影片
营业时间
今日营业
11:00 - 22:00
星期一至日
11:00 - 22:00
*最后落单时间: 21:15
以上资料只供参考，请与餐厅确认详情
相关文章
琴日终于嚟食到大名鼎鼎嘅挽肉と米！男朋友做一个星期假定闹钟book枱，book咗琴日嘅晏昼两点。其实我𠮶阵时隔咗10分钟再去睇个website都仲有位🤣而家应该冇以前咁难book-一去到门口就有大约10个人排队等Walk in，book咗枱嘅好处就唔使天时暑热喺度干等😛入到去有部自动点餐机点餐，我哋就叫咗两个set、一个薯仔沙律、一杯生啤、一杯冻乌龙茶一坐落嚟，店员就会问你有冇食过。我哋第一次食，就介绍咗少少食法同埋有啲咩配料，同时都有张纸仔俾你望住每个位置都可以见到师傅喺度烧汉堡扒，烧㶶咗𠮶啲佢仲会抌咗佢🥺（心谂可唔可以俾我食😆）首先嚟咗个薯仔沙律同埋两杯饮品。薯仔沙律落咗啲吞拿鱼蓉同埋洋葱，个人认为偏咸，配埋饮品就刚刚好，但我觉得就唔洗试都得一个餐总共有三旧汉堡扒，食到最尾唔够你都可以出去点餐机再加汉堡扒都得😋师傅𠮶边有个wooden block mark住你食剩几多嚿不得不说，个汉堡扒外皮少少焦脆，一咬开入边好多汁Juicy，调味都刚刚好，一开始食觉得唔使点任何调味料都其实已经好够味👍🏻-因为食三嚿汉堡扒，每嚿都就咁食就有啲寡，所以其实调味料都好紧要！！我每一只调味料都试咗，我最钟意都系豆拌酱油+蒜碎😋我男朋友就强烈推荐豆拌酱油+蒜碎+油渍青唐辛子，无论系配汉堡扒定系捞饭食都好惹味👍🏻最后𠮶碗白饭攞咗只蛋嚟捞饭，记得要分开蛋清同蛋黄，净系用蛋黄嚟捞饭就够啦～如果唔系个饭就会太湿。蛋黄都系推荐加埋豆拌酱油同埋蒜碎一齐捞饭，超好味，食10碗饭都得-总结：一开始好肚饿，觉得自己可以食4块汉堡扒（本人都算系大食个边），但最后食完3块其实都好饱（我每块汉堡扒都配一碗饭嚟食）。所以建议大家食完先再谂使唔使再加点汉堡扒～如果book咗枱嚟嘅话，我觉得非常值得嚟食！要排队就不了～不过而家咁易book枱，我觉得都可以再encore
继续阅读
终于扚起心肝1星期前嘅早上10:00上网订位，一早预备好姓名、电话、电邮、信用咭资料。但过程都唔系太顺利，原先拣左理想嘅时间7:15pm，但入完信用咭就弹出画面所选时段已经无位，再重新拣左8:00pm，又再重入一次资料，终于成功。睇返订位网，大概10分钟时间，即系大约10:10am，较理想嘅午饭同晚饭时间都已经full左，所以大家预约记得要把握时间。餐厅位置对于唔熟悉IFC嘅我真系有d难度，因为揾唔到指示点样上天台平台，用埋google map由中环码头到餐厅，用左廿几分钟。提醒同我一样唔熟悉IFC嘅食客记住预留时间到达，因为餐厅只留枱10分钟，迟过10分钟会当no show，cancel 。到达餐厅，门口都仍有人等walk-in入餐厅，到我地离座时都见到有大约3对couple 可成功入座。我地入到餐厅根据店员指示先向左，行到自助点餐机，自选食物、饮品及付款，然后先正式入座，开始朝圣之旅。吧枱设计让你可以清楚看到烤汉堡扒嘅过程，亦方便与店员沟通、要打卡亦容易；但系坐就唔算太舒适，建议轻装嚟食，因为无咩位可以摆手袋，大褛亦只能挂喺餐厅侧边嘅衣帽架。店员服务非常好，会先讲解鸡蛋、水嘅自助位置、餐枱上及坐位前柜桶嘅摆设。期间亦可轻松叫到店员帮你加饭。总共有3件汉堡扒会逐一奉上，第一啖汉堡扒根从建议直接享用，但温提系要温柔地咬，因为肉汁真系好丰富，慢慢嘴嚼先可以感受到肉汁慢慢流入喉咙嘅滋味，牛味极浓郁，油脂香浓而唔腻，再放回饭面，试吓唔同嘅调味，个人就觉得配埋最简单嘅盐，就已经可以令肉味更突出。而配上生酱油就令肉汁味更浓，捞饭就更好食。第二件汉堡扒根据指示配上萝卜泥及柚子醋，可能已经无左第一次食嘅惊喜，味道依然系好食嘅，但说不出特别好味之处，唯一可以讲到系萝卜泥味道几鲜，水份充足，混合多汁嘅汉堡扒一齐食令浓郁嘅牛味稍稍中和了，混和白饭一齐食，反而突出了饭香。最后一件汉堡扒建议混和生鸡蛋一齐食，朋友唔系咁好生鸡蛋，所以感觉麻麻。我自己就几钟意果种滑滑嘅质感，不论系肉或者饭，沾上蛋液后都更易入口，美中不足系鸡蛋没有预期嘅超级蛋香，稍稍扣了分。不过配埋生酱油一齐食，淡淡嘅咸香又可以令鸡蛋、肉汁、肉碎、饭，四者味道完美融合，既香且浓，因为蛋液、酱油嘅缘故，令每一啖入口更湿腍，感觉肉汁变得更厚。整体评价系好食嘅，汉堡扒(其实佢厚身嘅程度，我觉得形容为大肉丸会更贴切)烤熟嘅程度掌握得恰恰好，外层微焦更脆口，而咬开又会见到微微嘅嫩粉红色，肉质嫩滑。采用了日本米，饭香果然系特别易辨识到，而且入口非常软糯，配上肉汁丰溋嘅汉堡扒同食系会忍唔住食到两至三碗饭。店员个个都非常有礼，面带笑容，令整体用餐气氛融洽。但系坐位设计唔会适合chill & relax，以及进食嘅繁忙度(意指要品尝不同食法、不同调味配搭)令整体嘅感觉会好似有d催赶咁，纵然店员唔会催还枱，但系就系感觉无办法慢慢叹。
继续阅读
汉堡扒造得很好！脂肪和肉的比例恰到好处。自家制的醋汁很配合汉堡扒。价钱也算合理。环境很开阳，能够看到维港景色，我觉得坐得舒服过海港城店。问题是他的订位系统及订位制度却极需改善！首先IFC 店即日临时取消要收高昂的罚款已是极不合理！又不设改期。香港人工作繁忙，即日临时有事去唔到预约餐厅食饭实属常事。你要明白大多顾客都唔系有心失约！而且你间铺由开舖到収舖都长期有大批walk in 客喺外面排队。跟本不构成因预约客人失约而度至餐厅空置坐位或浪费已预备好的食材。
继续阅读
今日决定一试这间名店，亦一早在网上book了位。店装修比较豪华，有衣柜帮你放袋。座位是吧台，套餐是汉堡扒三块，秋田米煮的饭及面豉汤一碗，台侧有几种调味及豉油，有渍白菜。汉堡扒即烧即上，肉汁满滴而肉香足够，白饭晶𤯵，味道真的很好。
继续阅读
一早喺日本食过😌非常记得𠮶阵时落大雨我同朋友冒雨攞筹排队就系为咗食呢一嚿汉堡扒！😝佢地插旗香港终于唔使飞去日本食喇避开咗佢哋一开舖𠮶阵嘅墟冚而家嚟食时间啱啱好无痛book到枱😉😉😉地区黎讲有IFC靓景加正宗日本餐呢个组合已经算非常唔错价钱仲要百几蚊搞得掂🙂真正做到价钱平民但又略带高级享受基本上成个体验同喺日本食一模一样一样有厨师哥哥喺你面烧汉堡扒俾你食一样有热辣辣珍珠大米（任添）一样有超creamy 日本鸡蛋捞饭（一只）不过如果女仔嚟讲斋食肉其实系有少少漏同闷而且又冇其他特别小食或者配菜可以拣只系得薯仔沙律同泡菜𠮶啲仲要加钱添而个个set都系一模一样三件汉堡扒就系咁多喇变化上嚟讲系有啲少但个汉堡扒都烧得几香嘅我自己一个食咗三碗饭先够饱😅😅所以黎呢度我觉得真系食个日本风嘅体验唔能够经常过嚟半年食一次都已经够晒皮😌
继续阅读