找餐時間 (已結業)

每次經過門口都心思思想試下呢間餐廳有一晚係附近唔知食咩好即刻入黎試下先😆叫左個饅魚芝士玉子燒，芝士流心，好好食😋另外叫左個日式叉燒烏冬，份量好大碗，日式炒麵醬味道有點酸，麻麻地哈哈炒麵都好足料，有好多蝦😋

成日覺得午市時間喺港島區搵食甚艱難，人多又貴仲有時又唔太好食。今次經開西營盤呢區，放飯時間本身想食嗰間好多人排隊等位，咁見到呢間主打食冷麵炒麵既小店，睇落幾吸引，價錢合宜就入去食囉店內地方座位有限，較擠迫。menu選擇主要得冷麵或者炒麵揀，炒麵黎講得三款選擇。炒麵可以再揀咩餸底同配日式或韓式辣醬炒。我地一個揀左配蝦，一個配雞肉，全是韓式辣醬炒麵。麵餐配送沙律、芝士蛋卷，飲品可以揀汽水或花茶。今日花茶係茉莉花玫瑰花茶，細細樽，似冷泡茶，茶味都香濃，不錯。至於炒麵，辣醬惹味，除了蝦肉，還有櫻花蝦，感覺好豐富。同事雞肉嗰份樣子就遜色少少，但味道都好食。除了餐盤唔太環保，其他還是不錯。

📍西營盤📍文青Time❣️日式輕食主義😍招牌雲蛋多🍳特登入西營盤搵食💕Girl’s talk👭不知不覺傾咗幾個鐘😹實在好開心❤️坐係近門口嘅位置，比較寬敞，一張長枱，可以食得自在啲☺️又放到哂所有食物❤️便當係幾好味必食推薦💓黑松露雲蛋多☁️外型可愛度滿分🤣但味道一般般🙈黑松露蟹子玉子燒🍳略嫌有啲過熟，無咗玉子燒嫩嫩哋，好滑嘅感覺😫飲品係可以嘅👌🏻睇相發現佢有個後園，但去到發覺已經荒廢咗咁，有啲失望🙈

西營盤📍有室內同室外嘅一間小店，大概只容納到六枱4人座，仲有一排係對住街坐，一個人係飲杯嘢都唔會覺得尷尬😆~*~*~*~*~*~*~*~*~*~*~*~*~*🌟朱古力雪糕香蕉窩夫🍨窩質感偏淋身，但勝在咩都夠香口又唔會好重嘅牛油味👍🏻✳️～～～～～～～～～～～✳️🌟益力多蘋果沙冰🍎唔會太甜，原來蘋果同意的都可以原來蘋果同益力都幾夾，啱晒哩個炎炎夏日💦反而都可以就有啲失望，係一個普通茶包😅✳️～～～～～～～～～～✳️🌟明太子釀雞翼👍🏻只可以話鹹點比甜品出色🈵

大熱天時最好食冷麵見到有好多好靚嘅冷麵係開心嘅但晚上店內依然好熱可能打開左門嘅關係煙肉温泉蛋冷麵 wasabi 汁 似蜜糖芥茉多d🤦🏻‍♀️too bad 有d失望🙄我冇問係咪落錯咗，但都係唔係咁好食。。。d煙肉好明顯係平貨一塊入面唔係同一隻豬 (東張西望有教點分）麵。。。 口感好奇怪😅 咬落即斷。唔知係咪本身係想咁樣。總之就唔鍾意啦蟹子玉子有點老其實佢有個雲蛋多士☁️☁️好似好得意咁☁️☁️但係就冇叫到啦可能係好好味嘅招牌菜總括來講間餐廳嘅外表同埋啲食物都好靚但味道就爭啲啲啦

阿元來了長期都排長龍, 肚餓到頂唔順, 見隔離個間(找餐時間)唔洗排隊,決定試試佢. 宜間環境不算大, 細細間, 我就坐對出街口, 叫了鰻魚玉子燒和自家制叉燒冷面. 鰻魚玉子燒價錢都唔平架, presentation係幾靓, 一啖食晒都有點心痛, 玉子燒中間夾左芝士, 口感唔錯, 但係唔夠熱, 熱點就好啦. 自家制叉燒冷面係夏天之選, 食完立即涼晒, 四個醬汁仕你揀,分別係和風芝麻醬, 芥末醬, 泰式甜酸醬同廣島醬, 好好食同開胃, 但係如果份量大一點就好了.

When it's weekends, a nice sip of coffee and a book which I forever fail to finish reading is what I would imagine. You could only find a quiet location for this either at home or maybe the cafes at soho (could get really crowded during brunch). I decided to take a mtr a few stations down the west and hopped off at Sai Ying Pun Station exit A2. Not far from the exit is a small boutique cafe which serves toasts, coffee and fruit tea.I hopped in seeing a perfect spot by the window only to see that

蒜香煙肉溫泉蛋冷麵 🍱便當午餐 $56 今天自己一個人午餐決定到”找餐時間”試一試這裡的便當便當有包含這裡主打的玊子燒 可以一次過試埋🤭玊子燒 🍳有蛋香 亦夠厚身 好有口感🤩主菜是冷麵 麵質比較腍 加上和風芝麻醬 仍然有其吸引之處 不消十分鐘 我就整個餐吃完了。😝我沒有點太甜的飲品 點了花茶 🌹淡淡的玫瑰花香 沒有好假的甜味 飲落反而令人覺得舒服😌我還加了$8 點了溏心蛋🥚，咬左一啖就無再食，入面黑黑地，唔太新鮮甘，食都唔想食😒😒😒餐牌: 店內: 整體而言，如果趕時間喺呢度食，都還可以。但如果講質素嘅話，就真係唔應該食呢一間。

終於食到西灣呢間bookmark咗好耐既小店主打係雲蛋多士同玉子燒。黑松露雲蛋多士 ($46) 賣相十分之精緻~ 好似有一朵雲放咗係個多士上面咁中間仲有黑松露同蛋黃。蛋白加上蜜糖係一個好正既組合，甜甜地，入口既溶。下面既多士就吸收咗蛋黃同黑松露味，味道幾好廣島風玉子燒 ($48) 充滿木魚同櫻花蝦既玉子燒，加埋沙律醬好惹味蛋味好濃，但如果入面濕潤就好喇，又或者加少少芝士，整體口感應該會提升不少。味道不錯，但價錢好似有少少略貴~ 不過like Facebook會有個冷泡茶，好好飲！！

因為唔太肚餓，所以求其搵個地方食少少嘢，見佢呢度有冷麵又有得意既雲蛋多士，裝修又ok，完全café風格，坐得都算舒服，不過影相呃like還可以，對食物質素有要求，就可以不試喇！鰻魚玉子燒 $52因為係開放式廚房關係，比阿sir見到個玉子燒唔係即叫即整，所以上枱唔夠熱，玉子亦無流心，蛋唔算好滑，但還可接受，鰻魚算厚切有咬口黑松露雲蛋多士 $46呢個起碼等咗25分鐘，但味道就非常失望，首先多士係凍既，白雲完全無味，要靠松露去彌補，食咗兩啖我已經放棄咗自家制叉燒冷麵 $58揀咗和風芝麻醬，但個醬超咸，就算撈埋麵一齊食都唔ok，叉燒幾得意，唔似港式又唔似日式，而溏心蛋又細隻又無味香蕉朱古力鮮奶沙冰 $38 (跟冷麵可減 $8)味係ok既，但實在太淡啦，第一樣就係嚟呢個，所以味道可以試得好真，呢個價錢唔太值二人共消費 $186

今日原本打算與男朋友到附近出名的食店食蛋餅，驚覺已經結業。😱於是抱著失望的心情周圍搵食，便意外發現這間小店。店內設有室內及室外用膳，天氣較為熱，故選擇室內用膳，位置不多，不過設計簡潔。自家製叉燒拉麵加配溏心蛋，有和風芝麻醬、芥末醬、泰式甜酸醬及廣島醬四選一的自選醬料。自製叉燒雖然較薄，但口感很好，加上粟米及芝麻醬，感覺清新，夏日之選。👍🏻日式蝦仁炒麵足料推介之選，$58配有很多蝦仁及櫻花蝦，啖啖均有櫻花蝦，味道亦不俗！好抵食！😋黑松露蟹子玉子蟹子超多，食落一粒粒蟹子爆開😍👍🏻，玉子中間有芝士滲出，好吸引，但黑松露有點不足，下次可以試其他！

放工後路過餐廳，就俾佢個名吸引左，令人好想入去唞一下，好有家既感覺，今日試左叉燒冷麵，炸蟹肉餅同玫瑰花茶。冷麵質感比較硬身，同出面食既有d唔同，不過岩我口味，蟹餅中規中矩，個sauce好味。雖然食物唔算好突出，但唔知點解好有住家feel,亦不失為好hea處！

找餐，呀，是早餐，你會食什麼？西環一向小店多，自從地鐵開通之後，的確方便了不少。但方便的同時，換來的卻是人多了。去了找餐時間，吃的不是找餐，來一個 慢午餐。其實餐廳都幾舒服，分別有室內及室外兩部份。室內可以對住第三街，如果天氣好，的確幾Relax餐廳推介的食物都不少，下次有時間會再試其他餐廳的Waiter會分成兩角，同時廚師及waiter! 真的是小店呢蟹子玉子燒 $48其實玉子燒來說，算整得不錯。蛋整得挺滑，而且不會太生/太熟，恰到好處。但唯一不好的是不夠味道，好像鹽巴不夠，所以留有一點遺憾。黑松露蟹子冷麵配溏心蛋 $58這個麵整得算是不錯，因為當中的蟹子份量極多，而且酸酸甜甜，十分適合夏天進食。配上溏心蛋，極適合夏天進食呢。但可惜的是麵的份量比較少，有一點可惜。西環的小店值得我們守護呢

放飯時間若果享德輔道西覓食都會好多人，雖然爬上去第一二三街頗吃力，但久5久一次當做運動。成日經過阿元都會有興趣望下呢間找餐時間，見今日有位入去試下。店舖較細大概有十幾個位。天氣熱食個清清地芥末醬黑松露蟹子冷麵加杯花茶。花茶超淡冇咩味，沙律菜新鮮。至於冷麵質感唔得，有啲硬似淥唔夠時間，有啲失敗。個wasabi汁調得唔均勻，松露蟹子正常。玉子反而係個set靈魂，暖身同好香蛋味但略偏甜。我係咪揀錯set？

原本打算去食【啊元來了】，但點知道原來星期一佢居然係休息日，咁就只好係附近睇下有咩好野可以試下啦⊙ω⊙見到側邊有間小店好似都幾唔錯，就入場試一試啦。呢間【找餐時間】主打cafe類型既菜食，亦都有各種日本既小食，同埋好有特色既甜品，見到唔少少女都幫緊佢打卡~=~因為天氣關係，我同女朋友就叫左兩個雞扒冷麵啦，一個配芝麻醬；另一個就夾廣島醬。冷麵只要個醬好食，就有一番咁上下水準，冷麵夠彈牙，而且配上芝麻醬，特吃好食。雞扒分量足夠，而且肉質都嫩口，唔錯。雲蛋多見到佢好似主打呢間叫雲蛋多既甜品，就即管試下啦。原來又真係一款打卡必備既甜品，蛋香好似一朵朵白雲咁樣，中間既蛋黃就好似太陽一樣，切開蛋黃後有流心既效果，沾上蜜糖一齊食，層次相當豐富。廣島風玉子燒玉子燒上撒滿一層既蝦子，味覺鹹鹹的，玉子味道就相對比較清淡，配合一絕。