扒王之王 (已結業)

當晚我同朋友兩個人由佢地既大門口行到餐廳裏面都無人招呼過，果時真係懷疑自己係咪透明既! 我地叫左雞扒餐同一個吞拿魚蟹柳焗飯~1) 雞扒餐: 有兩塊大雞扒，份量都夠，味道無咩特別2) 吞拿魚蟹柳焗: 有芝士粉在面，幾香又夠料，如果個汁可以落少d油就好喇

我都去過呀～ｄ　service 都係好差ａｒ～有陣時好似係我背後講我地壞話！食都食得唔開心ｌａ～ｄ野又唔係太好食．．．不過都過得去既～其他都ｏｋ　ｌａ～不過最差都係ｄ服務～令我火滾！ｄ人個樣扮串～一ｄ笑容都冇～係笑就笑ｄ人客ｌｏｒ～極之不滿意～～

我今日去左食早餐....今日要排隊.仲好多人呀....d野食就自然要等多一陣.要十分鐘到....不過咁多人..就真係要等下啦....都唔係覺得好差....其實食個早餐~會唔會係你地自己要求高咋??平均消費都係$20到.....淨係個景已經值番啦....~<< 係青衣城黎講.真係最好食架喇.. 唔通同中還比咩..算係咁喇!! >>~

d service真係差到冇人有架!!!d waiters同waitresses都好冇禮貌,態度非常之差!!!d野又唔係好食過人喎...

俾次機會佢再去吃早餐，點知奶茶唔熱，Ｄ野叫左大半天都未來到，有唔係好食，真係無下次！

行街行到有點累...見到咁平個環境又咁靚就入去試下...叫左兩個茶餐(西多士同焗意粉)雖然無咩特別,但好好味....但杯咖啡又話係即磨....假架...雖然比茶餐廳好飲少少又落得勁多奶... 都唔知叫人飲奶定佢料唔靚

今日去了青衣城標榜潛水艇feel果間鋸扒，一去到帶位果個已經唔多啋人，等一陣先帶倒入座，原來重有大把位。點了一份牛扒并鵝肝，一份"極黑"扒，加多個田螺。一來餐湯同餐飽都凍的，想叫人時只見一個二個走來走去，心想不太難入口就算喇。稍後田螺到，竟然倒埋一堆，薯蓉爛蓉蓉一pet，盛載碟黑的，實在接受唔倒，叫人換，侍應竟在我面前驗屍咁睇，之後死口死面走，全程無講一句！隔一陣，只係將田螺排番好，又係果隻碟！跟住"極黑"扒，標榜幾好幾好，食入口又鞋又乾，大X樂焗扒飯都好過佢！另一份牛扒并鵝肝，講不上好食，只能入口，但配菜竟只得四條荳角，五條小蘿蔔，十多粒粟米！期間只見侍應們都死口死面，木無表情，重聽到一個四眼女侍應同另一男侍應講：頭先個客幾仆街.......................埋單時竟要了三佰五十多元！大佬呀，我使三佰幾食一肚氣，唔知係呢間賺夠唔志在，定侍應撈厭，總之我就以後打死都唔會再去！

車~呢間野，應該話呢個集團一向都係咁，強調凍肉來源及質素，卻忽略烹調技巧。強調環境裝修及氣氛，卻忽略服務態度。焗飯入面有百潔布碎，綿繩，膠袋碎，都見過。如果唔係老細請食飯，或個客要求，一定唔會入去呢間。與工廠區外賣快餐店的分別係：1) 外賣快餐店有更大塊肉2) 外賣快餐店不收加一3) 外賣快餐店服務更好

隔著大玻璃，細看窗外景色。你砌一塊，我砌一塊，吃著牛扒。感覺舒暢呢！

Ｄ扒又唔係好食過人，地下好多油，好跣腳，跣親人都唔知點算。服務直頭係九流，完全冇服務可言，想落單都要叫好耐至有人睬你，叫佢加水又係要叫十世，成日就話"等等""等等"，一去冇回頭，不知所謂，睇佢幾時執笠。

走去食晚餐, 明明應該找$12, 竟然趁住環境暗找1個5蚊+1個2蚊,博你唔攞, 超賤!!!唔好話比我知收銀counter環境暗, 睇唔清找錯咗呀!!!

環境幾靚，個鐵板都ok，最抵雜扒餐，乜都有，再有湯，有餐包，有野飲，六十零蚊，而且d扒都好味，牛扒唔會"un"...

呢間野都幾得意呀，樓底又高，坐位迫啲都ｏｋａｙ。好多安格斯等貴價牛肉也有供應，起初唔信，因為價錢計根本無可能，但朋友話因為餐廳老闆同時都係肉食公司的老闆，直接輸入牛肉就減低好多成本。我吃了個安格斯幼齡牛柳（＄９８／餐），幾好味喎!厚身而細舊而唔係薄而大塊。但係和其他港式西餐一樣，牛柳五成竟變了全熟。雖然煮過龍，但係都幾好味，汁係另上，點少少就夠，因為舊牛柳都幾有牛肉味！服務不雖提啦。餐飲勁細杯。

今天早上去吃早餐，安排座位混亂不止，而且餐廳內煙霧漓漫，有很多人在吸煙．坐下良久也沒有餐牌，到有餐牌想落單，那位給餐牌的侍應竟走開，難道他只是負責遞餐牌乎？一怒之下便離開．想下次光顧？ABSOLUTELY NO WAY!!!

I went to this restaurant to have breakfast this morning. I ordered the food and waited for 15 mins but the food was still not coming so I asked a waitress and she didn't even say a word but turned away. I was even not given a glass of water yet. Then another waiter came and he thought I wanted to have the bill. I told him that I waited for 25 mins already and nothing had come yet and again, he turned away without a word. so I left the restaurant. the waiters saw me leaving but they still