扒王之王 (已結業)

今日5:00pm約了朋友去青衣食下午荼，行左一陣, 到左地下果層，見到有一間餐廳既門口佈置十分吸引，一睇，而！原來係扒王之王呀！於是就入去食tea time啦!!一入到去，見到有一個好大既海景，很美麗。果時已經5:35pm，便問侍應仲有冇下午荼(其實我一心係諗住食下午荼架,哈哈~)。個經理第一時間過嚟話仲可以做埋下午荼俾我地(其實下午餐只係做到5:30pm架咋)，但係個經理仲俾我地叫埋呢個order，真好人，咁既服務真係好，好親切。

今日同朋友們去青衣城買聖誕禮物，行完之後十分肚餓，朋友介紹我去扒王之扒食野，我都唔知道青衣有間扒王之王！有個門口接待員問我地幾多位：之後佢帶我地入去有得望海景既坐位，環境好優美，侍應介紹左幾款套餐俾我地，我叫了一客燒西冷，我朋友就叫了一個牛肋骨王，兩個都送餐湯＆餐荼。食完之後，侍應介紹+$8可改一杯特飲,我便叫了一杯青蘋果乳酸，都幾抵呀！每人都係$100左右。

雖然我住係青衣,但佢開左咁耐我都無去食過,果然一試難忘!!第一次係去食早餐,茶餐廳既價錢,唔貴叫左煙三文魚炒蛋多士同牛扒米粉牛扒算厚,但又un又無肉味三文魚我唔太識食,so no comment但婆婆話唔新鮮,以後唔好再去早排陪dad去食lunch,佢咁想去,唯有陪佢啦點左個黑椒雞扒&吉列龍利柳拼沙律雞扒一般,龍利柳有d腥,最唔掂係d沙律,墊底個塊沙律"菌"晒黑邊仲有全部都係薯仔甘旬,實的的,仲切到鬼死咁大粒點食啊大佬!!!!最騎呢可謂d侍應,圍埋企係我隔離一齊講是非不特止,雖然唔係同我講,但感覺好奇怪好似我偷聽人地傾計咁= =有個就烏眉恰睡,個頭直程"笨"埋係牆到有個類似manager 就好似趕住收工咁做野"板板"聲,d野食唔係放落黎,係dum落黎架仲有d杯同碟都有好多指紋,見到就唔開胃以後請我都唔去!!!!

以前係扒王食野都有的唔係特別好好的感覺,近期係青衣扒王,除佐環境幾好外, 好意外的食物有佐進步,尤其係個極黑朱,真係唔錯,希望可以係間間扒王都食到咁既水準朱扒.小飛俠

本人於11月13日晚上約八時半至九時到青衣城的扒王之王潛艇餐廳和朋友吃晚飯,當時並不是很忙.我和朋友坐低之後就睇餐牌朋友選了西冷牛扒,我選了肉眼扒.朋友的來先~但係食左一啖硬到趙唔到~之後以為只係o個一部分,點知試左第二啖~都係咁~於是就要求侍應換過一份雜扒餐.因為對於西冷牛扒大家都無信心.但係侍應好似唔識反應咁~好似唔想換俾我地~仲話要問下經理先~唔好意思都無聲.之後我o個份肉眼扒黎左~放左o係度差不多五分鐘都無人理,無人黎落汁~我地不停舉手又無人理~直到有人黎既時候個扒已經凍左落汁既時候一粒聲都無喇!!不過都算~因為去迪士尼玩左成日實在太肚餓!照食~本人本身食得好咸~不過呢個扒食落去我就覺得超咸~又無牛味~我朋友的雜扒都係~豬扒硬~全部都無乜味~每次想叫侍應黎都要等一兩分鐘先見到我地~我同朋友杯水飲乾都無人黎加~我地食緊一半~個waiter竟然走過黎以零點九秒既速度立走左枝茄汁~無問過我地要唔要~其實我地仲有需要囉~之後我吃剩半塊扒就乾晒無晒汁~就要求同一個侍應俾多少少汁我~等左一陣都未見佢黎~之後見佢望一望我就走埋去sideboard拎汁以為佢俾我~點知係俾第二檯~喂住"yap"

{一家四口去}; 平時對呢間野已經無咩好感..今日遇到星期日,諗住食個餐..個四眼仔待應..招呼完我地坐低..轉頭就唔見, 點菜時已有叫喚侍應之苦;完全一派港式快餐態度;你有你叫喚;他有他垂頭收卓子擺放餐具;服務態度惡劣, 食物好唔掂; ,個經理夢遊緊太空;服務態度好既唔見左, waiter無笑容﹐講野又無禮貌,西冷叫五成熟居然連紅肉都見唔到,為何扒王會聘用這些員エ;如果你想受氣同冇啖好食既話即管試試;到我們結帳時經理也沒有來交代一下~!呃錢！！！！

話說係幾年前的一個情人節晚上. 騎愛驅接女友, 差d食牛肉干,好在亞sir忘開一面,咁就慳返$320^^好開心咁返青衣運食啦,點知......因為大時大節關係,週圍都full曬(以後都識定位咧).最後神推鬼撞咁入左呢間餐廳,唸住有海景睇都幾好.order完兩個set dinner後就出事啦!就係咁望住個南巴勒海峽等左成半粒鍾d野食都未來,同經理傾完再等.一等之下又半粒鍾,已經開始孖咧,再運同經理傾傾...傾完再等.我都吾知等左幾耐啦.終於d野來咧!當其時我已經非常肚餓,係咁既情況之下應該咩都覺得好食.但係我錯了...錯就錯在我吾應該行入呢間餐廳.個經理之後重好問我"要你等咁耐真係吾好意思,但d野好吾好食?"本能第一反應"好難食!" (可能當日真係人多,保持吾到水準,但係難食)理直氣壯,心一句"好難食!"埋單$4xx!簡直浪費!$4xx可以食好多好野啦!

~~個男captain 頻頻幫我地加水, 又有禮貌..好快手...焗飯和焗意粉的茨汁嚇死人，勁一pat pat,D 汁係超杰...

good enviormentgeneral servicegood foodgood billi think it is a good place for u to try this reatuarant!

有日去左lee到食早餐...好攪野!!裝修攪野- 潛水艇做主題個view攪野- 對住個海濱長廊(有好多亞婆晨運)伙計攪野- 一人分析多角收錢攪野- 唔知點計出黎既條數入到去既環境都算幾好...可能無咩人啦...連伙計都唁多見到呀..只見有位人兄係水吧到開檔..同友人商議好之後就落order..但無人既...................等左一陣係水吧個位人兄幫我地落單..我要左個白菌奄列..友人要左個三文魚多士有餐飲既...2個餐都係$20-$22..人兄又走返入去沖荼...查實佢係樓面黎既..再晏些少就有其他伙計出現但好似just訓醒咁呀!!!但都成8點啦!2個餐既賣相都幾好..奄列大大件但喊左些少..比錢時好古怪加左一連凍飲加2蚊應該係$50.6但張bill係$42..但無理到比錢走人...如果有得簡就唔好黎lee到啦...

我都不會再去...約了友人到青衣城扒王之王,純粹想找個地方傾計放工後,5:20 分入座便問他還有沒有下午茶,他說是last order. 於是便帶本人入座,入座後那個侍應將下午餐的餐牌放在本人面前,便說:6時半好走啦..嘩!本人真是感到十分意外,其實本人也不打算死賴不走,我們都打算約7時會離開,不是死賴著位子...但那個人竟然用這種態度叫本人早點走,我覺得其實都有少少歧視本人叫下午茶餐,覺得本人是次一等的顧客. 然而,扒王之王的下午茶其實一點都不便宜,差不多50元,連加一,兩人合共都差不多百多元...這樣旳服務態度...怪不多假日也不滿座了.

上星期日7/8 晚上7:30pm 和家人到青衣扒王光顧，居然可以由門口排隊上2 樓，這麼多人的餐廳啊!好恐怖!7:55pm終於都有位了，入到這間餐廳，環境亦不錯，樓底起碼超過三樓之高，又可看到海景，食品和飲品方面亦不錯，服務態度亦不錯,至於拎鐵板時，果個人可以一手拎到幾塊，起碼有六塊，好恐怖，同埋好佩服這裡的工作效率，好快手!如果你地想睇表演，可以星期日黎光顧，唔想食又可以上二樓睇wo，幾好!

唔駛講, 大家見到呢度一直以黎几多劣評, 都可想而知呢度D野几咁難食....話說上個星期(唔記得邊日)..黎左呢間扒王之王食, D環境裝修真係几正~~~坐得都几舒服~至於野食方面......D扒酸酦縮縮有陣變壞ge味, 我個fd仲慘，兜焗飯仲咸過咸魚～　除左Ｄ飯～　基本上果度Ｄ野都係咸到抽根．．．．．不過Ｄ服務態度都几好，我碗羅宋湯雖然好咸，但個靚女侍應就即刻好爽手咁換過另外一隻湯俾我地, 都算唔話得, 又頻頻幫我地加水, 又有禮貌～不過老實ｄ講句，　即使ｄ服務態度几好，如果ｄ野食唔改善都無用架～　始終食物質素係主，服務係次！

星期二游水前，打算隨便找吸收一些食物，於是隨便地滾到扒王來，貪其部用等位。　由於有前科，所以蒲入門口，先揀個安全位置，不然待會便有的好看（後文會作解釋），就坐到人少少的一角，然後冷眼旁觀比笨豬跳更有看頭的表演！　點了鐵板豬柳餐，然後盯著前面，近著收銀的十字路口，這交通黑點的危險程度，絕對可與荃灣沙咀道相比，侍應如玩雜耍般，拿著三至四個餐，以極速在十字路口中穿插，侍應之間更不時擦出火花，真的不得不佩服他們的服務態度及勇氣，竟然不顧生死（死的當然時坐在黑點的食客～），在食物出爐後不到一分鐘的時間，將食物送到食客面前．．．（汗）　　坐在那些死點的朋友，真的刺激過笨玩豬跳，各位如果想尋求刺激，但又唔想花錢在老鼠仔或安安身上，不妨花三、四十元，試試這黑點，偶保證你可以滿載而歸～　　說回那些豬柳，辣塊媽媽的！真的報知道他們用什麼方法解凍，又霉又騷，吃了兩口，便叫埋單，事後足足胃痛了多天．．．　　想尋求刺激，又想挑戰胃部極限的話，絕對建議來這潛艇餐廳一試～

我一向認為扒王之王D野唔抵食,但有D分店的確幾好坐及幾好服務.之不過喱間就......埃!!!話說有一個肥肥矮矮o既侍應,o系上餐時倒番了檯上o既一杯水,佢講左聲"Oh!".然後佢o羅左一條手巾準備刷乾o個D水.當佢"烏"低身準備刷o既時候,佢o既心口又撞到另外一杯水,佢又講"Oh!又一杯",然後索性成張檯布換左佢.但佢要D客自己o羅起個餐,結果個個人都舉起雙手,好"狼貝".當佢o羅起o個張濕檯布o既時候,D水系咁滴,仲o系D餐上面飛過!!!唔知有冇滴落D餐度......過左一陣,另外一張檯又傳尼一聲女士o既慘叫聲,又系o個個肥肥矮矮o既侍應...........