意粉屋 (已結業)

得到HSBC coupons數張，本來想去紅螞蟻KO其中一張，但一見到意粉屋就不其然被吸引過來。叫左$252既墨魚汁天使麵餐，叫$10有兩片蒜蓉包。待應好有禮貌，亦主動提議飲品最後先上，唔似其他連鎖意式餐廳咁一早就上哂飲品。龍蝦湯－－好多龍蝦肉，蝦味濃！杏仁龍脷魚併凱撒沙律－－魚柳重油味，但魚肉依然細滑，沙律好多芝士碎條，可惜我唔想食咁多，唯有撥開佢地，實在浪費。海鮮墨魚汁天使麵－－天使麵好幼細，海鮮用料好足。蕃茄汁有洋蔥，好惹味，連平日唔食洋蔥既我都覺得好好味。飲品轉左做香蕉蘋果滑沙冰(smoothie)(+$11)，味道好似藥水！難道香蕉配蘋果就會有呢個效果？！雖然好想食甜品，但已經好飽，所以唯有忍口。用左$50 coupon，埋單$250，一貫的高水準（服務＋食物），一貫的滿足。

星期三同朋友行完街買左d野先累累地個肚又有d餓餓地禁咪去左北京道果間意粉屋食野.七點幾上到去都唔洗點等位,門口個staff帶我地坐個window位,之後就有第二個staff走黎問下我地要飲凍水定溫水.行得禁累緊係飲凍la.比左兩杯水我地後個staff仲同我地介紹左個"豬仔骨"見個staff講到好似幾好食禁,我地咪試下. 原本個"豬仔骨"d肉質都幾香同埋好食,但係d表面汁就多左少少.都ok既.食完走果時其他staff都笑住禁同你講拜拜.感覺不錯.佢地d服務做得幾好.

跟男友行到累累，上黎食飯。●a. 蝦煙三文魚火龍果鮮果沙律-- 上菜時發覺唔多見有蝦，所以問一問待應，佢話另外補返蝦比我，真係拎返兩隻(b.)咁大把囉~ 兩隻都唔緊要，但係佢都應該講句唔好意思，漏左比我地丫~完全覺得無問題，當無事發生咁。講返碟沙律，又幾好味喎！煙三文魚亦都好大塊！●c. 忌廉芝士海鮮寬麵-- 好多料！大碟！熱食好好味，不過放耐左D汁開始有點杰~(‧__, ‧)●d.特色拼盤-- 有春卷x2 / 雞翼x2 / 腸x4片/ 洋蔥圈x2 / 薯王x4呢碟o既所有野都好好味！做得好出色！尤其是個腸！味道好特別！

有些食店，耐唔耐就會有心癮，要去食返餐，有些人的選擇是元氣，有些人會揀麥記，而我會心思思去意粉屋。某程度上意粉屋在standardize方面幾成功，因為去唔同的意粉屋，都會有接近的味道，當然亦有例外，例如是新開張的那些。點了西西里薄餅，芝士茄子，黑椒蜜糖雞翼，兩個人都好夠了。先來兩個小食，芝士茄子非常香口，碰著女友和我也喜歡食香口野同茄子的人，真的合胃口！雞翼水準Keep住唔錯，不過配菜菠蘿就變得無味啦。西西里薄餅都好食，芝士味濃郁，真係芝士大餐。這裡裝修過，唔錯。不過門口有陣廁所味，要改善。

去食Dinner, 點了薄餅、田螺焗薯蓉、千層闊面,薄餅好脆好好味, 田螺焗薯蓉比想像中好味, 千層闊面好多肉醬, 正!地方環境一流, 坐得舒服用HSBC Visa card 埋單有九折

went there yesterday night, the dishes that i wanna recommend are1. salmon and shrimp salad2. the pizza w/ 'angel noodle' as toppings3. ribs (dont know it's beef or not)actually all the foods were above average, better than i expectedand the service was really good as well. a good place to have gathering/chat that the waiters will not urge u to leave

(16/3/06)其實都幾鍾意意粉屋,食物有點特別,又整得靚靚。呢間環境佈局幾好,播既歌又好聽,但台與台太迫喇。揀選一輪後,記得在IFC食過煙三文魚蘋果通粉沙律,好正,見到呢個(精裝三文魚鮮果沙律)又係用杯裝,誤以為一樣,點知失望!呢個杯仔只得一片三文魚,沙律就是蘋果,哈密瓜,及菠蘿,咁就$32喇!!香蒜意大利腸肉碎炒野菜,一黎到已聞到好香,白菌,脆肉瓜好鮮甜。煙肉,蛋磨菇螺絲粉,又失望,同相都幾唔同,實物就是稀忌廉湯螺絲粉,蛋沒有放進去煮,只係放o係面頭的蛋絲&煙肉碎,所以蛋還蛋,粉還粉食。香蒜焗帶子薯茸,帶子縮水,所以主力食到牛油味o羅,薯茸仲唔熱既添!唯一讚既係服務,論價錢,質素都係麻麻...如果唔係有現金劵,都唔來啊。

SATURDAY放工後去了TST..之後就選了spaghetti house,我們大概3點幾到去到...都要等位...但for等位gei座位好少,企係staircase到等兼對住佢個盞又大又閃gei大吊燈就真係有d辛苦...上到去比左個好闊gei位我地(可以坐到6個人個隻..(因為近window個d無o甘好坐)我和友人也是點tea set..由於我還沒有吃lunch..所以點了一個焗芝士火腿煙斗粉(有好幾個choice)連焗so皮湯gei set...好香,好濃cheese味又夠熱...不過就真係等得耐左d...友人叫了蝴蝶粉個個set,都ok唔會話太飽

因為有地方要去..但未夠時間..咪搵野食囉..去到意粉屋..個staff介紹左d聖誕餐..咁就叫左個最貴的..有龍蝦帶子天使面..我覺得幾好食囉~但蝦就老左d..之後個炸蝦我就覺得怪怪地..冇咩蝦味..main來左個薯蓉白汁龍利<--好似係咁上下..就好好味囉..成條龍利咁焗..下面有菠菜係底..d薯蓉吸哂d鮮味!推介!之後仲有杯即磨coffee~勁香勁正!staff都好好禮貌..我話想換位佢都好幫手~但個餐成3百幾..不過2個人餐~勁飽..用信用卡有9折架~

12月24日晚上, 去邊度食其實都差唔多, 因為去邊度食都係快餐同個個都係叫果個餐,除非食buffet, 但今年唔想食buffet!計劃左黎呢度食, 等左約半個鐘,當晚只可叫menu上的聖誕餐,其實都係個個差唔多, 餐湯係龍蝦湯, 味道不錯!有餐前小食炸蝦, 炸蝦d粉味道有d怪,兩道主菜: 火雞闊麵同招牌龍蝦帶子天使麵,前者火雞肉好鞋, 闊麵...其實我唔係咁鍾意食,我應該以為係闊條麵!後者ok, keep住一向水準!餐飲無特別,有會員卡, 埋單#348, 好抵!!總括都覺得幾好!!抵食的聖誕晩餐!!!~~~

去左食個lunch,d餐的款式好少,好多配搭都唔岩,可能係我個人問題掛,最後揀左個行政套餐,為左食佢個蒜蓉飽,其實我想食另一個多d,因為有個好吸引既水蜜桃沙律縲絲粉,但依個餐就無得跟蒜蓉飽... 點知佢一來就上左12人分量既蒜蓉飽,我果時至知原來係人都有得送,攪到我特登為左個飽而食依個餐囉,同埋亦都好取巧,係咪都有得送既就唔好o係個menu度話跟餐飽啦!! 之後問佢可唔可以轉汁,個waitress話唔得,不過可以轉飯or意粉類,咁我咪叫焗三文魚徧意粉,同佢講轉長通粉,佢又話轉左無咁好食架,跟番原本果個好食d,好明顯就唔想幫我轉,都算啦,等左好耐都未有野上,因為我地等左幾個字至有得入,已經好鼓噪...佢個飽同個湯好好味, 但係我個main dish係超級油膩,我諗有2匙既酒浸住d意粉,最後梗係食唔晒,剩左一半... 最後我叫左杯紅茶, 點知佢來時竟然問我地邊個叫左檸茶走檸檬?!你地話係咪簡單複雜化....我真係唔會再去依間....

星期六下午我和家人到尖沙咀行街,路過見spaghetti house 有tea set 就上去睇有咩食．這間餐廳要上一樓，到了門口，看見一位穿綠色衣服的Supervisor, 有禮地說歡迎光臨．然後入座沒有窗口位，小小失望！後來，有位Waitress很親切地介紹食品又介紹推廣VIP會員優惠，她的介紹另我覺得我一定會再來，所以我做了VIP.食物水準也很好味。不過裝修就舊D ,看見天花有膠紙貼一些餐巾,好好笑.

個日2個人叫左個set c, 因為我好鐘意食佢呢度個三文魚salad, 抱有期待的一餐. 來個鮮蘑菇忌廉湯, 不錯不錯, 味濃得來又唔太杰, 磨菇又夠多,好味道. 煙三文魚鮮果沙律, 嘩!!!!唔知點解佢個d煙三文魚成日都可以咁大塊, 好多肉, 好smoky, 好正, salad有好多生果, 西瓜同士多啤梨都好甜, 蜜瓜太熟有d一pat野的感覺, 哈蜜瓜就唔夠熟味太淡, anyway, 都算係一個good dishessalad上枱都未夠二分鐘, 香蒜野菌炒長通粉就上黎啦, 咩唔係先食完頭盤再上主菜咩?同埋個張枱咁細, 點放到咁多野啊? 呢個香蒜野菌炒長通粉個味道好唔掂, 一來佢個sauce好淡, 只係食到油味, 二來個長通粉好硬, 好似食緊個d煮完放係廚房好耐的通粉, 三來, 個碟野一上已經係好暖啦, 完全係不知所謂加$19改左餐飲做house wine, 個杯野$19來講都算唔錯, 但係食物咁點掂啊

夜晚早黎食飯﹐岩岩好趕到食afternoon tea set, 叫左個meatball with spaghetti﹐覺得唔太好味﹐個四個meatballs 好多油﹐食完好溜。。。意粉就煮得岩岩好既﹐唔會太腍有個酥皮湯跟﹐好似無咩味咁。。。仲有呢度既waitress 姐姐好唔掂﹐問一個女仔D 餐有咩唔同﹐佢話叫另外一個女仔黎解俾我地聽﹐咁佢唔講得架??

今晚同男友0係呢間食,我地叫0左個set A,原價218蚊,但我地加呢樣更0個樣,最後埋單有九折都要248蚊~個set有2碗鮮帶子野菌湯,我加0左酥皮.主菜有蝦中蝦野菜薯茸龍蝦汁,同埋鮮帶子白菌pizza(辣),飲品改0左2杯特飲,有冰極薄荷,同埋鮮芒果軟滑冰.個帶子湯都几好飲,好有香菜味,同埋几多菇啦~蝦中蝦野菜薯茸就麻麻地,冇咩味,個蝦中蝦係有d料包住一隻蝦去煮,好似食中菜咁,個薯茸就冇咩味道,個汁都ok啦,但夾埋食好似怪怪的.pizza就几好食,我地要薄批,好脆,好似食餅乾咁脆!!d帶子雖然細細粒,但都好有帶子味,而且辣辣地,pizza入面0既菇量都好多,我好鐘意食菇的,覺得唔錯2杯飲品方面,個冰極薄荷差d,冇咩味又好稀,底有d朱古力,但一d都唔突出.杯鮮芒果軟滑冰就好好多,好似飲芒果奶昔咁,佢加0左d奶去煮,變0左似奶昔,都几好飲呢間環境都几好,侍應服務都唔錯,反應好快~