手卷屋

营业中

休息中

藍田而家越開越多小食店，但係我最鍾意食嘅都係手卷屋！🍱便當手卷屋嘅便當好足料，有壽司、卷物、小食同埋麵/飯。除咗足料之外，選擇仲好多元化！小食有好多款，我最鍾意嘅係玉子燒，好厚好惹味！😋至於壽司同卷物，我覺得都好新鮮～手卷屋嘅壽司便當勁抵食！

之前去藍田探朋友，見到呢間壽司店咁平淨係試吓。我叫咗一個手卷（係軟殼蟹手卷）同埋一個玉子燒。熱辣辣食好吸引，軟殼蟹好香脆，個肉同埋個汁配搭得好好，成個手卷都一流。玉子燒就有好香嘅蛋味，甜甜地加埋個沙律汁冇得彈！玉子燒甜得來但係唔會太甜。

手卷屋係一間位於藍田匯景嘅壽司店，雖然呢間啲壽司唔可以話係超級top，但係勝在價錢便宜方便快捷，行開藍田匯景都會想買來試吓，行行吓街食都係一個唔錯嘅選擇，最鍾意食嘅吉列炸蝦都只係$20左右，非常抵食。當然佢仲有其他鰻魚三文魚等等亦都非常之抵食。所以如果你喺藍田匯景行街都可以買來試吓㗎！

呢個係軟殼蟹手卷，我係夜晚買跟住朝早食，整返熱之後依然好味！軟殼蟹都仲有啲脆，加埋佢嘅醬汁有啲蟹籽，真係好出色啊！未到來講都幾鮮甜，紫菜都好脆！手卷屋仲有好多款嘅手卷，同埋日本嘅壽司美食～

最近有時收工會黎藍田食下小食先返屋企，地鐵出口個層選擇越黎越少，就多左黎匯景5樓搵良心店。 呢條巷都有幾間揀，睇完簽上的波兒、好味雞蛋仔，都係手卷屋岩口味D。手卷、壽司都係十幾蚊起有交易，小食店既價位，估唔到行入去仲有得堂食，有幾張凳唔洗立食咁慘，台上仲放好哂即棄筷子、豉油、wasabi同碟仔。見食評大讚玉子燒($11)，當然叫左，一落單就見店員即時放上網加熱加醬汁，熱辣辣咁上台。 甜蛋好軟滑濕潤，入面既飯都粒粒分明，配埋沙律醬幾開胃。三文魚腩反卷($25)比想像中細份，三文魚腩係新鮮有油香既，飯同魚生中間仲卷左塊紫菜好有心機，不過個人覺得唔加紫菜可能仲好D。有時壽司癮起，就算俾得起錢去日本鋪頭獨食都仲要等位等上菜，想快快手真係做到立食壽司文化呢度真係幾岩，材料新鮮有下次。

利申~ 呢個係買咗兩次嘅經驗， 第一次係純粹想去撐黃， 因為屋企附近冇咩黃店， 所以要走到去藍田嗰邊買， 試過好食之後 阿媽就落柯打叫買第二次~ 雖然係商場舖講真我覺得唔容易搵， 去兩次都幾多人喺度等，入邊有四五個人喺度做嘢~不停手咁喺度包~ 佢哋手捲用嘅紫菜係有膠紙封嗰隻， 食嘅時候先將膠紙撕開將紫菜同飯卷返一齊個種， 所以返到屋企食塊紫菜都非常之脆唔會畀飯氣整到淋曬， 佢哋用嘅魚生材料非常之新鮮…呢個係會買第二次嘅主要原因， 另外用料亦都非常足本，手卷嘅魚生真係包到落底~唔係淨鋪係面~阿媽首推軟殼蟹手捲， 返到屋企軟殼蟹仲非常之香脆~ 呢啲係skill﹔ 我就鍾意劍魚腩手卷， 因為自從n年前喺一間長期去嘅壽司舖食過劍魚腩後愛上，但間鋪後來結業， 之後都冇搵到價錢咁中肯但係質素咁好嘅劍魚腩， 以後買壽司遠少少都會過嚟呢度買~

滙景廣場內聚集咗幾間區內嘅良心小店但大多數都係小食店，呢間日式便當係其中之一小店主打日式料理、手卷、壽司大多數人都係外賣居多，只得少量堂食座位睇外賣紙，壽司最平$5起，手卷就$10起但我覺得最值得試嘅係精選3食便當每日有唔同款式，一盒只係$44便當內有3款壽司同2款卷物又有冷麵或飯，再配一款自選小食而冷麵有招牌醬或芝麻醬，招牌醬酸酸甜甜，好開胃特別推介嘅小食係厚燒玉子！玉子超厚，既有蛋香味，表層舖有香濃芝士，亦有火炙感

藍田匯景 手卷屋$44 炸蝦🍤定食·壽司5件·玉子燒1件蟹膏，腐皮，玻璃蝦壽司魚生食上去狗新鮮，炸蝦好夠熱，壽司飯既調味，唔太酸，咸味適中。🉐玉子燒係十分推介！外面軟香，夾住軟彈既珍珠米，加上醬汁，完全係居酒屋級數既玉子燒！壽司入甜蝦感覺好抵食！坐位尚算可以，有4張2人枱，有送餐服務蟹膏壽司都鮮味十分，好濃厚！腐皮，玻璃蝦壽司就係正常野啦！加埋$8烏龍茶都唔覺得太貴！去幫襯小店真係別有一番風味！有少少似去左日本市場食野感呀！服務💯分環境幾乾淨有自助餐具/調味吧，方便客人

還記起中學時期的我以前常去，之前還是小店一間，誰不知已經開到好大間，並設有堂食，設施完善，口味又多，幸好還是這麼廉價，我最近看了太多新聞吾敢吃三文魚，我認為必食佢火炙款同手卷款！$32有兩款味的手卷，新鮮大大粒嘅魚仔再加埋爽口赤貝，我佬食話好得！我食嘅海膽手卷都不錯，佢嘅芥辣八爪魚、油甘魚、芥辣八爪魚同熟帆立貝好正! 最衰佢啲油甘魚腩已經被人賣曬了，佢油甘魚都很肥美，至於熟食都好抵食，款式夠多，十元已經有兩串雞肉串了，我仔仔還食得津津有味。

最近行匯景商場發現有間手捲店 以為淨係得外賣 原來行入餐廳裏面 會有三張枱可以堂食原來menu都有好多選擇 除咗手捲壽司之外 仲有刺身 前菜 小食串燒仲係即叫即做㗎 係吧檯入面有四五個哥哥喺度包壽司 雖然係即叫即做 但係都好快整好曬外面仲不停有人叫緊外賣 佢哋真係手腳好快今次點咗芝麻醬冷麵 螺肉 芥辣八爪魚 海膽魷魚 鰻魚 赤海蝦三文魚腩海膽壽司 軟殼蟹手捲 醬汁墨魚丸同雞串 芝麻醬同墨魚丸個醬汁好好食其他壽司亦都新鮮鮮甜 豉油唔會好鹹 wasabi夠攻鼻手捲屋 價錢親民 食材新鮮 比一般連鎖店質素要好 仲有好多款壽司想試下次一定會再嚟

手卷屋有一種魔力，令人隔一段時間就會想返黎再食，今次就係特登去藍田幫襯佢，雖然佢由以前既細舖， 搬到斜對面變成大舖， 但價錢並冇因為咁而加價， 價格仍然非常親民。其實以往大多數食手卷為主， 但今次因為夜晚想坐低食，同埋食飽肚啲， 就叫咗便當 、三文魚飯、壽司同一個加州手卷。便當啱曬我咁為食既人， 一個便當就可以試到唔同款式嘅食物， 壽司由店主幫你決定， 啱曬我呢啲有選擇困難症嘅人， 店主亦都好貼心， 有得比客人揀正常定係全熟， 唔食生野既客人亦可以放心了。 招牌醬冷麵好好食，好入味， 蟹柳亦都好鮮甜。 重點係厚切玉子實在太太太好食了， 每次食手卷屋都一定係必食， 醬汁加上厚厚嘅玉子加上飯簡直就係絕配，包你一食會愛上， 但建議一次最多食兩件， 否則就會太膩同會覺得濟雖然加州手卷無咩特別， 純粹因為想食清小小先叫， 但要值得一提係佢既手卷好足料， 唔係只有表面果層有料。 另外三件招牌醬火焰壽司， 都係一如以往咁好食， 三文魚腩好滑好夠油脂。下面呢九件壽司，除咗魷魚有點遜色， 因為比較韌，要咬比較耐，其他都係高水準， 同樣地三文魚腩非常滑， 油脂好夠好肥美， 另外赤海蝦壽司更加係有驚喜，

好耐無黎，原來已經大鋪搬細鋪去左對面，仲有少量坐位。本身諗住散叫，但我咁大食又唔化算。原來佢有便當喎，一個都係四十零蚊，一於叫夠兩個。精選三食便當， 壽司有得㨂正常同全熟都幾貼心。三件壽司唔知點解無咩味有d 失望，八爪魚同三文魚都比較味淡，甜蝦無乜甜味，反而個加州卷就幾好食，正正常常。個飯加4蚊轉特大帆立貝，佢個豉油加埋d 沙律醬送飯好好味。帆立貝都好鮮味，不過得一粒就唔夠送飯，好彩個蒜味螺肉都幾多可以搭夠下。另一款豬軟骨飯就加$6 ,估唔到個豬軟骨超腍勁入味，d 骨係炆到勁軟身好似牛筋咁起晒膠質，超正！！厚燒玉子都好味，入面有d 沙律醬又有d 飯咁， 如果個便當可以加杯熱茶飲下就更可親。

以前去食係一個細鋪位，依家去食已經有幾個座位，每次去食都必叫嘅墨魚丸同炙燒左口魚！另外必定要食嘅就係厚燒玉子，雖然加咗少少價，但係每次黎親藍田都一定會食呢間！推薦！

人氣手卷屋，每日放工時間都好多人排隊買外賣或堂食今日放工比較晏，所以就諗到來個簡單日本晚餐shusi海膽手卷必食推介手卷入面包住大大隻海膽只係$30蚊，如果想食多d海膽，可選雙倍海膽/原板海膽人氣壽司非厚燒玉子壽司莫屬$11，配埋手卷屋祕製醬，必點之選芥辣八爪魚男朋友至愛日本象拔蛘壽司同響螺片壽司除左手卷同壽司，仲有便當/串燒可以選~仲有一個祕製醬墨魚丸我都好鐘意食~不過因為今日唔係好餓冇點到。

自從食過呢間手卷屋，耐唔耐都會心思思幫襯價錢比$3件果啲係貴啲，但勝在即整夠新鮮，唔驚食完會柯死，價錢又比連鎖店平，唔會覺得食幾件好失禮咁仲要我本身唔食玉子壽司，但呢間既厚燒玉子真係不得了，一試愛上老闆仲會幫你加埋wasabi是油～ 非常方便