先到飯後上餐湯。飯餸均熱，湯已涼，似乎早已放定15分鐘以上，味道較淡。蒜蓉汁夠味，飯量如果細食應該有剩，蛋夠滑，豬扒薄身夠嫩，整體來說可以，價錢就比未新裝修前略貴，午餐盛惠$60。

這餐廳是近期開，時時刻刻都好多人等位，今日（30/7/2023）見人小D，所以嚟食。點了多款食物，都唔錯。慢煮秘制咖喱焗牛腩飯，唔錯，多D汁重好，食到最後，唔夠汁。餐加配 半溶芝士配一口雞，炸雞配芝士，非常夾夏威夷比薩，皮薄夠脆蒜香豬扒 滑蛋蓋飯，豬扒好滑，蛋稍為熟咗D，唔夠滑安格斯牛柳粒炒珍珠飯，好香，好多肉松露野菌汁雞扒焗珍珠飯另叫咗西瓜椰果梳打 芒果蜜啫喱冰冰 草莓蕃石榴椰果乳酸梳打 經典原味紅豆冰冰，幾款飲品都唔錯又唔貴，$11一杯，抵。員工工作效率極速，剛食好最後一口飯，飯仍在口，碟就被收走，唔係一次，收餐具神速，係現時餐廳難得一見。