感 (已結業)

係呢個健康為先嘅年代，菜式嘅烹調方法就愈黎越講究！上星期行經深水埗，見到呢間新開韓國餐廳推介嘅“韓式五層海鮮塔”~健康嘅烹調方法，原汁原味！所以決定book位同屋企人去試下 。間餐廳唔算好大，但感覺舒適坐低後，服務員送上幾小碟例牌韓式小菜 ，因為book定，好快又上埋海鮮塔！蒸15分鐘，一路等一路睇個menu，樣樣都想食，最後揀多兩樣“炆牛肋骨栗子煲”“招牌海鲜煎蔥餅”第一層蝦，約一斤重 賣相吸引第二層花甲，新鮮又洗得乾淨嘅花甲，用最簡單的烹調方法~蒸，就最能品嚐到真正的鮮味第三層鮑魚扇貝，以前食開都係蒜蓉粉絲蒸，清蒸反而保留到扇貝的原汁原味，而且鮮味亦更突出，最後連啖湯都唔好嘥；最愛海鮮之一係鮮鮑魚，口感彈牙，味道清淡得黎又不失鮮甜 第四層蟹 一揭開蓋已經香味四溢，令人垂涎欲滴最後一層 人參雞湯 因海鮮一熟就開始食，海鮮嘅精華仲没落到D湯度，反而可以保持到人參鷄原有嘅清甜味 炆牛肋骨栗子煲招牌海鮮煎葱餅呢間餐廳算唔錯，食物生鮮，服務周到，值得推介俾朋友！！

第一次寫食評， 請多多指教幾個女仔， 每月一聚， 周圍搵野食， 見到深水埗開左新鋪， 即刻book位試一試一坐低就放下六小碟， 好好食， refill無限次， 服務員仲幾好禮貌添預先訂的五層海鮮塔即刻上檯， 粥底有人參雞及kimchi， 我地要左人參雞粥底因為要等15min先可以食第一層， 所以另外再叫左壽司同炒基本上， 每樣都好食， 而且因為新開張既關係， 冇限時， 我最憎食野趕頭趕命， 但係我地都係2個鐘就自動走人， 呢間值得再幫襯的

日日返工放工都經過深水埗桂林街，見到新開左間韓國餐廳“5enses感”，喺門口見到D裝修都幾別緻，由於係試業期間，所以決定搵幾個朋友一齊去試下 前菜小吃 醃製牛肋骨 爐邊加泡菜味及原味兩種蛋漿燒完嘅牛肋骨好入味好香 招牌五味豬腩肉 韓式醬油蟹 炆牛肋骨栗子煲，南瓜墊底，牛肋骨炆得好林，但又可以保留到肉汁的原味海鮮辣味年糕五種味道嘅豬腩肉味道幾特別，如果加埋D生菜包住一齊食，會仲正😊；而醬油蟹好鮮味，味道啱啱好又唔會太咸！餐廳整體 食物水準都唔錯，下次會再黎幫襯！

宜家韓國餐廳係香港可謂開到成行成市，唯獨深水埗！上星期六，我同屋企人揸車去到深水埗買電腦，經過桂林街發現有間新開業嘅韓國餐廳"5enses"由於路口位置，有位泊車，就決定前去幫襯！入到餐廳，發現裝潢得非常有韓國style，店員安排我地坐一張卡位，背靠非常舒適，且十分寬敞，牆上有些壁畫，非常有藝術氣息！經店長介紹，我哋點左個海鮮塔 嘩！裡面放滿了海鮮，每一層都經過廚師精心嘅安排，易熟的放最頂層，越需要長時間蒸的越靠底，咁就唔怕食唔切而過左火候啦 .第一層 海蝦 第二層 花甲 第三層 扇貝、鮑魚 第四層 蟹最後一層係人參雞湯，湯底收集了所有海鮮的精華，人參味濃加上糯米及其他配料，飽肚得黎卻不油膩，值得推介！！下次再黎深水埗嘅話，必定會再黎幫襯