招牌手撕雞

营业中

休息中

老闆態度親切  食物平價美味我是真心誠意推薦，我大概一周吃3次 因為真的很好吃 老闆也很親切I would highly recommend you guys to give it a try for its boneless hainan chicken or stewed beef brisket with rice, very delicious and always feeling joyful to see the owner (a decent lady and an uncle) wearing a smile.推薦。真心。

叫咗70蚊半隻雞加小食，然後再加20蚊多一味小食。返到屋企發覺得好少雞肉，應該只有三分一隻雞，仲要雜咗啲無肉嘅骨入去，等你睇落覺得個盒滿啲。半隻雞邊會有3條咁大嘅骨?之前幫襯嘅時候會雞肉一堆、小食一堆，今次全部撈埋一齊，要開盒先睇到得咁少雞肉…強烈建議大家睇清楚係唔係半隻雞先俾佢撈，因為撈咗之後又有小食同青瓜嗰啲，好難一眼睇得清有幾多雞肉喺入面。包裝嗰個位喺個高枱後面，佢做咗啲咩都唔係咁容易睇到。

份量太少，冇咩雞絲，加小食嘅海哲亦都得幾條好少，當飯食我個人食唔飽。味道亦一般，原味用雞粉撈，味精好重，食完好口渴。不過哩間個特價飯，有半隻雞夠晒飽肚，雖然都係味道一般，糧尾時候可以考慮下。

因為喺附近整啲野所以睇下呢邊有咩外賣可以order完辦完事即拎,OR見呢間咁多好評就試吓,叫咗去骨海南雞半隻加油飯,飯望落有啲怪,味道原來都怪怪哋,唔係平時食開嘅油飯味道啲雞望落幾得喎,如果可以滑啲就好了😅正常味道但有啲白切雞feel🤪

位於灣仔灣仔道嘅❣︎招牌手撕雞❣︎係一間主打做手撕雞嘅外賣店，除左主食，仲有飯盒，小食等等⋯⋯喺到買外賣lunch又得，買盒主菜返屋企加餸又得😜係懶人嘅最佳選擇😀❣︎招牌手斯雞❣︎(原味半隻)$55雞肉爽口滑溜，仲有大量芝麻同爽脆嘅青瓜絲，撕好晒嘅雞最岩我呢啲懶人食😆❣︎去骨海南雞❣︎（半隻）$55雞肉鮮嫩香滑，雞皮爽口，跟埋黑豉油同甜辣醬，超好送飯。❣︎紅燒元蹄❣︎$88元蹄燜得軟綿綿😋肉質鬆化入晒味，皮滑亮澤，仲跟埋隻滷水蛋。❣︎秘製豬手❣︎$55豬手炆得軟身又入味😋皮筋香黏，完全唔肥膩，花生大大粒好淋身。

難得晚上不用排練，今晚想買外賣回家吃，早點休。在灣仔工作完，順道看看有什麼可以買回家。這間賣手撕雞的店子好抵食呢，一於買些來做晚餐。買了去骨海南雞飯、泰色豬髀飯、手撕雞冷麵海南雞肥美嫩滑，非常鮮味；豬髀飯甚有驚喜，豬髀以鹵水炮製，非常入味而且撕成一塊塊豬髀肉，吃起來很方便，配上鹵水蛋很滿足；手撕雞冷麵有原味、香辣和麻辣可以選，今次試了香辣。雞肉非常入味而且不會鞋颯颯，惹味的冷麵加上青瓜絲增加了口感，吃起來亦加添了水份和清新感，很適合悶熱的天氣。另外還加了一份涼拌青瓜絲，麻油加上惹味的涼拌汁，跟三款主吃非常搭配😊

這間人氣外賣專門店位於灣仔，最近搬遷至灣仔道富利大廈，鄰近灣仔地鐵站，主打一系列港式小食。店內採用半開放式廚房，能觀賞到廚房環境及製作過程。午市時段設有優惠套餐，配油飯及包裝飲品。另外，亦有很多食品有優惠價錢。招牌手撕雞涼拌雲耳青瓜絲 - $55/半隻客家傳統美食，每日新鮮製作的手撕雞，雞肉嫩滑多汁，連雞胸肉也不乾柴，金黃色的雞肉肥美甘香，有清爽的雲耳及青瓜絲等蔬菜，陣陣惹味的麻醬很香濃。秘製豬手 - $33嚴選優質的豬手，以慢火炆至軟淋入味，有著豐富的膠質，秘製醬汁有點濃郁的南乳味，還有少少軟糯的花生。咖喱牛腩 - $55一粒粒帶有筋、肉、油花的牛腩，肉汁非常豐富，炆得非常軟嫩，濃郁的咖喱好入味，散發出惹人的香料及椰奶香氣。

又到左今日食乜好時間離遠就見到個紅色招牌有雞同手撕雞三個大字見佢價錢都幾經濟實惠冇骨海南雞飯只係$40所以叫左海南雞飯試吓油飯係我鍾意食嘅味道無骨海南雞份量都幾多而且近雞脾位滑嘟嘟正一盒飯一盒雞一定夠飽本身都想加個海蜇小食點知咁早就已經賣曬🥲最後揀左個豬耳夠爽脆再問下老闆有咩好介紹買多盒咖哩牛腩同涼麵番屋企加餸齊齊開心食牛腩都抵食肉量都幾多咖哩汁又夠香辣真唔錯自己買啲薯仔加埋落去咁就成為咖啡薯仔牛腩手撕雞涼麵都好鬼大份麻醬底再加微辣手撕雞麻香帶辣青瓜可清味蕾樣樣都經濟抵食又大份附近打工仔可以一戰👍🏻—————————————————————🔸 無骨海南雞飯 $40🔸 咖哩牛腩飯 $40🔸 手撕雞冷麵 $40🔸 豬耳 $35

今晚冇煮飯，去咗灣仔道買外賣回家，呢間招牌手撕雞 價錢唔貴，食物質素也不錯👍 都幾多人幫襯。紅噹噹的招牌好易認，一定不會錯過。🐓招牌手撕雞手撕雞撈埋青瓜絲及雲耳，味道清新，夏天好適合食👍。🐔去骨海南雞雞肉勁滑，小朋友喜歡食，含豐富蛋白質😁🐽🍖泰式豬髀味道幾正宗，豬髀肥美，炆得好霖。🐃咖哩牛腩咖哩香濃惹味，牛腩入味軟霖。下次會再嚟，買野返屋企加餸😁招牌手撕雞灣仔灣仔道62-76號富利大廈地下1A號舖

天氣慢慢開始熱 即刻想食返啲涼浸浸嘅嘢😛第一時間諗起手撕雞～咁啊放工又見到有間新開又抵食 即刻買返屋企做餸✔️去骨海南雞啖啖肉冇骨真係啱晒我～雞肉煮到恰到好處肉質好嫩滑有雞味 隻雞都算大隻 半隻已經好多配埋啲黑醬油同埋海南雞醬食一流最正係呢度比蔥油 唔係薑蓉好似又多咗一個口味咁😆✔️招牌手撕雞雞肉絲有啲大有啲細 配埋啲青瓜絲、雲耳、芝麻食落有唔同口感之餘亦都好重麻油香就算用嚟送飯 或者就咁食 都一樣咁正✔️海蜇呢一味就樣樣都爽口 都係一樣配有青瓜絲、雲耳、芝麻有別於手撕雞 呢一樣係連個海蜇都爽口海蜇條條粗身 食落好友咬口 醬汁唔會話好鹹其實當一個中式沙律食都正 感覺好清新呢度仲有好多抵食嘅組合除咗一般嘅涼拌菜仲有賣秘製豬腳、滷水豬手、冷麵等等勁多選擇 一定有一款會啱你食㗎😆

招牌手撕雞 ❤ 原味可以自選原味 香辣 麻辣，怕會太辣既我叫左原味。手撕雞既份量2人個人share岩岩好! 雞絲肉質唔嚡口，肥瘦岩岩好， 配料有青瓜絲同木耳，調味亦唔會太鹹，最後再落小小芝麻，好香口。去骨海南雞 ❤ 分別有辣醬 黑醬油 同 蔥蓉，雞皮薄得黎口感爽滑，雞肉夠鮮嫩多汁，零骨啖啖肉。配埋每款唔同口味既醬汁，惹味開胃。秘製豬手 ❤ 炆到好腍身，有肉有嚼口，夠哂入味，仲有粒粒大粒香口花生。留意返晚餐時間好多人買，想食其他款式都賣哂了，所以如果人多要加送既話，就早D去買喇!

招牌手撕雞 地址: 灣仔灣仔道62-76號富利大廈地下1A號舖=====================加餸食飯時間，成間舖叫招牌手撕雞，見新開張有優惠，一於幫襯支持下。開張優惠 $28 手撕雞飯 ，好抵食所以要介紹比大家，雞肉預先撈了青瓜絲，淡淡鹽水同芝麻香，正呀！細盒豬髀，肉質紮實，仲有雞，個汁用來撈飯食，超正。小食一盒盒$35 雞腎,細盒豬耳 $35,用來睇直播時再食。豬耳爽口，加了青瓜絲同木耳 有陣麻油香。

一直有幫襯「招牌手撕雞」，呢排佢搬舖到灣仔道，更方便又做優惠，A1/A2套餐分別有半隻招牌手撕雞/去骨海南雞配白飯，都只係$50，午市買飯正，放工加餸亦好掂！去骨海南雞飯（$50）雞肉鮮嫩多汁，皮薄肉嫩，配上香噴噴的海南雞飯，絕對是一道簡單卻美味的料理。餐廳還提供了辣椒酸梅醬和魚露，讓客人可以依照個人口味調配，這道去骨海南雞飯在味道和口感上都非常出色。泰式豬髀飯（$28）豬髀肉經過慢煮後，肉質鮮嫩多汁，且帶有微微的辣椒香氣。搭配上中式醬汁，帶點滷水味，味道更加豐富。飯粒蓬鬆，口感細緻，完美地吸收了肉汁和醬汁的風味。招牌手撕雞冷麵（$28）這道手撕雞冷麵是一道清爽又美味的夏季料理。麵條彈牙有嚼勁，搭配上鮮嫩多汁的手撕雞肉、脆爽的青瓜和新鮮的蔬菜，整體口感非常清爽。招牌手撕雞 (灣仔)地址：灣仔灣仔道62-76號富利大廈地下1A號舖

灣仔新開外賣專門店有港人喜愛的泰式豬髀、去骨海南雞、紅燒圓蹄、咖喱牛腩等等…手撕雞一隻都係$98/半隻$55（原味、香辣、麻辣）味可選原隻紅燒元蹄$88餐餐加餸都冇問題👍🥰招牌手撕雞/泰式豬髀飯都係20幾蚊雙拼（海蜇拼雞腎）～看似簡單，其實都要有相當功夫，雞腎口感十足，沒有怪味，海蜇爽脆彈牙，青瓜絲爽口，和原隻雲耳配搭一流👍泰式豬髀～帶有少少肥肉，咬落香滑，滷得非常入味🥰去骨海南雞～雞肉嫩滑，啖啖肉配埋甜酸醬，真係唔錯😄干咖喱牛腩～帶少辣，牛腩香腍，充滿馬來亞風味，配飯一流😋

📍 招牌手撕雞 (灣仔)灣仔灣仔道62-76號富利大廈地下1A號舖見到招牌有大優惠我雙眼發光✨✨✨，見到佢一個飯都係20幾蚊，📢📢📢半隻手撕雞都做緊優惠價只係$50 ， 📢📢📢📢喺附近做嘢嘅人買嚟外賣真係一流，雖然話開咗幾日，但係見到啲街坊同店主講都讚好，不停話佢大件夾抵食📢📢📢真係窮人恩物呀！👉 招牌手撕雞💰$50😋😋😋😋.8/5呢個價錢簡直平靚正，超大盒！我明明叫半隻，大盒到我以為一隻🤣🤣📢📢手撕雞係招牌，緊係必叫😋😋食肉質嫩滑，亦都唔會太肥，加埋青瓜🥒同雲耳，真係好好食🥹🥹調味亦都唔會太鹹，加左芝麻，同麻辣香味好好食😋👉秘製豬手💰28😋😋😋😋.8/5📢📢📢wa!!咁大盒都只係28蚊！無睇錯真係28乍！份量超多，而且味道仲覆勁好，好入味炆到腍身、軟硬度適中，又有d嚼口、加埋好多大大粒花生🥜😋😋😋😋👉 海蜇💰$50😋😋😋😋.8/5海蜇爽脆彈牙配上青瓜絲、雲耳、而且大大份，調味都勁惹味，正！👉 去骨海南雞💰$50😋😋😋😋.8/5份量夠大碟，隻雞雞肉好嫩，夠Juicy。配埋蔥蓉，黑醬油同埋甜酸醬，真係唔錯。回頭: yesyesyes，食物大份，價錢又抵，係打工仔同屋企加餸既好選擇💞✨😋