我是酸奶君 (已結業)

我本身係鍾意飲酸奶同埋食糯米製品， 我是酸奶君嘅吃米酸奶就符合曬我嘅口味！朋友帶我去，推薦我飲特濃酸奶， 真係好好飲！ 佢哋preset嘅甜度同冰量都啱啱好。 吃米特濃酸奶面頭會多一層奶蓋，同埋oreo，增加左口感同層次！不過品質監控未做到最好：第一次飲嗰日等候人數比較少，飲品嘅糯米比較多，但比較黐埋一舊舊。第二次飲嗰日係放工時間，人比較多， 飲品嘅糯米就少咗一半，但比較粒粉分明。如果糯米可以平均返就好啦！最後收銀方面， 我排隊嘅時候見到前面客人嘅比錢狀況；職員第一次找錢找少咗，之後又再找多左成十蚊，做野好唔細心…

Hey! IM  Yogost (我是酸奶君) is something truly different than the other new bubble tea places in Hong Kong. Originally from China, this place serves yogurt drinks that are combined with purple rice. They then offer it with fruit flavors using actual fruit pieces. The purpose of the rice is what gives it a natural sweetner. Much like Japanaese amasake drink.Curious, I gave it a try.Menu is in English and Chinese. As it's take away, there is no 10% service charge.I decided to order the strawberry yogu

吃米酸奶飲完真的會上癮的酸奶邊行邊飲都唔夠10分鐘又行返轉頭買多杯今次叫佢加多些紫米俾我，真的好滿足難怪每次都咁多人排隊等候，值得推介(我飲珍珠奶茶都未試過行返轉頭買)

周街都開滿晒台式飲品店，今日就試試新口味，飲咗呢間喺深圳好popular嘅我是酸奶君，佢哋主打yogurt飲品🥤🥤今次我就揀咗排行榜no.2嘅百香果果，佢係將啲百香果打碎左之後混入埋yogurt入面，飲嘅時候就會飲到百香果籽嘅碎，有啲硬🤭，不過味道酸酸甜甜係ok嘅，感覺比起飲珍奶健康🤗下次有機會再試嘅話會試吓排行榜no.1嘅吃米酸奶，係紫米嚟㗎😋成日飲珍珠鮮奶飲到悶悶地，飲下酸奶都係唔錯嘅選擇

一直聽朋友講話呢間新開嘅野好好飲, 今日咁岩約咗朋友喺旺角睇戲所以決定過嚟試一試.其實本身我已經有啲盡量避免飲珍珠奶茶, 因為成個香港, 周街搵來搵去都剩係得奶份茶又或者開到成行成市嘅黑糖珍珠.個friend本身飲過嗰杯招牌紫米酸奶, 所以今次再嗌一杯. 但係對我來講有啲rich所以叫咗呢杯有茶底嘅益生草莓君. 雖然排好耐隊, 等左好耐先拎到杯嘢飲....不過真心講句好飲過好多奶粉茶, 大品牌. 有驚喜+值得一試!

紫米同酸奶嘅份量剛剛好，唔太甜，好好味👍🏼員工都會耐心介紹飲品，服務員嘅服務態度十分好好多選擇，一定會再試！地點好就腳，好飽肚，天氣熱可以飲一杯代替一餐飯。

新開店的「我是酸奶君」，據說是內地人氣品牌，今次就試試珍奶以外的酸奶吧！「我是酸奶君」的餐牌都是離不開酸奶和牛乳，定價不低，部分果味酸奶索價四十元。吃米酸奶是酸奶混和紫米，屬於店舖的招牌作。其中紫米標榜是用心挑選、獨家秘制，看似很厲害。酸奶質感非常濃稠，酸甜度調得剛好。因為添加了紫米，所以吮吸間又會多一份煙韌口感，兩者配搭起來未見太大違和感。而且一杯過後也頗有飽肚感的，作為一個輕便下午茶也是不錯！P.S.筆者總是覺得「酸奶君」Logo中，那個小男孩的動作有一點詭異，你們有同感嗎？

繼黑糖珍珠既熱潮之後，唔知下一個係咪輪到酸奶呢🤔差唔多時間有兩間主打酸奶既鋪頭開左🎊呢款係佢地最basic個款，個名叫吃米係因為佢地加左紫米🥳本身覺得呢個配搭有d奇怪，點知飲落又出奇地夾😍酸奶酸酸甜甜，再加埋微甜既紫米，叫少甜就剛剛好💯夏天🌞果然係要飲酸野舒服好多😌不過如果佢個酸奶如果再濃郁d就會更好😂•飲酸奶感覺比起其他手搖飲品好似健康d🤔😂😂至少好飲得黎唔係食塑化劑落肚，至少心理上安慰d🤣

今日 4月24日 味道旺角中心一帶， 行街食嘢， 我行到去呢間: 我是酸奶君, 醒起係近期新開嘅一間賣酸奶飲品店， 我都買黎試下， 見到都有十個八個人喺度排隊等， 正常啦，香港人就係咁，一有新嘢，就一窩蜂去試。我叫咗一杯普通嘅吃米酸奶29蚊，價錢ok，可以接受，但其他有生果味道嘅酸奶，就要去到成四十蚊， 就實在太昂貴了。 飲落味道一般，都係酸奶嘅味道，但裏面有啲好似紫米嘅物體，食落就煙煙靭靭， 小小黏牙， 好有口感，都要𡁻下就下， 又幾好喎， 夠特別 又係一個新嘗試，都係唔錯嘅飲品。

吃米特濃酸奶 啱啱開張嘅時候已經幫襯過一次，但因為上次準備關門所以冇晒我想飲嘅吃米酸奶，今次終於試到上次飲唔到嘅~身為酸奶愛好者同埋中意食米味雪糕嘅我，見到有米味嘅酸奶(´. ॄ.｀)完全發左癲一定要飲！佢係紫米，酸酸甜甜，有紫米嘅咬口！好加分好正！不過比較稀身同埋多泡，飲幾啖就飲完咁 (๑⃙⃘·́ω·̀๑⃙⃘)੨੨同埋覺得唔夠凍，如果再凍啲一定更加好飲r，不過唔知點解飲到最後食到啲好似oreo餅乾碎咁嘅嘢ʕʘ̅͜ʘ̅ʔ有一兩啖都飲到。。。係正常嗎。。？不過喺香港真係好少見有用酸奶做主題嘅飲品店！希望可以keep住做落去！會多啲去幫襯（՞ټ՞☝

吃完晚飯，逛逛波鞋街，途經見到新開不久的酸奶店，令我回想起之前在深圳時喝過的酸奶飲品，味道令人回味。而且本身自己很喜歡喝酸奶，特地試試特濃的選擇。除了主打的原味外，其他飲品酸奶還有混入水果、燕麥等健康的材料。吃米特濃酸奶：甜甜的酸奶，不會太酸。有驚喜的是底部的紫米粒粒，雖然份量不算多，但飲的時候增加嚼口，煙煙靱靭，更添口感，喝到底更是鹹鹹香香芝士味，鹹鹹的味道更加令人想繼續encore。味道的確很吸引，不過杯子份量偏細，不消一會就飲完了。除了熱門的奶蓋茶或珍珠奶茶外，這個飲品也是非常不錯的選擇！

呢間我是酸奶君雖然其貌不揚，但係絕對愛飲大陸酸奶者頂癮之選！！！飲完只係覺得一定要encore! 下次一定要再買黎，好過飲黑糖珍珠奶茶多多聲🤫事關岩岩開張，店員有邀請行人試飲！呢個試飲就令我地上左檔，要買一人一杯啦。我地每人叫左一杯招牌吃米酸奶（少米），原味酸奶味道勁香又滑好好飲，幾米份量就算少左份量但都好夠好飽肚。正常份量嘅紫米，女仔飲就應該唔使食晚飯啦。紫米好有咬口，唔硬唔軟，口感岩岩好。不過份量得500cc,如果有得加大份量更好，因為500cc係唔夠飲架！👍👍👍👍