意粉屋 (已結業)

12月24日平安夜約左幾個朋友一齊食飯慶祝,其實之前我及另外兩個朋友都嚟左幾年意粉屋一齊食飯慶祝平安夜架.因為覺得價錢合理一點,沒有其它地方咁貴,份量亦算大份呀,只係因為連續食左3年感覺有點悶,食物的款式亦來來去去差不多,所以上年我地就轉左場呀,不過今年因為人多左既關係,所以我地又諗起呢度啦.差唔多一個月前已訂定位,因為根據以往的經驗,呢度係好full的,要一早訂位唔係就冇位架啦.訂左七點鐘,限時個半鐘,只係可以食套餐的.幾日前餐廳已打嚟confirm,但係當天朋友去到竟然話冇七位的booking,只有五位,後來才安排返一張枱給我地,不過明顯張枱係細張d架.我地七個人叫左兩個套餐,可以另外散叫指定菜式,就多少了幾樣啦.另外叫了兩個小蠬蝦湯,一個火雞寛條麵,一個墨魚汁飯.套餐包括:小蠬蝦湯好rich好香蠬蝦味,入面都有好多蠬蝦肉架,好爽口好味道香芒蠬蝦沙律這個幾乎每年都會叫,今次叫左一隻蝦龍,嘩,個樣真係好吸引,好靚,味道都好好呀,份量都算多及蠬蝦好爽口,好正呀.pizza這個都好多料呀,味道都好味呀,薄薄地,普通配料啦,都算香脆的另外一個套餐有:燒蠬蝦天使麵這個蠬蝦都好大隻,好多肉,咁

每年冬天, 意粉屋都會推出芝士火鍋, 雖然不算正宗, 但味道也不錯, $238/set算不俗了!芝士火鍋拚盤 : 除了麪包, 還有已熟的牛肉、雞肉、豬柳及香腸, 再附有雜菜同墨汁意粉三文魚鮮果沙律 : 是必叫的例牌項目, 好清新, 最能減輕芝士的膩!燒排骨 : 焗得好香, 醬汁好味｡環境屬一般西餐廳格局, 卡位坐得舒服; 服務員殷勤有善, 工作勤快。

是日難得有個舊同學約我下午茶當然想坐得舒舒服服,慢慢細說當年.所以就揀左呢間.一人叫一個tea set每人一個酥皮湯味道ok,酥皮又焗得剛好夠脆略嫌餐湯既份量少D.火退磨菇雞肉意粉:份量ok,有少少汁,唔會太乾肉醬意粉:肉醬略嫌咸左少少,D意粉又太乾,好硬掘掘.PS:值得一讚,由於同朋友不停傾計,所以就不停飲水,但Dwaiter都好快手,細心幫你加水.

今次去尖沙咀呢一間意粉屋既分店....我覺得唔錯呢"一上到去經理安排位置好適當"笑容好好~因為唔係繁忙時間....所以經理都安排左一張卡位比我同我朋友坐"員工都好有禮貌.....經理係我臨走時都係笑住咁講再見~經理係叫yoyo xxx.....比起其他既分店....唔知係咪因為係尖沙咀既關係~所以服務方面都做得好好~

12月24日來了這裏食聖誕大餐,呢度已係第三年嚟,又平又好味,但真係要成個月前訂枱先有位,我們三個訂了七點鐘,未夠七點已好多人係度等位,呢間意粉屋係第一次嚟,環境都OK,但比較細,所以較多人等位,今年的餐牌跟上年好似差唔多,我們又叫了一個二人套餐,另加一樣野,我們叫了一客龍蝦大蝦沙律(半隻),一客燒豬肋骨配薯條,另加了一客烤羊架墨汁飯,先來湯是龍蝦海鮮湯,好好味,個湯有好多龍蝦肉係裏面,熱辣辣好鮮甜,正呀.龍蝦大蝦沙律個樣好似跟上年不同,有好多沙律,D生果都好甜及切到大大粒好味,有龍蝦及大蝦肉都好鮮甜呀.份量都唔細,後來食食下先記起我們去年是叫一隻龍蝦的所以個樣及擺位都不同,我們今年是叫半隻的.豬肋骨都好大碟,起碼有八至九件,都好入味好廋呀,配薯條食好味.另外叫的烤羊架墨汁飯嚟到是熱辣辣的還在出煙呀,呢個係未食過的,羊架好有酥味,D肉都好廋,D飯好香墨汁味,有少少飯焦好正呀,嘩,我地三個人食到好飽呀.不知是否聖誕的關係,所以每年的菜式都好似差唔多,已經是第三年食,開始有點悶,如果出年可以推出一些新鮮的菜式會更加好.

是日四人點了:-2人餐包括2個湯(南瓜味, 一般, 起碼夠熱又不會過杰); Hawaii pizza(心機之作吧, 涵料鋪得好平均, 粒粒菠蘿每片slice都有6粒以上!); 燒肋骨(好掂, portion不少, 有8條骨! 肥瘦適中, 燒得香口又不會燶, 咁既價錢(散叫$138), 超值!); 2杯飲品-加$13有5片蒜蓉多士(勁脆)-友人是VIP有張coupon, 有一客白汁什菜意粉(任你揀menu內一客意粉)free(清淡之選, 味道也不錯)-另點了豬扒飯, (飯不多, 同豬扒比例幾乎1:1...味道都ok, 無飯不歡者也可點這個)其他方面: 環境舒適, 外望Nathan Road街景侍應有禮帶笑容, 勤jum水, 又細心問你要熱水/凍水, 服務貼心食物水準有保證 - 最不喜歡的, 也不會太難食廁所也算企理乾淨VIP有折, 埋單$32x...抵食到暈...我都要做VIP!

一向喜歡意粉屋既我又再一次光顧意粉屋~~ 今次食左個$248既套餐同埋$13既蒜蓉包~ 帶子菠菜湯: 厘個湯十分好味~ 好忌簾既感覺~ 而且D菠菜碎好多, 再加上帶子粒, 又夠creamy又有口感, 一流! 煙三文魚雜果沙律: 肥美的煙三文魚, 新鮮的生果, 鹹甜交錯配合出黎的感覺的確唔錯! 可惜size 如果可以再大少少我會更開心! 鮮野菌松子仁醬扁意大利麵: 夠多雜菌, 幾好食, 但沒大驚喜! 蒜蓉多士: 得5小塊~ 13蚊真係唔太抵~ 不過又真係好脆, 而且好有蒜蓉味~ 其實好好食~ 只係覺得唔太值........... 總括黎講, 水準十分一流, 以上既食物都十分好食!! 兼且厘度既服務都好好~ 坐得舒適~ 環境唔錯~ D座位唔會太迫~ 如果想坐得耐同舒服, 厘間真係幾好~!!! 好鍾意意粉屋呀!!!!

基本上我覺得大部分Spaghetti house既水準都keep到, 呢一間都唔例外.我們三個人, 點了:1. 煙三文魚鮮果沙律: 好大碟, d鮮果幾多款式, 好開胃!2. 龍蝦汁海鮮焗墨魚汁飯: 材料有帶子、魷魚、魚柳、蕃茄etc, 好豐富. 龍蝦汁味唔太濃, 不過一樣好好味3. 拿波里、火腿芝士汁意大利粉: 勁creamy, 每一條意粉都鋪滿汁,正!上菜速度非常好, 佢會係你差唔多食完一碟就上另一碟! 侍應服務都好好, 會keep住加水!我會繼續支持Spaghetti House!

服務幾好，個仕待應好FUNNY，不斷咁笑＆同人講byebye~叫左個餐有湯～叫左羅宋湯，有d酸.....燒豬仔骨：好太碟但好骨多所以份量都ok~著角好好味！！pizza本來係超級ｘｘｘ，不過佢整錯左夏威夷，但都幾好味多口問句，ｐｉｚｚａ整錯左可唔可以送甜品佢本來話可以是但ｐｉｃｋ一款，但之後過離話只可以送芝士蛋糕，不過有得送已經好好喇～但芝士蛋糕上面ｄ士多啤利好好味～

好耐冇食過意粉屋啦! 原來意粉屋0的食物改0左咁多, 質數唔錯, 仲係好好味!食物選擇好多, 太多套餐都唔知點order, 我0地八個人最後order0左兩個餐同埋pizza.意大利雜菜湯好濃蕃茄味, 好正! 另外煙三文魚沙律同凱撒沙律好好味, 份量好大. 豬肋骨係招牌菜, 好野味! 仲有三文魚焗飯同雜菌意粉都唔錯. 不過pizza就差0的, 始於唔係專門食pizza0既地方, pizza比較乾, 太少材料. 其實整體上唔錯, 餐廳人又唔多, 坐得又舒服, 坐成晚都得, 最啱一班人聚舊!

講意粉屋食物前, 我一定要讚下佢地既服務, 真係好好好好~上星期六同老公二人決定去意粉屋試下信用卡優惠套餐, 一去到巳有個女侍應好好笑容並且好有禮貌的為我們安排座位, 坐好即問有熱水還是凍水, 真係好細心, 因為我怕飲冰水, 點了個二人套餐, 先來二個餐湯, 再加10元要了二塊蒜蓉包, 餐湯是龍蝦湯, 中間有幾粒龍蝦肉, 味道唔錯, 蒜蓉包唔係脆到卜卜聲的, 但都唔錯;侍應會不停主動添水, 跟住上了二客沙律, 份量不太多, 有切了粒粒的番茄及好爽的生菜, 最好味的是煙三文魚, 但得二塊, 不夠喉;跟住上主菜, 我們點了鴛鴦雲吞及豬仔骨, 鴛鴦雲吞好漏, 我覺得一般, 豬仔骨一上枱, 個女部長即刻走上來問駛唔駛切好, 那當然very good la~ 豬仔骨幾惹味, 而且好大份, 下次再有機會上來我會試pizza

久不久也會來這間意粉屋,之前貪佢易搵位. 後來覺得食物水準keep得好,服務又唔錯. 前天剛來午餐,要了肉醬意粉,跟沙律及白湯.可能因時間尚早(12時左右),我一點完餐,沙律,湯及包已即來.未吃完沙律,主菜也來了,全放在二人枱上. 跟著侍應急問我們點餐飲. 最失望是這一次的服務.沙律~好多蝦,是急凍的. 淡味, 提子是一餅餅,成20幾粒. 平時只是數粒.白湯~可以.肉醬意粉~無番茄味,之前食過好得架. 香且濃,食到停唔到口. 今次好差.基本上,黎咁多次,今次最差. 不過平時幾好架. 希望下次黎好d啦.

之所以說“未能盡情享受”，決不是因為唔好食，而是實在還很飽。意粉屋的食物其實真的很好，味道勝過必勝客而價格基本持平（或會貴少少？）。在這種情況下，我和媽媽只點了一份小食拼盤和意粉，飲品媽媽要了熱檸檬茶（雖然我一再勸她不要飲熱檸檬茶，因為會加速老年癡呆，這還是通過上understanding of Hong Kong community知曉的），我則點了椰林相思，其實就是椰汁紅豆冰啦。是次的意粉恐怕就要算意粉家族中較健康的了（不無自我安慰的成分…），雖然都有濃濃的cheese和龍蝦汁，但配合菠菜（藏在cheese裏面了）和薯絨，熱乎乎不覺油膩卻鮮美。小食拼盤就著實一般了，沒有特別有特點的食物，油有點大，尤其是炸春捲。椰林相思是心儀之作，平日在canteen飲慣了加甜奶的紅豆冰，其實還是配椰汁好飲~不過要求唔要太多啦，其實在canteen能有紅豆冰飲都已經好滿足！晚飯……被無情的cancel了，因為實在吃不下去了……

因為要試下佢既芝士火鍋, 所好來左意粉屋四個人, 叫左一個二人餐, 一個芝士火鍋, 另加一個焗南瓜蓉南瓜蓉, 甜甜地, 用來做頭盤不錯約$40龍蝦湯, 一貫的水準(另加$11, 加酥皮)三文魚沙律, 今次的三文魚有筋, (另加$11, 加蝦)蟹粉墨魚麵, 無乜料, 蟹粉亦只係一小撮, 但味道都唔錯主角芝士火鍋上場, 嘩, 份量好少, 係一定唔夠兩個人SHARE的(一男一女計), 入面有, 齋鮑魚幾片, 青口帶子各兩隻, 淡水龍蝦仔兩隻, 菇少許, 另麵包及墨魚麵各一食埋芝士火鍋都係唔飽, 要加多一個PIZZA先夠我地已經唔係大食既人結果埋單$800, 真係唔多抵食囉

I normally do not care for (and to) comments on such a popular chain restaurant, but a visit here last night left me scratching my head ...Came with a friend for a casual dinner. He ordered a sun dried tomato with mushroom angel hair, and a "Pink Lady" -- tomato and lemon smoothie. I ordered a ravioli and a vanilla milkshake.Sun dried tomato angel hair:He had to FIND the tomato (think there maybe 2 pieces buried in the pasta), but worse is that the pasta looks/feels/tastes just like chinese frie