扇火鍋

营业中

休息中

🔸澳洲產黑毛和牛及四元豚放題 $299🔹澳洲產黑毛和牛🔹澳洲產穀飼牛🔹牛舌🔹日本豚肉🔹雜錦蔬菜盤:冬菇🍄燒豆腐、芋頭、蕃茄🍅大蔥、洋蔥🧅帝王菜、黃芽白、金菇及秋葵海鮮盤有墨魚漿🦑蟹柳、新鮮尤魚筒 第一時間當然食咗壽喜燒先啦，店員好好人，見我哋雞手鴨腳唔係好識，即刻示範一次，首先用提供的牛油起鍋，用以引出和牛的香味🐮之後加入洋蔥🧅炒至金黃，可以加入牛肉啦，炙至微焦後加入壽喜燒汁，再配上日本生雞蛋🥚提升牛肉嫩滑口感。如果都係唔清楚，枱上仲有個QR Code, 有詳盡圖解說明。食完壽喜燒後，我哋轉清湯底打邊爐，除咗和牛同豚肉係放題之外出面自助餐桌仲有好多蔬菜🥬丸類、雞肉🐔魚塊🐟及公仔麵、烏冬🍜可隨意添加。 最重要的混醤區有多款醬料及配料，一定可以混出你心目中美味的醬料。 雪櫃的飲品也是自由選擇，汽水🥤果汁🧃啤酒🍻日本茶。 90分鐘好快過去，餘下15分鐘時，店員會温馨提示，重提我哋記得食埋個軟雪糕甜品🍦

難得冬至⛄️ 就緊係要食反餐好啦～ 男朋友咁鐘意食牛，今次就帶咗佢來食壽喜燒，90分鐘 澳洲產黑毛和牛套餐，仲要係任食放題，開心死佢啦😆一坐低店員已經準備好每人一份和牛，每人一份牛舌，每人一份豬肉片，雜菜盤，海鮮盤，勁豐富😍 見到澳洲產黑毛和牛啲雪花紋好靚，薄薄一大片，做壽喜燒就至啱唒👍🏻 仲有日本生雞蛋可以點來食，滿口牛脂香味加上軟淋淋滑脫脫嘅口感真係不得了🥰 醬料同自助區都有好多選擇，各種蔬菜，丸類，菇類都有，仲有關東煮😄 食完壽喜燒就可以加湯打埋個邊爐啦😍😍 到最後又點小得甜品呢，有雪糕自己斟，今個冬至夠唒滿足啦～

壽喜燒完仲可以揀湯底打邊爐 ！$299 澳洲產黑毛和牛 套餐好滿足餐廳套餐有唔同等級嘅牛肉由$239至$439～澳洲產黑毛和牛、澳洲產長期殼餇牛、北海道四元豚超級豐富連牛舌都可以任食呀🇯🇵😘配備壽喜燒必備嘅蔬菜拼盤🥬仲可以添加生雞蛋🥚煎香洋蔥，再放和牛再加壽喜燒汁和牛配上蛋汁食真係絕配啊，滑滑的感覺真係食多幾啖都好滿足澳洲產黑毛和牛滿滿香牛味，北海道四元豚都唔都好滑質素一流😝海鮮方面有蟹籽蝦滑、仿皇帝蟹棒、原隻魷魚仔及墨魚～仲可以去自助bar取食物雞、魚、唔同嘅丸、蔬菜～打邊爐選擇夠多食埋雪糕🍦乳酪味同抹茶乳酪🧀️筒或者杯都可以食到😝

🥰食完壽喜燒暖番哂·🥢90分鐘壽喜燒澳洲和牛及四元豚放題（$299@1）一坐底店員慢慢放哂肉類上枱，再用牛脂粒起鑊.放洋蔥、牛肉.差唔多食得淋上壽喜燒醬汁，蘸埋生雞蛋食…好好味啊🫶🏻燒到差不多，我地就放湯變成鍋物🤤湯底用番壽喜燒汁及昆布湯！除咗任食肉類，仲可以係自助食物區度拎蔬菜（仲要有superfood kale😍)、丸類、金菇、烏冬等！仲有熟食例如關冬煮🥰好多選擇～大食仔仲筆左碗飯食😂飲品區都好多款選擇，有茶有可樂.最後食埋杯雪糕，勁滿足🤤·📍扇火鍋觀塘觀塘道414號1亞太中心2樓205號鋪

Dinner $299/👧🏻澳洲黑毛和牛&北海道四元豚壽喜燒放題😍🫶🏻係觀塘新開左一間邊爐放題🧚🏻‍♀️扇火鍋冬天凍冰冰梗係要去試試🍲一入去就聽到staff嗌「Happy!」原來係牛陣集團新branch😂其實係比佢個sukiyaki放題吸引左👉🏻👈🏻真係好正，啲牛又靚！$299一位係性價比之選🤍啲小食都好好食，有關東煮有炸雞小食、雪糕筒好高質有驚喜✨不過好多人都係叫普通打邊爐所以勁多人望住🤣最緊要係煎香左一面先落sukiyaki汁!!!好重要!! 同埋燒多啲菜洗鑊唔係肥到傻如無意外呢間我會回頭喔💓ps好想影多啲牛既相但啲姐姐s服務太好係咁幫我地燒搞到我完全冇機會影到😂😂😂

澳洲產黑毛和牛及日本產豚肉壽喜燒90分鐘放題套餐 $299最近咁凍真係每刻都想打邊爐!! 淨係打邊爐又好似在啲悶？今次去到位於觀塘亞太中心嘅扇火鍋，一個套餐滿足曬大家2個願望: 先食壽喜燒，再食火鍋🔥 真係超級滿足!!有得玩有得食😎 掃一掃QR code就可以睇到享用壽喜燒嘅步驟，十分貼心💕 先以和牛脂肪起鍋，引出和牛嘅甘香，再加入洋蔥為壽喜燒增添香甜風味，炒至稍微金黃就可以放到鍋邊🤓 到主角: 黑毛和牛🐂 將肉舖喺鍋中，輕炙至微焦後淋上壽喜燒汁，肉片均勻沾上燒汁後夾起，蘸上蛋液品嘗😋 黑毛和牛本身都十分之嫩滑，油脂分布平均，充滿油脂香!! 蘸上新鮮蛋液一齊食，嫩滑口感更進一步昇華，和牛果然超滋味🤤 牛舌、日本產豚肉都好好食，原來同壽喜燒汁都好夾!! 食完壽喜燒，再喺鍋中加入肉片同野菜，淋上更多壽喜燒汁或者昆布清湯，慢火烹煮肉片同野菜至個人喜好嘅柔軟度🙂另一種食法有另一番滋味!! 各樣蔬菜吸收曬壽喜燒汁嘅精華，鮮甜又好食😬 最後當然唔少得火鍋🍲 食咗咁多肉，當然想食番多啲菜，自助區有超過30款食物仼你食!! 最正係有冰菜、羽衣甘藍、秋葵、春菊，全部都唔平，食多幾轉都回本啦🤭 當然唔少得

各位牛魔王🐮準備好未！今次介紹呢間放題CP值勁高，120分鐘任食黑毛和牛同豚肉😍，食完壽喜燒再揀湯底打邊爐，一次過滿足晒你兩個願望✌🏻▪️ $299 澳洲產黑毛和牛 套餐▪️套餐有唔同等級嘅牛肉同豚肉可以揀，價錢由$239至$439不等✅ 我哋就試咗中等價錢嘅$299套餐，有澳洲產黑毛和牛、澳洲產長期殼餇牛、北海道四元豚、歐洲產豚肉、牛舌、蟹籽蝦滑、仿皇帝蟹棒、原隻魷魚仔及墨魚等😱。出面嘅自助bar就有雞、魚、唔同嘅丸、蔬菜等打邊爐配料，關東煮、炸雞等小食，同埋雪糕！一開波就食咗壽喜燒先，除咗有以上食物，仲有壽喜燒必備嘅蔬菜拼盤🥬同生雞蛋🥚。我哋跟住餐廳教嘅壽喜燒煮法，先煎香洋蔥，再放和牛同埋落少少壽喜燒汁，燒好嘅和牛再點埋蛋汁食真係好正🤤！澳洲產黑毛和牛冇日本產嘅咁多油脂，不過好香牛味，我哋足足食咗4碟🤭！北海道四元豚都唔會好乾好柴，質素唔錯；薄切牛舌亦唔會韌～食到膩膩哋就可以轉鍋打邊爐！記得臨走前要食埋雪糕，當晚有乳酪味同抹茶乳酪味，仲可以揀筒/杯裝㗎😛！

最近天氣凍咗，所以約朋友打邊爐。友人建議去shabu sen，話有壽喜燒加打邊爐。第一次食覺得唔錯，我哋點咗$369嗰隻日本產和牛壽喜燒。初頭店員有serve我地，教我地落咗肉脂肪先，出咗油就可以燒和牛，燒咗一面後就落壽喜汁，真係廿秒就燒晒兩邊，點埋個蛋食真係好正！肉質就幾好，入口即溶，但我覺得肉味唔太濃。個餐另外仲有牛舌、豚肉、海鮮等，都係任食的。但我都係覺得和牛、牛舌係最好食，所以只係不停encore呢兩樣。食到7成飽就轉壽喜汁湯底打邊爐，食返啲菜先得😅不過得90分鐘食，就比較趕同埋好難有機會一邊食一邊傾計😂

天寒地凍最啱就係打邊爐，最近就去咗觀塘食呢間——🌟扇火鍋🌟佢新推出呢個🌟90分鐘壽喜燒 - 澳洲產黑毛和牛套餐🌟好吸引🤩壽喜燒本身已經好好食，呢個餐係會每人提供兩隻生雞蛋🥚俾你點黎食，佢係澳洲產黑毛和牛更吸引，佢啲牛肉仲係可以任添，肉片質素亦唔錯，大大片，雪花紋質素唔錯，勁滿足😋呢到一貫日式火鍋食法，調味料區亦係好多選擇，可以調配到你最鐘意嘅醬料，旁邊仲有關東煮可以拎🍢而蔬菜、丸類同飲品都係可以出面任拎，好方便嘅一個日式火鍋😝選擇豐富，食到最後，佢仲有甜品啫喱可以食，完全係一個簡單而又好滿足嘅暖笠笠日式火鍋🥰._.

🍲呢間位於觀塘亞太中心既日式火鍋 - 扇火鍋我地叫左$229 - 澳洲穀飼牛🐂 沖繩豚🐖 海鮮🐚 放題套餐，要左壽喜壽同豚骨湯湯底。套餐重有牛舌任叫，火鍋有牛舌放題比較小見，牛肉質素唔錯，加單係口頭同店員講 要幾多碟 邊款 然後店員即刻入廚房拎黎🤭 咁樣既方法唔錯 時間快 而且準確。海鮮有墨魚🦑漿 蟹柳🤣 魚柳🐟@同好大粒既螺🐚 雖然都知唔係新鮮貨，但煮熟一啲都無縮水 都幾鮮👍🏻👍🏻另外出面有自助位置 有一般火鍋料，熟食有炸番薯條 炸雞 炸餃子等等，都幾熱辣辣😋😋飲品方面 除左有一@般飲品🧃🥤🍺☕️🍵 重有冷泡茶 味道唔錯 好有誠意☺️☺️

扇係一間我幾中意嘅火鍋店🙈牛有幾個唔同level揀💕湯底都有好幾款 而我最鍾意就係壽喜燒湯底 💕今次叫左特選日本黑毛和牛🐮牛肉好大塊 好滑 牛味好重❤️我地每人至少食左3碟🙈配菜方面都有唔少選擇 食完仲可以去斟乳酪雪糕🤤唔錯

今日個fd話想游完水打邊爐，穩觀塘有咩lunch可以打邊爐，見到呢間有乳酪雪糕，所以放棄食牛大人變左食呢間😂😂服務態度都唔錯，不過野食選擇小，我地揀左中位價牛，湯底鰹魚湯唔洗價錢，其他加5蚊，我哋揀咗鴛鴦鍋，一個鰹魚湯一個壽喜燒，d牛質素都OK，但真係選擇少，二百幾蚊lunch價位性價比唔太高🤣🤣🤣野飲櫃d野飲都唔錯，野飲反而選擇都多，乳酪雪糕都好食，抹茶味個隻雪糕就無咩味咁兩個人埋單人均232，真係性價比唔大😂

服務員同其他客大聲傾計，同佢地講加肉三次先收到，埋單都係。牛肉質素下降，配菜選擇少，熱水沖茶都供應唔到。無留意到menu無雞肉，但好少shabushabu無雞肉。好令人失望。無下次。

食物種類套餐尚可 但價錢偏貴質素尚算過得去但主要最不滿係，餐廳服務態度真心非常之禁差唔明白點解餐廳唔算full，都不斷催促我地時間夠，又好似好趕住收檔禁，夾硬將啲污糟既碗碟飲品，堆到座山禁高搖搖欲墜，當時心諗：你一手拎唔晒就分兩次啦，夾操黎！結果真係打瀉晒整污糟左我朋友衣物同袋 埋單走既時候，諗住拎多罐野飲，某個店員喝停我地，話唔比帶走野飲我地有比$，又唔係成打禁拎你整污糟我朋友既物品 都未同你計貼錢買難受😣冇下次！

1月果時食過佢既壽喜燒日本和牛套餐$359，超好食，差唔多係我食過最好食既其中一次和牛。今日母親節諗住帶阿媽去食多次和牛壽喜燒，去到先發現原來佢已經無再做壽喜燒。咁唯有就咁叫個最貴既$289日本黑毛和牛火鍋套餐。佢既日本黑毛和牛好一般，同普通牛肉無分別，非常失望，兩邊會有層脂肪，有d影響口感，同埋切到好薄去迎合打邊爐。同上次1月果時食既日本和牛差太遠，味道、口感都食唔出日本和牛既感覺，同出面好多$200有找既一人一爐差唔多，甚至乎其他餐廳既自助區食物種類種多。同一座大廈有好多其他餐廳更加抵食更加好味。食到後面重有20分鐘既時候店員已經趕住收我哋嘅爐，好似驚我地食多佢地d野食咁。應該唔會再幫襯，真係幾懷念佢以前既靚和牛壽喜燒。唔怪得依加少左咁多人去食，連今日母親節，餐廳一半枱都坐唔滿。真係非常失望！