拉麵小町

营业中

休息中

星期日早上，冇乜特別嘢做，諗住係附近搵下有乜特別食肆。見到地圖上呢條村有幾間店，所以就開車去睇睇。唔難搵嘅，附近亦有泊車地方，方便。門口幾有日本感覺，入面座位不多。坐下來，一人點了一個鰹魚湯拉麵，一個點了白味噌拉麵，再加一份餃子。兩碗拉麵一齊送上，兩碗湯都好濃味，麵質硬度適中，有兩片豚肉，相信係自家制，好淋，入口即溶，好味！另外有一隻糖心蛋，一隻有d熟咗少少，不過都好好味！至於份餃子，好自家feel, 韮菜好多，雖然淡口，不過加上辣椒油就very good!

今日黎到屏山逛, 梗係搵下好野食, 華嫂黎親一係大排長龍一係好似今日咁星期日休息, 所以暫時無緣. 行無耐就見到呢間日式小店. 梗係要試下啦.雖然話開十二點, 但十二點還見到門口個牌寫住'準備中'. 所以去對面洗過手再回來. 點知還在準備中. 望望下唔係喎, 裡面已經有客人. 跟住就拉佢度門想問下. 一拉店員已經幫你開門. 原來已經開左鋪但門口個牌未換...一直都在"準備中".由於剛開鋪人唔算多, 二人比左bar枱. 拉麵選擇唔算多, 都係選湯底為主. 大部份都包左叉燒同溏心蛋, 再加先要再比錢. 我地叫左兩個醬油拉麵. 再加一碟餃子.不消一會拉麵就到. 個湯底好夠味. 而個麵比我想像中硬身. 可能我慣左食比較林的麵. 所以呢個十分之有咬口. 蛋的顏色有點深. 點睇個外表都似係一隻鐵蛋多過似溏心蛋. 不過食落去又真係溏心蛋. 但點解會深色成咁? 叉燒好林. 完全係入口即溶個隻. 滑一滑. 重有兩塊紫菜. 整體很不錯. 不過一碗麵對我呢個大食怪絕對不夠. 餃子. 新鮮熱辣拎出黎. 細細隻基本上可以一口一隻. 個皮對我黎講有點硬. 但幸好皮薄. 都好易咬得開. 內裡亦都十分足料. 呢度的茶

原本諗住入村行下，點知誤打誤撞，見到有間特色小店，真係估唔到入村都食到日本拉麵！隔離間賣啤酒嘅都係佢地嘅，我地買左幾支 craft beer 試下，有支飲落好似酸梅湯，幾得意明太子多春魚，又香又脆，送酒一流！鮮淮山同凍秋葵，清清爽爽，點 wasabi 豉油好味。鰹魚湯醬油拉麵，個湯底好香濃，麵爽口彈牙，叉燒肥而不膩，堅講真，如果呢間野開喺中環/銅鑼灣真係會大排長🐉...但佢偏偏就與世無爭，唔係元朗人，要再入去食都幾難。

位於屏山的小町，看似偏遠，但由屏山輕鐵站出發，只需2~3分鐘路程。小店的點菜紙上，已經列明全部食物。拉麵有4款，可以追加不同配料。小食列明件數，方便清晰。台面有不同調味料，茶水自助。煎餃子~皮薄餡靚，煎得香口。日式骨附腸~腸衣十分脆口，肉餡味道豐富。鹽拉麵~叉燒十分香軟淋滑。拉麵軟硬適中，湯底偏清淡，但十分好飲。單骨雞翅~外脆內軟，食用方便，無得輸多春魚~十分香脆，魚肉多汁，沒有魚腥。總括而言，值得再次光顧。

同老公出街食晚飯，見呢度較近屋企，食評又幾好，加上有我鍾意食嘅卷曲日本拉麵，所以抱住期待的心情黎試！6:30 左右黎到見到入面已有幾位人客，度門有D難拉開，但伙記掛住傾計冇留意亦冇幫忙拉門。入面環境好整潔，似開左唔係好耐，music 係純音樂，幾舒服但同日式拉麵店有D唔夾…… 人客唔多但店員亦冇介紹下餐單，一於閣下自理的態度，仲要笑容欠奉，好似你得罪佢咁！由於我冇細閱落單紙，所以叫多左隻蛋 (原來每碗已包含蛋一隻)，我都係送餐時先發現，店員話張餐紙已寫左，算自己冇睇清楚，希望大家留意！食物方面，我點左辛辣肉醬湯麵，我食得辣都覺得幾辣，湯亦太濃偏咸左D，鍾意連湯飲嘅我都飲唔落，糖心蛋唔錯，麵就偏淋左D，另沙律OK，山椒雞亦幾惹味！7/80蚊碗麵，埋單兩位加埋差唔多300，老公唔滿意佢地態度，亦覺得食物一般，所以回顧率唔高。

原本想去食旁邊的華嫂冰室，但太多人就去了旁邊附近的小町😃但我地冇叫拉麵，反而叫左咖喱漢堡飯~咖喱鹹左少少，漢堡係自家製既豬肉漢堡，都算Ok😜之後仲叫左個餃子同雞翼😁餃子好新鮮好脆好好味，雞翼都貼心整左單骨，食起上黎好方便，幾脆口😍值得一嘗既。

行去屏山本來想去食肉餅飯，不過見到肉餅飯好多人等緊，所以行下附近睇下有冇其他野食。呢邊真係越開越多野食，除左肉餅飯之外，仲有拉麵，西餐咁。見到呢間拉麵店嘅裝修都幾靚，於是入去睇下有冇好野食！叫左一個鏗魚醬油拉麵、蕃茄拉麵同埋山椒雞翼！先嚟兩碗拉麵先！賣相幾靚，麵質唔會太淋，算彈牙，我覺得唔錯。至於個湯底唔算係太濃，有時好怕拉麵個湯底太濃食完好口渴，叉燒都好嫰唔嚡口！至於個山椒雞翼又有d驚喜，小小辣幾過癮。不過坐位又真係有少少迫，如果可以闊番少少就好喇！

近年屏山越來越多食市，就連飲食雜誌及免費報紙都有介紹，盡是美食。到過屏山數次，今次試搵麵，比想像中好食，麵質彈牙，叉燒又香，小食鮮淮山都好好食，但雞翼就唔及譚仔土匪雞翼好食喇。服務態度麻麻。

每次入朗屏食肉餅飯都會經開哩間拉麵舖, 每次都話下次黎試, 今次終於唔楝肉餅飯, 楝食拉麵! 初頭舖頭開業時, 只做預訂, 當然而家已經唔係啦, 但係今日大約七時黎到, 都已經有三款湯底已賣晒一如以往, 黎到拉麵舖若果有鹽味湯底既, 必定係我首選...所以二話不說我已經楝好了....等候時間都要俾小小耐性, 黑板上都已寫明, 料理需時, 等候時間可接受,湯底有好香既豬骨味, 有兩塊叉燒, 好完正, 唔太肥, 仲有一隻唐心蛋, 流心程度不錯, 但係一食啖拉麵, 第一感覺就係好普通好普通, 有感食味千拉麵一樣....一啲都唔彈牙, 掛不到湯, 好在還不至於會煮得太過軟身老公叫左醬油拉麵, 湯底不是我杯茶, 不置評!叫了兩款小食: 日式煎餃子, 入面有啲九菜, 個皮好薄, 帶有少少湯汁....另一款叫:山椒雞亦, 總共有四隻, 全部變左單骨, 方便進食, 感覺個味道帶有小許醋+黑椒....幾野味....

最近香港多了幾間豚骨以為的選擇，而小町的質素我個人覺得還是有水準的。雖說叉燒滑而富肉香，但一夾便散在賣相上還是略有不及。玉子是完美的半固體，然而外層顔色雖說很足，但內裏卻尚未入味，從味付蛋的角度而言，還是有很大的進步空間。不過叫人可喜的是，麵底是香港較少見的曲麵，有一它咬口，加入麵型捲曲所以掛湯能力不俗。老實說讓我想起了當年札幌元祖的西山拉麵，有機會的話，一定要去西山麵的家鄉試一下在地風味。話說回來，這個堅魚醬油湯底，平衡感不俗，雖然鰹魚味在頭兩三口較出，之後慢慢轉淡沒有太大的回甘，但在我個人而言，這碗的質素已經可以收貨。

又係幫襯屏山老地方嘅週日，不過今日黎遲咗少少，一到十二點半門口即刻成堆人企喺度等位，今日特別肚餓得黎又唔係好想等，諗住退而求其次，試下鄧達智，但係佢竟然裝修，返去攞車嘅時候經過呢間拉麵店，就唯有退而求其次次啦。煎餃子味道唔錯，個皮都好薄，上枱嗰刻都仲係㷫口既，難得。豬骨拉麵，湯底味道略嫌淡咗少少，味道無張相睇落咁濃，麵質好好，爽口彈牙，塊叉燒確實係好 out standing 既，入口即溶，鬆化肥美。雞翼32蚊有四隻，味道都幾好，有陣特別嘅香料味，餐廳細心剪開雞翼，賣相無咁寒酸之餘單骨食亦方便好多。內裏裝潢尚算骨子，不過逼得要命，有少少食車仔麵既感覺。雖然無乜致命負皮，但係又搵唔到番兜既理由。另外不得不提斜對面嗰間公厠，個門口裝橫唔錯，值得去探訪一下。

星期六一行三人搭車又搭船咁來到屏山，大約中午12點半左右到達，好好彩剛剩一張4人枱，這裡地方比較淺窄，但環境不錯，員工一共有三位，基本上樓面是沒有人，喝水要自助，不過員工都非常有禮仲有餃子很好吃，好快被消滅左，未來得及拍照當我們吃完大約一點多，外面已經排了長長龍總括吃得出拉麵是有誠意有心機之作，會再次光臨的支持小店

小町~地點近華嫂冰室附近。同周遭的環境不大相配，但亦因如此，顯得呢間拉麵店更突出！可以看著跟師傅的功架。枱子附近亦擺滿小植物點綴一下。一個人選擇不是很多！鹽拉麵＄68，已有叉燒及蛋。叉燒肥瘦適中，蛋系糖心蛋。以為鹽拉麵會較為咸，但覺得味道稍為偏淡，麵質亦彈牙，對我來說，很對胃口。餃子＄26，餃子皮很薄，有五隻分量亦不少！小店較為有趣，星期日及星期二會休息！

令人一試難忘既湯底。😋😋今次已經係第二次過嚟食喇，話說點解會黎呢度食都係因為有一次秀屏山想食肉餅餅，點知遲左黎，大排長龍就睇下有乜食。來過屏山食嘢嘅朋友都知道屏山一條村，距離市中心有一段路。所以冇得食肉餅，就同家人周圍睇吓有咩食喇。小町拉麵店位於小路，當初經過見到呢間鋪頭，裝修同位於東京既拉麵好似，有柔和既燈光又乾淨，咁就入左去試新野喇。一見餐牌見到有鰹魚湯底就即點黎食。湯底清又香，味道完全唔係味精嗰啲味，拉麵係幼條，但口感彈牙唔會太硬或者太(林)。薄切叉燒肥美，佢地有火香塊叉燒，所以連湯都有少少淡淡既豬油香。蛋就唔太穩定，我第一次去食係流心蛋，但今次去食就比較熟，冇流心喇另外要讚既係，叉燒飯。佢同拉麵一樣都係會少左塊叉燒先上。但要提嘅就係佢嘅燒汁，唔會咸但又釣起叉燒嘅味道。唔錯仲有係多春魚，小妹唔鐘意食魚，但呢個多春魚香脆唔乾身，唔會有魚腥味，唔係出面用鹽去蓋腥味，反而有多春魚本身既香味。呢個真係要試下。相比起頭先介紹嘅嘢食，山椒雞翼就比較遜色喇。但睇得出廚師嘅用心，雞翼開邊食起上嚟好方便。👍🏼但味道唔香，除左山椒，冇乜味，個人覺得一般。最後嘅蕃茄拉麵，麵都係好食，但湯底唔係太吸引。

今日family day ，遊走屏山，無意間發現呢間拉麵小店，一於就試下啦，點左2碗醬油拉麵（有2塊叉燒，1隻糖心旦），拉麵湯底唔算濃郁，味道剛好，店主推介山椒雞翼，味道十分特別先有檸檬味之後先有啲啲辣，雜菜沙律（自家制醬汁）不過不失，晚飯時間都有好多住附近居民外賣，店主都好細心先下單，煮好先致電客人再到店拎。呢啲就係小店人情味