拾う月

营业中

休息中

店鋪位於小商場之角落, 夠安靜, 見其門面裝潢精緻, 食日本菜, 約閨密到來一試。入到店內桌面有兩份餐牌, 分別是泰菜和日本菜, 今晚一心想食鍋燒物, 下次要試試泰菜。餐牌寫壽喜燒鍋($198)是二人份, 以兩位女子細食的份量足夠, 若情侶二人則可能要多點一客粉絲及小食。壽喜鍋當然少不了牛肉, 肥牛夠薄, 脂肪比例適中, 雪花均勻, 灼燙後唔韌, 值得推介。另一推介是作為主食的粉絲, 一入水即變得晶瑩剔透, 入口彈牙有咬口, 其實多點一盤我都應該食得下^^點了兩杯飲品, 龍眼冰和椰子冰(@$24), 正常的甜。總體而言, 餐廳食物質素屬中上, 最最重要的是價錢屬平民價, 沒有加一, 性價比高。

拾う月 壽喜燒牛肉鍋壽喜燒牛肉鍋牛肉片非常新鮮嫩滑，滾燙後快速煮熟，保持咗肉質嘅鮮美，點生雞蛋仲正。湯底嘅味道鮮甜，充滿香氣。湯底中加入蔬菜，豆卜，豆腐，冬菇等配料，令口感更豐富多樣。加入東粉，吸收牛肉鍋精華，更飽肚滋味。炸餃子炸餃子外皮金黃酥脆，內部則是鮮嫩多汁嘅餡料。餡料口感豐富美味。豬肉、蔬菜同香料，口味均衡。搭配上醬料，更加提升風味同層次，係唔錯嘅開胃小食。鯛魚燒鯛魚燒係一種傳統嘅日本可愛甜點。入面嘅餡料係蛋奶糊。鯛魚燒嘅麵糊外層酥脆，內部鬆軟，口味甜蜜。龍眼冰一杯冰凍嘅飲品非常配合食壽喜燒。龍眼果肉帶有微甜嘅粒粒口感，清新涼爽，瞬間降溫。

星期五晚，去到新蒲崗廣場開餐。天氣開始轉冷，想暖暖胃，點了泡菜豚肉鍋，侍應隨即送上爐具、蔬菜和豚肉。火力夠猛，火鍋瞬間滾起，不用久等。以泡菜調味，整個鍋帶着辣香，更加暖胃。蔬菜種類繁多，包括金菇、大葱及香菇等等，顏色和營養均衡豐富。豚肉肥瘦比例恰到好處，肉質嫩口，份量亦多，以泡菜調味，垂涎欲滴。炸餃子共有四隻，上碟賣相精緻，香脆可口，配合他他醬，味道更加豐富。珍多冰椰香吸引，配料富有嚼勁。活乳酸梳打味道醒神，吃著帶辣的火鍋，配着活乳酸梳打，特別清新。

上次食過泰餐，比想像好好食，有點正宗。仲介紹左比同事，幾天後他們都幫襯一下。今天但下午嘗試食日式午餐生姜豚肉飯呢間用日本大米，特別粗粗的！用筆紙來溝通即叫即付款但唔知點解店員見到我又再用筆紙態度大轉變😓，好像覺得我好麻煩咁⋯（上次叫泰餐時，佢只講左「沒有」而唔講「無」的口形，所以睇唔明佢講咩⋯ 🫤）為左支持黃店（依家好快無哂黃店，所以要珍惜）懶得理佢的態度，重點係食物質素係點樣⋯ 事實幫襯咁多間黃店，每間有禮貌，又知口罩問題而睇唔到口形就提醒可用whatsapp 來叫外賣都得，可惜呢間第二次被對待咁樣的態度 🥲外賣自取後發現包裝咁靚，就好期待味道的質素。回到公司才發現，佢無比我筷子或其他的😢😢 差點無得食⋯ 幸好有別家的留下的新筷子可用⋯ 唔知係咪有心對我咁 😢打開盒就好鬼香烤豚肉，洋蔥好大姜汁味呢間廚師真煮得好好，原本以為係和其他唔正宗或快餐店一樣的煮法⋯ 結果似日本咁煮法，真好好食。份量又剛好，若過量的話，會食唔到。味道佳，包裝靚，下次會再食👍🏻可惜付款的店員態度唔好，食兩次都係咁。可能下次叫同事一齊的話，就幫我買埋⋯ 因為唔想見到負責收錢果位⋯ 若食物質素下降的話，唔會再幫襯啦！

呢間其實係位於新蒲崗廣場嘅日泰餐廳🇯🇵🇹🇭餐廳有齊日式同泰菜menu🤩而且無論日式定泰式都一樣好汁🙌🏼今日食呢個泡菜豚肉湯烏冬豚肉份量好多👏🏼湯又夠熱👍🏽好好食🤤其實佢地嘅泰式船河都好好食同事話日式飯同泰式炒粉都不錯呢間餐廳已經成為左我地飯堂😂😂😂📍 #拾月 (#新蒲崗)新蒲崗 #崇齡街 33號新蒲崗廣場2樓C39號舖美味指數：☻☻☻☻☻抵食指數：☻☻☻☻☻性價比： ☻☻☻☻☻

呢間餐廳喺新蒲崗商場既2樓角落，位置唔算顯眼，當日星期日1點左右去到都唔駛等位~ 四色刺身定食 ($118) 🐟 呢個刺身定食都算抵食，我最鍾意佢既赤身，肉感厚實，唔係好似啲平價吞拿魚嘅橡膠口感~食落有好濃嘅吞拿魚味但唔會腥~🤩其他刺身都新鮮，三文魚肥美，油甘唔腥又肉厚，帶子都鮮甜既~👍🏻 蟹肉冷烏冬 ($71) 🦀 冷烏冬撈埋芝麻醬係好食既，但烏冬略嫌可以再腍啲；蟹肉都算甜同有蟹味，但有小小鞋口。整體都算好食嘅~😎 .呢間小店有日式又有泰式都幾特別，價錢唔會話好貴，值得支持~❤️❤️❤️

朋友介紹話新蒲崗廣場有間泰菜加日本菜，第一次去果陣，見到個商場真係好功能性，有清晰目標先會去，例如搵食。商場入口右邊搭lift上二樓會容易啲，見到大魚缸就係。枱同枱之間都有啲距離，同朋友嚟傾下偈食飯都舒服。日式泰式 menu 一次過比晒你，之前食過泰國菜，今次食日式。天氣有啲熱，朋友未到叫咗杯茉莉花梅酒飲住等，唔太甜又香，我哋坐咗好耐，各自都飲咗幾杯。叫咗兩個丼飯，好新鮮，賣相幾靚，加$8有湯有沙律，而且服務好，可能唔算太多人，我哋食完唔走傾下偈都仍然好勤力添茶。新蒲崗廣場隔離有停車場，不過好似好少位，泊 Mikiki 行過去五分鐘左右。

星期六去咗新蒲崗搵朋友，佢帶咗我去咗間街坊店，店內一邊係日本餐廳，另一邊係泰國嘢，Menu可以互通。不過我哋嗰日想食日本嘢，所以就淨係叫咗日本Menu。咖哩芝士豬扒丼 $71古列豬扒都大件，炸粉脆脆，豬扒唔算好厚身，但係都OK。芝士有拉絲😍軟綿綿，配埋日式咖喱汁佐飯好味😋四色刺身定食 $118魚生都幾新鮮😋三文魚肥美；吞拿魚雖然係赤身但係冇筋；油甘魚質素都OK；帶子都有兩粒。自家製 免治雞肉串 $42串燒都幾出色，免治雞肉串燒得好香，有少少雞軟骨顆粒，好有口感，點埋個蛋汁，正👍🏻餃子兩件 $13餃子炸得脆，正常出品，好食😋鯛魚燒 $28最後甜品食埋鯛魚燒好滿足，呢個鯛魚燒幾特別，裏面係年糕麻薯加吉士🤔幾好味😋

位置係有啲刁鑽，但唔算難搵。電梯上兩層，即圖書館下面嗰層，轉右又轉右，盡頭見一大缸靚靚「咁你」就是。原來係日、泰兩食。主要想日食，所以只睇日本咩料。串燒都係日式串燒輕巧三件裝，幾鍾意黑豚肉紫蘇卷陣味。平時用紫蘇葉煮海鮮為咗解毒，依家襯豬肉個作用變咗解膩，類似百里香之類，不過紫蘇就較軟身方便吞埋。另一串係牛肋肉，外熟內生，味道可以，相對就顯得較普通。和牛烏冬賣相都幾嬌嫩，類似越南生牛肉河粉，只係轉咗稍為厚身大片嘅牛肉片、稻庭烏冬，調味各樣都ok，係略嫌有啲細碗。親子丼，玉子都細碎混和咗切粒雞肉，滑滑溜溜幾頂到肚，反而飯量就稍多。油甘肉刺身俾咗唔係近魚皮位置，比平時食開減腥。

鋪頭係舊式商場二樓角位唔特登搵真係唔會搵到黎哩度星期六既晏晝時間都有午市餐牌提供嗌左兩個定食同小食———————————-四式刺身定食（$118）有四款魚生 分別係三文魚 油甘魚 帆立貝同赤身厚切得黎幾新鮮伴碟小菜送左個蕃茄仔 用蜜糖醃過 甜甜地幾特別燒肉丼（$95）餐牌寫明話係用左澳洲和牛份量唔少 牛肉味道頗為濃郁和肉就燒到半熟另有香葱 生蛋黃同蛋絲可以用黎拌飯軟殼蟹天婦羅（$78）金黃香脆唔油膩———————————-性價比唔錯 下次黎可以試埋個泰國菜menu

成日聽人講新蒲崗多美食，不過自己不常去，是日朋友帶路，才知這區也有日式餐廳，而且還可點隔鄰泰國餐廳的菜式，有新意。枝豆 - 先來個小食，稍稍調味下酒一流。鰻魚丼 - 鰻魚十分厚身，掃上醬油燒至香噴噴，肉質嫩滑，配上日本珍珠米，食不停口。泡菜豚肉丼 - 用上鹿兒島豚肉，加入泡菜及洋蔥炒，洋蔥炒至焦糖化，再鋪上蔥和黑芝麻，輕微的辣十分惹味。串燒 - 還點了四款串燒，有嫩滑的大蔥雞肉、辣油燒茄子、冬菇及多汁的翠玉瓜，一人一件淺嚐夠過癮。丼飯味道出色，下次試試其他菜式及泰菜!

新蒲崗係老公兒時成長嘅地方，佢特別鍾意喺度懷緬過去，哈哈或者年紀大左啦～新蒲崗廣場呢啲舊式嘅廣場真係好多回憶，差不多好多店舖都閂曬門，係我哋呢啲老人家就鍾意懷緬過去，喺度行下當然唔少得要食餐晚飯啦。上到二樓有間"拾之月"食日本菜呢！雖然不太肚餓，老公又中意食日本菜，這兒除了堂食連外賣都好多客喎。😊於是便坐下提早晚餐了。侍應生好有禮貌，環境都好日本feel呢。由於不太肚餓，選擇份量也不太多。鰻魚丼$98鰻魚肥美豐厚，肉質嫩滑，啖啖肉入口完全無骨配日本飯甜甜味超好味～鮮味到呢！(推介)😋👍牛舌$48兩大件，好重油香味，牛味濃，少許油膩感三文魚腩(串燒)$38有三件，肉質結實又嫩滑，三文魚腩豐富又 juicy 八成熟啱啱好，感覺魚腩油香味濃。白桃梳打$24泰象/Singha$38老公鍾意飲啤酒，泰象啤好抵大大支夠凍，餸魚腩，牛舌一流。👍最後都係想食兩個甜品~豆腐雪糕$24芝麻雪糕$24豆腐雪糕好滑，仲有大大粒嘅紅豆蓉。芝麻雪糕好香滑，芝麻味濃。講真坐低食嘢真係唔覺得呢度似新蒲崗，因為環境氣氛都好舒服幾新時代㗎，都是一個好享受地方。

我一向鐘意行小店上星期日去新蒲岡商場行咗陣有間賣日本精品嘅小店都幾正😍行完順便去哩度嘅日本餐廳食埋嘢🔸澳洲和牛燒肉丼 ($118)牛肉燒至半熟，外香內軟，都唔錯。仲有D燒汁令味道更香。飯係用日本米，粒粒分明。🔸稻庭烏冬($38)當日落好大下，涼涼地所以食碗熱烏冬，烏冬好煙韌彈牙又滑溜，湯底就係清清地嘅醬油湯底。🔸日式唐揚炸雞($48)🔸炸餃子($38)2款都係即炸，熱辣辣好香口，點埋沙律醬食唔錯。🔸泰國黑咖啡($20)🔸泰象啤酒($38)咖啡係凍的，飲落都幾濃，但略甜。

朋友介紹新蒲崗附近有一間日本料理，鍾意食日本菜嘅我當然要去試一下。餐廳位於新蒲崗廣場2樓。多款日本菜式可供選擇。SPAM天婦羅用上午餐肉，大大粒，外層酥脆，充滿肉汁。汁炒牛舌丼牛舌厚實多汁有口感，米飯吸收了肉汁，粒粒飽滿。明太子醬炙燒三文魚丼三文魚肥美新鮮，充滿魚脂香，與明太子醬鹹香味十分配合。鯛魚燒外型吸引，大細適中，酥脆的外殼，內餡綿密香甜。棉花糖銅鑼燒銅鑼燒餅皮的軟綿，棉花糖內餡，口感鬆軟綿密。

 今日到新蒲崗好友店鋪購買茶葉，順路在「拾う月 」吃日式午飯。家人的咖哩芝士豬扒丼和椰汁冰，很足份量的豬扒丼，吉列豬扒香脆鬆軟，芝士仲可以拉絲，對芝士迷很有滿足感，還有滿滿的咖哩汁拌飯吃。我的和牛烏冬，和牛肉味特濃，肉汁鮮美，令我胃口大開，烏冬爽滑帶輕微嚼勁口感，它是很優質的烏冬，我選擇的白桃乳酸梳打，很清新的白桃香味，配合乳酸凍飲十分可口。點餐的時候留意到甜品種類很吸引，先嘗花形泰式千層糕，味道清香微甜，添加椰奶味覺更感錦上添花。略甜的棉花糖銅鑼燒也不賴，軟糯的紅豆夾鬆軟棉花糖，甜甜蜜蜜的為我們午餐劃上句號。