批&撻專門店 (已結業)

我之前都成日去旺角間批&撻,仲係個度買左好多野食~~覺得好好味~我最愛食粟米批,又香又甜!但係...我前幾日入左上水,原來上水都開左一間呀~咁我咪買左個招牌貨"雞批"黎食囉~嘩!!!!!!完全唔熟ga~裡面d雞肉完全唔熟,特別係個批底呀,仲係濕ga!我個fd買左個叉燒批,仲恐怖,燶到黑色!!!d人服務態度又勁差wo~只係掛住玩都唔理我,我買完野多謝都冇句呀!!之前係旺角d人唔會咁冇禮貌ga~d野又唔會唔熟wo~我真係好想知,點解一樣係批&撻,但係就會相差咁遠ga~~我以後都唔係上水個間買野食ga~~

食過佢哋啲mini栗子撻,都幾好味.$10/3 迷你撻款任選

港島西灣河新店開張。撻經常新鮮出爐，熱騰騰，好好吃！鮮奶蛋撻給我的感覺是：沒有雙皮奶那麼甜，卻有雙皮奶的滑，加上鬆脆的曲奇撻皮，一軟一硬，配合得天衣無繨。HK$4.5 一個，算是物有所值。

這次的鮮奶批和磨菇批是在將軍澳分店買的今日有事去了將軍澳, 其實我這個港島人平時點會特登去喎, 好, 就趁機行吓個商場先~突然見到pie and tart~ 我想試好耐的了~就買了好吸引的鮮奶批和磨菇批, 幾個鐘後才回家"為食一叮"~~磨菇批有好香芝士味, 但又幾清新。我比較喜歡鮮奶批, 好滑呀!! 我始終都係比較鍾意食甜野, 食後成個人都會好幸福~好彩同細佬share, 如果唔係......肥爆都得了仲有, 我想知香港島係唔係冇pie and tart架? 我好似未見過咁ge...

雖然小妹冇試過晒所有的批, 不過其中的招牌雞批真係好好食, 食緊時仲有煙出的。從前不食雞批的我, 現在都要拜倒石榴裙下。Lunch 時買一個雞批加一杯飲品都已經夠晒飽。不過他們有時都會有失手的時候, 就是批底會很。另外他們的芝士鮮奶批都不錯, 有時把它當作飯後甜品感覺也很滿足。但很可惜, 位於旺角道的那間分店已經沒有了, 依家要去到西洋菜街那頭才可買到。

今日試左佢既磨菇批當晚餐，以為只係暖，但原來好熱，好多芝士響面，亦好多磨菇，不過我比較鐘意食佢個餅底多d 。總括來說都不錯，不過個人口味喜愛佢既雞批多d。

好日都唔過九龍(未見過香港有分店), 特登買兩個黎試下. 點知好失望栗米批, 完全俾佢個名呃左, 明明成個都係薯蓉, 陣味又怪怪地.芝士蘑菇批, 成個批出奇地甜, 係好甜好甜味道已經唔好, 兩個批底都好似焗淋左( 已經係即買即食)

阿妹次次行過都會買個芝士鮮奶tart食. 我都覺得好正咖!

有冇試過木瓜味的tart我覺得好好味。

小妹本身很喜歡吃鮮奶撻, 貪其夠滑, 價錢又大眾化, 而芝士鮮奶撻不但有芝士的香, 亦不掩其滑, 都係賣$6, 實在抵食!!

批&撻D 批很好味, 熱辣辣, 夠新鮮, 賣相亦好.我最喜歡雞批.批皮香脆,有小小甜, 雞肉軟滑,還有小小火腿粒,加上那個白汁,口感豐富.鮮奶撻亦好好食,好正!

我表妹成日讚批&撻專門店ｄ撻好味(唔記得佢話邊幾款啦),其實佢地開左敢多年,我真係一次都未試過,我只係記得佢地剛剛開時,都開了好多間分店,好似係賣cookies為主的(唔知我有無記錯呢?!),同埋果震次次行開都見到人頭擁擁好多人買排矖長龍,如果要我排好耐隊而先食到果樣野,我通常都唔會試住,但之後熱潮已過,又唔係好想試啦!27/8-果日係尖沙咀見到無人,咪買個撻試下,見佢地鮮奶撻個樣都唔錯,就試lee款la,又真係唔錯喎,下次行開試下其他款先!

今日買左個鮮奶撻食出爐太耐唔熱+ 唔好食想食好ｄ就等岩岩出爐ｇｅ最好食

其實係係沙田中心分店買, 自己買了雞批($8), 朋友買了芝士鮮奶撻($6). 先講朋友既芝士鮮奶撻, 因為太好賣所以要等左一陣再出爐先買到, 不過買左之后發覺個撻面未凝固,所以要急急係街解決去, 朋友話味道非常好, 鮮奶味好香, 自己下次有机會都會買黎試下.再講自己既雞批, 買左番黎擺左三個鐘頭再用焗爐焗番熱去, 好好味, 第一啖食到個批面有好香既牛油味, 繼續食落去白汁,雞同蘑菇既平衡好好, 推介比大家為下午茶既好選擇, 不過要留意個批食落好飽肚, 四個鐘頭都食吾4落其他野^^

尋日食o左個螺絲肉汁批($10), 面頭鋪滿o左焗薯, 入面有d螺絲粉, 有d磨菇同埋茄汁, 都幾好味o既, 我lunch食一個都夠晒lu