感 (已結業)

係韓式 ge 蒸海鮮, 味道 ok la冇咩特別~ 價錢唔算平海鮮好多款, 不過唔係非常新鮮 o個隻好多海鮮 o甘, 望落都幾吸引 ge龍蝦好大隻, 影相一流 其他 o野食都 OK爐邊蛋有得 refill

之前試過大坑九重鮮海鮮塔，覺得好過癮，所以今次試下第二間三個人食，訂了五層海鮮塔，話3-4人份量，＄888加一，材料有蝦、蜆、鮑魚、蟹、帶子同最下面的人蔘雞湯蒸海鮮主要食鮮味，佢呢個塔唔算好鮮，不過不失最底個湯幾鮮味，但問題一樣，得好少，唔知有冇足料一隻雞，而且糯米得好少，唔可以當粥食，只可以勉強叫做湯水同埋個湯唔係用蒸海鮮出來的海鮮汁烹調，而係一早有D湯，食到最後翻熱，所以一般雖然價錢平過九重鮮，但九重鮮食得飽飽離開，呢度飲埋湯都唔太飽，搞到最後我地要OPENRICE下附近有咩食隔離枱一樣食海鮮塔，結果佢地再叫BBQ同其他食物先剛剛夠飽服務一般，唔叫加茶都唔會加相冇影過一張，大家都影像到個樣係點樣：一個塔有五層、每層有一堆海鮮攤喺度、最底係個湯總括而言，有得揀唔會再食

有朋自遠方來又指明要食蒸鍋, 剛巧閱到一篇名人介紹的文章,於是成就到此飯局.蒲進店,一張張大飯桌及偌大的空間,感覺很舒服.如一般韓國食店一樣, 韓式小食是必備的. 由於蒸鍋一早已預定,但又 擔心唔夠食.所以額外叫了一些食物.豆腐沙律: 第1次試,原來豆腐可以做沙律,味道很清新,推介! 五層塔海鮮窩:最頂層-蝦,夠大隻,夠彈牙第2層-花甲,size一般第3層-鮑魚&扇貝. 鮑魚厚身但出奇地’林”,正! 扇貝數量少,唔夠分,無得評第4層-蟹,看似細細隻,其實好好肉第5層-人參雞湯, 參味越耐越出總的來說, 海鮮堅新鮮!牛肋骨: 骨比肉多,味道甜甜的,個人唔太喜歡!豬頸肉: 味道又係甜甜的!係咪韓國人喜歡甜??Menu: 內無乜蔬菜選擇,未夠周全. 服務: 可能地方大,侍應們未能留意到客人有需要.

Lunch時間一行5人黎到北角既5enses，好彩唔洗等位小食有泡菜、醃芽菜、青瓜等等泡菜無其他韓式食店咁酸，反而幾岩我胃口我點左個韓式炸雞飯，炸雞新鮮即炸，一上枱熱辣辣白飯面加上黑芝麻，食起上黎多左種芝麻香氣，可以中和下炸雞既油膩感。至於主角炸雞，食既時候可以點上跟餐既醬汁，醬汁凍凍地，加上熱辣辣既炸雞，非常過癮!而且雞肉熟度適中，咬起上黎依然有雞汁流出，好功夫!

自從在韓國連吃了幾晚炸雞+啤酒真的愛上了韓國炸雞愛上它的多種味道選擇Juicy又多肉又滑的雞塊脆脆口感其好（感肥大業呢）所以去到韓國餐廳病態似的點了炸雞飯疑似老闆娘真的會說韓語！所以這間餐廳應該很韓的！！每一份餐點都會有韓式餐前開胃小菜（每次不同的）炸雞味道：跟韓國吃過的不同，雞塊上沒有味粉這個炸雞是點醬汁的但一樣的Juicy一樣的滑炸雞炸得金黃色脆脆的外脆內軟

北角新興食肆非常多 今次係韓式食店5 Senses Korean BBQ Restaurant呢間食店最岀名就係海鮮塔同韓燒食之前 黎d前菜先韓式醬油生醃大肉蟹 $240一隻好食指數: 4.2/5抵食指數: 3.8/5又係個句 本人麻麻鐘意韓式食品今次仲要係生醃醬油蟹 都係抱住試嘅心態食落又幾ok 醬油味道甜甜地 少少辣用口一啜 蟹身啲肉已經係哂口 非常方便蟹肉雖然叫做醃熟左 但都係生肉質地好似食緊甜蝦咁 非常鮮甜適合唔太喜愛韓式食品嘅人嘗試 一定一試難忘今次黎嘅主因都係呢個海鮮塔海鮮狂又點會放過食海鮮嘅機會😏一入門口就見到有個魚缸入面海鮮十分生猛 就知道質素有保證五層海鮮塔 $788好食指數: 4.5/5抵食指數: 4/5即叫即係面前蒸嘅原故 所以要耐心等15分鐘 等蒸氣蒸熟食物海鮮塔一共有五層 一打開最頂就係大大隻海蝦😍而且仲揾竹籤串好 方便拎起蝦肉好鮮甜 因為係蒸 唔係白𤆥海水鮮鹹味道仲保留到係蝦肉上面味道果然唔同👍想睇下面個幾層咩？ 第二層係花甲😍😍😍其實有好多人對花甲有誤解 以為咪又係蜆咁就大錯特錯 花甲雖然都係蜆類但殻較薄 肉厚鮮嫩 價錢緊係較貴 不過抵食又係一條數😎呢層花

北角原來都有韓燒 仲有好出名既海鮮塔忝！一於同朋友黎試一試～韓式醬油韓 $240 一隻第一次食生蟹 心肝卜卜跳原來真係好鮮味架肉質好似魚生咁 滑嘟嘟醬油甜甜辣辣 不過蟹係好多細菌架所以要生食蟹既質素一定要好好！五層海鮮塔 $788 呢個海鮮塔有五層 第一層係大蝦 幾大隻架！第二層係花甲 鮮甜可口豉油都唔使點呀第三層就係呢個扇貝加鮑魚都係好大隻 勁正而且非常有咬口 好好味呀！第四層就係蒸蟹蟹蓋好多膏而且蟹肉非常清甜最底層係人蔘雞湯吸左上邊一層一層海鮮既精華味道非常濃郁又有益！自問係海鮮迷既你一定要黎試下喇韓國桃汁 好飲！ 之後就黎韓燒喇～爐邊蛋冇得走雞！ M7和牛 $360 200g澳洲M7和牛出晒名睇下！油脂分佈幾平均而且燒到五成熟左右就啱晒啦點少少鹽擺落口 已經食到極香既牛味肉質非常新鮮嫩滑 正再黎極上醃製牛肋骨 $260牛肋骨應該係香港人韓燒必點既因為係牛味係最香濃既部位而且食落亦都係比較有質感呢個牛肋骨醃得非常入味所以就連醬汁都唔使點！地址：北角七姊妹道112-114號合偉大廈1樓

難得與朋友聚會,大家咁耐冇見都想找一間餐廳可以坐得耐,又可以傾到計的餐廳食飯最好是在東區,因為朋友們都是東區人,所以北角區係首選最近潮流興食一層層的海鮮塔,朋友建議到這間餐廳試試我們期待已久的五層海鮮塔來了!因為要先蒸十五分鐘,所以在等待期間,我們先吃醬油蟹蟹是用秘製醬汁生醃,以為生蟹會很腥,第一啖食落去都有啲驚驚地點知原來醬油蟹係咁鮮甜,好多膏吃了一半,15分鐘時間已經不知不覺過了,可以吃第一層的海鮮塔!第一層係大蝦,蝦頭有好多蝦膏,而肉質又幾爽口第二層係花甲,花甲帶有海水味,爽口得黎又幾鮮甜份量不少,但我們一會兒就把它們吃掉第三層係鮑魚同扇貝,鮑魚煙韌,好有咬口,而扇貝大大隻,食完好滿足食完第三層時已偷偷看到下層是蟹,好期待呀!第四層係蟹,蟹超多膏,蟹鉗部分啖啖肉,好鮮甜第五層係人蔘雞湯,吸收哂咁多層海鮮既精華,湯變得好鮮甜加埋本身啲雞味,雖然人蔘味唔算太濃,但都係足料既湯簡直係完美作結呀!

在香港有許多千篇一律的韓燒餐厅，但在北角有一所室内設計具有古建筑風格的韓式餐厅~“5ense 感” ！ 就有著與眾不同的地方 。 現今青少年著重私隱所以餐廳設有兩間房間，可以讓三五知己擁有私人空間地食飯。餐廳與眾不同的地方就是它有著在其他較少見的菜色，其中有兩樣對我來說是較為特别的，就是“生牛肉刺身以及醬油蟹”。生牛肉配搭清甜雪梨，儘管只是咬一口便能爆發出一陣陣刺激味雷的清新感，怕食生野的朋友可以先小口牛肉搭配大口雪梨。此外醬油蟹我也認為挺特别的，我本人很喜歡食蟹但生的蟹我還真的沒有試過，所以就大膽試一試，結果出乎意外地好食！ 原來醬油蟹是用生猛的藍花蟹，洗淨後放入秘製的醬瓶內醃上幾日，再放入冰箱冷藏，然後再空運來港，難怪鮮味異常，令人一試難忘😆！我地仲叫左“炭燒牛肋骨”“招牌海鮮煎蔥餅”“韓式炒粉絲”，廚房水準唔錯，店員服務亦一流，下次會再黎！ 韓式牛肉刺身 醬油蟹 炭燒牛肋骨 招牌海鮮煎蔥餅 韓式炒粉絲

喺北角見到呢間韓國餐廳，lunch就上去試下。十二點零鐘上到去未有好多客人，walk in都大把位Lunch set 都有8款，平均70幾蚊，韓國餐廳呢個價錢都唔算貴。最後點左A餐，套餐有湯、前菜、飯、餸。除左見到泡菜之外，我其實都唔太感覺到呢個係韓式烤雞飯。味道唔突出，有d似茶餐廳食既炒雞柳飯，唔係難食，但唔會令人印象深刻⋯⋯如果普通炒雞柳都要70幾80蚊我就覺得貴喇。暫時只試過呢款，希望其他幾款會有d特色，似番韓國菜啦。

香港正吹著熾熱嘅【韓】風，韓式餐廳愈開愈多，卻依舊人山人海，座無虛席。係香港，要食到正宗嘅韓式風味，卻並非易事。但北角5ences卻係少數能夠做到。上星期我同女朋友就嘗到非常地道嘅韓國菜。我地點了幾道菜。 喜歡全智賢就必食嘅炸雞，有原味同酸甜味兩種選擇，完全可以滿足兩種不同的滋味，炸雞炸䊢薄，碟上乾爽不見油，咬一口皮脆鬆化，又鎖住肉汁食起黎唔硬，好正😉醬油蟹，非常新鲜，且餐廳係用秘製槳汁生醃提鮮，其肉質鮮甜，怕食生嘅朋友只要拿出勇氣一試，必定一試難忘😍炭燒牛肋骨 韓式炒粉絲呢餐都算唔錯，有滿足感！臨走見到每枱也食海鮮塔，下次會再返黎食過！不過餐廳外泊車位較少，如果揸車嘅朋友就要早D揾定位啦😊

朋友話想食海鮮塔，就上網search下，最後選擇了呢間"5enses"，雖然唔係全港最高，卻是將生猛海鮮在客人面前蒸熟，然後即刻食，咁就可以食到最原汁原味的鮮甜；亦係因為佢係香港首間推出海鮮塔個餐廳~店主引進了韓國的做法，讓大家不用親臨韓國，亦能品嚐到韓式海鲜塔，的確有靈活的商業頭腦！我哋坐低無耐，就見oppa捧左個塔入黎，這高高的蒸籠一下子吸引左我哋嘅眼球要等15分鐘，呢個時候緊係食住前菜伴碟啦，款式唔算多，但都幾好味！因為韓劇效應，炸雞必不可缺，海鮮煎蔥餅亦抵食 韓式脆香甜酸鷄，我個人比較鐘意甜酸果種，酸甜又卜卜脆的外皮鎖住左D肉汁，食起黎唔會乾硬 海鮮煎葱餅 主角出場，第一層蝦 第二層花甲，大隻肥美 第三層，扇貝鮑魚 第四層蟹，多膏肉實第五層人參鷄湯，湯多左，味道較淡

近排香港好興食海鮮塔, 約埋幾個朋友, 一行4人黎呢度試吓。  打電話黎訂位, 佢哋原來星期五、六、日係分2場時間, 上場食到8:15, 下場由8:30開始, 我哋訂咗8:30。  8點鐘黎到問吓有位未, 好彩已經有人埋單走咗, 等佢哋執好張枱我哋就入咗去坐。  訂枱既時候已經訂咗海鮮五層塔, 有朋友唔食鷄, 所以最底嗰層唔要人參鷄湯, 揀咗海鮮豆腐湯。一坐底就見到枱面有6碟前菜, 係無限添加既, 不過味道好濃同甜。等咗成十幾分鐘啲海鮮塔都未送黎, 見到隔離枱食炸鷄同牛勒骨, 睇到我流口水, 原來佢哋話啲海鮮塔要等好耐先至上, 所以叫咗啲小菜食先。 我哋第一次黎唔知道, 都等咗十幾分鐘, 海鮮塔送咗上枱, 依家先至叫小菜都無位擺, 唯有繼續睇住人哋既嘢食流口水.... 。服務員話要等十五分鐘先至可以拎起個蓋食第一層, 咁食到下面嗰啲咪要好耐囉, 我覺得會蒸得太耐, 不過人哋咁講, 唯有照等啦。  果然第一層既十隻蝦經過15分鐘既歷練, 已經變得好"鞋" , 咁下面嗰啲繼續蒸落去咪好老囉!  我哋嗱嗱聲拎起晒啲蝦, 食第2層既花甲, 果然又係已經蒸到老晒, 食落啲肉有啲"un", 失敗

又係每月生日飯局時間，朋友揀左家陣極流行既韓式蒸海鮮，出發前都幾期待，由於一早已經訂位，所以去到就唔使等，店舖面積唔算好大，都有幾多人等位，齊人坐低後服務生就捧出無限添加既韓式前菜同韓式五層海鮮塔，另外我地一行5人仲叫左韓式石頭鍋飯、韓式脆香及甜酸炸雞、炸魷魚配辣年糕，成枱都擺唔晒^^見到都好開心！最期待既海鮮塔係即蒸所以要等一陣自有得食，第一層係蒸蝦，第二層係蒸元貝同鮑魚，第三層係煎蒸蜆，第四層係蒸花蟹，最後第五層就係人參雞湯，呢個塔仲要成$788，真心覺得唔係咁抵，而韓式石頭鍋飯就一般，唔算特別出色；韓式脆香及甜酸炸雞就炸得較乾身，所以有汁既甜酸炸雞就較好味；炸魷魚配辣年糕都算係成餐飯中做得最出色，炸粉唔會過多之餘，魷魚仲好鮮甜，年糕辣度適中又有口感，確係唔錯；不過由於食之前對海鮮塔期望幾大，所以總括黎講都幾失望吓，短期內應唔會再幫襯><"

韓式五層海鮮塔($788)，最底係人參雞湯，慢慢煮一層一層食海鮮最原始既鮮甜味👍，係正既。今次book定位黎到竟然有房！五種海產未必次次一樣，但呢間海鮮吸引之處係即叫即蒸（要等15分鐘先可以食架！），而唔係拎出黎「翻熱」，所以係零舍新鮮😍。今次食既第1層係鮮蝦、第2層花甲、第3層係扇貝鮑魚、第4層係花蟹、最底果個係人參雞湯。等海鮮熟果陣可以食下配菜，呢間既配菜幾特別幾好味，值得一試！到食五層塔啦😋！蝦夠大隻而且肉質有咬口，係一個好既開始！花甲亦好鮮味但有幾隻洗得唔太乾淨有沙，扣分。扇貝同鮑魚都好正，清蒸完全食到果種鮮甜味而且係好Juicy💦！花蟹既蟹肉都係好鮮甜😍，原汁原味。至於個人參雞湯呢，雞味就好濃但人參味就真係比較欠奉，由於係最底層所以會飲到些少海鮮鮮味！窮遊指數：5/10好味指數：7/10