打冷鎮小菜打冷茶餐廳

营业中

休息中

是日同妹妹們行完街街，唸緊去邊度食飯，行到半島中心附近見到個招牌好得意，叫打冷鎮小菜打冷茶餐廳，就決定黎呢度食啦。行到茶餐廳發現格局很有趣，一邊是茶記坐位，另一邊是一桌桌食飯的，得4個人，咁就緊係坐卡位啦。睇到餐牌有套餐，而且也很便宜，叫了個4-5人餐HK$248.-選火鴨絲瑤柱九王湯湯大大一碗，配料也頗多，有瑤柱，火鴨肉，冬菇，九王等。個湯濃稠，味道適中，不會過咸。湯既味道很像碗仔翅，o岩哂我地幾姐妹飲，但配上火鴨肉一起飲，口中會有很香的火鴨味，正！滷水鵝肉拼盤有鵝片，有蛋，紅腸，豬耳等，滷水味很香，而且每樣滷味也很入味 & 淋。小菜選了加州橙花骨個醬汁微酸甜甜的，配上橙的香味，很開胃，肉也是啖啖肉，送飯一流。另選了冬瓜豆卜燒腩煲最喜歡燒腩肉，而且也很入味，燒腩肉也很淋，香味很香。可能燒腩肉有點肥，冬瓜吃下去頗油膩感覺。是日油菜係菜心店家也不會吝惜，大大的一碟。菜心很新鮮，也不會烚得過熟，入口是爽的，配上少許蠔油，正！

Rossana幾乎日日都出街食飯,出沒率最高既可說是尖沙咀就貪其選擇夠多,不過平日晚飯通常都會去茶餐廳因為二個人叫送食飯又得,各自叫碟頭飯又得總之二舊水內攪得掂就符合曬Budget XD今次本想去尖東encore日本掛麵,路過麼地道半島中心被一個放於門前既廣告牌名字吸引了..."打冷鎮小菜打冷茶餐廳"嘩卡卡卡....名字很有趣吧...於是就決定同貓佬落去探下路睇下間野既門面先搭電梯落到低層L57-59,見倒都幾多人光顧餐牌價錢又可以,就決定一試 XD入到去見倒個廚房都幾乾淨企理坐低打算拎個餐牌睇下有咩食就見倒打冷鎮居然有外賣APP lolllllll打冷鎮既老闆都幾緊貼潮流喎 XD南乳炸雞件 $49每晚6點後堂食仲跟埋飯,加$8 仲有野飲雞件炸得乾身不油膩,南乳味恰到好處唔會太咸京都焗肉排 $49肉排鬆軟,每舊都啖啖肉,沒太多骨甜酸京都汁相當醒胃~yummy最後這碟就最令人驚喜!話說貓佬點既時候Rossana還說...叫蠔餅?!茶記叫蠔餅次次都幾乎中伏吧...不過貓佬話想試就點了 XD潮式煎蠔餅 $55蠔餅既賣相靚過食開廟街個間唷...煎得鬆鬆而金黃,沒有油油的份量都幾大份,夾開可見充

雖然茶記食到既野通常都唔會係咩美食,好多人都係但求飽肚.我既諗法都係一樣,但係有時候唔想洗錢,都係求求其其食茶記.今次一行四人路經尖東,就入左半島中心地庫既打冷鎮填肚,名字十分有趣本來打算叫小菜食,但係見到個4-5人餐都係$248,已經包左2個小菜,1個湯,油菜,卥水拼盤,白飯4碗同飲品4杯,咁就試下啦,再另叫個蠔餅$55蠔餅皮都幾厚厚地,但好在蠔肉都夠多又夠JUICY,亦不太油膩卥水拼盤有齊鵝肉腩肉紅腸豬耳和蛋等等,十分豐富,都卥得入味,但味道沒太多層次冬瓜火腩煲,就是充滿麻甩味既小菜,最愛那肥瘦分明既火腩,啖啖肉,配白飯一流,冬瓜亦好入味,夠哂稔橙花骨算係今晚最好既一道,清酸味美,橙味天然,豬肉亦經調味不會一味死酸,好過成日食O古O魯肉咁悶.湯就係火鴨瑤柱九王羹,味道有點像港式碗仔翅,再多點火鴨絲味,同時亦有麻油香,好有街頭風味埋單TOTAL3舊水,每人75蚊,味道上雖無咩特別,但份量十足都好抵食呀

是日完成一整天由1000-1900辛勞的拍攝，由於拍攝過程頗順利而且氣氛很好於是導演便提議一起去吃個晚飯來慰勞兼慶祝一下由他引路之下由理工大學直走到半島中心地庫著實的張誇從沒有踏足過這橦建築，因除每次經過看到的特殊玩具商店外就只會留意到有一間叫「長今會所」的餐廳。其實張誇一直都以為長今會所是吃韓國菜的菜館沒想到到達時竟然發現長今會所是用來打麻雀，和吃中式小菜、打冷的地方在影相時無意中看到打冷鎮茶餐廳中間打通了長今會所的部分店面，所以心想兩者應該是同一間所經營店員見到我們一行16人來到，毫不猶疑就在長今會所和茶餐廳之間的通道開一張大檯給我們坐。^酒樓格局。^打冷鎮隔壁就是長今會所，另一邊就是會所打麻雀的地方。拿著打冷鎮的餐牌，很快地決議好菜式就下單，侍應送上熱茶和餐具後就消失得無影無蹤除了很快的上菜和加飯加酒之外，就沒再出現過了，我們只好自動波地幫各位完成手頭上需要的事菜不消10分鐘就上了大半，基於禮貌不好意思逐碟影，只好來個大包圍。滷水拼盤：最喜歡這個。有蛋、鵝片、大腸、紅腸和牛肚，每種滷味都很入味，但滷水汁不會過鹹，基本上不用再沾上滷水汁也能吃得出滷水鮮味，而咬下去也是很爽口，比旺角

因為享樂團購要嚟半島中心攞嘢, 所以放工後, 帶埋百厭仔, 一家三口出嚟行街食飯. 攞完嘢都夜, 百厭仔都肚餓. 見門口水牌有呢間食店, 是但啦, 就呢間啦, 費事諗. 鹵水拼盤--自己揀五樣鹵水食物-我哋揀咗豬脷, 腎, 豬頭肉, 大腸同埋牛展. 味道唔錯, 有水準. 而且成碟都係我哋揀嘅鹵水食物, 唔似坊間碟底墊滿豆腐/花生偷工減料, 所以收$75.00係好抵! 八珍扒豆腐--尚算足料, 味道亦幾好 本來叫珍珠貝時蔬嘅, 但無珍珠貝, 改同價嘅生菜鯪魚球豆腐煲--生菜, 豆腐無特別, 但鯪魚球有驚喜, 鯪魚球加入冬姑蝦米, 好味!送兩碗白飯, 另加$7.00凍飲--凍檸茶/凍好立克, 普通茶餐廳質素埋單$182.00

在尖東，有一間食肆我時常都想去探個究竟，這地方擁有一個怪怪的名字，叫長今會所，但是這會所同大長今及小韓國完全扯不上關係，我所說的長今會所，應該只是一間麻雀館，要食他們的套餐，非要訂上一檯麻雀不可。來長今會所食，不打麻雀也行，給外人 (街客) 用餐的地方，另名叫打冷鎮，是茶餐廳的格局，有港式的茶餐食，有小菜供應，當然，也有潮州式的打冷，雖不是包羅萬有，但也算是種類多元化。來到，當然也要看一看有什麼稱得上是特別或者是怪誕的食物。在 menu 上看到了，燴牛腩意粉，又中又西，不倫不類的東西，你敢做，我當然敢食。牛腩加洋蔥，配搭上意大利粉，怪是怪了點，但勝在牛腩的味道夠濃，牛腩也夠腍，整體上雖然是怪怪的，但勝在味道夠，當為一個牛腩麵來吃，也是不錯。只不過，份量太細，吃不飽。有創意的茶餐廳，而且看來，這兒小菜的水準會是不錯，明年的新年家庭聚會，也許要看看這長今會所的價錢，同麻雀房內的環境，可以考慮。

持續的沒精打采, 差不多餐餐都粉麵度日, 今天又因為漫遊太空地行, 走進了半島中心. 又很漫無目地跟著一位女士往下層. 兜兜轉轉, 發現了打冷鎮小菜. 看到價錢便宜份量都應該不多, 叫了碗外賣. 豬腸米線餐牌上最便宜的豬腸米線, 要了麻辣小辣.豬腸是滷水處理, 有別於一般米線類, 車仔麵都用灼的.顏色帶黑, 好入味, 但不爽脆.配料有大豆芽菜, 但未熟透好硬.酸菜超多, 但不夠甜.有幾片冬菇, 是麻辣米線時較少數的配料, 不錯.整體中規中矩, 想不到午飯去向可以選擇~

某日LUNCH，同同事去左呢度食LUNCH，貪佢平平地又唔駛等位，我叫左一碗喇沙，點知上到黎，好強勁的冬陰公味，其實我對冬陰公麻麻地，係咁依問左句: 咩黎架??阿姐睇睇張紙: 冬陰公嘛.....咁我就話: 但我叫喇沙WOO.....個阿姐呆左: 我問下先.....(碗野仲响我度)返黎就話: 呢碗係喇沙黎....到我呆左: 下..........仲要補多句: 喇沙咪即係冬陰公......我: ............(無語)唔想再爭辯，就算叫到佢換我都怕俾人加料......唯有焗住食左一半.....心情唔好顯得碗野仲更加難食但除左我覺得唔好食之外，其實同行既同事都話唔好食，咪再去啦喎(唔記得佢食咩，應該係是日午餐之類)

依家隱藏係地牢既茶餐廳我成日幫襯，因為佢的確幾實惠。但我都唔係淨係貪佢平，因為佢d小菜的確有一手。京都豬扒：味道夠，豬扒有口感蒸肉餅：肉餅夠實，唔會散，夠彈。

裝修雖簡單，但空間較大，坐得也算舒適。點了常餐，有羅宋湯通粉、厚多士、餐湯及飲品（熱檸茶）。羅宋湯湯底濃稠適中，配有不少蔬菜，辣味輕微，味道不錯，另通粉夠熟亦有爽口之感；厚多士略有烤烘，雖不夠香脆，但麵包之上的醬料有特色，亦好吃；餐湯沒有餸料，但看到西洋菜的碎葉，味道達標，不是味精製品；熱檸茶茶香不足，但濃淡得宜，沒有澀味，喝下仍有舒暢解渴之感。

同六個朋友黎附近睇戲, 成十點先睇完, 但附近都冇咩地方食小菜, 仲可以坐吓, 吹吓水咁...就腳就去佐lu... 睇下個小菜牌, 哎? 好多小菜款, 但平均都唔洗 $40...正! 於是大貪D, 點左九樣餸, "九大鬼"呀...!!chopstickbowlchopstick腐乳蒸雞 - 大量腐乳汁, 好香, 好濃,但一D都唔咸! 食晒...smilechopstick沙拉骨 - 佔滿了像是千島醬既醬汁,好味,出色既一碟!lolchopstick魚香茄子煲 - 幾香,亦夠惹味, 唔怕油既用黎撈飯食一流。smile蠔仔粥 - 直情潮州粥，米的份量較多….蠔仔的味道OK，中水平出品。鹵水拼盤 - 味道特別, 鹵水好入味, 鵝片夠多亦夠沐!!smile涼瓜牛肉 - 呢個真係平靚正，夠大碟, 好似我呀媽煮咁. Very Goodtongue然後仲有九菜豬紅、鵝腸、通菜鮮尤，白飯/粥連酒水, 食到飽 (係食到一点, 飲佐十二支大咩啤!!)mad加加埋埋都係五百幾shocked??.. 抵食丫!!好reasonablebowl

今晚係附近行完街，由於好肚餓所以就係呢頭附近搵野食，行過見到呢間野既廣告，媽咪就話不如入去試下，因為佢想食潮州野，我就無咩所謂，所以就決定食呢間啦。呢間野都唔係好易搵，因為係地牢仲要再入D，我地入到去得數檯客人，我估平時都可能係咁上下，因為佢個位置真係幾偏僻我地兩個人叫左:涼瓜炒牛肉"呢個幾好味呀，勁夠穫氣，而且好香，不過就辣左少少。D牛肉好淋好入味，佢落左D豉椒，所以好香。D涼瓜好爽口，一D都唔苦...送飯最好。蠔餅"嘩，超級大個，完全食唔哂。佢個粉有少少厚，但都幾好味。感覺好熱氣，但唔會好油膩。如果佢多D蠔仔就好啦，而家感覺得好少咋，呢個份量多3-4個人食就差唔多。我地叫左一碗飯一碗粥，呢度D野都唔差呀，又有電視睇，坐得又舒服，係個位置差D姐。

在尖東好吃的茶餐廳本來是沒有，現在發現了一家。平時在地牢生意好像不太好，收到傳單才知道這裏有家茶餐廳，但食物原來很不錯。平日上班日子的早上是這裏還有位可以慢慢嘆早餐，還有電視可以看。茶餐有奄列、蒜蓉厚多士、沙爹牛肉麵及飲品。奄列不算大份，油略多，但食落很香蛋味，中間還有些蛋汁，包著的火腿絲也多。厚多士真的用心烘得兩邊金黃中心軟熟，蒜蓉香口美味。沙爹牛有鬆肉粉不過不多，還有咬口，而且沙爹味也香濃，湯底也不俗，比起樓上和附近的茶記出色。最重要的奶茶香濃茶奶一半半，茶味夠濃，不錯。有時食肆的位置真的很重要。

是日外賣下午茶潮州鹵水雙拚-鵝腎拚豬脷瀨粉，$23連熱飲鵝腎、豬脷份量可以接受，但完全沒有鹵水味道，鵝腎不爽脆似橡膠，豬脷如是，開始分不清誰是豬誰是鵝。瀨粉跟湯底就正正常常不過不失，湯底加了少少師傅那種。沒有下次，有沒有網友為它平反一下?