扒王之王 (已結業)

臨行前，帶小表弟妹到這兒選購玩具。之後，小朋友話想食鐵板餐，於是拖男帶女地走入這間「惡評如潮」的餐廳。點了三客茶餐，埋單$125，理所當然地飽到上心口。西多士餐（$23）：以厚方包作的西多士相當單薄，無餡料，麵包粉糬冇咬口，炸到蛋絲連連，賣相可佈，兩個字：「垃圾」。黑椒牛柳鐵板餐：兩塊薄薄的牛柳，約八安士而已。無肉味，亦都係兩個字：「垃圾」。雜扒鐵板餐（圖示）：豬扒、牛扒、腸仔、雞扒各一小塊，當然亦都是無肉味，強烈雪味倒是充足！餐飲的咖啡是巳經加糖，茶餐廳的作法！凍檸檬茶僅兩片檸檬、冰塊佔九成體積，唉！食物和服務都是不知所謂，劣、劣、劣！

雖然係大眾化食堂，呢間都算好一間!

7月6日晚上約8:00p.m.我在青衣城的扒王之王食飯,我和朋友order了1客豬扒餐和1客牛扒餐,我order的牛扒係5成熟的,當2客扒都送到來後,我吃了1半薯菜才開始食牛扒,點知我切開第1片牛扒時發現這件牛扒是10成熟的,這時我諗住如果不是太難吃都算了,但真的很難吃,(這時我都諗人有錯手馬有失蹄,只要同我換返5成熟牛扒俾我的算),我於時對一名侍應說需要換返件牛扒,而這名侍應check要單同睇完我塊牛扒之後,佢就同佢的經理(約35-45歲)講,之後這名侍應得到經理批准就來同我講:先生無問題我幫你換左客牛扒,但需要等10min.我話無問題,當他收左我客10成熟的牛扒時,他的經理就拎住剛剛份10成牛扒過來,細細聲講:話!咩食咁多呀!仲叫我切開埋另一塊10成熟牛扒俾佢睇(好似命令我咁,唔該/唔好意思都無聲),佢見到2塊牛扒的係10成後,就話我換過份俾你(好似好唔願意咁既聲氣咁).最後我雖然食唔飽,但我都專登唔食果1半薯菜,表示無聲抗議(唔好當我係呃飲呃食d人).首先我要講明我只吃了1半薯菜和1啖仔牛扒(都唔佔2塊牛扒5%).我覺得過經理好不知所謂你自己間餐廳俾錯10成熟牛扒,唔通係我錯

26/06/2005 13:00今日同幾個中學同學打波，唔知係唔係耐冇打，打左十分鐘已經氣喘，好似人到中年咁要抖成半個鐘先可以再打！死啦，真係要做多o的運動，同埋唔好再成日四圍搵食喇......講番正題，打完波有提議去青衣城扒王之王主題餐廳，撗掂好耐冇試過，聽盡負面的評語後完全沒抱著期望去一試，睇下係咪真係咁差先～這裡裝修不差，以潛艇為主題，由於位於商場地面天井位，空間感強烈，而且用了落地玻璃，可以一覽北橋的景色，還可以望到海，相信是環境最好的一間扒王。食物方面，素聞質素麻麻，當然冇理由以身犯險o係度食貴扒，順理成章set lunch成為首選。選了羅宋湯，主菜就西冷牛扒跟薯菜($52)。羅宋湯及餐飽先上，紅湯不錯，味道頗正宗，不過略嫌蒜蓉太多太搶味。主菜賣相不錯，薯條熱而且夠份量。主角西冷中等size，不過煎得熟過頭，唔算韌但毫無肉汁。吃過後傾計傾了差不多一個鐘，侍應服務不錯，執碟快又不停幫我地斟水。雖然塊扒唔係好得，不過整體唔錯，開始會再比下機會扒王。

昨晚去左据扒,試下d 特別介紹又貴dd既扒餐啦,叫左客"安格斯西冷扒",熱辣辣,陣味都幾香,不過食落就無黎味道,淡口的,牛扒唔入味之餘,黑椒汁又杰達達,仲要我狂加salt咁食(我平時食野好清淡都頂唔順),我個friend食果個豬扒餐又係貴價d既,好"un",d肉硬轟轟咁,趙到我個friend牙都軟,唉,成七十幾蚊一客都唔平,加$20連餐湯飲差唔多要成舊水,但如此質素,呢d貴價扒都好呃錢下喎,扒王成日標榜自己無加味精,d扒係幾咁優質,都係搵笨的!

服務態度雖算不上是非常好,但我覺得他們都ok呀!講到食物,我和老公點了扒王牛柳同埋肉眼扒,我的扒王牛柳雖然是叫了八成熟,因為我很怕血淋淋的!但也沒有想想像中咁鞋呀!配菜份量也很多及豐富,至於我老公點的肉眼扒味道及生熟度也掌握得很好,叫了七成熟就是七成熟,但講到牛肉味及肉汁一般啦,不過整體來說價錢及質數都算是成正比!但生銹的牛扒刀最好就全部更換啦!

我很久沒去扒王吃,D朋友話難食好多.同貴左好多,我唔信,因我上星期去完圖書館返屋企睇過扒王餐牌,發覺都唔係貴好多,睇到D員工幾勤力, 呢間扒王都算唔錯丫!

未寫食評之前, 非常驚訝佢近期食評咁多喊樣, 唔爭在我, 都係比喊樣, 老老實實, 咁走下坡, 一定有改善之必要. 至大問題係廚房功力, 牛扒至唔掂, 普通西冷牛扒餐, 明明叫5成熟, 一鋸落去硬, 一咬入口韌換, 今次一鋸落去淋, 一咬入口...成塊牛扒多半係根, 而且矯枉過正, 5成熟, 呢次換係求其煎下一塊超生牛扒. 問下佢老闆, 人客付出幾錢食, 食埋呢物非所值, '扒王' 之名係咪慚愧?

難得和長輩們一同晚餐, 第一次到這間餐廳, 內部裝飾很有心思, 樓底十分之高, 面對藍巴勒海峽和通往青衣的兩條橋. 環境可說是不錯, 只是餐桌上的身經百戰的餐具和不太相襯的桌紙有點大煞風景.先來的羅送湯味道濃烈, 有點過於酸和辣; 餐包亦不太認真, 有點過硬; 主菜貪心的點了一客安格斯肉眼扒, 可惜牛肉味有點不足, 而肉眼扒軟滑的部份亦有點過小, 整體上不太討好; 向長輩討了一件羊扒, 肉質較滑但味道同樣輕清. 最後點了一杯咖啡, 水份比例十分之多, 味道過於輕清. 服務方面似乎有點冷淡和懶惰, 大部份時間都找不到他們. 感覺不太自然.

簡直係垃圾！我和朋友叫了一個焗豬扒拼鰻魚意粉和焗海鮮飯，飲忌廉湯。個師一定係味覺失調，個湯飲一啖我即刻吐出來，咸到苦！我叫待應來，他換了羅宋湯給我們。誰知一樣又酸又拿口，我叫了一杯熱滾水全部加入湯到，溝淡了才勉可以入口。焗飯和焗意粉的茨汁嚇死人，勁一pat pat。鰻魚上面D仲係深啡黑色的。我全部”筆”走唔食。意粉和飯都是超級勁咸，吃了兩口已經頂唔住。寧願浪費錢同肚餓，都無謂勉自己食咁難食野！終於埋單走人，上樓上大家樂再食過焗豬扒飯，起碼食得入口！

12/1 下午去左食個套餐, 我男朋友個飯係超咸呀, 跟住我個飯D 汁係超杰呀.....我地食左幾啖就冇食啦...

二月十四日情人節打算去食，知道會好多人，我覺得等下的確會無咩所謂既，但係我地去到，同佢講二個，帶位個果人竟然扮見我地唔到，再叫佢，佢又扮聽唔到，態度真係差到無人有，又對客人呼呼喝喝，所以我地走左，我覺得佢唔想做可以唔做囉，之前我都來呢間食過好多次，態度一向已經唔係咁好家啦，但今次我覺得真係好過份，所以我係唔會再去既。

因為青衣返學關係,之前去過幾次,但因為越黎越差,所以都好小再去啦!今日又再去,睇下佢有冇改善到,d野食.....都仲係咁..算啦~連鎖店都係咁ga啦!我叫左個黑椒豬扒,而男友叫左個牛扒...唔知點解,我個豬扒有2塊,而牛ge得1塊....不過我果塊就好肥,塊扒係有肥羔煎埋喎~好奇怪咁.....因為我未見過咁樣~講埋d services, 除個都女manager 好d之外~其他都...唔掂!

佢地個下午茶我都覺得唔錯呀~~我都係食果個干炒黑椒牛柳絲意公仔麵嫁~我本人都比較鐘意食辣~所以我要求個waiter幫我加辣~個waiter仲笑笑口話ok丫~冇問題~呢間野未裝修前我去過一次~有個女樓面塊面黑過煎pan~態度惡劣~好似我地爭佢錢唔還果隻咁~有個咁既環境但係有個咁既樓面~完全格格不入食左既野都唔覺好味~但係今次係裝修後第一次去~比我既感覺完全唔同~環境仲靚左~D下午茶又幾好味~廿幾蚊又有環境同服務~幾好丫~~

我前幾日都有去過呀，我覺得ok呀都唔係你地講到咁差丫我住係青衣城上面，平時返工一定會經過佢地鋪頭但係個次都係我第一次去個度食野個view幾好呀，又望到海景我個日係去食下午茶，叫左個"黑椒牛柳絲抄意粉"不過我自己唔係太鍾意食意粉既關系所以我就問個個男待應可唔可以轉公仔麵，佢都好有禮貌咁答我可以，仲問我要加$2有冇問題，咁我當然冇問題啦，佢問我要咩餐茶，我話要凍朱古力，不過要濃小小，佢都話ok我坐係個水吧對面，睇住個個女待應幫我沖野飲哈哈，真係好濃好夠味個野食黎到喇，個賣相幾好呀，d味都好正，d公仔麵炒得好乾身，唔錯唔錯!!!!到埋單都係頭先幫我落單個個男仔，哈哈，$30都唔駛喎，幾平!!!!其實對於我黎講真係幾好架咁既價錢，d野食又ok