17
10
1
等级3
47
0
蒸得太耐
2015-10-22 1744 浏览
近排香港好兴食海鲜塔, 约埋几个朋友, 一行4人黎呢度试吓。  打电话黎订位, 佢哋原来星期五、六、日系分2场时间, 上场食到8:15, 下场由8:30开始, 我哋订咗8:30。  8点钟黎到问吓有位未, 好彩已经有人埋单走咗, 等佢哋执好张枱我哋就入咗去坐。  订枱既时候已经订咗海鲜五层塔, 有朋友唔食鸡, 所以最底𠮶层唔要人参鸡汤, 拣咗海鲜豆腐汤。一坐底就见到枱面有6碟前菜, 系无限添加既, 不过味道好浓同甜。等咗成十几分钟啲海鲜塔都未送黎, 见到隔离枱食炸鸡同牛勒骨, 睇到我流口水, 原来佢哋话啲海鲜塔要等好耐先至上, 所以叫咗啲小菜食先。 我哋第一次黎唔知道, 都等咗十几分钟, 海鲜塔送咗上枱, 依家先至叫小菜都无位摆, 唯有继续睇住人哋既嘢食流口水.... 。服务员话要等十五分钟先至可以拎起个盖食第一层, 咁食到下面𠮶啲咪要好耐啰, 我觉得会蒸得太耐, 不过人哋咁讲, 唯有照等啦。  果然第一层既十只虾经过15分钟既历练, 已经变得好"鞋" , 咁下面𠮶啲继续蒸落去咪好老啰!  我哋嗱嗱声拎起晒啲虾, 食第2层既花甲, 果然又系已经蒸到老晒, 食落啲肉有啲"un", 失败
更多
近排香港好兴食海鲜塔, 约埋几个朋友, 一行4人黎呢度试吓。  打电话黎订位, 佢哋原来星期五、六、日系分2场时间, 上场食到8:15, 下场由8:30开始, 我哋订咗8:30。  8点钟黎到问吓有位未, 好彩已经有人埋单走咗, 等佢哋执好张枱我哋就入咗去坐。  订枱既时候已经订咗海鲜五层塔, 有朋友唔食鸡, 所以最底𠮶层唔要人参鸡汤, 拣咗海鲜豆腐汤。
489 浏览
0 赞好
0 留言
 一坐底就见到枱面有6碟前菜, 系无限添加既, 不过味道好浓同甜。
前菜
31 浏览
0 赞好
0 留言
 等咗成十几分钟啲海鲜塔都未送黎, 见到隔离枱食炸鸡同牛勒骨, 睇到我流口水, 原来佢哋话啲海鲜塔要等好耐先至上, 所以叫咗啲小菜食先。 我哋第一次黎唔知道, 都等咗十几分钟, 海鲜塔送咗上枱, 依家先至叫小菜都无位摆, 唯有继续睇住人哋既嘢食流口水....
。
海鲜五层塔
$788
50 浏览
0 赞好
0 留言
 服务员话要等十五分钟先至可以拎起个盖食第一层, 咁食到下面𠮶啲咪要好耐啰, 我觉得会蒸得太耐, 不过人哋咁讲, 唯有照等啦。  果然第一层既十只虾经过15分钟既历练, 已经变得好"鞋" , 咁下面𠮶啲继续蒸落去咪好老啰!
虾10只
31 浏览
0 赞好
0 留言
  我哋嗱嗱声拎起晒啲虾, 食第2层既花甲, 果然又系已经蒸到老晒, 食落啲肉有啲"un", 失败
!
花甲约1斤
36 浏览
0 赞好
0 留言
 又系嗱嗱声夹起晒哦花甲拎走个蒸笼救出被困既扇贝同鲍鱼, 佢哋始终难逃蒸到过火既命运, 都变到又老又鞋, 唉
!
扇贝3只、鲍鱼4只
28 浏览
0 赞好
0 留言
 到第4层既蒸蟹比较好少少, 始终蟹蒸耐咗既肉质都唔会太鞋, 而且花蟹肉质鲜甜, 算系挽回少少分数。
花蟹仔3只
21 浏览
0 赞好
0 留言
 到第5层既海鲜豆腐汤, 真系好失望, 所谓既海鲜, 只系2、3只青口同蚬, 仲有就系好鬼咸, 我哋饮咗少少就无饮。
海鲜豆腐汤
23 浏览
0 赞好
0 留言
 话咁快食晒啲海鲜, 念念不忘隔离枱既炸鸡, 原来可以叫半份, 我哋叫咗半份, 另外叫咗个泡菜薄饼。  我第一次食韩式炸鸡, 觉得佢哋整得几好食, 起码比KFC好食好多, 不过朋友话普普通通。
韩式炸鸡
23 浏览
0 赞好
0 留言
 泡菜薄饼我唔系好钟意食, 不过都算OK啦
泡菜薄饼
28 浏览
0 赞好
0 留言
 其实蒸虾同花甲10分钟已经够, 而且佢哋啲size 唔系大只, 蒸15分钟实在太耐喇, 嘥咗啲食物。  我同屋人自己试过喺屋企蒸海鲜, 啲海鲜蒸到啱啱好既时候食真系好鲜甜同嫩滑。  所以今次真系有少少失望, 下次宁愿净系食小菜, 唔会食海鲜塔。

(以上食记乃用户个人意见 , 并不代表OpenRice之观点。)
  • 推介
    已推介
  • 检举
2 已推介
    张贴
    评分
    味道
    环境
    服务
    卫生
    抵食
    用餐日期
    2015-10-17
    用餐途径
    堂食
    人均消费
    $270 (晚餐)
    推介美食
    韩式炸鸡