成記茶寮

营业中

休息中

每當中午有時間，又想食得飽小小既時候就會揀成記！嚴夏都阻唔到我既意志同腳步！！！豬扒，雞球，雞翼，餐肉，腸仔！無論點樣配搭，加上豉油汁，都係十分之好食！老闆又好人，得閒會同你吹下水，學生又有學生餐！

今日好肚餓，好想食肉，路經成記，一路都只聞其聲，大熱天時都唔理啦，入黎試試啦。時間可能比較晏，同天氣比較熱，人數唔多。一場黎到當然要試招牌菜，豬排雞球飯。上菜好快，呢頭講完仲想拎個電話出黎玩，野食已經黎到。一睇，不得了，塊豬扒大到睇唔到下邊啲飯，再睇下個汁，好濃嘅豉油香，好杰，撈飯真係冇得輸。個雞球就睇唔出有咩特別，淨係睇到佢無骨，不過咬落你就知，啲雞肉好滑，外皮又脆又多醬油味。個汁好杰同偏甜，自家製出面食唔到呢個味道。塊豬扒，半肥瘦，煎完出黎仲好林，唔會柴哂。好食到，熱少少都抵。

早兩日過嚟元朗探朋友，佢問我想食乜嘢，我話我想食地道元朗嘅食物佢即刻就諗左幾間餐廳，其中一間就係呢一間成記茶寮 雖然佢佢之前都有同我講呢間餐廳嘅環境麻麻地，但嘢食就10分好味咁是但啦反正一場去到元朗試吓當地美食，一坐低佢連餐牌都唔使睇，叫咗一個雞翼豬扒飯加凍檸茶俾我 塊豬扒真係好令人驚嘆❗️好鬆好淋好好食 ， 又夠大舊，雞翼係瑞士汁雞翼，仲有3隻 真係抵食夾大件，係就係坐得差啲同埋冇冷氣，但值得冬天再嚟食一次埋單43蚊真係好抵食啊

元朗呢間冬菇亭主打食豬扒飯，係好多元朗人心中既元朗必食大排檔！ 因為份量大碟又抵食，所以我都幫襯過幾次🤣🤣🤣至於味道方面都正常啦，豬扒份量非常多，但略嫌有鬆肉粉嘅味道，不過呢個價錢唔可以要求咁多。除左最出名既豬排，其實我最推薦係豉油王雞翼，味道好甜好大隻好juicy，個汁撈飯一流㗎🤩🤩🤩環境方面，由於係大排檔style，所以夏天嘅時候都幾熱架，好彩有好多部風扇吹住食客😌同埋環境衛生真係麻麻，啲碗碟感覺有油😢真係要接受到先好黎，如果唔係味道未出色到一定要來試囉🙈

老闆階級，随時就可以飲杯咖啡食件cake 開心一下， 但我呢啲搵朝唔得晚嘅打工仔，就只係可以能夠用幾十蚊食個碟頭飯做個lunch， 最重要就係好味又飽肚。食lunch 最重要就係食得啲有營養嘅食物， 我就認為，芙蓉蛋飯，就係最健康嘅，因為有雞蛋，又有飯，又多材料，又有豉油， 芙蓉蛋飯最大嘅特色就係啱啱成個蛋餅可以蓋住啲飯， 呢個情況其實就係一啲港式嘅奄列， 呢一個芙蓉蛋裏面嘅材料有洋蔥，叉燒粒，火腿，蔥 雞蛋最重要就係煎得香，要燶燶哋嘅，配上調個味嘅甜豉油，撈飯一流。好多人都以為芙蓉蛋飯好普通，但係其實越普通嘅嘢就越考功夫 ，真係好考師傅㗎。

其實住元朗既人都應該想過/食過呢間店，基本上佢開3個鐘，你2點多啲就預左賣晒啲豬扒嫁啦。先講講衛生環境，就係一般大排檔咁，不過就近公廁小小，有好有壞。方便去洗手間但感覺上係污糟，但我覺得還可以，能接受。講個豬扒同雞翼，個雞翼有一件無咁入味，但尚算不錯，豬扒真係冇得彈，呢個價錢食到兩塊大豬扒又林又入味，相比其他大連鎖集團果啲乾身豬扒好得多。另外就講態度，我一去到個四眼老闆（其實我唔知佢係唔係）就忙緊，之後無催佢，因為客實在太多，之後佢再幫我落單，感覺良好，係有一啲人係咁叫佢但佢又忙到無乜點理，咁客就覺得態度唔好，不過午膳時間有限，我都明客人諗咩！不過飲品就沖得比較慢。

今日去咗元朗搵好嘢食。我上網睇左，知道原來元朗有一間好出名食豬扒飯嘅茶檔。我十二點半嚟到已經大排長龍。呢間係一間茶寮，格局類似大排檔咁樣，要自己搵位坐嘅，由於太多人嘅關係，我都等左一陣先有位。坐低只係開始的第一步，原來嗌嘢食都要話等起碼20分鐘。點左個豬扒飯跟雞翼，要咗佢呢度最出名嘅豉油汁。加埋一杯凍檸茶。嘩飯同雞翼終於都嚟啦，見到個豬扒好大塊而且都幾厚，真係貨真價實。豉油汁偏甜，豬扒半肥瘦，咬落鬆軟，但又唔似係落咗好多鬆肉粉有啲苦味嗰一種。所以豬扒真係幾好食嘅。而豉油撈飯都好好味。至於雞翼反而有啲失色，並唔係汁嘅問題，可能係雞翼滷得太耐，所以有點鞋。凍檸茶就不過不失啦。總結塊豬扒係好味嘅，只不過䜴油汁偏甜，但都係值得一試嘅。

雖然餐廳係公廁隔離，但係堅好食！是有經過烹調，甜而不鹹，就咁撈飯都一流！豬扒飯大大塊，好淋易入口，親眼見住個阿姐食唔晒再拎個盒出嚟打包都仲有一大盒。滷水雞翼勁入味，關鍵係又抵食又好食，不過間野好似淨係開到晏晝，而且經常都好多人，環境雖然唔算舒適但係勝在食物夠質素！值得一試！

今日就過咗元朗去搵食，聽一位元朗朋友介紹我去食一個茶寮，環境唔係高級，但一定大件夾抵食。去到一睇，環境係普通冬茹亭，不過好多人好多人幫襯，所以我都嗱嗱就叫左一個豬扒雞球飯，價錢45蚊。飯一到，嘩，怪唔之得咁出名。因為真係好多肉。豬扒同雞球完全覆蓋晒成個飯。肉多得過份，岩曬食肉獸。味道方面，雞球啖啖肉，大塊到好似手掌咁，不過略嫌有啲略肥，同埋太大塊，食完竟然覺得啲頂住個胃。再配合埋豬扒嘅助攻，令到我一下子就俾佢擊倒。另外如果覺得唔夠嘅話，仲可以加雞翼，店既粟米汁都十分出色。攞嚟撈飯就一流啦。至於嘢飲，就不過不失一般茶餐廳貨色。

星期日睡到自然醒，起來剛好可以去吃個午餐，到達成記茶寮時剛好十二點，有豬扒飯供應了。等了一會找到位置坐下，馬上點了豬扒雞球飯及豬扒煎蛋飯，再等了二十分鐘左右，熱騰騰的兩碟飯便上枱。豬扒很大塊，而且是厚切，每塊都差不多一吋厚，比手掌還要大。豬扒調味適中，不會太鹹，配豉油汁剛剛好。煎蛋看似全熟，但一切開，裏面是流心的，很有驚喜！配白飯及豉油汁一起吃一流！雞球看似很乾很硬，但一咬竟然肉質嫩滑多汁，一點也不乾。雖然很好豬扒，雞球，煎蛋和飯都很好吃，但真的很大碟，實在吃不完，女生可以二人吃一份已經很飽。四十多圓這樣大碟還有飲品，實在超值。

😋雞球豬扒飯 $45 (包凍/熱飲)碟飯一到小編真係嚇親，雞球同雞扒好多好多，多到係睇唔到d飯。豬扒厚身又唔會韌，雞球唔係細細粒嘅雞球，係好大舊。雞球同豬扒都充滿秘製豉油汁，一舊肉再加一啖飯食，係勁滿足。😋豬扒雞翼飯 $45 (包凍/熱飲)雞翼有3隻，雞翼係用秘製豉油汁醃製，每隻都好入味同淋身，好正好邪惡。所有飯都可以揀豉油汁/粟米汁/咖哩汁/蕃茄汁，小編最推薦豉油汁，係佢地自家製調味，淨係豉油撈飯，已經可以食曬成碗飯。 豬扒都係大大嚿，不過就有肥膏，記住切左佢先食。----------不論男女食完都一定好飽好滿足，$45有飲品份量又咁多，真心不錯喔。不過呢度得室外，好似大排檔咁，衛生環境唔係太好，如果有潔癖嘅你就要諗清楚。----------🔎成記茶寮🚩元朗建業街街市地下C8號舖

我地一行三人到成記茶寮食晏,我地嗌左豬扒雞翼飯,由於午市時間要到十二點先開,加上即叫即做,由嗌落單到成個餐齊,都要成十五分鐘.先食甜豉油雞翼,雞翼系全熟而唔見有血絲,之後再上主菜豬扒飯,有少量生菜拌碟,而呢塊豬扒確實比一般厚,而同樣地全熟又保留到肉汁,以四十五蚊黎講性價比確實高,要留意既就只收現金,同埋座位數量唔多,要預左要等一定時間先有得食.

點了豉油王豬扒雞翼飯。久候，飯來。先試白飯，入口粒粒分明，彈性偏低，飯香微薄，一般貨色。豬扒選急凍梅頭，取其多肉爽口。事先在扒身輕劃兩刀，切斷筋位才炸，起鍋後稍浸豉油汁才上碟，入口表面少脆，肉質爽彈；表面的豉油汁以生抽、老抽、冰糖及紹興酒等煮成，甜而不膩，成功把豬扒的雪味蓋過，還算不賴。豉油王雞翼是分開上的。看上去色澤比豬扒飯的豉油深，入口先甜後香，少膩；說穿了還不是瑞士雞翼。肉質尚算嫩滑，畢竟是雪藏貨，兩骨之間的肉有點粗嚡也是難怪的。幸好雞翼是分開上，把那甜膩的鹵汁撈飯大概吃到一半便已投降，輕嘗足矣。連上凍飲四十四大元，性價比在元朗來說僅屬正常，卻已引來不少報章的報導，令不少人慕名而來，得到的，當然是好評；畢竟愈難得到的愈是矜貴嘛。

今日eatmug9 #16元朗友一定知依間成記出名咩？係大件夾抵食呀😋成記平時係開十二點但係十一點九嘅時候張張枱都已經坐滿晒人等十二點落單座無虛席，何其壯觀呀咁啱師傅我餓底，同行友人都極烈推介豬扒雞球飯畀各大食友豬扒雞球飯碟飯呢，睇落就唔算大但食落就另一回事塊豬扒厚L 過林奠個臉皮，啖啖肉但肥膏都唔少雞球坐底都有4舊男人老狗食完都濟濟地純粹想填飽個肚嘅，成記都係唔錯嘅選擇(留意返，如果怕污糟就唔好去因為個舖位係喺街市隔離，環境唔算係太好)

今日再黎元朗人不想告訴你既在地系列🤐🤐 你要去成記茶寮食嘢, 除咗錢之外, 唔該帶備你既耐性同時間⌚ 因為佢哋同一般冬菇亭 (熟食中心)既食肆, 佢地係做到無停手🤹‍♂️🤹‍♀️都不停有客黎🏃‍♂️🏃‍♀️新鮮炮製比你, 至少預等20分鐘2️⃣0️⃣ 12點未到黎到, 八九成坐滿😮個個都好似輪街症咁靜靜地坐係度, 枱面無嘢食,玩手機既玩手機📱發吽豆既發吽豆😑 其實個個已經提早黎落定單等佢12點鐘開爐煮, 街坊慣晒佢既做市方式, 唔介意去等😌 人手唔足, 家庭作坊😲我都等左10分鐘… 先落到單😂嗌咗最出名既豬排雞球, 但要咗咖哩底🍛落單已經話明你知要等4個字以上，比心機。。。等🤗 熱啡上枱飲住等, OKAY, 少少甘, 比好多茶餐廳水準好☕ 等足15分鐘後飯上枱, 一大PAT黃色咖哩🍛飯🍚豬扒🐷雞球大兜亂, 賣相係唔好架喇; 但呢度出名既係熱度🔥味道😛份量⛰️飯底係港式唔係日本米, 用番中國/泰國米, 黏度高啲, 溝埋汁係有少少杰, 但呢啲就係正港地踎香港味🇭🇰 雞球大大舊, 新鮮炸起, 肉汁係入面, 豬扒厚厚一塊👏👏其實按番市區份量呢個應該係雙人份量, 好癲… 好多人都係食唔晒, 我都係食晒啲肉😎 埋單