成發海鮮小廚

营业中

休息中

是日晚上做第二份兼職，在工作的路途中有好友來幫手，佢帶我到曾經幫襯多年的地方食小菜，好友話呢度大概在沙士時開始營運，我記得在三年前曾經跟同事們在這兒一圍人食晚餐，同事更笑說是港大人的另一飯堂未食野時好友已經點咗一樽啤酒，佢話食小菜配啤酒才感覺好味😅😅😅其實呢度要叫的小菜款式眾多，由於兩人食，我地只係叫咗三個餸~~~第一個係我口痕話想食的西檸雞，上菜見個樣唔夠吸引，食落去覺得好一般，有d後悔叫呢樣而唔叫乳鴿之前好友傾電話問我有冇食過田雞，我就記得細個時我老媽整過俾我而又好好食，今次好友叫咗蒸田雞俾我，令我懷念老媽給我的童年回憶，食落感覺跟老媽炒的一樣咁好食，老媽超過10年冇炒田雞，今次一食就好想問老媽可否再整***田雞配上薑去炒都好食，唔知呢度有冇炒田雞呢？？？草菇扒豆苗係好食而又易整的餸，好友更忍不住要添飯，而我愛吃餸少吃飯，只食半碗飯，呢度的飯都幾大碗，好在我的工作要四圍走，好友和我食飽仲要行多大約個半鐘才收工，食飽都唔怕肥當我食到尾聲才發現有招牌菜的list，早知叫蒜香雞，叫西檸雞真係有中伏的感覺埋單總共用咗$258（三餸，兩飯，一酒），其實食小菜多d人食會更豐富和抵食，希望將來有

衛生情況好過北河街熟食市場傳統菜式薑蔥魚卜十分脆薑蔥炒蟹又夠味，$100/3隻3點蟹，抵食好食過很多餐廳墨魚餅煎得脆豆苗OK好食咕嚕肉炸得不脆其實這個是新鮮炸的整體都OK

三口子，包括一個五歲嘅小朋友，食晚飯，兩個字「好鹹」，叫咗三樣餸，炸乳鴿、煎墨魚餅併鯪魚餅，楊州炒飯三樣都好鹹, 乳鴿是炸得不錯，很香口，但係啲毛未清得曬，吃想去是沒有什麼太大感覺，因為已經炸翠咗，但係望落去就有啲礙眼，感覺不太專業。兩個大人，一個咁細嘅小朋友， ＄242,食好鹹嘅餸菜，環境又不好，覺得唔抵

生日同屋企人去咗大排檔食飯依家有咗地鐵真係好方便放咗工由銅鑼灣去石塘咀都係唔使15分鐘估唔到佢呢度都幾乾淨有埋枱布佢冇想像中咁熱因為佢有好多把風扇所以都ok我地本來想試吓佢個招牌蒜香雞但係點知賣晒下次去食嘅話一定要訂枱嘅時候同佢講話要定隻雞下次一定會再幫襯上湯大蝦伊麵椒鹽鮮魷超正薑蔥生蠔煲

秋風起，今晚屋企食飯，決定去食煲仔飯。這裡雖然是市政熟食中心，地方還是乾淨，只是沒有冷氣，夏天會熱啲。這裡有很多款式小菜、煲仔飯、海鮮、仲有羊腩煲等等。今晚點了臘腸雞煲仔飯，要等約半個鐘㗎。熱辣辣，雞肉滑，臘腸香，飯有脆飯焦，配合飯的豉油，好味！肉崧蒸水蛋好滑，餸飯一流。京都骨全部係豬扒切件，啖啖肉，個汁好！只係個節瓜粉絲煲咸咗啲，可能南乳多咗啲啦。腐乳生菜啱啱好，唔太老，好快食晒。整體來說，又一頓滿意晚餐。

上星期五同一班朋友去食飯, 近近地上左石塘咀街市上面食! 其實個到有好多間呢啲大排檔式嘅食肆架, 不過見成發企企理理, d小炒又幾正幾多人叫, 我地就揀佢啦!呢到有樣野好, 就係可以同老闆講你想每人大約嘅洗費係幾多, 由佢幫你發板! 每碟都幾大碟, 我地一行10個人, 都有8個送1個湯! 夠飽之餘又好食! 集中講下幾款送先:1. 呢個係沙嗲肥牛好正, 沙嗲汁好濃, 仲要熱住上, 送飯一流!2. 魚香茄子: 茄子唔會好油, 成件事好香, 令人有想食過番尋味嘅感覺!

秋風起，是時候食煲仔飯。煲仔飯還是街市的風味最好！這天點了海鮮煲、鱔煲仔飯、和齋湯伊麵。先說海鮮煲，80多元，貴是貴了一點，但用料很豐富，有魚肉、魷魚、冬菇、菜；用鍋上保證熱辣，魚肉和魷魚煮得好'林'身，冬菇煮得將汁迫出來，浸滿煲非常美味！唯一是菜少了點。鱔煲仔飯的飯粒煮得剛好，粒粒企身分明又不會太軟，鱔本身味道好重，輕輕'林'上豉油已非常惹味！好吃得連飯焦也全吃掉。齋湯伊麵，麵本身沒有問題，軟硬適中，也不會有鹼水味，但可惜湯底完全沒有味道，而且湯面上很多油，不太健康。

自從搬離開西環兩年,再沒有去成發，今日去開中環，與其去soho IFC ，不如坐一程小巴，去懷念一下舊有風味。興奮是見到同一班伙記老闆，幸好呢個時勢下，未有轉手，一樣多人。炒花甲 - 大過隻羹，好有鮮味，一齊炒嘅青椒洋蔥都好新鮮，食哂荷葉蒸雙雞- 田雞沒之前的新鮮薑葱焗蠔 - 好好味，例牌都有成8隻雞油豆苗 - 份量多三個飯，一枝汽水，一共326整體嚟講 - 用料好，份量足，味道不會太咸，不似其他大排檔用大量味精，但鑊氣夠，隔離枱啲煲仔飯都好大煲同好香

是日早放工家中無飯開同妹子傾咗一輪睇咗一輪到差唔多9點率之就衝咗去石塘咀市政大樓搵飯開去到成發睇咗陣菜牌就點咗個咕嚕肉, 鑊仔清酒煮蜆, 啫啫雞軟骨煲同個北菇滑雞煲仔飯 (細)咕嚕肉個色澤好鮮艷炸得唔算好燶好脆肉質唔算好韌都ok反而伴碟嘅洋蔥就生咗啲鑊仔清酒煮蜆酒氣好重好香不過食落又唔太覺啲蜆唔算好大隻勝在無乜沙之但係慢慢食落會覺得咸咗啲之於個啫啫雞軟骨煲就出咗事煲底啲油差唔多成1cm咁厚食兩啖已經覺得好熱氣好咸就連啲西芹都油淋淋反哂光妹子要用紙巾索咁啲油先敢食真係有啲怕怕最後個北菇滑雞煲仔飯亦都係so so only滑雞一啲都唔滑另外可能焗得耐咗嘅關係連帶啲豉油都有啲燶味

十二月上旬‧晴又在石峽尾的熟食中心找吃的，是日來到這裡，純是給其即叫即炒的碟頭飯吸引過來。要了芙蓉蛋飯，但落了單，坐了一會也沒人招呼，唯有自行去斟茶及拿餐具。例湯是菜湯，淡味，勝在清清的，至少味精不多。芙蓉蛋飯熱辣辣，大大碟。蛋炒得不算厚滑，是過熟了一點。不過材料相當多，韭黃、叉燒及蝦粒等等，加埋大大碟的飯，沒有不飽的道理。埋單28蚊，經濟抵食。

原本打算去食泰國野點知無開, 唯有搵間最有人氣0既算囉, 點知就出事...三個餸, 兩碗飯, 一支青島菠蘿咕嚕肉 - d咕嚕肉好明顯係返炸過三千次, 食落比起豬肉乾更加豬肉乾, 差d假牙都飛埋出唻.豉椒炒蜆 - 其實都唔係蜆, 類似花甲, 食唔到豆豉味, 亦食唔到辣椒味.乾偏四季豆 - 反而喱個夠辣, 因為真係用左辣椒炒, 但係又少左d肉碎.

唔知係咪因為有人投訴過,我發現個羊腩煲好多羊腩 好入味,羊夠肥,食到干水仲加湯唔加水 加碟滑牛,兩支啤酒.唔駛兩舊,正!

雖不算熟客，但每天冬天，總會來幾次吃羊腩煲。因為味道、價錢和招呼(大排檔標準)不錯。這晚再來，點了個中羊腩煲連生菜，另再加一碟菜和白飯。不過羊腩煲上枱時，發現羊腩的數量較以前減少了，枝竹就大把，仲多過羊肉。雖然味道還是不錯，羊也很淋，但就覺得不及以前抵食。埋單約$100。希望唔好偷工減料啦。

拾貳‧廿四日 (晴)突如其來的飯聚~ 昨晚的班底加另一位朋友三人在我地頭聚餐。三位麻甩單身青年就在大排檔渡過這個平安夜。石塘咀熟食中心晚上旺場的只有兩家，平常和爸來都在濠記吃，這次就跟友人試另一頭的成發~三個人叫了四個菜一個湯~霸王雞(半隻)：很滑，雞味還可以，是份量少了點~~椒盬白飯魚：好久沒吃過，有點期待，結果是不過爾爾~~ 夠脆，但味淡~德國咸豬手煲：只有一兩件的肉覺得淋滑，其他都實繃繃的~ 汁是很惹味啦，用來點白飯魚吃不錯~~金銀蛋浸娃娃菜：我只在意上面的金銀蛋~ 還夠鹹的~豆腐魚雲湯：上菜時嚇了一跳，還以為是蔬菜窩哩~~ 挺清淡的一個湯，還不錯，豆腐能多一點更好。我們坐的位置「英國」朋友形容為盲位，其實是位於中心的盲位 (哈)~ 人手有點不足就是了~ 但阿姐們禮貌還可以的~~大排檔來說，這裡坐得算舒服了~~ 如果不是沒有糖水還不願走 (想吃~)~~不過~ 還是濠記對口味啦~~

尋日同屋企人去左石塘咀街市食晚飯咁岩出lift見到呢間叫成發海鮮小廚既野我地5個人就坐低左~叫左一個排骨煲仔飯,蒜香雞,炒蜆,抄豆苗,水煮魚雲食到我地lamlam脷~真係食過返尋味呀!!!本身我屋企人都注重雞既味同肉質呢隻蒜香雞真係好正!好有雞味~塊皮好脆好香~但d肉又唔會乾爭爭~個豆苗又好好味~好"亂"冇渣!個煲仔飯超正!!!香噴噴又有飯焦(令我回想超上次去銅鑼灣食o個個濕既煲仔飯)呢個真係好食幾皮!!!真係值得大家一試!!!