成都小巷米線雞煲

营业中

休息中

啲野好難食，服務態度差，衞生環境惡劣，雞煲完全係唔掂，岀面好多都好食過佢，飲品勁小選擇，價錢對比佢啲質數算貴，我寧願選擇岀去食其他餐飯雞煲，下次一定唔會再去食，太差了

而家你去街，食餐飯可能都百零二百蚊，更加莫講話啲放題，閑閑哋可能都要$500買單。你可能都會覺得貴，覺得未必食得起，點知有朋友介紹我，去呢間雞煲食，個樣雖然唔太四正，不過就真係好多人幫襯。🤔🤔到底係咩原因，令到呢度嘅街坊，咁常幫襯呢間其貌不揚嘅食店呢？姐姐好熱心咁為我哋講解收費制度，係由雞煲到嘅嗰一刻開始計時，而非入座，所以其實都冇呃鐘。自己覺得個雞煲都幾入味，食完之後仲有其他配菜，一定食得飽，仲有汽水啤酒任飲。總括嚟講，呢度簡直係性價比超高😌

喺油塘有得火鍋任食嘅餐廳不多，今次令到嘉華商場地舖嘅成都小巷雞煲米線，顧名思義即係專食雞煲同米線，雞煲放題要夜晚先有價錢十分超值1.5小時只係$118。今次我哋揀咗小辣，雞煲都已經好辣好入味，另外雞都幾多肉，食完雞煲就可以加湯轉打邊爐。配料就都係嗰啲啦$118真係唔好期待咁多，應該有嘅都有另外有驚喜嘅就係嘢飲都幾多種類，有茶有汽水仲有啤酒飲添。總結呢間雞煲放題喺油塘十分少見，推介油塘居民可以得閒去試吓啦！

風味抵食嘅雞煲 / 酸菜魚打邊爐近排覺得就算世界再壞, 都要提自己唔好忽略身邊種種美好嘅小確幸~最近行完魔鬼山好肚餓🤣, 經過見到好多人食, 坐係街出面食好正, 火鍋料同自助飲品區有唔少選擇, 雖然就無海鮮、肥牛同響玲, 但其他正常配料都有, 呢個價錢就唔好要求禁多🤣啤酒🍻罐裝任飲, 樽裝就要散叫, 隔離枱拎咗成pack🍻係地下, 店員同我哋講話最緊要hoisum, 飲到幾多就即管飲🥰✨雞煲 💰128 (2 hrs) [ 💰118 (1.5 hrs) 💰158 (2.5 hrs) ]💫評分: 8/10📝唔收+💰1, 雞煲一上枱先開始計時, 好香好多好甜嘅洋蔥🧅, 個味係好食加好有風味食落特別好食, 小辣對於食譚仔十少辣嘅我都輕鬆😋所以食中辣以上應該好啲🤣啲雞算幾滑同入味, 2個人份量係around半隻雞好似唔係好夠食🤣, 可能真係太肚餓, 不過打埋邊爐同飲埋野真係捧住咗個肚🤰🏻, 雞煲打邊爐6下生菜油麥菜西洋菜超幸福🥳成都小巷米線雞煲📍油塘嘉榮街2-4號油塘中心嘉華商場地下B166號舖(油塘🚇A1出口行5分鐘就到)成都小巷❣️其他分店❣️📍九龍灣牛頭角道33號宏光樓地下16號舖(九龍灣

以油塘區嚟計，整體算平均。本人好食得辣，所以對譚仔嘅辣味同米線底都不太喜愛。反而呢度個重慶酸辣夠辣之餘，米線亦爽口，味道唔錯。由於呢個地理位置係屬於舊區中心，因此衛生程度唔好太期望。要試一定要到堂食，如外賣相信較遜色且大打折扣。日間嚟試會坐會舒服啲，感覺衛生啲，晚間會係火鍋雞煲…較嘈雜。今次只試咗少少餸，下次會再試其他湯底同配料。

疫情關係 我係foodpanda叫左呢間野兩碗米線， 炸薯雲南酸辣小鍋米線 小辣！ 雞肉片麻辣米線 中辣！然後最終送到泥既係 雞肉片麻辣米線 小辣！ 麻辣米線 大辣！冇錯，係冇左個炸薯🤡，然後d雞去錯湯！咁我打落去呢間鋪到反映反，之後間鋪話都唔知點解會咁，然後叫我不如再係foodpanda比錢叫多碗，然後補反個炸薯比我！或者打比foodpanda步兵，叫步兵行多轉。首先我得兩個人，我叫多碗JM9？之後個員工比左個疑似高級過佢既男人聽電話，個男人一聽就已經想兇我，問我，點呢？講啦！咁我又重複上面講既野啦個男人就反問我，咁我想點🤡最後佢話！話！會payme反個餸錢比我，雖然係幾蚊，但問題係間野連一個sorry都冇👏🏻然後冇諗住解決問題，不斷將個錯誤周圍賴🤷🏻‍♂️其實個湯底錯左都算，我只係想要反個炸薯姐！會唔會再食再嗌？又難食態度又差！不了！

今日心思思好想食辣嘢，叫埋屋企人一齊去試吓呢間成都小食😋蟲草花鮮滑雞湯米線 (加配料：雞肉片、秘製腩肉）($58)- 湯底好好飲，香香鹹鹹得嚟都幾清新，雞味都突出- 雞件好滑，一啲都唔老，幾有質素- 配搭埋蟲草花同生菜好夾，食落好有咬口重慶酸辣米線（小辣）（加配料：牛肉片、雞翼尖）加凍奶茶（$41）- 湯底好香濃，小辣辣度啱啱好（本身揀中辣，但係老闆娘有溫馨提示☺️）- 米線份量十足，食到好飽，性價比超高- 牛肉片好新鮮，唔會老，啱啱好👍🏻蒜泥白肉（$35）- 份量正常，肉片切得幾薄身- 醬汁都唔錯，蒜泥都幾多下次想食雲南米線一定會再encore！

同家人油塘行街，行到肚餓諗住搵d嘢食下。上網check左下附近有咩食，見到呢間麵店價錢抵食評價又高，決定同屋企人試下。叫左個雲南酸辣小窩米線，加兩個餸同凍飲都係$41咋。超抵食！個人覺得好大碗，我一個人食唔晒唔太食得辣建議試左BB辣先，Bb辣既辣度我覺得已經同譚仔既五小辣差唔多。純粹個人建議，不喜勿噴另外仲試左蟲草花雞湯米線，湯底好濃，雞肉好嫩。小朋友都食得好開心。

喺鯉魚門想食海鮮無咁上下Budget都唔使諗，點知喺油塘站附近，平平地就是到酸菜魚火鍋放題。環境：普通味道：特別，唔錯價錢：超值詳請：放題CP極高個魚一上嚟，我地即刻比佢份量嚇親，兩個人淨食魚都飽啦！$113我地可以食1.5小時，但係因為太飽，最後食咗一個種就走人任食提供10多種配菜同多種罐裝飲品飲品包括無糖烏龍茶、涼粉、甘蔗飲品、果汁等等（啤酒唔知道能否飲，但雪櫃有）澱粉類---公仔面、米粉、烏冬肉類：雞肉、豬肉其他：豆腐、蔬菜、玉米、蓮藕、金針菇、火鍋丸仔等等配料評價：雖然選擇少，但係丸子質量唔錯。尤其一款芝士丸仔，中間芝士超級多，可以拉絲。墨魚丸都好好食，唔腥，又彈牙，推薦大家。而且蓮藕唔知道點處理過，好脆口，簡直好似食薯片咁，哈哈哈。酸菜魚評價酸菜魚同平時食嘅四川風好唔同，我地叫小辣，可以見到少少辣椒碎，真係唔太辣。店鋪無使用乾辣椒同藤椒調味。湯底有少量酸菜，但係酸味亦唔濃郁。有別於一般酸菜魚，佢湯底係甜嘅！佢裡面嘅魚亦唔係一片片嘅魚肉，而係一整條炸過嘅魚，加上香菜同蔥，成間事都好和諧。——————————————地址：油塘嘉榮街2-4號油塘中心嘉華商場地下B166號舖前往方法

依家咁既時勢，盡量唔出街食，所以用賣app買外賣，點知伏完再伏，再再伏!!!要2個米線，有小朋友所以叫左1個清湯，1個酸辣，比錯左2個都係辣，小朋友完全食唔到，我算。野飲揀左忌廉梳打，無，無通知求其比左罐蘋果紅茶你，我都算。食食下竟然係個湯底夾到張紙巾出黎!!!依家非常時期，出街食飯都驚瀨野，仲要咁大整蠱…開餐廳開到咁，野食又唔係好食，無心做，求求其其，最緊要既衛生都唔理，如果大家堅持要幫襯的話，真係祝君好運喇!

今晚等到一肚火，等了40分鐘開始問伙記，我嘅微辣雞煲幾時到，伙記話等，ok咁咪等多陣囉，誰知隔離枱遲來先上岸，咁咪再問這伙記，她竟然將這人哋嘅辣雞煲塞比我，我話唔係我想要的辣度會食唔掂，她就给回隔離枱，仲笑住口話唔要咪再等囉，等近一小時，再問老闆，伙記立即插嘴話剛才的雞煲你又唔要，老闆問係咪換過枱？係!但當初伙記叫坐住先，伙記幫忙換了枱後數分鐘後才出單比我，咁為何关我換枱咩事…我是食客唔會知你那張枱号，你伙記亦知道換枱事情，咁係咪應該你們要跟進，班伙記態度好有問題超惡劣，最後我們起身離場無食，往後會不幫襯

呢間夜晚有雞煲食 味道係唔差 但今日中午去左食米線 因為好耐之前試過一次印象中味道幾好 決定再試一次我叫左個肥牛做餸 等左10分鐘 我覺得有D耐 因為間野得我一個客 (其他客已經食緊野)唔太緊要 先講左食物質素先 先君子後小人米線味道中等 米線 湯底不過不失 標準範圍 湯有濃既味精味 我覺得好正常但肥牛overcook 煮到超硬 就算食到有牛味 都咀嚼左一陣 配料太少 可能岩岩開市 但肉碎 酸菜都太少 變左做清一色米線加肥牛咁味道可以既 但環境真係出曬事我想講 個一區既衛生環境都好惡劣 幾乎個到既食肆都唔太企理但入到去之後有兩隻烏蠅係咁飛 食野個時 真係咩心情都無曬都唯有快快手食完就走 其實食物真係唔差 希望佢地認真重視番個問題 唔洗大封個裝飾 但至少入去乾乾淨淨 無烏蠅就算真係可能附近既環境影響 但點都好 諗諗方法如果唔係真係好趕客

係open rice上面見到呢間鋪好似好抵食咁，就走左去試。外賣左一碗兩餸麻醬米線，點知拎到翻屋企，乜餸都無，搞到我又要特登走多去一轉。去到我一話乜餸都冇，店員就好似知道乜事咁，俾返我要嘅餸，個反應就好似話俾我知佢係特登咁，真係好唔老實。最令人咋舌嘅係，個店員係帶着膠手套拖地，然後繼續戴住個膠手套去打開個外賣碗同捧住碗麵去加餸，問題係佢前一刻仲帶住個手套去揸住個勁污糟嘅地拖，成件事真係好嘔心。出去食嘢污糟就預左，但係眼不見為乾淨都好，唔係擺喺我面前比我見到丫嘛。而且佢哋成個地下都一灘灘水，衛生條件真係好差。不過講翻碗麵，個麻醬湯底的確不錯，味道同濃度都不錯，食得出麻醬嘅濃厚感覺。我叫咗中辣，但係佢嘅辣度大概就係譚仔嘅小辣咁上下，而且佢個辣度唔會搶晒成個湯底嘅味道，個湯底做得真係好出色。但係餸就真係麻麻地，雞翼尖有雪藏味而且有少少難食，芝士腸都有陣怪味。米線就不過不失，但係煮得有啲淋。總括來講，係抵食嘅，但係唔老實同埋衛生條件差對於我來講已經夠令我唔會再回頭食。

呢晚黎到油塘，有d想食烤魚，見到呢間有得食烤魚同打邊爐又唔貴就入左去～其實overall個味道真係唔錯，又幾平，呢個價錢有任食又真係唔應該要求太多，但好可惜既係呢間鋪個衛生環境真係好差... 係真係可以用個差字去形容.... 好多烏蠅未食既時候已經嬲住你.... 成間鋪又唔知邊個位漏水... 搞到成地水... 拎野食個雪櫃前面勁多水.... 打邊爐個gas爐又好污糟.... um 雖然味道係唔錯，又平，但衛生真係麻麻，千其唔好約你女朋友黎呢度...三五知己麻甩佬就冇所謂

第一次嚟呢間位於油塘嘅成都小巷， 我係因為食完，灣仔嘅成都小巷之後，一直念念不忘果一仲種味道，於是在open rice 發現 到原來佢有另一間分店就係喺油塘，因我家住官塘，所以， 我就慕名而呢一間油塘嘅分店成都小巷..一入到去店鋪，地板有水漬，仲有一陣臭味, 但係因為我係想食呢碗米線，所以， 我就試下係咩 味道問兩句 店員，佢畀我嘅感覺係完全唔想答客人，好冷漠!同我起之前灣仔食嗰間完全係兩回事( 請看回我上一篇的 文章)醉翁之意不在酒，在乎山水之間也。。。 叫了上次喺灣仔一模一樣嘅餸，結果 完全唔掂！中唒伏我叫咗一個 麻醬酸辣米線 入面有花生醬 肉碎 酸菜 芽菜 芫茜等等. 因為我上次食唔到秘製腩肉， 於是我今次 就係呢一間小店 是秘製腩肉。結果，出乎意外之難食 ，秘製腩肉 ，果然係秘製， 只係食到有豬嘅騷味， 完全 ，冇好食嘅感覺， 所以千祈唔好叫！再講那個湯底， 完全係 冇花生醬，嘅感覺 只係得一般酸嘅感覺， 而且個肉碎， 仲少到只係得幾粒 ，唔搵佢都唔發覺勁失敗最慘係個靈魂 米線， 竟然 未熟得透， 仲有少少咬唔開嘅感覺！一句到尾冇下一次！如果我再食呢個米線， 我只會 寧願浪費十