意粉狂熱 (屯門時代廣場北翼)

营业中

休息中

依間意粉狂熱顧名思義就係以意粉做主題，聽個名應該吸引到唔少意粉迷，相信都好多人鍾意食意粉！而且佢地嘅定價唔算太貴，意粉大概一百蚊有找，款式都有好多，可以去試試佢😋**********<豪華3式拼盤> $108除左意粉之外，小食拼盤都幾吸引，比起散叫抵好多，賣相都靚啲！我地就揀左檸檬蜜糖香烤雞翼、焗珍寶大啡菇釀帶子同埋海蝦牛油果法包多士！個大啡菇有驚喜，食落juicy，上面釀左帶子同蟹籽，口感更加豐富😆

平時食Pizza意粉，都係去開好多連鎖店嘅地方，今次試吓和民旗下嘅意粉狂熱，一次過滿足食意粉同Pizza嘅願望。好，坐低睇吓有咩好食先。特濃南瓜粟米忌廉湯，湯夠稠，飲到南瓜粟米蓉口感，唔錯。凱撒沙律，雜菜夠新鮮，最鍾意佢有好多沙律醬。芝士肉醬千層麵，個千層麵一啲都唔漏，好濃番茄味，拉絲嘅芝士加上千層麵軟硬適中嘅口感，配合得好好。香草烤雞雜菌羅勒忌廉意粉，忌廉又滑又creamy, 掛滿每一條意粉，最出色係個羅勒香味慢慢滲出來，雖然係烤雞肉，食落都唔老，好味味！黃金四重芝士pizza配蜜糖，Pizza一定係薄嘅好食，濃厚嘅芝士味，咸嘅餅底配上甜嘅蜜糖，原來都可以咁夾。跟餐飲品叫咗蘋果汁。最後仲有Tiramisu甜品。

.今日同朋友約左食屯門嘅pastaholic💛，支持下黃店🥰牛油果吞拿魚沙律🥑🥗 $58份量好多，起碼有大半個牛油果🤩，吞拿魚都唔少，沙律菜夠新鮮爽口，食落都幾有飽腹感。豪華三式拼盤🥘 $108揀咗蒜香芝士雞翼，帶子釀原隻大啡菇同埋海蝦牛油果法式多士。芝士雞翼味道一般，帶子釀原隻大啡菇都係水準之作，有蒜頭，蟹籽，都好惹味，不過有埋芝士就更好啦。最令人有驚喜嘅係牛油果法式多士，上面有蝦同牛油果，再配埋夠曬脆嘅多士，口感好豐富。美式辣肉腸pizza🍕 $68 兩個人食啱啱好，唔會好滯，一份有三塊，好多辣肉腸，薄餅邊都脆👍🏻。溫泉蛋蒜香蘑菇鮮製意粉 $78 個意粉係用扁意粉，口感幾好唔太淋，好多蘑菇同好香蒜蓉味，個汁都好creamy，食落唔膩。特濃南瓜粟米忌廉湯 $28 價錢唔算等別平，不過味道好出色，好多南瓜蓉，好香好夠味，幾驚喜。

今日係520，當然要出街同女友食下飯，之前佢話想食pizza 同意粉，又要就佢在屯門食飯，所以試下揾間未食過的餐廳試一試。安格斯西冷牛扒我想其他人食緊，睇到都幾正，所以就叫左黎試下，同鐵板上差不多，香氣撲鼻，可能因為有牛油在面，特別香...😁。味道都唔錯，唔會太硬，都幾易入口，但我就無食最上的肥膏😫如果鍾意食牛的可以一試海鮮蕃茄意粉女友選的意粉，我試左少少，意粉都幾彈口，青口都幾好味，不過蝦就得一隻，如果多一隻會好d，不過都唔係特別細隻，所以都還可以，蕃茄味都幾好味，不過因為有好多款意粉，下次可以試下其他。四重芝士pizza我同女友點左個細的pizza，size 偏細，但味道還可以，我覺得幾特別，因為佢俾左蜜糖我地沾，口味幾特別，因為芝士加蜜糖，唔知點形容，不過我都幾鍾意食蜜糖😊有得電子落單，幾方便，但因為睇唔到加一同折扣後的價錢，如果睇到埋會更好整體來說，味道唔錯，但我個人覺得唔算太貴但又不是特別平。但因為有恆生信用咭，所以抵食好多，你當8-9折左右

今日約友人到屯門相聚，揾個地方食下嘢，傾下計有套餐唔洗諗食咩法式 芝士洋蔥湯，初初都有少少驚好大洋蔥味，結果岀奇地味道剛好，我多心了頭盤香草烤雞凱撒沙律，沙律新鮮並配上凱撒醬醒胃之選小食香烤雞翼(4件) 一人一隻，還有蜜糖、檸檬可作調味，雞翼幾肥美又嫩滑意式炸魷魚圈配上Tartar Sauce，魷魚圈彈牙芝士煙肉帶子忌廉意粉，面頭鋪上芝士粉，與意粉伴著食很夾黃金四重芝士Pizza四重芝士，啱哂我芝士控唔覺意食左三塊香烤安格斯一口牛柳，有薯角伴隨還不少得的好朋友(茄汁)牛柳夠淋，在熱鍋上温度控制得很好Dessert-Tiramisu 餐後一點甜品餐廳防疫意識充足，食得安心

今晚收工之後行左去時代廣場睇下有咩食，睇到有意粉狂熱又有Pizza又有意粉就選呢間。我地選$318二人餐。忌廉南瓜湯好creamy，南瓜湯又好香濃好香。香草雞扒凱撒沙律，麵包粒好鬆脆，沙律菜又好爽脆又新鮮，配上凱撒醬一起食超好味。芝士煙肉忌廉帶子意粉，忌廉汁好香濃意粉又好有咬口，帶子又不韌又夠入味。明太子忌廉芝士海老披薩，Pizza是薄批外脆內軟，忌廉芝士好香濃，蝦又彈牙整個pizza超美味。蒜味芝士雞翼煎到外脆肉嫩又多汁。海蝦牛油果法包多士，多士脆連埋醬汁一起食又幾好味道。最後以甜品做終結又幾美味可口。

同事生日birthday Lunch 🥙 呢幾日天氣咁熱梗係商場啦😬😬這間意粉狂熱午市都幾full，應該都好味，啱晒鍾意食意粉嘅壽星女👍👍座位好坐，店員服務細心，探熱搓手隔膠板，齊曬午餐選擇都好多，意粉仲可以加大1.5倍，真係好鬼大份香草烤雞雜菌羅勒忌廉，羅勒一向我都非常喜歡💕用嚟煮意粉又唔錯喎！烤雞都好嫩滑，creamy得來唔會太漏😃美式辣肉腸pizza配炸雞🍗呢個組合超正呀，可以滿足晒兩個願望Pizza即叫即焗炸雞脆卜卜套餐包埋餐湯或者沙律仲有水果茶添，感覺好健康！食物質素唔錯環境又靚可以encore😜

屯門最近開咗一間pastaholic,身為屯門友嘅我梗係唔可以放過啦，我哋呢一晚7:00去到餐廳都仲係唔算多人加上疫情嘅關係需要隔枱坐，衛生方面都做得好好，感覺可以食得安心！唔使諗太多一於就那一個set dinner,份量兩個人啱啱好，我幾鍾意嗰個蒜蝦mad and cheese,芝士味都幾濃郁，鍾意食芝士嘅朋友一定唔可以錯過，只於牛魔王既老公當然要塊西冷啦，肉質都算唔錯，服務同埋上台都非常之快同有效率，買單四百零蚊左右，依兩個人晚餐黎計都算化算，滿意嘅一餐啊！

好友生日 ，役情又已經亮起曙光，慶祝一下，出街食個birthday lunch 😬😬新開冇耐，第一次來，地方都很大，座位好寬闊 🥰店員都好盡責，幫我哋測體溫 提供酒精搓手液👍👍見到午餐意粉🍝可以加大1.5倍喎 🤩🤩日本魷魚雜菌明太子忌廉意粉 🍝比我預期中好味呀 ，明太子濃郁海鮮香味 配上魷魚非常之夾，忌廉唔會膩，creamy 意粉軟硬適中 😋😋另外叫咗個pizza 配新鮮水牛芝士 跟餐仲有三嚿炸雞，大大嚿 😌😌認真夠抵食 🤣加多咗份 蒜味芝士雞翼 賣相一百分呀 😍仲有焗飯㗎，鮭魚牛油果忌廉焗飯 賣相唔錯 鍾意食三文魚嘅要試拉，不過份量就唔係太多 跟餐都有埋餐飲，沙律或者 餐湯，今日呢個南瓜湯非常之 出色👍👍食物質素真係唔錯 加埋環境同服務非常滿意，下次同屋企人嚟食先😝😝

🔺 Pastaholic 意粉狂熱今次屯門牛喺屯門覓食一直都想試吓意粉狂熱 最近係屯門開左就試試佢🙆🏻‍♀️.小食拼盤🥙🍗🌭香烤蜜糖雞翼新鮮熱辣出爐甜甜地又多汁👍🏻👍🏻炸魷魚圈炸粉唔厚 配他他汁好夾味😍海蝦牛油果法包多士係3款小食最出色嘅1款😍牛油果醬夠晒creamy 海蝦都好爽口👏🏻.溫泉蛋蒜香蘑菇鮮制意粉🍝好香嘅蒜香汁 鮮制意粉彈牙有別於一般嘅意粉👍🏻呢個汁唔係掛汁嘅感覺 所以食落唔會好漏👌🏻.海老忌廉芝士焗飯🦐外貌非常吸引而且都唔算好重味👻但係對比意粉失色左少少小編覺得個飯嘅質感太淋🙌🏻.明太子海鮮pizza🍕pizza皮好脆 係薄批黎明太子醬幾香 不過唔算好多海鮮🦞

放工同男朋友係市中心搵野食，發覺呢到間pastaholic已經開左好耐，但係就一次都未食過，既然係咁又未諗到食咩，今日就決定試試佢晚餐選擇原來都幾多，除左散嗌之外仲有set嗌，岩曬我地呢啲唔鐘意用腦既人二人set ($318) 首先黎個湯先，個湯落足料，好濃郁，唔會太稀太咸，味道剛剛好跟住就有半份既caesar salad，份量唔大，過下口癮仲有位食主菜另外真係不得不提，啲菜同蕃茄仔都係勁爽同勁甜，真係估佢唔到前菜方面呢我地就簡左香辣蕃茄濃汁煮青口(+$10)雖然要加少少錢，不過真係完全值得，食得出青口唔係啲爛海鮮，而且值得一讚既係個蕃茄濃汁，辣味唔會太重，用蕃茄既酸酸甜甜伴襯住啲青口，真係好開胃，最尾我地連個湯都清埋終於都到主菜～我地分別嗌左美式辣肉腸pizza同溫泉蛋香蒜蘑菇意粉pizza方面，因為佢唔係厚批黎既，薄薄地反而係我最鐘意食既一隻，起碼食落去唔會太膩先，芝士唔會太多岩曬我口味仲有個意粉，係我最鐘意既闊條麵個麵無煮得太淋，而且蒜香味好出，令到成個麵都好香，最緊要係溫泉蛋真係溫泉蛋，蛋黃可以流出黎咖～而且兩個人黎講啲份量真係岩岩好，飽得黎亦都唔會太濟又或者浪費食物最後甜品方

以前呢個舖位係食客家菜，成日話去都冇機會，點知已經轉成意粉pizza店。於是就留record有機會嚟試，今日終於得閒！呢個牛油果吞拿魚沙律好有驚喜，一嚟到之後發覺份量好大都係收你$58真係抵到爛 👍餐廳裏面有幾款意粉係手工做嘅，一場嚟到當然要試手工意粉啦！我點咗個雜菌溫泉蛋手工扁意粉,果然係幾好食喎！水準唔差得過出面高級意大利餐廳 跟住老公食嘅明太子忌廉意粉就唔係手做，不過意粉嘅texture都煮得非常之唔錯，佢仲加咗$10可以有1.5倍意粉底跟住見到有羊架$128兩件就叫嚟試下，五成熟煮得啱啱好。肉質又淋又滑，真係幾有驚喜。

疫情下已經好耐無外出食飯，見近期情況緩和，決定出關輕鬆下Pastaholic之前都想試，見套餐選擇多又唔貴，不過疫情前行過都要等位，所以而家先有機會試餐廳跟足政府指引，入去要探熱，同其他客人會隔開最少一張枱距離，所以食得好安心如果唔想喺餐廳食，外賣自取都有優惠蒜蓉多士，$12另外跟套有沙律或洋蔥湯，洋蔥湯係呢個時候必點，可以增強抵抗力，本身我唔食洋蔥，但我飲到呢個湯，夠清甜跟餐飲品，選擇熱茶係用茶壺上，飲完可以再加熱水，呢點安排非常之好蒜味芝士雞翼，$38又蒜又芝士，非常惹味🤤美式辣肉腸披薩配炸雞套餐，$88炸雞脆卜卜，雞肉唔會炸得乾身pizza係薄底，所以唔怕食唔哂蒜香白油汁海蜆意粉套餐$78蒜味香口配上鮮味蜆肉，又係另一款惹味之選Tiramisu，$38竟然有甜品，太耐無食，自己喺屋企又唔識整，所以一定要點

現在瑪格麗特披薩的熱潮風靡全球，可惜由於大部分香港人都只喜歡餡料超級多，以及餅底非常厚的披薩，所以香港只有很少披薩餐廳會售賣瑪格麗特披薩唯一一間有售賣的，而且又比較為人熟悉的，應該就只有Pizza Express了可惜它們的餅底質感卻非常粗糙，導致我一直都沒有機會嚐到真正美味的瑪格麗特披薩而在最近，屯門市中心新開了這間主打意粉和披薩的餐廳，無意中發現餐廳竟然有售賣我至愛的瑪格麗特披薩，所以今天中午的時候我立即便帶我媽媽來到這裡吃午餐了No.1【瑪格麗特披薩】$78這是意大利最傳統的披薩，並沒有任何多餘的餡料，披薩上分別只有蕃茄，水牛芝士，以及羅勒葉，雖然材料簡單，但就是最簡單的材料，才能真正嚐到廚師的手藝，以及食材的原汁原味！雖然披薩的餅底是手造的，但是質感一點也不粗糙之餘，更微微煙韌彈牙，每一口都相當有嚼勁，我們滿口都充滿著淡淡的小麥氣息，芳香四溢，香飄十里，讓人唇齒生香，回味無窮至於披薩上雖然只有蕃茄，水牛芝士，以及羅勒葉三種配料，但是混合出來的味道卻一點也不單調，蕃茄酸酸甜甜，香甜可口，而水牛芝士則香濃醇厚，芝味濃郁，最後的羅勒葉則口感清新而清爽，恰巧地中和了芝士的油膩感覺，讓人

近期有好多原因都唔可以周圍去...雖然有種種原因、但係今日放假去在shopping 順便食埋晚餐先返屋企...行過呢度...昅下個餐牌..都覺得幾抵食..就入去試下、環境地方都好大...同埋都坐得好舒服！我地叫在一個4人 set ...有香草烤雞凱撒沙律同餐湯...餐湯係特濃南瓜忌廉粟米湯！小食係香烤雞翼（蜜糖檸檬汁）味道酸酸甜甜都唔錯另一款小食係意式炸魷魚圈配他他汁、魷魚圈大大隻同埋炸到脆卜卜....👍🏻意粉係芝士忌廉煙肉帶子意粉...賣相好似細細份、但其實都好足料既...仲有黃金四重芝士pizza (配蜜糖）薄薄餅底..有香濃芝士味...想味道豐富啲..仲可以加少少蜜糖...最後仲有甜品朱古力Tiramisu...👍🏻👍🏻