抖蛋馬來西亞古早味蛋糕 (啟德) (已結業)

平時屋企人買古早味蛋糕都係原味，食到有少少厭。今日放工去啟德地鐵站時候經過呢間古早味蛋糕專門店。除左原味，佢地仲有芝士味、咸蛋味甚至「臭名遠播」既榴連味。餐廳海報列明唔同味道既出爐時間，大家可以預留時間買新鮮滾熱辣既古早味蛋糕。餐廳係每一盒古早味蛋糕都會附送膠刀同膠手套，非常貼心。- 爆漿芝士一開箱已經見到流出黎既芝士😍，切開之後見到大約兩層芝士餡，芝士味香而不膩，鹹度適中，蛋香亦十足，可謂兩種不一樣滋味。- 原味雖然我有少少食厭原味，但我都買左原味孝敬我老豆老母。不過隔左一日先食，估唔到雪櫃攞出嚟既古早味蛋糕無論質感同味道都保持得好好。蛋香四溢，質感非常鬆化。從今以後，古早味蛋糕我只選擇抖蛋。下次即管試埋咸蛋味，榴連味就不了😝😝

每一個地方都有傳統甜點， 而 呢啲傳統甜點 去到第二個地方，配方可能就會有少少唔同， 演變出 食物的不同層次 。 例如古早味蛋糕咁，大家都係蛋，糖，麵粉等等， 但係配方同配料唔同就會做出唔同感覺嘅古早味蛋糕。 今日經過啟德， 見到有來自馬來西亞嘅古早味蛋糕， 就係因為呢個原因， 想試下唔同地方嘅古早味蛋糕， 咁又買咗兩件蛋糕返屋企。抖蛋係來自馬來西亞嘅古早味蛋糕， 除咗有原味之外， 仲有鹹蛋味，爆漿芝士味， 而且仲有馬來西亞榴槤味添。 今次就買咗原味同埋鹹蛋味。馬來西亞原味古早味蛋糕， 蛋糕模有坑紋 ， 所以這件蛋糕睇起上嚟就會有一格格可以方便而易切。 切開蛋糕裏面 ，見到一層層， 咬一口，蛋糕鬆軟濕潤，而且蛋味香濃。至於鹹蛋味古早蛋糕， 呢度啲鹹蛋留晒沙爆曬漿咁， 放到入口都覺得咸蛋好似火山爆發， 充滿所鹹蛋鹹香嘅味道同埋雞蛋本身嘅濃郁， 最重要係呢到的古早蛋糕熱食又得，暖食又得，放喺雪櫃雪凍食又係另一種滋味， 咁先至係真正嘅古早味蛋糕。

自從啟德站新開咗，就想過去嗰邊行下，係商場見到這一家古早蛋糕店，因為啱啱見到蛋糕新鮮出爐，好蓬鬆好吸引，所以就買咗兩盒試下，買嘅分別係原味同芝士。原味$60芝士$65我覺得原味真係好好食，因為淡淡嘅蛋香撲面而來，每一啖都可以吃得出雞蛋天然嘅味道。芝士味都非常好食，落料好足，足足有兩層芝士夾心，啱晒我呢啲邪惡芝士控！試做之後我覺得性價比非常高，因為原材料真係值呢個價，如果下次再經過啟德站，一定會再買！

呢間古早味蛋糕店有四隻口味，原味、芝士味、榴槤味及鹹蛋味。我最愛的口味是芝士味，如果你即買即食的話，芝士熔岩流出時食係最正的，買咗返屋企冇時間食的話，放入微波爐叮翻熱，芝士流出黎果下一流。唯一的意見是，分量太大，價錢偏貴。如果可以把每盒份量減半，價錢亦減半，我相信會有好多街坊買的。

好少何會走咗過嚟啟德，呢邊好多新樓盤之餘仲有唔少餐廳小店開咗！朋友新屋入夥之後準備離開嘅時候，發現咗一間古早味蛋糕（就喺美聯物業隔離！）門口有好多人！原來係一間馬來西亞製法嘅古早味蛋糕!!!!我都忍唔住排番一份！咁啱出爐嘅有流心咸蛋味!!!聽到個名就知唔簡單！爸爸一定好鍾意！另外再買多份原味用來做明日早餐！真係唔係講笑我！一出爐就噴到好香嘅蛋糕味！搭左成個鐘頭都依然完整無缺！流心咸蛋味古早味蛋糕！就咁睇外表 咸蛋料係焗嘅時候已經多到流出黎！正！多多爆料！嘩！仲要有幾層都係咸蛋流心 鹹蛋古早味蛋糕，非常足料！咸香既味道唔會蓋過蛋糕既清香，好夾，食多件都唔多膩！原味古早味蛋糕!扁塔/收腰嘅效果都唔會出現！係軟綿綿嘅感覺，比平時食到嘅估早味蛋糕更加軟綿綿！放咗落雪櫃一晚，攞出嚟再食更加好食！有啲啲似日式芝士蛋糕嘅口感！呢個蛋糕真係冷熱兩食都一樣咁，我唔怪得知咁多人排隊！好彩我都買咗兩件仲有其他味，下次叫朋友買榴槤味比我先！

店鋪：抖蛋古早味蛋糕 (九龍城)地址：九龍城沐寧街8號啟德1號2期地下11號舖前排行過啟德諗住睇下果邊發展成點，原來起左好多高尚住宅🏢，大部分亦都入左伙，亦唔少大大小小嘅商鋪亦開始林立去到啟德1號2期果到見到間新開張嘅古早味蛋糕專門店，黎自馬來西亞🇲🇾，最吸引我嘅除左係價錢唔貴之外，佢地仲有全港首創D24榴連味😍，不過可惜去果陣係1點幾，得流心鹹蛋同原味，唯有下次先再黎試下佢地嘅榴連味啦蛋糕鬆軟大件，可以切到七八片黎食，成班屋企人朋友一齊分享都得😆，經典原味($50)岩哂想之前未食過又想試下古早味蛋糕嘅朋友；流心蛋黃($65)充滿蛋黃嘅均勻淡香，唔會太濃搶左本身嘅蛋糕香，餡料一啲都唔缺少，咬落每啖都帶有輕輕蛋黃咸香，幾值得一試除左新鮮出爐即刻食，買返屋企雪落雪櫃第二朝當早餐食都好好味👍🏼，古早味蛋糕做到凍食熱食都咁好吃先係真正嘅古早味蛋糕😎，你又鍾意邊種食法呢

最近收到宣傳單張，知道啟德站附近新開一古早蛋糕店。身為九龍灣人當然要試一試地點唔難搵，就近啟德站，行過路過走過跑過嘅朋友們有福了店家會一早SET定一個月每一日嘅出蛋糕嘅時間表 由早上11:35出第一輪直至晚上6:25為最後一輪。目前有三款預定味道: 經典原味，爆漿芝士， 流心咸蛋仲有一款期間限定嘅霸氣榴槤第一次到黎就先試下原味同爆漿芝士自己食之餘都買番去比媽媽做早餐 (其實係為食)跟準時間到門口排隊，出焗後職員就會將蛋糕全部入盒，之後再賣。從職員手上接過熱乎乎嘅蛋糕，未完全變常溫前唔好封盒，一黎來會焗住有水氣亦會拎蛋糕易變壞 。拎到番屋企，大家都因為蛋糕嘅香味而急不及待要搶試。先食原味，好濃嘅蛋香味，口感軟熟，質感濕而完整；另外爆漿芝士啲芝士真係瀉出黎，質感跟原味大同小異，但味道帶咸，除左多左芝士味亦更有層次。如果食唔晒可以放雪櫃,，但因為無防腐劑， 所以最好2日內就好食晒佢喇古早蛋糕好有趣，出爐時香噴噴，入口軟綿綿；放雪櫃凍食，口感濕濕地，食到停唔到口！順帶一提，第一次見店家會提供手套及膠刀，非常貼心！但如果大家係拎番屋企食就呼籲大家支持環保，同職員表示唔需要就可以喇

喺舖頭附近聞到好香嘅味道，原來係古早味蛋糕發出嘅香氣，最近超hit嘅古早味蛋糕係啟德都有得買到，即刻要返兩個先！一個原味，一個係流心鹹蛋味～望住店員切開，有種治癒既感覺！原味蛋糕$50好好好鬆軟，甜度適中，岩岩出爐嘅關係，香氣四溢😍流心鹹蛋味蛋糕 $65鹹鹹甜甜mix埋，好夾💛今日食唔晒都可以擺喺雪櫃三日，微波爐翻熱10秒左右，都keep到好好食😃早餐或者下午茶食都好岩👍🏻鍾意食古早味蛋糕嘅話可以買黎試吓！

近期古早味蛋糕成為人氣食品，很多古早味蛋糕餅店門口都大排長龍，今日我經過啟德站附近呢間新開嘅「抖蛋馬來西亞古早味蛋糕」香氣從店舖中湧出來，而門口亦都大排長龍客人等候購買，台式嘅古早味蛋糕我就食得多，呢間標榜馬來西亞嘅古早味蛋糕又有咩唔同呢，所以我都特意買黎試試！蛋糕嘅款式不多，有「經典原味」、「爆漿芝士」、「流心鹹蛋」，與及「霸氣榴槤」！而門口亦都有每款蛋糕嘅出爐時間表，客人可以根據想買嘅口味按時間來購買呢我到嘅時候剛巧係「流心鹹蛋」味蛋糕出爐！我便立即買了一個，再加一個「原味經典」味，帶返屋企同屋企人分享！果然呢個馬來西亞古早味蛋糕同一般嘅古早味蛋糕有所不同！首先個蛋糕底香滑軟熟充滿蛋味，而且我覺得蛋糕很有質感而且比一般蛋糕有彈力，感覺有啲似疏乎厘嘅感覺！而且密度比較高食落感覺飽肚，「流心鹹蛋」夾雜在蛋糕中間，非常足料，你都可以想像得到那個鹹蛋醬料十分惹味！在蛋糕中間流出來，嘩！真係好食到唔停得口！呢個馬來西亞古早味蛋糕，真是非常好食值得推介！另外值得一提嘅係，店舖非常之細心，盒內附送即係膠刀以及手套，方便喺冇餐具之下食用！最重要嘅係原來呢個蛋糕除咗熱食之外，放咗入雪櫃，第二天凍食效