拾う月

营业中

休息中

想叫海南雞飯外賣，但冇曬，叫左個諗住快嘅肉碎飯，等左半個鐘先有，遲過我落單都快過我，仲要冇俾到餐具，真係唔識用手食，唔識包外賣，行到返公司、成杯野飲已倒瀉晒。果飯太淋啤啤，唔識煲飯？很好的體驗，真心冇下次；）

新蒲崗廣場二樓呢間舖位，入面有兩間食肆，一間日式，一間泰式，入到去坐低，先至決定食咩式，或者兩樣都叫，都幾過癮😆。睇睇 menu，泰式比日式平，再望望周圍，發現絕大部份顧客都食日式，呢個都應該係重要嘅指標🤔，一於叫個忌廉飛魚子醬三文魚牛油果 poke。Poke 係夏威夷魚生飯，用獨有嘅醬汁撈勻魚生嚟食，呢度嘅醬汁我估計係用咗胡麻醬，芥末，同埋 menu 寫嘅飛魚子醬等等嚟整，甜酸鹹鮮樣樣齊，味道既複雜又豐富。魚生方面份量都幾多，除咗三文魚之外，仲有三文魚籽，當中三文魚籽鹹香嘅鮮味，同 poke 嘅醬汁非常夾，好好食😋。至於牛油果，其口感同鮮味不嬲都同三文魚相似，撈埋一齊食，就係鮮上加鮮，超正😍。呢度其實主打居酒屋食物，下次要再嚟試試。

新蒲崗隱藏唔少好野食，今次約朋友來到新鋪崗廣場食日本菜。來到餐廳，變見和風設計既門面，另外有魚缸供賞魚。除了魚🐟，餐廳有櫻花樹。望下餐牌，食物選擇算多呢。火燒魔鬼魚鰭份量多，魚鰭條狀，微辣香而不焦。SPAM天婦羅這午餐肉天婦羅，平時少餐廳有得食，味道不錯，外脆肉香。串燒有四款:銀杏， 鹿兒島黑豚腩， 大蔥雞肉，燒雞翼。銀杏微香，熱烘烘，好吃😋。大蔥雞肉既蔥甜甜的，燒得剛好。雞肉和雞翼肉質嫩滑。鹿兒島黑豚腩口感佳，肉質保持肉汁。海堂牛肉丼，鰻魚丼鰻魚燒得好香，大大條，肉滑嫩，就連飯粒蘊藏鰻魚香。海堂牛肉丼方面同樣出色，牛肉多，肉質有口感，伴菜洋蔥甜甜的。

呢一間日本野好特別，係同另一間泰國餐廳同一個鋪位，本身之前果日食完泰國野，喺老闆家推介下黎試埋佢哋嘅日本野🙂佢地鋪頭都幾大，分開左兩邊，一邊食日本野一邊食泰國野，問過可以兩邊野食一齊叫都冇問題，一間鋪頭可以滿足到食日本野同食泰國野嘅願望，呢兩種菜式我相信亦都係香港最受歡迎嘅亞洲菜，佢地其實都幾有生意頭腦💯裝修方面亦都好用心，天花板掛滿一啲日式嘅紙傘，仲有棵櫻花樹，絕對係打咭位，亦播住日文歌曲，好有氣氛👺👹同朋友兩個開餐，佢叫左一個蔥吞拿魚蓉丼，我叫左一個角切魚生丼同埋兩件炸雞蔥吞拿魚蓉丼朋友話好好味，食得出係靚嘅食材，而我食嘅角切魚生丼魚生好新鮮，份量亦都好足夠，炸雞炸得外脆內軟值得一讚嘅係佢哋好一絲不苟，魚生飯會用番木嘅湯匙，其實呢一樣野係香港好多餐廳都忽略左，服務細心有禮，侍應會問我地啲嘢啱唔啱食，亦都多次幫我地添茶價錢係區內可能算偏貴，但係無論食物質素同埋服務絕對值回票價我亦都有問佢地拎夜晚menu黎睇下，佢地應該係主打串燒嘅居酒屋，遲d限聚解除後，一定會約埋成班friend黎食串燒飲清酒

新蒲崗好多穩世小店，今日就同朋友搵到一間穩世日本餐廳，係一個其貌不揚既商場裡🤣1. 雞泡魚乾食得多，呢個炙燒魔鬼魚鰭真係第一次見第一次食，香口過雞泡魚乾，送酒一流👍🏻2. 一口芝士配士多啤梨醬，未上菜之前，以為係芝士年糕啲朋友，點知係成件芝士上🤣🤣配埋士多啤梨醬一齊食無咁漏，好味3. 呢四串串燒都好出色，京都大黑本菇燒到入晒味，其他串燒都好香，最特別係個串燒汁，日本生雞蛋配醬油，發匀雞蛋同醬油，質感好滑，好易掛上係串燒上面4. 明太子醬炙燒三文魚丼，好香，丼飯撈左汁，唔駛落豉油都好夠味5. 角切魚生丼，魚生新鮮好味，同樣丼飯都夠味店員服務好好，主動加水，令我哋最意外既係見我朋友杯茶凍左，會倒左啲凍茶，加返啲熱既俾我地，好細心👍🏻👍🏻呢間小店會encore

正常都會去一啲隱蔽嘅地方搵吓有冇美食，今日嚟到新蒲崗呢一間隱蔽小店！👍🏻前菜燒雞泡魚乾，超耐冇食，一上枱超級香，口感幾好咬口！火炙魔鬼魚鰭（第一次食），同雞泡魚魚乾有少少似，但會更脆口一點！👍🏻串燒叫咗極和牛牛肋肉、鹿兒島黑豚腩串、牛舌、京都大黑本菇。 每一串都好夠腍，帶有炭火味，而且店舖落左鹽同燒肉汁塗上面層，令人食指大動，相當滋味。👍🏻丼飯燒肉丼（澳洲和牛），滿滿的一大碗，足哂料！熟成度剛好，保留肉汁亦都夠嫩。角切魚生丼，（叫咗少飯費事浪費）比一般食開嘅用料更加高級。除咗有三文魚、吞拿魚、鯛魚、仲有八爪魚同魚籽！壽司醋味拿捏得幾好，不會過酸。👍🏻👍🏻環境超級舒服而且相對寧靜👍🏻👍🏻雖然佢真係比較隱蔽，但係小店值得支持

呢間日本料理同事成日幫襯，我自己本身就每日帶飯返工，因為時間太急講朝頭早冇時間預備，所以聽佢地推介過去試下，鋪頭唔算太顯眼，喺一個商場嘅二樓，但係原來一出已經見到佢地，一去到已經見到個好搶眼嘅大魚缸，去到鋪頭侍應們亦好有禮貌去招呼我入去坐，鋪頭裝飾有啲好舊式嘅日式海報，好有氣氛因為本身係芝士控嘅關係，我揀左咖哩芝士豬扒飯，加埋沙律同埋湯都只不過加多8蚊,好抵食,個飯有勁多芝士，豬扒亦好大塊，炸得外脆內軟店員亦有細心推介餐牌上嘅食物，我食完亦都有主動俾紙巾同埋牙籤我雖然佢地戴上口罩，但係都感受到佢地親切的服務，無論食物質素同埋招呼我都好滿意，下次一定會帶埋屋企人再去試下

好耐冇去過新蒲崗廣場，估唔到開咗好多年嘅日本餐廳竟然變咗間黃店。最特別嘅係喺一間餐廳可以食晒日本菜🇯🇵同泰國菜🇹🇭！🥢火炙魔鬼魚鰭 $98燒得香脆香口，又有魚乾嘅甜味。配上帶唐辛子嘅蛋黃醬好夾。🥢雞泡魚乾 $98雞泡魚乾表面均勻地搽上蜜汁，喺烹調過程中吸收晒甜味。口感同味道都好似肉乾。淨食偏鹹但適合餸酒。🥢赤雞．雞胸軟骨 $38雞胸軟骨爽脆但比膝軟骨更為軟身，口感更勝一籌。🥢鹿兒島．黑豚腩串 $38油香重又冇羶味。配上燒洋蔥減低油膩感。🥢南部雞．手羽先 $38採用鹽燒製法，表面燒得金黃，乾身香脆。🥢極和牛．牛肋肉 $42軟腍肉味重，仲充滿肉汁。🥢燒肉丼 澳洲和牛使用 $118丼飯表面鋪滿半熟嘅燒肉。軟腍又帶有少許油香。伴上蛋絲、大蔥、沙律菜、生蛋黃，撈埋味道口感都好豐富。🥢鰻魚丼 $108鰻魚肥美誘人，成碗飯都淋上燒汁。只係缺乏漬物配菜，感覺較為單調。

唔講唔知原來新蒲崗廣場，除咗有重光便當之外，喺2樓重有一間隱世日本🇯🇵加泰菜黃店！！上到2樓，向右手面望就會見到「好運泰菜」門口，就係佢哋啦！馬上介紹下，有咩正野食先😍💛火炙魔鬼魚魚鰭💛（$98）💛雞泡魚乾💛（$98）送酒必備😆😆😆😆魔鬼魚鰭比較濃味～～雞泡魚乾軟軟地幾好食👍🏻👍🏻💛和牛牛肋肉串燒💛（$42）超！好！食！一定要叫！望個樣無特別，但一咬落去，係油脂爆發！！！！！牛味濃郁😍😍😍💛鹿兒島黑豚腩肉串💛（$38）燒得啱啱好！加埋洋蔥一齊食更滋味！💛手羽串燒💛（$38）雞翼唔乾！皮脆肉嫩！又大隻🥰🥰🥰💛三文魚腩串燒💛（$38）魚皮脆卜卜！加上嫩滑嘅魚肉！好正💛海苔和牛丼💛（$98）和牛燒得好惹味！加上海苔撈飯好正😍😍💛澳洲和牛丼💛（$118）和牛有超過8塊以上！粉嫩嘅和牛超正！加埋蛋黃撈飯一流！💛油甘魚刺身💛（$48）好鮮味！厚切！魚味同油脂感並重，好正！😢今日星期二，但今晚都係得幾枱人，希望可以更多人認識呢間餐廳！！！🥺大家去到新蒲崗可以去試下🥺🙌🏻拾う月地址: 新蒲崗崇齡街33號新蒲崗廣場2樓C39號舖電話: 23690738

新蒲崗廣場感覺比較似舊式商場，估唔到隱藏咗拾の月呢間日式餐廳係裡面。.照燒丼 澳洲和牛使用 $118厚砌和牛有5-6片，份量相當多，而且質素嫩滑，牛肉用照燒嘅方法烹調，令到牛肉更加入味。另外丼飯配有生雞蛋，伴飯一起食更加鮮味。鰻魚丼 $108鰻魚好厚肉，食落啖啖肉，而且鰻魚完全無骨，可以放心大大啖咬落去，鰻魚汁味道調教得剛剛好，唔會太甜太漏。整體好好味，但如果飯多啲汁會更加好。雞泡魚干 $98見到有雞泡魚干比較少見，所以好奇試一試，成個口感好似食緊牛肉乾，微微甜味，好好味，另外配有少少辣嘅沙律醬，都相當特別。鹿兒島·黑豚腩串 $38、牛舌 $42、南部雞·手羽先 $38、三文魚腩 $38黑豚抐肉食落肥瘦肉比均衡、牛舌好爽口好有肉味、手羽先外脆肉嫩、三文魚腩新鮮肉質結實。

🍴芥末八爪魚 HK$28一入口芥末味瞬間爆發，少少刺激唔攻鼻，八爪魚柔軟得黎唔會太腍，醒胃醒神。🍴自家製辣油凍豆腐 HK$38望落去表面成層辣油，以為會勁辣，但食落只係微辣，秘製辣油香多於辣，仲混合左脆蒜，令嫩滑豆腐多一重口感。🍴極和牛。牛肋肉 HK$42、牛舌 HK$42、南部雞。雞心 HK$28、自家製。免治雞肉串 HK$38極和牛肉味同油脂平均，牛舌又腍又甘香。雞心用蜜糖燒製，甜美。免治雞肉串唔會一咬就散開，同蛋汁真係絕配。🍴燒肉丼 HK$118食完極和牛，今次到澳洲和牛，燒得好靚，中心呈粉紅色，牛味唔錯帶嚼勁，蛋汁除左點雞之外，配牛肉亦都係非常滋味。🍴角切魚生丼 HK$118角切魚生雖然未必係上盛部位，但味道都唔錯，份量亦唔少，撈勻之後啖啖飯都食到魚生，滿足。📍拾う月新蒲崗崇齡街33號新蒲崗廣場2樓C39號舖

讀書時都成日在新蒲崗周圍走，今日再次來到，好多食肆都轉變了，而拾う月便是朋友介紹一齊聚聚的居酒屋。餐廳走著簡樸，貼上不少電影🎬海報，令人感覺回到往日的光影。芥末八爪魚看似簡單的芥末八爪魚，一食已食到芥辣的味道，而又不會搶去了八爪魚鮮味，爽口彈牙，非常開胃。雞泡魚干魚干呈金黃色，油脂清香，肉汁豐富，口感煙韌，食到停唔到口。極和牛．牛肋肉牛肋肉油香爆棚，肉質彈牙多汁。牛舌 牛舌牛味濃郁，口感軟腍香口。燒雞翼雞翼外皮燒至金黃色，非常香脆，而雞翼肉質還能保持嫩滑，有彈性。雞腎雞腎以椒鹽調味，味道口感彈韌有嚼勁，味道滋味。角切魚生飯角切魚生飯非常豐富，當中已包含了幾款新鮮魚生，如三文魚、吞拿魚、八爪魚、三文魚籽、帶子等等...真係一次過就滿足了幾個願意，真係幸福滿瀉。

想不到平民商場裡隱藏了一間誠意爆燈的高質日式居酒屋，食物水準高價錢又親民，還免加一服務費，絕對是良心小店！餐廳環境富和式格調，坐得舒適。店員們的服務態度佳，有禮而殷勤，送菜速度又快。芥末八爪魚滿滿一碗，混合了青芥末、新鮮嫩滑又彈牙的章魚和鹹香的配菜，入口有強勁芥末味，刺激過癮，大開胃口。燒一口芝士配草莓醬好有驚喜，芝士質感軟身滑溜，容易入口，味道很香濃，奶味重但不會好膩，與草莓醬出奇地合襯，其草莓味非常香甜，令芝士加添清新感，別具特色。各款串燒超有水準，絕不欺場，全部即叫即燒，火喉控制得超好，調味亦好出色。極和牛牛肋肉生熟程度恰到好處，肉質很嫩滑又多汁，肉味濃郁又富油香，令人一吃難忘！牛舌肉質十分爽口嫩韌，而且油香豐滿，肉味又香濃，猶如和牛般的味道令人讚歎。赤雞雞腎非常爽脆，超有嚼勁，完全不乾不嚡。三文魚腩外皮十分香脆，肉質嫩滑，充滿油香，啖啖滋味。明太子醬炙燒三文魚丼大有驚喜，三文魚舖滿整碗飯，魚肉燒得恰到好處，肉質得以保持嫩滑之餘還滲出啖啖油香，入口即溶，與明太子醬完美融合，美味得很！角切魚生丼份量十足，色彩豐富，有三文魚、吞拿魚、劍魚、八爪魚等多款刺身，新鮮嫩滑，再加入魚籽、青瓜

有一日放工唔係好想返屋企食飯就同老公黎到隱世在舊式商場既居酒屋食店，。呢度比我印象呢度既客路大多數都係街坊，所以店員們個個都親切既。小食：食左個愈食愈想encore既芥末八爪魚同蕃茄蜜糖漬，感覺好似好健康咁串燒：我老公揀左兩串都係牛肉，仲要係極和牛牛筋，對佢黎講簡係經濟式享受高級和牛既感覺。我點既免治雞肉串，加埋燒汁同蛋黃都不錯。熟食（飯類）老公好滿意既肥美鰻魚飯,而且個肉都幾juicy。我就點左個角切魚生飯，每件細細地既魚生粒比我感覺係食極都唔夠仲想encore 多d魚生。

呢日夜晚，同屋企人去左屋企附近呢間日式餐廳到食dinner。打開餐牌，見到呢度有好多唔同種類既日本菜，望落去好吸引。小食方面，我地點左蕃茄蜜糖漬同埋辣油豆腐。蕃茄蜜糖漬甜甜地，又幾清新。辣油豆腐幾惹味。主食方面，點左海鮮丼，呢個海鮮丼入面有好多唔同既魚生啊，有海膽、三文魚、吞拿魚、海蝦、帶子、三文魚子等，勁豐富！魚生非常新鮮，最鍾意就係海膽，肥美濃郁。另外仲有忌廉飛魚子醬三文魚牛油果Poke，成個碗都佈滿粒粒三文魚，底層有creamy既牛油果，再加埋啲沙律，好健康。呢度既串燒都唔錯，誠意之作。