意蠔屋 (已結業)

第一次的食評，貢獻了意蠔屋。由於男朋友住大圍的關係，我們就到附近尋覓餐廳二人世界積富街附近都有不少食肆，平時食開港式同中式餐廳，今次想吃西式，就選擇左意蠔屋。入到去坐低，好快咁落左單﹗感覺到四周都有熱氣，叫女侍應開大個冷氣﹗大獲！「我地個冷氣壞左喎﹗」 (有D"室"定唔知蚊滋,見到我同個小朋友都有D痕)算了~~~ 忍~~~ 本身諗住慢慢嘆，但個環境因素問題...個個食到出晒汗..所以都係想食完就快d走人~~~等左一陣, 野食就到喇(叫左勁多野食!!!)做法不錯的牛舌！我們Order完旁邊兩張枱見到都加左單^^ haaa薯條落枱時既芝士已經唔係溶化，而是非常乾身~~~不建議大家試這個.... 可以叫其他...皆因我是非常喜歡吃羊架! 所以放係我面前已經好吸引﹗羊架做得唔錯~ 好快食完~~但個意大利飯係我全晚最失望整得太生﹗食左一啖都冇再食過﹗早知係咁就散叫羊架算了

先前到訪名點，路經店子小小的意蠔屋，約有二十多名食客擠滿店內，那時已經悄悄地勾起對它的好奇心，加上名點的美味巧點，觸發再次踏足大圍覓食的慾望，今次的目標當然是意蠔屋。意蠔屋的位置比名點更加接近火車站，只需數分鐘步程經已到達店舖，當時門外有著數名食客等候，原以為要苦等一番，幸運地他們正在輪侯四人枱，剛好店內最內的位置仍然有一張二人枱，所以不用等候，便可直接入坐，後來發覺當時店內是有座位的，店員只需稍為調動一下餐桌，將兩張二人枱合併，外面的食客便不用繼續輪候，這樣反映著店員對客人不夠體貼，雖然自己可以免卻等侯之苦，不過用餐時，常常受蚊子騷擾，所以除了店員的細心外，店內的衛生也需要整頓一下。 鹽燒牛脷--長長的碟子，一邊滿載牛脷，一邊塗上芥末醬，牛脷大約有十多條，份量十分慷慨，奉上時熱烘烘的牛脷散發著點點香味，牛脷肉質鬆軟香口，味道濃厚，配上芥末醬一起吃下，頗為美味 燒羊架配鮮蕃茄天使麵--兩大件羊架放置在紅紅的天使麵上，賣相不錯，而且份量十足，燒羊架差不多全熟，雖然肉質仍然有汁不韌，但是不夠嫩滑鬆軟，羊羶香味是有一點，並不算是濃烈，羊件只有少許脂肪，所以油香味不足，天使麵比較幼細，麵質也算

你喜歡在哪吃西餐？是高檔的燭光晚餐，還是大眾化茶記鋸塊扒？怕荷包受傷又想食得好少少的我，揀了間價格相宜，食物又非常精緻的餐廳。意蠔屋有幾間分店，我多數去的是大圍分店。鋪頭細細，座位不足，點維到皮；當我坐下去更覺：「不太好坐，服務不算好，怎麼做生意？」只是抱著一試的態度來，當食物來到時，我們一行四人都知道沒來錯了。是食物留住客人了。燒牛脷上到來的時候本以為拿到錯桌號，未曾見過紅燒般的牛脷。原來是醬汁醃製所致，牛味很香再有些叉燒醬味。沾點芥茉吃更惹味。芝士三文魚多士魚多士吃過好幾次，這兒做得不過不失。芝士與三文魚算是永無走雞的配搭，兩口搞掂的尺寸十分貼心，多士類東西一定要趁熱吃。蘑菇蜆肉意蘑菇這玩意很久沒聽過啦，現時餐廳都喜愛用雜菌替代了。蘑菇不會喧賓奪主的濃香味是雜菌給不了的，這證明意蠔屋了解食材亦沒偷工減料 (雜菌要比蘑菇便宜)。蜆肉也是大顆的，沒有煮老，配合更易掛上汁的粗意粉，可口。茄汁海鮮天使麵茄汁偏甜，酸味還夠，很配海鮮；海鮮非常足料，你看照片中又青口又蝦又魚肉，什麼也有。天使麵比較小，還不太佔胃子。剛吃完厚汁的意粉，這帶來醒胃作用。燒羊架意大利飯 (另加羊架)羊架燒得很嫩，少少

一入店鋪,裡面唔係太多客人,因為唔想搭枱,所以想坐另一張枱,我問待應可唔可以坐另一張？佢即刻答（唔得）係都要我地搭檯。到我地叫完野食之後，佢攞餐具黎的時候，就好大力咁飛埋張檯到，仲要飛中我男朋友，仲要跌左落地，之後佢完全冇想過要執！！！！！我真係唔明，係咪呢間鋪嘅老細咁樣教啲待應，定還是係呢個帶眼鏡嘅待應係咁，啲野食係好食既,但樓面既待應真係要大大改善！！！！！

今次3點零鐘過黎食下Tea先，好彩仲有一張雙人枱唔洗等位〜一睇個餐牌下午茶只係$3X蚊，都有差唔多20款揀，唔！幾好我地叫左個芝士蜆肉蘑菇焗飯，忌廉汁蘑菇鴨胸肉燴意另外再加個芝士焗生蠔芝士蜆肉蘑菇焗飯，好多芝士蜆肉蘑菇份量剛好，個飯熱熱的，好食以下午茶黎講算唔錯！忌廉汁蘑菇鴨胸肉燴意，個人覺得比焗飯好食，鴨胸肉好大塊好有口感！正！到芝士焗生蠔....芝士同香草味都好重但係好咸....但都大隻...下次唔會再叫

2012-12-26今日去o左大圍間意蠔屋 Pasta And Oyster House試o下,因為聖誕其間佢地做o左幾個套餐俾大家揀的,我揀o左兩個套餐,前菜係蟹肉蟹籽沙律,都有唔小蟹肉嫁,幾好!個洋蔥海鮮忌廉湯同飯都ok香辣三文魚扒>>份量都唔小,塊扒都幾厚肉,一d腥味都冇,煎得好香口,個咖哩汁都幾香,但係就一d都唔覺得辣喇!鮮番茄海皇天使麵>>份量都ok番茄味都夠濃(不過我覺得都有落到小小番茄膏的)有2隻青口、2隻蝦、蜆肉同唔小蟹籽的,天使麵個口感都幾好!

lunch唔知食咩好，行過見到佢好多相好多芝士，就入去試下啦叫左個 芝士焗海鮮意粉，d海鮮同佢d相一樣份量，不錯 芝士都算足料，焗溶左ge芝士同意粉加埋一齊食正! 焗得夠乾身，唔會面頭乾入面水汪汪! 整體黎講呢份意粉係正野!! 但盛惠六十幾蚊，所以選係收咁ge價錢正常要有咁ge質素 唔可以話係抵食另外仲試左個牛利，大大件，賣相好抵食，但食落覺得再切一半效果更佳，太大件d調味好散，有d夠味，有d無味總括而言，我比得咁ge價錢，你比呢份lunch我，係正常ge 可以一試

前往原因：ｏｐｅｎｒｉｃｅ見到意蠔屋在大圍開分店，諗住同紅磡店水準差不多，平日放工懶煮飯，決定去試下。美食試食點：芝士肉醬焗薯皮　－　本身喜歡吃薯仔。咁整簡單又好味！芝士焗得夠香，薯皮夠乾身。燒牛脷　－　好好食，處理買回來的牛脷需時，哈，出去街食就可以慳番好多功夫！　這個牛脷幾好食台，盬量剛好。食到最後一件先記得影相！雜菌意大利飯　－　味道不錯，但較濕，即多左少少汁。珍寶蠔配墨魚汁麵　－　珍寶蠔較為無蠔味，墨魚汁麵煮得太爛，完全無意大利麵應有的口感。

尋晚同兩個朋友見到呢間意蠔屋,諗住個門面靚靚地就入左去食,點知一坐低原來連水都冇得供應,裡面十分窄,食野都同隔離枱個人手貼手咁食,餐具又十分污joe,碟意粉又成pat水浸住咁上碟,個waitress既態度十分差,我個朋友叫左個晚餐想叫佢多飯,佢就用d好不屑既語調同我個朋友講話"多飯要加6蚊喎",我朋友答返佢"唔緊要,咪加囉",再想叫汽水,個waitress又話"要加6蚊喎",d咁既服務重要加一,真係一肚火呢d經驗真係一次就夠

個日去到意蠔屋叫左墨魚汁意粉,見有d唔舒服唔叫野飲,跟住叫個樓面比杯水我,點知佢竟然話佢地鋪頭無水提供都唔知有無攪左做食店,連水都無提供比人,佢又唔係乜野出多食店個一刻真係好火lo....個意粉等左大約15分鐘就有啦,呢個意粉食落太咸,意粉硬,墨魚汁亦不夠味,食品質量麻麻,又無服務,我一定無下一次囉

星期六下午冇野做, 一個人落街食午餐, 因為大圍愈來愈多人, 所以都愈來愈多食市. 因為唔急, 而且好耐冇時間響自己屋企附近行, 所以順便走幾個圈, 行到有D餓, 最後想決定食D「口感厚D」既野, 就來左呢間意蠔屋. 意蠔屋既野食質素比大圍平均水平高, 當然價錢已經反應左出黎, 平均消費$55. 但係絕對物有所值.內裡地方有點小, 而且燈光太暗, 不是最佳環境, 一來太多人, 二來一個人也不想自己一個坐在地方太細的環境進食, 所以最後我叫左一個芝士焗肉醬飯 + 可口可樂外賣回家. 為左令今次一個人的午餐更加完美, 我仲專程去超級市場買左一枝Tabasco辣汁.$48芝士焗肉醬飯是合理既, 芝士焗肉醬飯非常美味, 芝士非常厚, 而且用料重, 我將D芝士先攪拌, 當D斷開既芝士絲同肉醬飯"low"埋一齊時, 再加DTabasco攪下攪下, 味覺絕對一流!意蠔屋既環境方面就不太好, 服務也很基本, 我看出主要是比較後生的服務員RUN間店, 所以我以後都應該會叫外賣多.總括: 芝士焗肉醬飯 + Tabasco + 可口可樂 + internet + 屋企 = Best lunch ever!

原定帶小朋友放學後到這裡，約好了公公來個"快快"下午茶後便回家馬上做功課的。進去後, 已有一枱客。 我們坐下後, 侍應愛理不理的。 點了一份芝士焗蕃茄法包, 凍華田及檸茶各一杯。 等了5分鐘, 公公來了, 他再點了一份雞翼+薯仔沙律和一杯凍檸茶。 首先, 公公的檸茶先到, 我已心知不妙, 再等多5分鐘先點的凍華田及檸茶才到。 廚房根本不按單的次序來出食品。 再等......等......., 足足20分鐘那個雞翼+薯仔沙律先到, 我們的芝士焗蕃茄法包不知包到那裡去了。 薯仔沙律的味道: 無味; 雞翼普遍。 再等了10分鐘, 芝士焗蕃茄法包才到。 其味道都幾好, 但等了這麼久, 什麼分也給扣掉了。公公不識趣, 吃罷還要再來多客蒜蓉包。 唉, 又要等....... 今次這客包又弄了15分鐘以上, 因為廚房焗燶了, 要再做..........不知不覺這個下午茶吃了差不多一個半小時。 很可惜.............這餐根本不是high tea!!!廚房的效率是這樣......真不知道怎樣繼續做下去............

太耐無返大圍，都唔知食咩好行行下行左去後巷....估唔到開左咁多間野食第一眼睇以為佢係啊信屋，唔知係餐廳...唔多人，我估因為LUNCH比大圍附近食店貴 LUNCH 餐$50左右我食左個是日午餐 焗芝士雞扒飯 , 其實不太特別...同外面連鎖快餐店差不多 ... 所以唔克意形容..50$ 不值... 餐廳環境細，沒記錯應該8張枱左右, 修裝比較有風格，暗暗地 我覺得適合小情侶多..

七一後補假 , 留o係屋企食完 Brunch , hea 下睇下令電視上下網 , 3 點幾落大圍搵妳食下午茶加晚餐本身想食o個間店落緊場未有得食, 於是黎左妳推介o既意蠔屋1. 蒜蓉包併雞翼~ 兩塊烘得好脆o既蒜蓉包 , 係用蒜味牛油而不是真係有蒜蓉 ,但味道都幾香 , 仲幾大塊添 , 三隻雞翼又係大大隻脆卜卜 ,雞翼面度有少少炸蒜粉 , 更覺惹味 , 果然水準唔錯 ^^2. 辣茄汁肉碎天使面~ 估唔到下午茶餐都咁大碟 , 天使面煮得幾好, 肉碎微辣幾好食 , 不過就鞋左少少 , 個汁有鮮茄味 , 可惜係d 辣油撈唔勻 , 有一啖食落好辣 ## 兩份下午茶餐加埋兩杯 , 埋單 $ 57 , 幾抵食搵日黎試下黎食下晚餐 , 食下佢 d 海鮮先 =)

朋友是大圍街坊,是他帶我來的, 幸好當日不是太多人, 所以不須要等候就有位, 我們各自order 一個晚餐, 還加多一個鹽燒牛脷,晚餐有湯, 意粉, 飲品, 價錢大約是$43-$48 , 份量很足, 味道剛剛好,因為我不喜歡吃得太咸太濃, 但感覺橄欖油好像下得太多......... 我點的天使麵裡的配料雖然不是很多,但麵很多 , 差點吃不完。 鹽燒牛脷也好吃。這裡地方淺窄, 不是傾計的地方, 我們也識趣地吃飽就埋單。