手作功夫茶 (慈雲山中心)

营业中

休息中

喺呢頭附近住，平時飲開手搖呢都係去飲另外一間出名嘅奶茶，但係因為成日飲奶茶好似好唔健康，所以嚟開呢一間呢就試吓飲其他嘅飲品，當時佢舖頭個poster就有呢一個系列去推介，於是就揀咗呢一個飲品叫做愛玉檸檬綠茶。平時去台灣嘅時候呢都會飲下愛玉嘅產品，喺香港嘅話真係第一次飲，一飲落去呢其實就非常之解口渴，唔會好似奶茶咁膩，而且天氣咁熱，又再解渴嘅感覺，而佢嘅愛玉同台灣嘅一樣其實都係冇咩味嘅，係一個啫喱嘅感覺，但係配埋呢一個綠茶係非常之夾嘅，有啲嘢嚼嚼吓嘅感覺，好好飲，推介嘅

第一次喺慈雲山買到咁難飲嘅功夫茶平時都有係慈雲山分店買開野飲以前都試過嗌走甜 都唔會好似今次咁難飲服務態度仲要勁差員工好理所當然咁覺得自己冇問題😅飲咗咁多次 點會唔知啲奶茶係咩味成杯野都係水味係一啲奶茶味都冇 珍珠嘅甜味都唔能夠令杯野飲好飲反叫佢換杯比我 已經係好聲好氣咁換完出黎一樣 成杯水咁 仲要衰過第一次嗌佢應該係將原本個杯啲珍珠到返落第二杯度搞到連原本珍珠嘅味道都冇乜未試過飲咁難飲嘅野飲 服務態度又差。

今天決定從慈雲山走上飛蛾山在出發前決定買杯手調飲料獎勵一下自己。我點了這杯鐵觀音奶茶，走冰走甜，加了港幣 $2元的 蒟蒻總共只需港幣 $25元。鐵觀音的茶味不算很濃郁，只有淡淡的茶香。而奶茶味的甜即使走了甜，仍然是比較甜甜的。奶味不算很濃厚，亦沒有很厚奶滑的口感。若果奶和茶味更濃一點，味道一定會超級好喝。蒟蒻咬起上來可口，會想不斷的咀嚼。整杯的份量不小，在炎炎夏日享受這杯鐵觀音奶茶，也是十分不錯的享受！

慈雲山嘅台式飲品店本來就唔多，呢間開咗之後幾乎就冇再幫襯過貢茶正如標題， 首先係飲品好飲， 至少開店到而家我未中過伏，而且質數穩定，唔會話一次太甜一次太淡， 奶茶方面推薦38奶霸，奶茶底夠味又多料，抵飲。黑糖波霸鮮奶都正，鮮奶味重，夾埋黑糖珍珠甜度啱啱好。果茶我無飲過好多，不過必須提一下柚香晶球綠茶真係太甜，要落少甜先係平常果茶甜度，不過個晶球係好食嘅! 鍾意呢間舖嘅另一原因係店員好nice，尤其是一個男店員同一個姨姨，兩個都好好笑容，有時我攞得多野無手落番啲找錢或者野飲店員都會等我，又會講拜拜，不過見到其他留言都有人話服務差，我估可能係後生啲嘅打工新手唔夠經驗姐，咁我又覺得 你比得廿幾卅蚊，人地一日又對咁多客 仲要快快手整到杯野飲比你，唔通仲要人提供米之蓮級數服務咩體諒下囉 香港人

買杯野飲要受氣，慈雲山奶茶舖唔多 但依間真係唔會再飲 30幾一杯野飲其實扣除成本都賺幾多下 真係比錢你賺 服務態度可以好啲囉 除咗服務態度差 野飲都唔好飲 熱奶加凍芋泥 30蚊🙂🙂不了

慈雲山一直以嚟都冇乜茶飲店幫襯咗貢茶好多年終於有新嘢試下😆呢間茶店喺慈雲山中心一樓夜晚9點幾都仲有啲人流飲品方面有好多選擇價錢都比起出面抵飲大大杯芝士奶蓋茶都係$29（出面好多要$30幾）第一次試都係飲返我最愛嘅奶蓋先叫咗杯《芝士奶蓋四季青》走冰半蜜茶香得嚟唔會有澀味😋果然係功夫茶奶蓋有奶香得嚟唔會太heavy又唔會有種假甜味成杯飲到底冇咁有罪惡感😂（連奶蓋都飲晒）半蜜後甜度啱啱好💯飯後來一杯超治癒😆！

平日飲貢茶太多悶悶地就同朋友黎試試呢間。店員好 nice, 我問題多多佢都好有耐性解答，朋友叫左鐵觀音奶茶+晶球，我就叫左38奶霸，配料有仙草果 d,朋友果杯我覺得好飲 d , 幾香同埋飲落都好順口。晶球又無平日珍珠咁肥 haha我果杯就爆甜，明明我走左甜，但我懷疑係配料用糖水浸住，製作飲品時就咁一野連成堆糖水畢落去，所以變相勁甜，我飲其他店都好少會出現呢個情況，多數走甜的話，都唔會有咁勁既甜味，所以呢個唔太得 haha

見新開，買一杯試下虛實睇完top 8 menu就嗌左鐵觀音珍珠奶茶杯野一拎上手係熱嘅，我諗應該係茶底本身好熱😅😅😅攪左好耐就可以去返凍飲嘅溫度😅茶味唔差 低可以再濃啲珍珠唔錯，幾有咬口以$25呢個價錢黎講，都可以再黎幫趁嘅

今日襯天氣炎熱就去左慈雲山中心試一試新開嘅手作功夫茶—38奶霸，我叫左少冰少甜，茶底係鐵觀音，但茶味好淡；奶霸配料包括黑糖珍珠、仙草同好少舖頭有嘅蒟蒻，配料同奶茶幾夾，仲令每一啖茶都好有咬口。不過黑糖令杯茶變得好甜，所以，如果下次再飲，我會叫無糖，咁黑糖嘅甜就會令到杯茶嘅甜度啱啱好喇。～～～～～～～～～～～～～～～～～～～～～～～～～～～～～～

「手作功夫茶」是台灣的茶飲之一，在香港已有不少分店，會打功夫的阿寶是店內的吉祥物。採用調和蜂蜜是其特式之一，所以甜度全部以蜜度表示。餐牌上的飲品均以功夫有關的用詞作分類，看來行走江湖的應該要喝厚奶茶系列。甜度可分為正常，少蜜，半蜜，微蜜及無蜜。冰度則可選擇正常，少冰及去冰。部份飲品可以選擇熱飲。熱珍珠奶茶（微蜜）$23剛做好的茶飲比較熱，因為沒有隔熱杯套，放在桌上放涼一點再拿會比較好。珍珠比起一般店家彈牙有嚼勁，即便是熱飲，珍珠也不會變得過份軟腍，表面也不會糊糊的。可是飲品太甜，也不解渴，雖然有茶味，但沒有很濃，感覺上茶的比例較少。整體上比較能喝到奶味及甜味，所以也不會覺得澀。如果「口痕」的話，把珍珠奶茶當作小食也算不錯。

慈雲山開咗一間台式飲品店 今日食完飯經過 決定買一杯試一試波霸觀音鮮奶 $28用新鮮鮮奶製造 奶味濃郁再加上淡淡嘅茶香 感覺非常清新另外再配上波霸珍珠咬感一流 珍珠 煮得煙韌而唔會過硬 值得一試 價錢可接受 下次可以再試其他款式

今日去左慈雲山探個朋友，行過中心見到呢間‘’手作功夫茶‘’，又係台式飲品店喔😆門面係黑底白字，有隻又大又肥嘅公仔logo，幾特別呀。本身都係鐘意飲珍珠奶茶嘅，不過見佢有杯”特濃波霸純鮮奶’’好似幾正咁，店員話係加左層芝士奶蓋係面，比較滑d，所以叫左呢杯試下😂😂一試就知啦，原來奶蓋+鮮奶+黑糖珍珠係可以好夾架😋奶蓋咸咸地，有芝士香，中和番黑糖珍珠嘅甜味，而珍珠好有咬口，唔似坊間果d咁淋，果然唔錯👍👍👍好滑，好好飲呀！下次試下其他芝士奶蓋嘅產品先，相信都應該唔錯😎

今日放工後，上慈雲山睇醫生。睇完之後，剛好見到對面慈雲山中心，有台式飲品買。冒着雨，都走過馬路去睇一睇。見到咁多款不同類型的飲品，真係花多眼亂。15/16之際，店員親切地為我推介了宇治抹茶拿鐵加芝士奶蓋。一啖飲落去，先飲到濃郁的芝士味，配上宇治抹茶，想不到兩者味道如此配合。那位店員真的沒有介紹錯！另外，再叫多兩杯輕飲水果茶王（無糖）回家俾兩老飲。兩老都讚不絕口，他們都話，水果非常新鮮，無糖更能飲到水果的清甜味道。最後，他們都將杯內的水果食清光。仲叫我，下次要買其他飲品回來給他們試～～我一定會再次去光顧的！！

經過見佢啱啱開張而我又未係佢其他分店飲過所以今次就黎嘗下鮮🐟點知 出事❗️❗️啱啱開張 所以得十款飲品可以揀～咁我諗佢試業中 D質素應該都係盡量做得比較好啦同埋果十款應該都係招牌啩~.所以就幫襯左佢買左杯珍珠黑糖鮮奶🍶.結果 衰係珍珠度🤦🏻‍♀️咬落去勁硬 似未煮熟😵淨係飮黑糖鮮奶都叫做幾好飮既😿.希望佢如果做到落去就煮好D珍珠啦🥴🥴🥴如果煮好D珍珠三十跟市價都算尚可接受既😿但目前狀況黎睇就吾係好值啦☹️

今日同朋友仔喺附近食完晚飯，突然想飲珍珠奶茶，搜尋之下發現呢間「手作功夫茶」，個名夠晒特別之餘，亦都俾佢「手作」兩個字吸引去試了。我哋一行7人嚟到，因為冇飲過嘅關係，大家都好似有選擇困難症甘😅😅多得店員耐心推介👍🏼👍🏼喜歡珍珠的，又或者喜歡芝士的，喜歡茶香的，又或者不喜歡太甜或太奶的，店員都一一滿足我哋嘅要求推介合適我地口味嘅飲品。最後，我哋order左6杯飲品喜歡珍珠的：黑糖波霸純鮮奶x2（其中一個對珍珠好有要求，試後感滿意）喜歡芝士的：芝士朱古力可可（芝士軟滑帶少少感味，朋友仔話下次可以試下order 多一份奶蓋有無甘鐘意食cheese 啊？）喜歡茶香的：鐵觀音珍珠奶茶（茶底選用鐵觀音，茶味夠晒清香特別，不會太搶）不喜歡太甜或太奶的：柚香晶球綠茶x2👉🏻其中一杯是本人的（本身擔心柚子會唔會有酸澀味，試落無之餘，晶球口感仲好彈牙特別，喜歡清新口感嘅朋友，可以試下呢杯）整體感覺一個愉快嘅朋友聚會晚上，就由一杯滿意嘅臺式飲品劃上完美句號。