我是酸奶君 (已結業)

我好鍾意飲酸奶，但香港既選擇一直都唔多，所以次次同班姊妹上深圳一定會去超市狂掃酸奶製品。當酸奶控既我一得知過江龍：我是酸奶君已經嚟到香港，仲要開正係旺角，即刻搵左日去試！我地5點鐘去到舖面，好多人等緊。雖然6點就食晚飯，奶類飲品又偏飽，但都唔想白白經過又唔試，所以我地兩個人只係叫左一杯：吃米酸奶 $29。當日既排隊同拎野飲安排麻麻，職員係用塊小朋友既白板用marker mark 低整好左既飲品number 叫人黎拎，感覺同其他連鎖手搖飲品係有d 差別。點都好，我地等左20分鐘左右就見到我地杯吃米酸奶ready~ 細細杯，有個好可愛既女仔做緊一字馬甘樣，笑左～ 終於試到喇！好鍾意佢既酸奶係原味，唔會mix 埋d 咩奇奇怪怪既味。酸奶既味道唔錯，飲到奶味，但就唔屬於非常濃稠個隻。可能因為我試過幾多內地既酸奶製品，我傾向鍾意結身既質地～ 不過幾鍾意佢既酸奶底部加左紫米，煙煙韌韌。另外要讚既係佢既甜度把控得唔錯，唔會甜到覺得糖尿個隻。$29 又有奶又有紫米，飲完仲已經飽飽地，抵試！ 

🍼吃米酸奶價錢：$29非常特別既酸奶！佢係店內既Top1️⃣👍🏻👍🏻👍🏻酸酸甜甜既酸奶，飲落好香好滑🤤🤤🤤加上有紫米係裡面，十分煙韌👍🏻口感十分豐富😍😍😍我覺得好似食緊紫米露咁🤣喜愛酸奶既朋友仔一定要試呢杯鎮店之寶喔！🤩🤩🤩

從試業到而加已經幫襯左好幾次了第一次試「吃米酸奶」覺得好正 奶味重 又唔漏加埋糯米 簡直係完美搭配第二次試「吃米特濃酸奶」點知同非特濃的一樣味但仲要貴多$4...有d唔抵咁不如要返普通版...之後幾次 都係再試「吃米酸奶」可能因為係人手調配有時好正 有時有d稀有時仲糯米好少！而且酸奶入面是沒有冰的好快就會唔凍...大熱天時 係旺角邊行街邊飲 未必解到暑仲有就係佢個叫飛系統係極之奇怪數字亂跳 例如呢次叫 1234號 下一個號碼就叫 5289號完全無規律所以唔知仲要等多幾多杯先到自己

今晚ot到好夜又唔想食好飽，於是就買杯酸奶當晚餐😬酸奶唔會太酸太濃，之前飲過有d酸奶飲到想嘔🙈而且個底有d紫米，煙煙靭靭幾有咬口！飲完一杯已經飽哂，好滿足👍🏻👍🏻推介：吃米酸奶😋指數：7/10

香港終於有酸奶飲！平時成日都係深圳飲，今次唔使返深圳就可以飲到平價酸奶！紫米酸奶，原本以為兩者唔夾，但係原來好好飲！紫米煙韌，加埋酸奶感覺好消暑，依家天氣開始熱，飲酸奶啱晒，好過淨係飲黑糖奶啦！

是滿滿的酸奶味雖然我把它想象得太濃稠比較像酸奶味的液體紫米軟糯的可惜晚上去買，可以選擇的已經不多好多款都賣曬啦既然係咁，一定要去多次試下桂花，茉莉……仲有益力多既唔同果味飲品

用左$29黎買杯酸奶加紫米，啲紫米係煮得唔夠熟，有啲直頭硬既，啲酸奶又好稀，有啲似益力多再加紫米露。xx酸奶牛啲紫米仲多過佢果杯！$29睇下你地覺得值唔值，令黎買麥當勞都無咁嬲。

過江龍 我是酸奶君 已經嚟到香港開咗喺旺角大家試咗未呢😼鍾意飲酸奶嘅朋友一定要試‼️ 我真係覺得好飲過黑糖珍珠奶茶多多聲😂.#吃米酸奶 $29原味酸奶嘅質感濃稠 啱啱好👍🏻唔會太”杰”或太稀 仲要好滑😳味道濃郁 好香濃既酸奶味😍 甜度都啱啱好下面加咗紫米 口感煙韌 😼超有咬口同酸奶既口感剛剛形成對比 口感超豐富呢杯酸奶都幾飽肚 留肚飲啊‼️美中不足既係 好難啜到啲紫米啊😈.每杯既蓋面都寫有特別字句😎一杯酸奶、一天元氣

我是酸奶君HEY! IM YOGOST 旺角店.益生草莓君$40味道類似比菲多，酸酸甜甜，茉莉綠茶做茶底，中和返甜味，亦用咗新鮮草莓果汁味道比較新鮮，夏日消暑必飲，Yakult控夏日之選。 🍓 .吃米特濃酸奶$33因為第一次飲酸奶，感覺新鮮，健康紫米有口感，香港亦少飲到類似味道嘅飲品，比較台灣口味但亦容易接受，酸酸甜甜但酸味比較濃，開胃解渴，唯一遜色嘅地方係比較細杯。🥛 .後記：可能由於新開張，慕名而來嘅人又比較多，員工有啲亂，等得都耐。🤨.

佢個屏幕顯示未整到 show 唔到meun 同單number。D飛NUMBER錯曬。上一張單 NUMBER係1000幾，下一張竟然變左6000，之後又跳返去2000幾。好細杯，好普通嘅嘢飲，飲完勁口渴。

-得知旺角開左間飲酸奶既鋪頭，今日又咁岩行開呢頭，所以就過黎買番杯試下個味lah~ -1️⃣吃米酸奶 $29 好飲指數：6.5/10 紫米口感比飯為硬身少少，所以頗有咬感，而且食到紫米香。酸奶方面，佢地係偏幼滑身，奶味亦幾香甜，酸度就較為清淡。如果可以酸一點點，就更好😋2️⃣莓果粒粒🍓 $38 好飲指數：7/10新鮮草莓果肉榨出來，食到粒粒果肉😍如果出草莓奶昔，口感較固體d，應該都幾正🤤-個杯既package，飲管都好靚。我話要外賣拎走，仲有靚靚紙袋，買番杯打卡一流。-👅味道: 6.7/10🍽賣相: 7/10🏰環境: 6/10🙇🏻‍♂️服務: 6.5/10💎CP值: 7/10⚖️人均：$50以下🔺服務費：❌↩️回頭值：60%———

酸奶熱潮終於嚟到香港啦!!!今次試最出名的吃米酸奶，即係酸奶入面加咗紫米。本身諗住食完飯飲杯酸奶消下滯，點知原來飲完仲飽！但個酸奶真係好好飲，加埋紫米個味道又好夾！但真係太飽，下次都係嗌返少D紫米。雖然酸奶好飲，但呢間店仲有好多改善空間。當日落單個app壞咗，但店舖無張貼任何指示。我用app落單比錢，而朋友就排隊比錢，點知朋友有得拎酸奶我都仲未有，再問店員先知個app係壞咗

黑糖珍奶風終於暫緩 迎來應該係香港第一間飲酸奶既飲品店 今日平日下午到達 大約等3-4人就拎到飲品了 叫左最basic 既吃米酸奶 第一啖入口感覺酸酸甜甜幾清新 同珍珠奶茶果種甜度完全唔同 紫米幾煙韌 係偏硬口感唔錯 一杯份量都幾少 可能加上天氣熱 幾啖就飲完了 下次經過想再試下其他水果口味呢

之前經過黃埔試過一間酸奶鋪既紫米露，覺得不錯。最近見facebook,ig各大媒體都宣傳#我是酸奶君#就特登抽個時間去試一試。結果中伏。第一，安排混亂。飲品完成後 店員只會重複講一次該杯的號碼。但所有飲品都吾系順次序出餐，跳黎跳去。令人難以追蹤自己杯飲品，有顧客詢問店員後，店員又愛理不理。只叫顧客等多陣就有😑。眼見有人等左好耐先發現自己杯野飲一早出左黎。第二，圖文不符😥本人叫了杯吃米酸奶，但.....米呢?成杯都系米碎，一粒完整的米都冇😭不知所謂。29蚊杯 普通超市賣既乳酪味道，冇任何特色。可以吾洗試。

窮遊香港-超抵買一送一酸奶.今次講下 我是酸奶君 既買一送一優惠 只要使用 app酸奶優惠scan 返店員出示既qr code就得就可以用優惠價$20買到⭐️吃米酸奶（原價$29）仲要買一送一 （姐係平均$10杯 超抵）優惠期：5月10至5月13日（‼️優惠有限量 快d down番個app拎左優惠先啦）呢間新開既店 人氣幾高 中午15:00人流仲多過幸x堂（可睇圖）.講番野飲 當然叫買一送一既⭐️吃米酸奶👍🏻奶味幾香 酸甜平衡做得好好（唔會有過甜 過酸既感覺）👍🏻而紫米口感做得幾好咬👍🏻但最重要既係只係$10冇得輸啦掛‼️強力推介.#我是酸奶君 (旺角)地址：旺角豉油街60 -102號地下A舖.⭐️評分：味道：4/5環境：4/5服務：4/5抵食：5/5