打吡西餐廳酒吧 (已結業)

今日想坐得舒服D, 兩位同事帯左我來哩間小小酒吧式西餐廳. 入到去感覺良好, 雖然好細間, 但氣氛同坐位都好舒服午餐都係50幾至60幾哩D價錢, 已有餐湯, 主菜同餐飲三個人, 一個叫羊,一個叫雞一個叫牛, 全部賣相吾錯, 以這個價錢味道亦算不錯

12點係學校出黎食咩好？上次食過依間野覺得幾好食 所以今次再過黎試下 我叫左一個set lunch 西冷牛排配白飯 送羅宋湯同蒜蓉包 佢既蒜蓉包好足料好多蒜蓉 有別於出面西餐廳剩係俾個烘左既包俾你 而塊西冷牛排超級大塊 再加埋白飯一個人根本就食唔哂 雖然牛排有小小熟過頭 但都唔會太難咬 送埋杯凍奶茶都係$56 確實係超值價錢

因為西環好多食店11點幾都未開，行左成條水街終於搵到間西餐廳開左，入到去一個人都無，所以可以隨便簡位，我叫左塊西冷牛排配薯條，送埋蒜蓉包、餐湯同飲品，蒜蓉包熱辣辣又脆，牛油同蒜蓉都夠多。而羅宋湯就無咩特別。西冷牛排好大塊，但太熟啦，而且筋又多，所以好難切同咬。蔬菜方面有青豆同紅蘿蔔 ，但個人不太喜好依兩種菜，如果有西蘭花就好啦。而薯皇係成餐飯既精髓，外層有層金黃色既脆表，強烈推介大家點薯菜

食dinner with friend。 點了西冷牛扒set。 多士並不會overcooked，but it is 金金黃黃， so good。羅宋湯則較為出色，不算太辣，酸度適中，菜量也十分足夠，so good。牛扒也不錯，配上蒜茸汁，表現出色，牛扒本身口感不錯，味道良好，搭配少許甜的sauce，very good。

Derby West 外觀似足西式酒吧，不過午餐食物都係港式西餐。叫左牛扒同羊扒，肉味唔濃，食落分唔到牛扒同羊扒。跟餐薯角略嫌炸得過火。特色欠奉，快餐貨色，勝在價錢合理，做街坊生意尚可，想食好D又肯俾多D錢，就要花D腳骨力行上高街...

lunch time搵野食,經過見到佢門口個餐牌有''芝士雜菜焗千層麵'', 比佢吸引左!哈...大獲喇! 我嗌左芝士雜菜焗千層麵, 男朋友嗌左燒雞扒配黑車尼子汁。 先講燒雞扒配黑車尼子汁$5X雞扒睇唔出食唔出係燒既, 個汁亦唔突出，擺幾粒車尼子就當係汁。配左意粉，個意粉好食!因為本身鍾意硬身麵質。如果比起芝士雜菜焗千層麵，呢個意粉絕對好食! 芝士雜菜焗千層麵都預左佢唔會太大份，不過冇諗到會咁衰!份量女仔食都OK, 一上枱，見到個邊好多水，已經知道LAI野!佢所謂雜菜原來係栗米，青瓜，茄子仲有一兩片茹菌!!好啦，都算係蔬菜類，不過一路食一路以為食緊有湯底的雜菜，因為成碟野都只見到兩片類似刀削麵既so-called千層麵=_=唯一我覺得好味既就係佢D芝士!! 講到餐飲，嗌左兩杯熱奶茶!見到兩杯個面都有一層閃令令，好似油咁既野，其中一杯冇咁嚴重!雖然杯奶茶都滑，仲幾好飲添!不過佢表面層油搞極都唔走!! 咁就出聲同佢講，嗌佢換一杯啦!!個女侍應既回應係: 阿先生，個D奶黎嫁喎!!奶都講得出???喂，你間鋪黑黑地暗暗地姐，我唔係盲嫁!!D奶會閃???!!咁我真係唔識野喇!!=_=好啦，算啦!!

假期可以同老公食d 平時少食的地方，係open rice 搵有咩西餐食，竟然俾我搵到呢間。平時以為係酒吧，日頭吾開，點知原來有set lunch. 價錢吾貴介乎$48~$68 之間，最驚喜午餐有西冷羊食，再跟薯菜，而老公叫咗海鮮千層麵。兩款都精彩期待。西冷羊夠「林」，但薯條好咸。不過價錢不貴，算係咁。勝在環境也舒服，假期人不多，但侍應都趕住收野，太習慣平日繁忙時間。整體感覺ok

公眾假期先有機會黎Derby West食lunch, 平時見佢裝修得咁外國feel, 一直都想去食; set lunch由$48/$50/$58不等仲要免加一！餐湯+餐包：雜菜湯和南瓜湯okay 唔咸，蒜蓉包如果係脆就更好 主菜：叫薯菜以為係French fries, 點知係薯角，又熱又脆，好開心蜜桃雞 - 幾match西冷牛 - 幾大塊, 抵食餐茶：Iced tea, 如果自己落糖水更好，可能我唔食咁甜所以覺得甜左少少，但okay嘅友人唔覺有問題 : )

中午同朋友打算試下 見前面得2個人去等位我地後面有4個人等位.個女WAITER 第一次話有4人台所以俾佢地先 OK 無問題 因為我地2個人到之後又有人用膳完 有一張吉GE 4人台 個女WAITER 竟然唔俾我地坐.....要我地再等多5分鐘去等張2人台(注意: 果時都成1:45pm了... 我地後面係無人等位)我同個FD 2個嬲嬲地就走左無食到!! 火都黎!!! 以後唔會再黎 要加一但係個服務好差!!! 大家真係唔去好過!!

從來沒有衝勁寫食評，但這家餐既服務真係值得一寫！當晚同朋友兩個人經過，見價錢唔太貴，就入去一試。朋友點了咖喱羊跟飯，我要了一碟意粉。1) 先來餐湯 (兩個忌廉湯) 和蒜蓉包，其中一碗變左雜菜湯，蒜蓉包淋淋的。2) 當我地仲飲緊餐湯，朋友碟咖喱羊飯黎到，嗰位女侍應，問都唔問係邊位點既，就求就放落張枱，卒之放左喺隻刀上，成砵咖喱羊斜晒，倒瀉晒。3) 碟飯無比匙羹…4) 我地仲飲緊湯，另一位位侍應已經問我地要咩餐茶！5) 朋友剛食完碟飯，一放低隻羹，咀都未抹，一位女侍應就即刻黎收野，連張紙巾都收埋！6) 餐茶嗰兩杯涷檸茶，應該無落糖水，完全無味！7) 埋單，我地比散紙，唔洗佢地找錢，嗰位侍應拎住嗰幾張錢銀紙，數完又數，多謝都無聲，黑口黑面行左去。請都唔會再去！

I went drinking beer with friends there last Saturday, I ordered two glasses of beer and the staff put a small bowl of peanut on my desk!At first, I thought that small bowl of peanut is free of charge! However, when I check the bill, I found they charge me $30 per small bowl~Their way of serving is misleading and unacceptable! At least they should tell me that small bowl is charged!!So Cheap!As a conclusion, I prefer having drink in LKF~

行過水街, lunch 要搵野食唔係真係咁多選擇, 見到 derby west, 其實都唔知佢係 pub 定西餐廳? 不過見門口棟個牌 d 野食都 ok, 就入左去, order 左個唔記得叫乜名既雞扒飯, 味道唔可以話好好味, 不過都唔差, 但係塊雞扒真係超大塊, 飯又夠多, 仲要跟湯送餐包同野飲, 都係 40 蚊, 真係低食..!

想去很久了，上次去被人包了場。今次是一個港式西餐的 set lunch. 吃了蘋果提子汁豬扒飯：豬扒好鬆軟，好味。飯的質素不錯。改進的是餐湯，太浠了！這樣的價錢，很OK了有機會會去食晩餐

A weekly lunch gathering with my old friends - due to our short lunchtime we could only eat within the vicinity of the school. somehow we ended up at this bar-cum-restaurant, as attracted by its lunch menu.There were 5-6 choices of mains on offer and i picked the mushroom salad to go with a cream of tuna and corn soup. The soup was just what you would get at ordinary hong kong style soy-sauce restaurants - obviously cooked with canned cream soup, it tasted ordinary. the bread that came with it w

剛剛吃完 derby west 的豬手,真係好好味,啲皮燒到卜卜脆,外脆內軟,大家不防一試,還有好好味的什菌芝士意粉,簡直大件夾抵食,氣氛相當好有情調,泊車又可看到,看到留言既朋友快D去試下啦...... ^-^