愛家素食 (PORT 33)

营业中

休息中

羽衣甘藍大哈漢堡48元，好新鮮的veggie burgers，個素蝦質感真是好像真蝦，也有點魚蛋的感覺。其實唔講真是分不岀是素漢堡，真心覺得廚師好叻。另外包的質地味道都是一流，唔係普通既麵包，甜甜地，而且好彈口，令人難忘。飲品選了藍蝴蝶豆花茶，店員說能安神改善睡眠，見到杯茶由藍色，店員加兩滴檸檬汁之後變紫色，真是好靚。味道淡淡的，不是濃茶但又不能形容，因為是好特別的味道。清清地，很好呢。好欣賞呢間小店，好有人情味，吃素不只養身，也能養心。

近年素食主義大行其道，除宗教理由外，還有不少人士是本著健康和環保理念，開始吃素，或奉行週一素食日(Green Monday)，減少吃肉，就連新蒲崗工廠區內也開了一間愛家素食(Loving Hut)分店。餐廳只得幾個座位，但吧檯面向水吧，可以清楚看到製作過程，店員全程帶上口罩和手套，很整潔衛生。兩位女店員都很親切友善，耐心地向我們介紹餐單，真的很貼心。二人點了沙爹玉片漢堡套餐(配沙律、飲品)$48、栗米牛肝醬大哈意粉套餐(配飲品)$62，漢堡造型非常神似，可以假亂真，沙爹醬食到花生香味，麵包用了健康的黑芝麻做，賣相更美觀，配上青瓜和沙律菜，開胃又健康！意粉的醬汁很惹味，素蝦雖沒有鮮蝦的味道，但有真蝦的彈牙口感，食物水準不錯，據員店講，他們是自設工場的，所以食物質量有保證。飲品方面，是店員推介的新口味，檸檬+蘋果味礦泉水，有點似可樂，但沒有汽水過甜的感覺，味道很清新。整體服務都很滿意，值得推薦！

今日去探男朋友之前要去新蒲崗拎拎野發現到一個新嘅商場開咗😛一上一樓就見到一間素食為主嘅西式料理店😛咁我坐左bar 台位一個單人位,可以望住佢地煮野食!即叫即整😛首先我點左一個蕃茄紅菜頭湯😘好fresh !!入面完全無味精味,而且蕃茄同紅菜頭既酸味適中,同埋佢地好濃,好似食晒成個蕃茄咁🍅之後就要左一碟意式肉醬意粉配大蝦(素),要將入面嘅肉全部都係素肉,但質感同真肉都好相似,同埋鮮茄嘅味都好新鮮❤️意粉份量仲好充足足夠一個男士食😙我另外嗌咗個一個新鮮素雞嘅小食,外皮夠香脆仲諗左少少准鹽喺上面好香口!!真係好想推介佢哋杯野飲,其實係一個mix 左既汽水❤️入面有檸檬同蘋果味 正正

小編可謂真係正正宗宗嘅食肉獸，但真係好想令大家知道，大家要食多啲素食，因為好幾個地球之肺最近都著晒火，再唔食多啲素食，global warming等等問題真係越嚟越嚴重啦。/意式玉醬配香茅天香吉 💰62 7⃣呢個意粉係用火腿扒， 牛肝菌及香草做調味，意粉係相對嚟講比較粗身小小，食落去唔係煙韌果重，反而係比較soft少少。可能係呢個原因，所以每一條一份都所晒所有汁。老實講完全食唔出係素食意粉。香茅天香吉係素雞，食落去如果唔同我講真係以為雞肉。/芝麻包&叉燒包配四款點心 💰38 7⃣叉燒包食得出係素包嚟，同茶樓嘅叉燒包係有小小分別，但都係好味～芝麻包真係好正，咬得越耐就越香！麻辣燒賣，完美燒賣，黑松露餃同埋鮮滋味餃，真係同茶樓差唔多，好值得一讚邊個話食素要好辛苦？！/忌廉貝果 （朱古力/草莓）💰28 8⃣店員好細心解釋用咩成分去整，咬落去比正常嘅更加有咬口，小編覺得真係會自己買嚟食。朱古力同埋草莓都係素dressing，真係好好味呢個貝果。/有氣蘋果果汁 6⃣小編都幾鍾意呢個sparkling water，飲落去好清爽舒服，完全唔驚有任何負擔。

平時食得大魚大肉多 間中都要食翻清淡少少 ，一黎清清腸胃 二黎對健康好 ， 我就經常會甘做 久不久食下素食 呢到除咗喺度食之外 ，仲有原材料可以俾你買返屋企自己煮㗎 ！！ 叉燒漢堡 食落同正常漢堡冇咩分別 系味道偏向少少酸 比較開胃 ， 旁邊嘅沙律🥗 五彩繽紛 用左好多五同嘅蔬菜 增加美感之餘吸收不同嘅營養。 牛肝菌 蝦🦐 意大利麵 牛肝菌醬 食落好有濃湯嘅感覺 味道好濃郁 ，加埋啲意粉 夠味 意粉五系煙韌 系偏向身少少 個人幾喜歡 💕 有氣健康果汁🍹 用健康生果去溝成 我哋最鍾意飲嘅可樂 ，呢枝可以解決對可樂上癮 人既煩惱 🤣🤣🤣 紅菜頭湯 紅菜頭補血又通血管 夠哂健康 ，黑胡椒味比較重 。 布丁 🍮 有桂花同朱古力味 做飯後甜品 ， 桂花味好清新架 ！！

平時間唔中都會搵啲素食餐廳，見到屋企附近有就晏晝去試下😎 首先會有個南瓜濃湯，佢呢個係真係真材實料南瓜味好重，而且唔會覺得好多忌廉，飲落去會食到南瓜蓉，但係口感依然好細滑。白汁牛肝菌意粉，呢個意粉食落都有少少似南瓜湯嗰種感覺😂 個質地比較厚，但係撈埋啲意粉味道好好。意粉比較粗身，雖然唔係口感煙韌果種，但係同啲汁一齊食係好吸味好正，好快就清哂😝沙嗲肉片漢堡，呢個都係用豆腐去造成好似肉片咁嘅質感，食落去同真嘅好似，而且呢度嘅沙嗲係加入左花生粒，口感更加逼真。旁邊仲有沙律菜十分之健康。蘋果汽水，好鍾意呢個蘋果味嘅汽水，飲落去清清地嘅蘋果香，再加埋有少少氣，健康過可樂好多仲要好飲朋友揀咗金盞花茶，好香菊花味同埋好健康！之後一人加多左一個甜品，係好似日本嗰隻水信玄餅，冇加蛋奶，食落好特別，味道比較清新，有少少似奶凍同啫喱之間既質感，又唔甜，食多啲都唔怕！

原來新蒲崗有呢個新商場，位置方便，而且環境非常好。上一樓之後有幾間食店，都是小小的食輕食為主的店。呢度好舒服，同外邊繁忙嘅街道話食店好唔同，係一個好好中午輕鬆一下嘅地方。Loving hut 好耐之前喺淘大食過，之後好多年都冇再幫襯，今次再嚟，食咗好豐富嘅午餐。今日咁岩係初一，所以比較多人食素，等左一陣位。今日我哋食咗素漢堡包餐配沙律，及酥炸素豬配粟米牛肝菌將香草意粉，意粉嘅醬汁非常好味，店員話係自家製嘅醬料，另外也食咗政治數點心，有營養豐富嘅黑芝麻饅頭，素燒賣和數下覺，全部都好似平時食嘅點心，不過比較清淡，而且冇咁行，相信係健康之選。另外叫咗兩罐健康汽水，糖分比較低，但口感都非常好。

最近轉左去新蒲崗做運動， 喺商場入面見到有呢間餐廳，做完運動唔想食咁heavy，果斷決定食素平時食中式嘅素食就食得多，西式嘅素食都係頭一次食入到去店員好Nice咁介紹餐牌，有講食全素嘅人有分唔食蛋奶，所以佢哋都冇呢啲成分，係100%純素Order左食物之後佢哋係即場整紅菜頭雜菜湯平時出面比較少見到有呢個湯，紅菜頭味道好濃，入邊足料多雜菜，比平時番茄湯更開胃素豬扒漢堡素雞扒菠蘿漢堡比較開胃嘅可以選擇雞扒，想飽足感重啲嘅就要揀豬扒老實講素食其實同真嘅肉分別唔係好大，但係食落去感覺舒服啲，無咁濟配埋沙律，同出面西餐一樣百香果蜜有百香果嘅香味但又唔會好甜薯條同炸雞丁薯條就同出面嘅冇乜分別，但因為佢哋用炸鍋，唔會咁油膩。雞丁真係好驚喜，咬落去同麥樂雞冇乜分別，同食肉一樣，好值得一試忌廉貝果 （朱古力/草莓）店員有同我地細心解釋個忌廉同埋麵包嘅成份，我哋覺得佢哋真係好用心去做素食朱古力味好濃而且忌廉口感好滑，草莓都唔會好甜好假。貝果好香麵包嘅麥味，但有落去有好煙韌另外店入面其實有好多健康嘅零食同埋急凍素食，之後都會多多支持！

間中會食下素食，因為覺得可以保護環境，又對身體好。今天去旺角做完body treatment，過左新蒲崗食loving hut愛家素食。這間分店在辦公大樓內，以輕食為主，坐位不多，因為主要做上班一族的外賣生意。這裡食物價錢不貴，一個午市套餐才40多元。店員說，價錢大眾化，因餐廳想向大眾推廣素食，一個套餐已經包含身體所需營養。這裡提供純素，無蛋無奶無蜜糖，所有食材都在店內親手製作，如麵包，肉醬，醃菜等。今天選擇了肉醬意粉，沙爹漢堡和素點心。我最愛沙爹漢堡，素肉有口感，幾可亂真，而且沙爹醬內含粒粒花生，非常香濃惹味。意粉的肉醬用上新豬肉，同樣地和真豬肉味道口感都相似。這餐素食既飽肚又健康!

早上8點開門，晚上六時半結束營業， 去到晚上點完仲係 ，笑笑口，對每一位客人都非常有禮貌， 和藹可親， 店舖入面每一個食物都用 唔同尺寸保鮮盒放置 ，擺整整齊齊放入雪櫃 ，作為客人，見到都食得非常安心。羽衣甘藍大蝦漢堡 配沙律套餐48hkd漢堡係由麥皮加黑芝麻所做成， 口感非常獨特，健康又好味， 大蝦口感食落好似龍蝦丸味道， 沙律加咗酸青瓜， 車厘茄， 蔬菜，麵包糠，紅蘿蔔， 酸青瓜喺沙律既重點， 開胃好食，少不了前菜。南瓜濃湯材料包括椰菜花， 西蘭花， 甘筍 ，番薯，南瓜， 加入咗少量香料及鹽， 特級濃 素食月餅素食月餅食落同奶皇包非常相似，不過係一個脆皮嘅外皮，所制成， 用咗非常特別嘅糖漿搽喺外層， 冇用蛋黃但係有做到奶黃效果，要師傅有水準才能做到 點心 38hkd/4件麻辣燒賣/ 黑松露餃/ 完美燒賣 / 鮮滋味餃餃子燒賣同普通酒樓食嘅非常相似，不過呢個係素食。 粟米牛肝菌醬意粉餐（ 豬扒餐）62hkd意粉介乎烏東及公仔麵之間嘅粗度， 屬於粗意粉，面頭有好多數條火腿扒調味， 牛肝菌及香草頗多， 味道香濃， 豬扒一開四， 醬汁酸咪咪的，食落口感似餃子。

經新蒲崗見Port33商場幾靚,行入去逛，見愛家素食是開放式廚房，心想必定乾淨企理。店員推介素肉蕃茄醬意粉，素肉像真肉般很煙靭有口感，真不錯。素火腿磨菇意粉，意粉索左醬汁入晒味道，很好味👍，南瓜🎃濃湯很香滑，用南瓜薯仔紅蘿蔔西蘭花🥦椰菜花打成，百分百原汁原味，超正。真有住家湯的感覺。炸素豬扒用空氣炸鍋不油很香脆，很有肉質感。菠蘿素肉很清新的配搭。食素真不會滯，可以再來一碟點心拼盤，有素蝦餃、燒賣、粉果、菜肉包，因材料新鮮所以咁好味，去飲茶我以後多左一個選擇。見大蝦🍤羽衣甘藍漢堡，美觀又可愛於是點了一個，原來是自家製漢堡包加芝麻粉，更有益健康，羽衣甘藍很新鮮又清甜，大蝦很爽口彈牙，麵包質地鬆軟有少少芝麻清香好美味，真是不錯的素食店。值得一讚是兩位服務員態度非常親切，講解、介紹食物，我們吃左開心又滿意的一餐。

事沿上星期三放假, 經過新蒲崗, 當然要黎食我期待既Loving Hut啦, 點解, 需然只有幾個Bar台位置坐, 但勝在佢所有的食品都是「無機因改造」，而且煮法全部少油, 所有既食物係冇無味精既, 仲要價錢超抵, 中午套餐都只係$48, 上次黎係Tea時間, 所以就試左佢地自家制既燒賣, 仲要有麻辣味添, 甘今次我就點左個”重量級大蝦漢堡”餐, 睇下個餐包咩野食先, 店主先黎整個是日餐湯-紅菜頭什菜湯,  飲第一淡, 有少少酸味味, 好開胃, 裡面既什菜又唔會煮到爛晒WOR, 好fresh既感覺, 第一次飲到甘特別既紅菜頭湯, 跟住就到主菜出現喇, 我最愛既野食之一漢堡, 依, 估唔到原來有埋沙律喎, 甘當然試左個沙律先啦, 個沙律真係好有心思, 出面d沙律多數只有什菜加二粒蕃茄仔然後加醬, 佢地既沙律一黎已經好吸精, 七彩顏色, 有什菜, 有紅蘿蔔幼絲, 有蕃茄絲, 有青瓜幼絲, 有蒜蓉包粒, 有芝士粉, 勁多材料, 但冇醬既, 甘我就去問下店主啦, 哦, 原來青瓜幼絲係店主自加制既酸瓜黎咖, 店主話出面既普遍落沙律醬, 所以佢地嘗試創新同埋冇甘漏, 甘就試下啦, 試完真係好好味,

呢日同老婆臨離開新蒲崗之前打算買個外賣返屋企食.我地黎到呢個商場, 望見呢間食店的名稱, 同灣仔果間吃三餸飯的愛家餐廳一模一樣,但呢度所賣的食品與灣仔愛家各不相同.呢度d只有吧枱, 座位不多, 堂食似乎不太自在,所以我個人覺得買走比較好.值得一提係呢度兩位女服務生態度非常親切,能清晰說明各項食品, 謝謝她們. 羽衣甘藍非常新鮮, 清楚嚐到它獨有的甘甜味, 此外, 因只摘下了較細嫰的部份, 所以口感柔軟, 唔會又硬又鞋. 至於素蝦, 味道一般, 像獅子狗腸的那種味道及質感, 其實除左蝦堡外, 仲有叉燒堡的, 下次我會試試素叉燒. 另外,上下兩塊麵包非常好吃, 甜甜的, 帶點煙靭. 菜肉包入面的肉碎味道及口感與真豬肉無異, 真係好似好似真肉, 係咪用上最近好流行的植物肉? 羽衣甘藍堡餐包括一份非常新鮮的沙律及一碗湯, 因湯有洋蔥成份, 老婆不喜歡, 所以我改配茶. 菜肉包點心餐已包括4件點心及一杯豆漿, 點心方面我選了原味燒賣及原味蝦餃, 但坦白說兩者都不太好吃.有精緻的bagels, 我未食過全素的忌廉bagel, 下次有機再來時要試一試.