手拉麵小廚

营业中

休息中

講起新蒲崗，相信大家都會諗到工廠區🤣不過同時佢都係一個充滿cafe、餐廳小店，新舊共融嘅地區😁今次我哋去嘅就係當地名店，傳統手拉麵店😋🐷豬扒担担湯拉麵 ($62) 呢個係我每次黎都會叫😝豬扒係厚切，軟腍有咬口😋担担麵湯底勁濃，勁香花生味🥜佢就好似用濃濃嘅花生醬調味，次次食到尾都會變咗花生拌麵😛鹹鹹甜甜，再加埋花生香，好好食🤤🐏蔥爆羊肉 ($88) 蔥爆牛肉就食得多，羊肉就少見啲😆調味同平時食嘅蔥爆牛差唔多，但就多咗陣羊羶味😋而且羊肉比得好多，好大碟😙愛食羊嘅人士必叫🤩🥟菜肉雲吞(8隻) ($52) 次次黎都會叫佢嘅招牌菜小籠包😝今次就換吓口味試吓佢嘅雲吞🥟雲吞大大粒，皮薄餡靚，調味溫和，食得出食材鮮味😋原來湯底都唔簡單，係豬骨濃湯，成碗都係用心製作

招牌小籠包（五隻）$52- 必點熱騰騰一籠五隻小籠包，每一隻都充滿湯汁。豬頸肉湯拉麵 $56- 豬頸肉湯拉麵有好多豬頸肉 ，加上師傅每日人手打麵，香口惹味。豆沙鍋餅 $48- 麵後甜品叫咗豆沙鍋餅，外脆內軟，甜甜的豆沙內餡，好食。

去左新蒲崗整野，肚餓入咗呢間拉麵食，整體覺得味道好食，價錢就一般，同食完一身油煙味😂 豬扒担担湯拉麵$62大碗，豬扒炸得大塊，入味，好食。担担湯濃味，麵條頗粗身，口感無乜特別，上海麵。小籠包$52大粒，多汁，味道正宗，一籠有五隻蔥爆牛肉客飯$65味濃惹味，蔥類較多，好香口，但細碟（我近影得大碟）大概一隻男人手掌既Size，另外，碟底超多油，食到底層會怕入廠而唔敢食落去，希望可以落少啲油。提提，佢地只收現金、飲品得菜蜜

今次來到好少去嘅新蒲崗 👦🏻話要回憶下中學時光 所以就帶我去試下啦 係小店來 所以位置比較少 星期六中午都等左十幾分鐘先入到座 餐廳比較逼袋同書包都冇位擺 🔍：#jcfood_新蒲崗 #jcfood_京川滬✿ 豬扒擔擔湯拉麵 ✿ [$62] 我叫左豬扒擔擔湯拉麵 賣相都幾靚 擔擔湯唔會好濃🥜 所以冇容易漏 麵質不錯🍜 麵嘅份量好多 食唔曬 配埋面頭嘅菜脯同芝麻一齊食更香 豬扒都算大塊 肉質新鮮 不過不失 不過冇配飲品唔算抵地址➸ 新蒲崗衍慶街48號衍慶大廈地舖★好食指數★：3.5/5★冇加一★

一開始坐低我哋已經諗好要食咩但係叫餐嘅時候eh 咗一聲,個阿姐就好串咁叫我哋諗好先再叫佢話自己好忙 開頭以為個阿姐對個個都係咁，原來淨係對後生啲嘅係咁串之後佢寫完紙，我哋等咗好耐對面搭枱嘅人啲食物都齊一半嘅時候我哋嘅食物仲未嚟原來冇幫我哋落好單雖然間餐廳啲小籠包同埋擔擔麵真係好好食但係阿姐嘅服務態度極差其實間接對食物嘅質素都有影響建議舖頭如果落單時候太繁忙就改用電子落單或者客人自己填紙咁落單就唔使特登請一個態度咁差嘅阿姐嚟影響間舖頭嘅食物質素間舖頭有兩個阿姐有一個其實幾有善另外一個就極差

今日真係好凍，去咗呢間食羊肉湯拉麵。本來想叫多個小食，但lunch得一條友食驚食唔到太多嘢，無叫到招牌小籠包。羊肉湯拉麵$62，落單後等咗大約15分鐘，麵上枱後發覺羊肉係薄切，份量太少，麵係人手拉，粗幼不一，有啲煙靭口感，湯底係啲肉既濃湯味，但食唔出咩味，食咗一半之後，加咗半匙辣醬，同湯麵混合一齊食，辣醬幾開胃惹味，由於天氣太凍我又太肚餓，三扒兩撥食哂，由入座到離座用咗22分鐘。餐廳地方好迫，個待應叫幾次先睬人，食物都ok，但下次可能等少人啲先嚟，單點叫小籠包食算。

呢間舖頭係我嘅小籠包top one！佢哋嘅小籠包係我食過最多汁嘅小籠包！超級好味！🥟😋每一個小籠包都包裹住嫩滑多汁嘅肉餡，一咬落去就嚟咗一陣滋味爆發！個湯汁湧出嚟，真係令人垂涎欲滴！食落去，個皮薄又Q彈，肉餡鮮美，真係太過癮啦！我食一個又一個，停唔到口！🥟🤤除咗小籠包，佢哋嘅擔擔麵都係一絕！個湯底香氣撲鼻，一碗麵食嚟到，就算飲咗好多都唔會話好頸渴！面條彈牙，配上香辣的醬汁，真係讓人欲罷不能！每一口都帶嚟一種濃郁的滋味，令人舌尖上的味蕾都為之一振！🍜🌶️整體而言，呢間小籠包店係我心目中嘅最愛！佢哋嘅小籠包係無敵多汁，令人回味無窮！加埋佢哋嘅擔擔麵，真係一種美味的享受！如果你係個小籠包控或者麵食愛好者，呢間舖頭絕對係你嘅必試之選！🥟🍜😍👍

朋友推薦，一於試吓！好彩當日去到唔係排咗好耐就入得🥹價錢非常親民，食物方面亦都好出色，喺新蒲崗附近嘅打工仔真係不妨試吓！😉就算住得遠嘅我，都會回頭專登過嚟食😋🍲招牌小籠包 5個 ($52)食過咁多間，依間係最多湯嘅一間！個size大大既透透地望到入面啲湯✨皮薄餡靚，cp值高💯🌶 豬扒擔擔湯拉麵 （$62）豬扒份量唔少，湯底麻麻辣辣的有少少花生味，不錯😛食唔到辣嘅朋友都可以嘗試下，因為我都食到😝鍾意呢種麻辣(´･ω･`)🌶 雞扒擔擔湯拉麵 （$62）本身諗住嗌豬頸肉，點知賣晒😢店員就介紹我哋食雞扒，居然係個好介紹😎雞扒味道香口，個人比較鍾意雞扒多過豬扒😛推介🧡

因為呢間餐廳，所以我專程黎到新蒲崗！！由於時間太早，所以我地營業時間前15分鐘已經喺門口度等開門😂 前面有對日本情侶仲早過我地。一入到去就即刻落Order!! 新鮮蒸起，出晒煙！入面好多湯汁，不過同平時既小籠包唔同，入面既肉唔係一粒而係比較鬆散，但都好好食！朋友推介呢個豬扒擔擔麵！ 係我最愛既花生醬味好濃時擔擔麵湯底！！ 豬扒啖啖肉，醃得好好食啊！！ 拉麵都好吸湯！ 唔錯唔錯！羊肉湯拉麵係先生食既，我試左一啖，我覺得湯底幾清甜，有羊味，唔錯。不過我先生就話覺得個拉麵有d粉，好痴牙。但我食擔擔麵既時候又唔覺，可能d拉麵質地比較配喺擔擔湯度掛？朋友話呢間既炒拉麵好好食,下次再去！！P.S. 我都知食呢d小店就唔好講咩服務態度，但有位阿姐既態度真係差到暈！！不斷喺度鬧d客，都唔知得罪佢d乜😂。 反而有個後生既哥哥仔態度幾好，仲好有人情味咁幫一個婆婆收定錢，因為婆婆帶左兩個外國返黎既朋友黎食飯，怕佢地爭埋單

嚟親新蒲崗都一定會去食因為佢嘅小籠包真係世一皮薄又夠多湯汁每隻上枱時都脹卜卜睇見都流口水🤤🤤當然仲有佢嘅拉麵麵好滑料好多湯底正👍🏻👍🏻個人嚟講最鍾意係豬頸肉擔擔麵🤤個豬頸肉整得好香口好好味🤤十個讚👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻不過嚟得就唔係求個環境舒服見有食評批評要搭枱其實間舖咁細同埋響呢啲小店都預咗要搭枱㗎啦如果真係介意坐得好逼夾就真係唔好嚟喇

注意～注意：1. 要預同陌生人搭檯。（無問題就入去食啦）🫡🫡👌👌2. 小籠包😿😿😿😿😿- 點左小籠包諗住應該好味，可惜連正常都去唔到。- 中肯啲講入面湯汁係OK嘅。- 可惜個小籠包皮鞋鞋地，而且啲肉唔係特別有味。- 真係唔太清楚點解咁多人個小籠包好食，同埋咁高分。非常失望。🤧3.羊肉湯拉麵😿😿😿之後我再食左個羊肉湯拉麵，真係麵有麵（粉）味…羊有羊味嘅…（啲肉好頑強有啲咬唔開！？😭😭😭）希望能夠改善！唔該曬！

同男朋友去左airside發現無咩好食😀所以決定再次到訪依間小店商場駁商場再行幾條街就到，比以前方便好多👍🏽入面好細，多人既時侯都要有搭枱既心理準備😖🥢羊肉湯拉麵 $62今次第一次食，超多羊肉，重要唔騷😋又有好多菜絲，湯底都屬於濃味手拉麵好有咬口，好中意食！係第二到食唔到😻🥢豬頸肉担担湯拉麵 $62一嚟比佢震驚左，豬頸肉份量超多(⁎⁍̴̛ᴗ⁍̴̛⁎)厚切重要有炸到好香口！好正🤩🤩叫左走辣既担担麵就會有麻味，湯底唔係好稠糊個種味道不錯但花生味唔係太夠🍜🥢招牌小籠包(5隻) $52痴左線！必食！每一粒都超大粒🤤🤤入面又多湯，夾起個陣都超聚手唔夠膽一啖食，真係驚會爆哂D汁出嚟😂入面既豬肉就偏向散少少，唔係一舊🥢豆沙鍋餅 $48依個係最早到，炸起但唔覺得好脆，差少少🤔但個皮好特別，有陣奶皇味，豆沙份量岩岩好👍🏽味道不錯～但就唔係必食(´･_･`)

呢間小店雖然唔就腳，但成日都好多人係門口排隊，環境頗為狹窄，身貼身背貼背坐咁濟😅▪️ 招牌小籠包（5隻）（7/10）💲52 小籠包全部勁大粒，個皮雖然唔係好薄透嗰種，但都唔算厚，尤其裡面裝左超級多湯汁😛個豬肉餡偏鬆化🐷▪️ 雲吞擔擔湯拉麵 （5.5/10）💲62黃色皮既雲吞，摺口位比較厚硬，同埋鹼水味實在太重，但個菜肉餡就正常🤧麵條睇得出係手拉，粗幼非常不一🤣帶點咬口，唔會煮到軟爛🤔我地要左少辣，但個湯會係稀身，只係得少少花生醬味同肉碎🫣見人地叫正常辣同豬頸肉好似幾正，留返下回再戰🤭▪️ 上海炒年糕（7/10）💲70炒得好有鑊氣，長條型年糕軟糯，幾香口入味，仲有椰菜同埋菇菌，唯獨係醬汁濃味，食完會好口渴想飲水🤣🔎 整體評分（7/10）

#新蒲崗美食 差啲想差評嘅 #手拉麵小廚 😭喺屋企附近但一直都冇食過 一食就：wow果然高手在民間🙌 真心 #世一 🏆差啲想desell佢 等少啲人排隊同我哋爭😭但佢值得更多人知😭😭我哋嗌咗#小籠包🫓見唔見到個皮幾靚 真人再大啲 啲湯汁係飲極都飲唔晒嫁😭肉質鮮美 皮薄餡靚 我會話係全香港最好食小籠包🌟不服來辯#豬頸肉 擔擔湯 #拉麵 🍜豬頸肉係完勝🐖全港搵唔到比佢更好食🥇蜜汁燒豬頸肉好大件🐷而且肉係嫩滑嘅 個邊係脆嘅💯個湯酸酸辣辣配埋上海麵 每樣嘢都配合得好好🥺#雞絲粉皮 🐣作為一個小食都好大份🐥而且 #花生 醬好濃郁🥜唔係啲得個甜字嘅花生醬 涼皮口感Q彈 雞絲冇皮但都好食🤤真心好後悔點解咁遲先識到佢🥹成日見到有人排隊都冇理佢 真心係 #平民美食 No.1 😭宣布佢正式成為我 #新蒲崗 #canteen

經介紹下得知新蒲崗有一間人氣甚高的中式拉麵店，店舖小小的又深受街坊、上班一族歡迎，經常都要排隊；是日趁著人在這區，特意過來食午餐。星期日下午兩點到達，見到餐廳面積的確不大，而門外還有幾位客人在等候，單獨用餐的我等了大約十分鐘就入座。落單後店員通知廚房師傅立即製作，大約等了5分鐘就上菜了。羊肉湯拉麵($62)是份量都幾大的一碗，除了拉麵和羊肉之外，還有很多切碎的蔬菜，因此是料多得拱起的一碗麵。這裡拉麵的賣點就是廚房師傅親自製作拉麵，有點粗度和厚度令每條麵咬上去比較有質感。湯底都是同一煲用在各款湯麵的湯底，而這碗羊肉麵的羊肉味會滲入湯裡，讓基本的湯底多了一份羊味，其他蔬菜都能吸收到這份風味。羊肉方面份量都幾多，羊味突出羊羶味亦是，不過羊肉裡面有三份之一的比例都是很韌的脂肪均不能吃，肉質亦偏老一點不軟熟，需要用點牙力去咀嚼。這碗中式拉麵都幾有北方風味，味道濃郁，相信冬天食更會大受歡迎，可惜的是食完有口渴的感覺，相信加入了一定程度的味精。眼見很多客人都有點馳名的小籠包，希望下次可以試試