拉麵小町

营业中

休息中

小町設有泊車位，但數量不多，所以安全起見都是自行安排其他交通。一點鐘到小町，需要等十分鐘左右。一進店就聞到在日本旅行的拉麵店氣味，應該是燒日本叉燒的氣味。有多種拉麵和叉燒飯可供選擇。另外還有一夜干或其他特色拉麵。鹽拉麵先試朋友的鹽拉麵，湯底雖有小小咸，但豚骨煲出來的濃湯，十分好味，吃完嘴唇都有小小粘的感覺。叉燒用的是由肥腩肉紮起的，肥肉比例不少，上碟前還用火槍燒過，香味和味道兼備。麻辣拉麵其他大致同上，而湯底的辣十分重花椒的味道，是一個大膽的嘗試。而效果出乎料地好。麵質我選了硬身，味道很好。因為一人一個麵已經很飽，所以冇機會試其他小食。埋單$170，十分高質。

呢間小町拉麵店好耐之前就想試，網上都睇過d關於佢既廣告，但假期通常都要排隊，咁岩呢排公司少野做，中午放飯可以走出黎周圍食下，又離公司唔太遠，就趁平日午餐時間黎試就最岩啦。1行2人黎到唔洗排隊直接入得，自己叫左碗鰹魚湯醬油拉麵，同事揀左碗普通醬油拉麵，配菜都係兩塊日式叉燒同1隻塘心蛋，分別都係湯底唔同。落單等左10分鐘左右就上麵，先試1啖湯，個人感覺比較咸左d，同事就話佢個普通醬油湯唔算咸，可能鰹魚湯本身係咁啦，拉麵佢地用曲麵，話會比較容易掛湯，都算爽口，唔會好腍，自家制日式叉燒幾出色，肥瘦適中幾好食，係薄左d，塘心蛋都合格，做到中間流心效果。整體食物質素尚算唔錯，係覺得價錢略貴d，麵既配料都比較少，正常男士黎講食1個麵應該唔夠，如果加埋小食就要過百蚊位。

天水圍最好食既拉麵🍜🥰其實天水圍無乜拉麵舖〰️🥲好多都係好港式 #小町 拉麵同出面既水準不相伯仲 而且假日都多人排隊架 住天水圍近近地食個拉麵都開心架💗以下均為<豚骨魚介湯底>🐟🍜醬油拉麵 $80見好多人都食呢款 平日見到醬油咁普通都唔會嗌🤣今次就try try🤘我哋兩碗都係曲拉麵 麵軟硬度就無得揀既 偏硬麵 我自己就好中意☺️醬油味濃得黎 唔會太咸 飲一啖魚介湯 鮮呀😝值得一提 叉燒好正 唔肥唔瘦 好軟身🤤〰️🍜麻辣拉麵 $90每次見到辣味既拉麵都會好想叫黎食🤤但又好怕會成湯油 或者辣到蓋過湯底原有味道但呢個麻辣拉麵真係要比個讚👍🌶一上枱已經超。級。香 味道豐富過醬油拉麵 👦🏻食完一啖 直頭想搶走成碗🤣！當然 魚介味會無咁突出 但絕對唔係得個「辣」字 😚⚠️由於係村入面 所以較為多蚊蟲 去之前噴定蚊怕水 認真的 第一次去 排隊排到狂比蚊咬 放棄咗 第二次唔使排隊 咁都俾蚊咬左幾啖 成個星期都未好返🥹！

上星期難得有簽證入元朗國，當然要四圍支持一下小店，呢間 @ramen_komachi 位置比較偏僻，喺一條小村入面，小店附近全部係小村屋圍住幾有日本feel，絕對值得遠道而來一試。小店湯頭主打豚骨魚介，我揀左醬油拉麵，小町湯頭屬濃湯底，豚骨魚介兩個味好出好厚，入口好有質感，醬油味濃郁，喜歡濃湯應該會啱口味，麵條係我喜歡嘅曲身麵，爽口彈牙帶小麥香味，掛湯力高，叉燒用左豬腩位置，油脂甘香唔會有肥膩感，不過玉子比較失色熟左少少，味道就ok嘅，小店除左拉麵仲有其他小食可選擇，下次大家到元朗國不妨嚟支持一下小店。

早前睇youtuber mill milk介紹屯天元日式踩單車一日遊已經bookmark左小町～週日去要等位，等左大概15mins☺️小店唔算大，裝修較日式以灰色牆身配木枱為主～由於疫情關係擔心去到摸門釘，所以去之前打左電話睇下佢地有冇開😜1️⃣醬油拉麵 $80依款醬油拉麵湯底好濃厚，唔太鹹飲完唔口渴👌🏻拉麵軟硬度預設左冇得選擇～麵身質地食落比較彈牙，叉燒較薄有兩塊都係腩肉位，油脂口感唔錯，推薦。2️⃣塩拉麵 $80依款塩拉麵既湯底飲落較漿口，但塩味唔算太重，相比醬油湯底淡口，岩啲無甘重口味人士，拉麵食落彈牙掛湯，溏心蛋有流心，味道都唔錯。3️⃣山椒烤雞翼 $50/ 4隻推薦依款烤雞翼，雞翼外皮好香脆，食落啖啖重黑椒味仲有啲辣辣地，幾入味💯欣賞雞翼切半，幾細心～方便食用👍🏻4️⃣煎餃子 $42/ 5隻依款煎餃既餃子皮十分薄，食落外脆內軟👍🏻內裡既餡料韮菜肉碎，唔會好鹹👌🏻PS: 小町星期一二休息；星期三至五；1200-1500，1730-2100；星期六日；1200-2100～有小町專用車位可以揸車去🚗小町門口左轉有條巷仔駛到最入。

話說不久前介紹過屏山名物「屏山老地方肉餅飯」，原來喺佢附近仲有間隱世拉麵鋪「小町」，據聞都係好嘢嚟，所以同咗男友去試~ 「小町」隱身係屏山一帶村落之中，店面唔算好大，村屋地鋪，裝修有特色，行日式文青風設計，氣氛溫馨，令人放鬆！ 🧡醬油拉麵（$80）醬油拉麵湯底好濃郁，好夠味！配有叉燒同溏心蛋，麵底係粗身嗰種，食完勁飽肚！冬天食超正，食完全身都暖笠笠，充滿能量！ 🧡鰹魚湯柚子塩拉麵（$80）鰹魚湯柚子塩拉麵味道相對清淡啲，食落有淡淡嘅柚子清香，味道清新，食完都唔會覺得膩，不過相對無咁驚喜，個人就鐘意醬油拉麵多啲~ 🧡山椒烤雞翼（$50）雞翼共有4隻，店家將佢剪開咗兩半，食起嚟好方便！雞翼腌得好入味，好重山椒味，食完個嘴會有少少麻，外皮烤得略略乾身咗少少，不過好在內裡嘅雞肉都仲係嫩滑多汁~可以一試！

@ramen_komachi 呢個係跟mil milk條片入黎屏山食㗎💛見近近地就黎試下😁因為條片講到咁好味，而且廚師喺日本拜完師返黎開舖，好似好勁👏🏽👏🏽白味噌湯底拉麵🍜 $90唔係死咸既湯底，食到落最後都唔會膩😆😆仲有好肥美既叉燒呀！好香豬油味👏🏽👏🏽佢地既拉麵好有彈性，因為煮拉麵之前會幫拉麵按摩💆🏻‍♂️鏗魚湯柚子塩拉麵🍜 $80好清既鏗魚味呀，加上有少許既柚子味🤤🤤好正，不過柚子既aftertaste有少少苦🙌🏻佢地有比埋柚子味既七味粉，好細心 必會再encore😄😄介紹比更多人食🥳星期日3點到都要等8張枱😱😱兩人一枱同要隔開1.5米😣😣睇下最後我地兩個食哂仲清埋d湯既相😂⏩⏩📍 小町 (元朗)元朗屏山坑尾村85號地下

之前睇Mill MILK介紹，拉麵迷嘅我就特登嚟試下呢間拉麵店。呢間拉麵店係坑尾村落車行幾分鐘就到，唔算太難搵，因為冇堂食，我就叫左外賣自取返屋企慢慢享用。今次我叫左鹽拉麵再加白叉燒。佢個曲麵偏幼身，但麵質非常彈牙掛湯！好抵讚👍🏻湯底方面係魚介豬骨湯，入口滑身又有少少漿口，飲得出豬骨同魚介濃厚嘅鮮味，比一般拉麵店個湯底冇咁鹹，可以飲晒成個湯都唔覺得好heavy。叉燒油脂豐富，燒得好香，feel到啲脂肪一層層咁融化，而白叉燒軟冧有肉香，兩種叉燒都好食。好難得天水圍都可以有間咁高質嘅拉麵店👍🏻味道好，價錢合理。

呢間位於坑尾村既拉麵店，加埋村內既矮屋，簡單可以扮去日本之旅，仲可以參觀埋屏山文物徑👣-我當日(30/12)就順便去埋大棠楓香林睇紅菜🍁🚋坑尾村搭輕鐵761P去豐年路，搵K66巴士大棠山道落，一落車仲有小巴送你上半座山，本身要行1hr🤣🍂唔好比沿途既紅葉同人群誤導左，真係行到尾你會見到更多紅葉😆)---🔸香蔥拉麵 $100期間限定，辛口，中意食蔥所以叫左，但唔覺特別多蔥味🤣反而愈食愈辣🔥不過大大塊肉(圖3)既口感i like it😋唔係腍個種，反而有d咬口😆湯底食完係油既-🔸鹽拉麵 $80呢個就相對清好多，完全唔同感覺😆塊肉d肥🤤隻溫泉蛋都唔錯🤗-🔸日式煎餃子 $38見店員一得閒就包餃子，應該好新鮮😆煎得好香脆😋-🔸女伯爵啤 $46-🔸綠茶雪糕 $26大大球，重奶味😋---🍽️ 小町 (近天水圍站){二人共$290}

凍左咁多日，今日終於暖返D，所以約左個朋友出去聚下。咁啱前一日睇完youtube介紹有間隱世拉麵店係屏山，於是相約友人一齊去試下，睇下係唔係真係咁好食。去到舖位，有2-3pair人等跟，以為好快就到我地，不過都等左成半個鐘以上，店鋪人手唔太夠，等位同上菜都需時，所以大家都最後預留多少少時間啦講番食物方面，首先黎既係煎餃子。個餃子好有驚喜，皮薄d餡料都好足，個外皮好香脆，有種炸過既感覺，入口有輕微既胡椒味，就算唔點醬油都好夠味。之後上既分別係鹽味同醬油味拉麵。醬油味相比起鹽味會更加濃味，所以就各有所好啦。籠統黎講，兩個麵既湯底入口都好舒服，唔會有味精既感覺，就算食到最後飲哂d湯，都唔會覺得口渴。另外，我地兩個都好欣賞d拉麵既麵質，十分爽口。餸個方面呢，如圖所見，每碗拉麵附有2塊叉燒同埋一隻溏心蛋，叉燒好淋身，脂肪部分亦都好香；溏心蛋方面，有別於出面連鎖個d拉麵舖，佢係原隻上既，而且都做到流心既效果，我同朋友都幾滿意佢隻溏心蛋

假日諗住搵個人少少既地方去下 就去左屏山鄧氏宗祠個邊行下～行行下估唔到竟然見到間拉麵店 外面有少少日本拉麵小店既感覺就比佢吸引左🤣拉麵既話佢主要有兩款湯底 分別係豚骨魚介湯底同埋鰹湯湯底🐟仲有好多款小食！今次同朋友主要試左個鰹魚湯～🔸鰹魚湯醬油拉麵呢款就配2塊叉燒同一隻溏心蛋🥚醬油既話偏重味d 不過無咩特別～正常表現🙂🔸鰹魚湯柚子鹽拉麵而呢款就慢煮肩肉鹽味白叉燒～鰹魚湯都幾清甜 但味道唔算好出 不過柚子個陣清香好夾個湯😊慢煮既肩肉都夠腍同滑滑😉🔸煎餃子🥟佢同平時既日本煎餃唔同 其實佢個形有d似韭菜餃既既樣😂😂個味都比較似港式煎餃😆

其實唔知呢間拉麵店係區內出名小店，路過被門口日式裝修吸引，就入去試下咩料～食物價錢合理，一碗拉麵80-90蚊，選擇都多，實有款岩心水，我就叫左蕃茄湯底，係將蕃茄blend入豬骨魚湯，豬骨濃湯帶陣陣蕃茄甜香，味道好夾，湯都杰身掛麵，麵條就普通一般。塊叉燒好淋，脂肪入口溶化好香口。隻蛋熟得滯無流心，如果做到流心會更加好山椒雞翼醃得好入味，山椒香味特別又辣辣地，幾惹味，值得試！餃子即叫即包即煎，煎得金黃脆身，好好味，比拉麵更出色，必食！另外仲叫左凍檸茶，估唔到茶底係我鍾意既Earl grey, 出面好少餐廳會用Earl grey做檸茶，有驚喜～

今天下午 無無聊聊睇下屏山有咩好野食 咁見到間叫小町 咁就小食（叉燒法包). 兩碗拉麵 分別係原味同醬油味 咁介紹下環境 地方都算好易去。 咁入到店環境都分別有bar 枱同 卡位 。咁都算幾寬敞。充滿日式裝橫 咁叉燒法包 真心推介好食。因為上既叉燒粒 經過火炙後 d 味已經出晒黎 但我覺得個法包要脆皮就更加好食 咁我兩個拉麵都試過 個人就比較推薦原味 個湯底好重魚既味道 食落去有好大驚喜 反而醬油味就比較普通啦 就係一個好普通既豉油清湯。大家如果黎記得記得要點個叉燒法包訊息

還記得讀書時到屏山文物徑進行考察，附近只有傳統盤菜店和一些平民茶餐廳，想不到，多年後，這裡已經開了各式各樣的餐廳，其中包括拉麵小町。這所隱身於屏山的小巷裡，跟著google map走的話都不太難找到目的地。店內大概有20個座位，小妹今次被安排在背著開放式廚房的座位。餐點方面，有2種湯底的拉麵、幾款小吃和幾款日式飯。猶豫了一會，最後點了豚骨魚介湯塩拉麵。雖然背著大廚的舞台，但小妹仍能感受到大廚用心製作，魚介香味充斥整間餐廳，大廚和吧檯的互動令小妹彷彿回到日本的屋台。店員很快將拉麵送到小妹面前。先呷一口豚骨魚介湯，味道不算太濃；麵條是偏彈牙，帶鹼水味的那款。叉燒和溏心蛋反而是這碗拉麵的重點！2片薄薄的叉燒肥瘦分佈均勻，入口即化（沒有誇張！），原隻溏心蛋吸盡豚骨魚介湯的味道，咬開溏心蛋時，完美呈現半固體狀態，很讚！下星期就再去一次！希望可以被安排坐在嘅檯旁，一邊欣賞大廚的英姿，一邊享受美味的拉麵。

2個人晚上食左二百幾叫丼飯，拉麵同餃子🥟雪吧平日晚上去唔洗排隊如果週末都就有機會要排隊枱上準備左好多調味料同水比客人。但如果要杯/茶/熱水就要出到門口位自助取。茶普通係綠茶煎餃子細細粒，男仔一個口就一粒😂，入面偏淡口味。唔係九菜豬肉。似香蔥豬肉餃？拉麵無得揀面既口感不過佢原設既我都覺得好食，係偏彈口唔係十分掛湯，雞蛋係完整一隻得2塊🇯🇵叉燒，偏淋身，同薄。食左好似無食😂.另外叫左個豬肉丼飯，係用珍珠米，都有溫泉蛋係到，得半隻？.仲有個雪吧係似雪糕咁上枱，用玻璃碗上幾香好食😋