挽肉と米

营业中

休息中

位於中環IFC的這間餐廳是近期的城中熱話，而且還頗難訂座。挽肉と米是一間來自東京的人氣炭火現烤漢堡扒專門店。每日上午10點開放7天後的單日網上預約名額，最終我是訂到平日16:00的時間。在門口位置有個預約報到區確認訂座，進店時先用自助機落單和付錢。之後將票給店員便會安排座位。另外桌子有勾可以用來掛袋子。餐廳採用開放式設計，但抽氣做得很好，所以不會有煙味，亦能看到燒肉的過程。店員會詢問是否第一次來用餐，是的話會簡單介紹一下。在抽屜會有張紙寫了建議享用方式和有什麼配料，記不住店員說什麼也不怕。如果想將所有配料都試勻，可能要追加漢堡扒或是再來吃過 (笑)挽肉と米套餐 (HKD 138) 整間餐廳就只有這個套餐，會有可免費添加的現煮白飯、味噲湯和雞蛋一隻。雞蛋要自己在餐廳中間拿，白飯的話則是和店員說會幫你添。漢堡扒最多有三件，每件90克。燒好後會放在我們面前的燒烤網上。第一件漢堡扒會建議在不添加任何配料下吃原味，外層是炭火的焦香。燒得剛好，漢堡扒紮實得來軟嫩亦有滿滿的肉汁，還有洋蔥香。第二件漢堡扒會是配以蘿蔔泥和自家製柚子醋一起吃。酸香的味道減低了吃第二件時的油膩感，我自己也滿喜歡這清新可口的

book咗呢間嚟食lunch😋(book咗唔使喺門口排隊，每日只有8個Walk in位，所以唔book根本冇機會食到🤪）我見本來有5-6個人排隊，後尾全部都放棄走咗上完堂之後，我就嚟IFC，嚟到入門口登記，好快就on time 入去，先喺門口點餐機選擇嘢食，$138（包3件60 G嘅漢堡，麵豉湯，一隻雞蛋，白飯任裝）我哋每人再加多一件漢堡扒$35😇買完，職員就會安排座位，再簡單介紹食法1. 建議原味就咁食⭐️⭐️⭐️⭐️⭐️2. 漢堡點蘿蔔泥+柚子醋食，酸味味，好好味⭐️⭐️⭐️⭐️⭐️3. 生雞蛋+漢堡拌飯食⭐️⭐️⭐️⭐️⭐️生雞蛋好實淨，又有蛋味，撈埋啲飯一齊食好好食😋😋我連埋蛋白撈落去，所以蛋黃企唔到，下次淨係放隻蛋黃落去，應該OK嘅😁☺️用秋田縣既米有飯味，煙煙韌韌，我添食咗三碗🤣😆因為我哋加多件漢堡扒，所以最後一件我用返原味食，食完好滿足，好飽😁😆 職員每次煎之前都會將漢堡搓圓撳扁拍拍手，好好笑😜再叫咗杯檸檬梳打，酸味味又好飲😋😋呢間可以encore🥰🥰📍 挽肉と米 中環金融街8號國際金融中心商場4樓4011號

講起很多餐廳，都會有呢間餐廳我想食咗好耐呢句嘢成日掛喺口邊，決定開個series，介紹下自已嘅wish list。東京試過一次想去，唔知醒攞唔切飛。第二朝想去，可惜時間關係，去咗另一間排隊分店，結果擦身而過。香港開左後，成日想book都book唔到，往往開放訂位時都係番緊工，好難訂。可能因為熱潮開始過去，終於容易訂啲，唔算太難就喺網上面撳到有位。呢度係挽肉と米 。未有機會去東京，照殺住先，$138的價錢，雖然唔係話超級好食嘅驚喜，但係以即叫即做嚟講，都值得收貨。第一件食原味，第二件食醬汁加蘿蔔蓉，第三件加蛋，我個人覺得最出色係第二個食法，如果加蛋嘅話絕對要加多碗飯，千祈唔好嘥咗靚靚嘅蛋黃。仲有大推佢嘅MOU先生的特製麻辣粉，牧民族常用於肉食的香料，加上泡莱常用的唐辛子為基底，風味令人上癮，同內蒙食過嘅辣粉都差唔多，真心同肉類絕配，而鹽漬檸檬仲結合鹽漬檸檬的酸味與青唐辛子的微辣，味道清新又少辣，送肉同飯都一流。記得有人推介佢哋嘅泡菜同埋沙律，今晚得兩個人我哋淨係試咗沙律冇食泡菜，雖然話係沙律，但係佢都勁多肉粒，個人覺得好胃口都可以推介吃一下。總括嚟講，如果唔係太難喺上網訂位，值得一試，而

今朝過嚟中環睇牙醫睇完之後心血來潮諗住嚟睇吓派唔派到隊食呢間漢堡扒我今日冇book枱派咗Walk in隊我排第四個，等咗大約90分鐘先入到去呢間餐廳我想食好耐上次去台灣見到唔使排隊其實都想入去食不過上次太飽冇入到去今次入到去，首先買飛我叫咗杯Lemon Sour再叫個漢堡餐set首先上嘅係麵豉湯同飯店員會每件漢堡扒逐件上坐喺吧枱見着店員喺度燒漢堡扒其實好治癒漢堡扒都幾好食，好有肉汁有好多款調味料全部都幾好食總括嚟講，漢堡扒係好食啲日本米都煮得好好，好好味啲飯一粒粒，我食咗成三碗飯杯酒就差少少，未去到日本居酒屋嘅Standard

星期六朝頭早喺中環嘗試冇Booking Walk in食呢間想試咗好耐嘅「挽肉と米」 因為知道網上Booking一開放已經好難book。運氣好好快就入到去啦！喺門口揀咗要邊個set俾咗錢就入座，我哋都係食咗基本set, 諗住到時唔夠先再加。見着師傅喺面前準備我哋嘅漢堡扒，聞到燒烤嘅味真係好香。首先佢會俾我哋自己攞一隻新鮮雞蛋，陣間撈飯用。店員都細心解釋嗰幾款醬料同埋食嘅次序。基本上白飯係任添，同埋有一碗味噌湯。個set包咗三舊漢堡扒，逐件逐件上。整體嚟講覺得味道好service好，景色又好下次會想試吓佢哋新開尖沙咀分店。🤗

被網民稱為預約困難店，一早較定鬧鐘book星期日同阿媽撐枱腳，原本想book 1pm，點知到俾錢個刻又彈出話時段已滿，來來回回幾次，最後成功book到4pm時段！雖然成功訂座，但都規矩多多，要先付訂金，幾日前取消要扣按金之類，因為冇諗過唔出席，所以都冇細睇條款！不過我哋早到15分鐘，所以都要在門外等一陣，之後差唔多時間就安排入座，店員會問你係唔係第一次嚟，之後就會講解一下應該點食，枱櫃桶亦會有張說明書教你食法！枱上面有好多醬料，大家可以因應自己口味去選擇，我鍾意食佢個豆拌醬油，仲有個漬白菜可以任食！店中只有一個套餐選擇，$138有三塊漢堡扒，再加碗湯同蛋，仲有白飯任添，想再食漢堡可以再加，基本上一定夠飽！ 我跟足規矩第一嚿漢堡原汁原味食，第二嚿就配蘿蔔泥同柚子醋食，最後一嚿就配雞蛋食！ 三嚿肉我食咗兩碗飯，不過佢一碗飯其實唔多，所以都唔算食咗好多飯。而d漢堡全部都喺現場用炭火燒，但現場唔算話好大油煙味，漢堡扒好juicy，好好味，d肉汁湧住出嚟，好正，我同媽咪都食咗兩碗飯，食到好滿足咁離開！點了兩個套餐再加份泡菜，加一合共$342，在IFC來說價錢都合理！

之前喺日本澀谷千山萬水食過，之後知道喺香港開左一直都好想試下係咪同日本一樣。點知朋友請食lunch生日飯就book左呢間。知道依家開左一段時間上網訂位仍然非常難訂，所以大家真係要俾心機。一黎到都係同日本一樣喺門口揀好俾錢再入座終於等到第一舊，但望落同日本既顏色有唔同，無燒得咁鮮色，係比較暗啞，size都好似係細啲。而食落第一啖係無日本咁Juicy，同埋牛肉既肉味唔係好夠突出。到店員俾埋最後一舊，就出現燒得過濃既情況，因為食落係食到濃左既炭燒味。中途有加其他醬料，因為喺日本食過既椒麻醬，所以好期待香港既椒麻醬。但食落同日本係有差別，因為香港既色好似唔係鮮色，唔新鮮咁。總括黎講，價錢做到同日本差唔多，但吃落唔會有太大驚喜，可能喺日本食過，所以有對比，會覺得日本既質素係高啲，同埋店員無俾細碟放醬料，所以只可以直接加落飯到，如果訂位無咁難，可能都會試，但要上網預訂咁困難咁就可以等到無咁難訂先食，另外成個presentation ，日本黎講係日本優勝好多。下面呢張係喺日本澀谷店當日食既。

今日又搶到飛同老公去食呢間位於ifc人氣日本過江龍既漢堡扒餐廳🤩👍🏻之前喺福岡朋友幫我地book過，都有試過一次。喺香港就試咗幾次，不過之前掛住食冇影相😂😂漢堡排🩷🩷🩷🩷🩷其實佢都幾抵食，一個set有3舊橢圓形既漢堡扒。同埋有六種醬汁俾你點，再加埋有麵豉湯同埋一隻日本生雞蛋比你加埋入去，先至138蚊加一。仲要質素都唔差佢個性價比都好高，因為佢係位於IFC 4樓頂層佢嗰個位可以望到海景，平時我哋去開海景餐廳都唔止百幾蚊啦。難得依家百幾蚊仲要望埋個景食飯。同埋佢啲漢堡扒肉係比較實淨，我見佢員工用人手手打漢堡扒，跟住整成個橢圓形再放落去燒。日本青森蘋果汁🩷🩷🩷🩷🩷因為佢同可樂嘅價錢一樣，但係我唔想飲有氣嘅飲品，所以揀咗蘋果汁試吓。我想話佢呢個牌子嘅蘋果汁超濃蘋果味，完全唔係嗰啲假甜。本身我都有聽過青森呢個地方出產嘅蘋果好好食。不過去食一定要book咗位先去，我見到walk in排隊嗰條龍真係有排等。。。五個心心為咗高分挽肉と米 (中環)中環金融街8號國際金融中心商場4樓4011號舖

聽人講到好好食，連我啲超閹尖日本通朋友都話香港版唔錯，咁真係要試下。閒日來，嚟到先知原來要訂位，Walk-in要排隊等，我嚟到排第三，都要等多廿幾分鐘先入到去。入到去，一定要讚係油煙同油煙味都比預期少啲，希望出門口時身上沾少啲味。坐埋位，可以睇住廚師煎嘢，揸漢堡，有冇高檔餐廳feel就見仁見智，等冇耐已經有嘢食。都係點咗最大路嘅三件肉Set，按照佢哋建議，食原汁原味漢堡先。煎得係幾靚。肉粗幼度好適中，唔會幼滑到冇晒纖維感，又唔會咬到一粒粒散開，肥瘦比例約37啩，都算係食過數一數二好食嘅漢堡扒。佢會睇住你食到第幾塊嚟逐件上。我哋試晒全部醬料，印象最深刻係一款椒麻醬，有啲似麵豉，好重口味。青唐辛子檸檬漬夾落肥肉度好Balance，個人最喜歡配搭。最後佢哋建議加蛋食，如果想影到以下效果，可以先喺件扒上面整個凹位，咁先容易承起隻黃。整體感覺真係幾唔錯，值得嚟多幾次，但等位真係唔易，我估短期內開多啲分店都唔會改善幾多，想食就乖乖哋訂位啦。

專登喺聖誕節前嘅一個星期網上10:00準時book位，book到Boxing Day下午5:00的位置可以試吓呢個炭燒漢堡扒。咁啱聖誕節期間做緊期間限定既A4九州和牛漢堡扒。套餐每人包3塊漢堡扒+1隻生雞蛋+白飯任裝。廚師會因應你進食嘅速度去安排漢堡扒，漢堡扒真係烤得好香好Juicy輕鬆就可以K.O.幾碗飯。期間亦見到廚師因為漢堡扒烤得唔好而掉咗去垃圾桶，真係好認真。店員會介紹每塊漢堡扒唔同嘅食法，唔會咁快食到厭。旁邊嘅醬汁亦都好好味，令人開胃，減輕油膩感。整體嚟講幾好食可以再嚟，但可惜太難book位都要再諗諗先！

位於香港IFC的「挽肉と米」專注於炭燒漢堡扒餐，環境獨特，以吧台為主，圍繞著燒烤爐，營造出熱鬧的用餐氛圍。這裡的漢堡扒以其鮮嫩多汁著稱，每個套餐最多三塊漢堡扒，顧客可以根據不同食法享受獨特風味。第一塊漢堡扒建議直接大口咬下，讓肉汁在口中四溢；第二塊則可以搭配離蔔泥和自製袖子蘭，清新的口感恰到好處，增添了風味層次；第三塊搭配雞蛋，滑嫩的口感與漢堡扒的肉香相得益彰，令人滿足。整體來說，「挽肉と米」不僅提供美味的炭燒漢堡扒，是肉食愛好者的必訪之地。cp值高記得網上預約，每日十點～預約七日後～

首先呢間餐廳係超級難約，要預早一個星期，準時上午10:00入指定網站預約，原本以為過咗幾個月，大家嘅新鮮感已經過，會容易啲book啲🙂‍↕️但係呢單嘢就好似買演唱會飛一樣咁困難。就算準時入到去，預約心儀時間都要有少少運氣成份😀準時7:30PM到達，唔洗等，直接入去㩒飛Order，大家都知佢哋一個餐，另外就揀咗佢哋嘅「免治牛肉薯仔沙律」，大胃王老公一直話好肚餓、好肚餓，叫佢Order左多塊漢堡扒。挽肉と米套餐，已包任食白飯、麵豉湯，一坐低嗰侍應就問我，係咪第一次過嚟？咁我當然就係啦，佢講咗一大輪嘢，我未load得切已經講完😓講咗咁耐，我淨係記得佢叫我第一嚿肉，就咁食，乜嘢醬料都唔好落👌🏼其實坐住喺度睇佢表演燒漢堡扒，個feel其實係幾治癒，但係同時都見到佢個漢堡扒，都落咗幾多鹽下🙂‍↕️呢個漢堡扒我就第一次食，同埋冇試過喺日本食，我都唔知佢係咪真係Original都係咁咸😂不過佢個漢堡扒係幾Juice，我會俾多次機會再試🥸「免治牛肉薯仔沙律」真係唔值得order，份量好細，冇乜牛肉口感又冇乜薯仔口感🙂‍↔️Anyway $138 食到炭燒漢堡扒+ 睇住ifc夜景係幾抵既，可以再試，但係…唔會成

on-site waiting list實際等候時間要超過2小時。但staff對此完全沒有提示，只是機械回覆無法保證，沒有對客人最基本的尊重。為了餐廳自己的利益最大化，而完全不理會排隊的客人的感受，也不理睬排隊的客人，說明這是一家完全不尊重人的餐廳。how can you expect good food and good service if the restaurant show none respect for people?

喺而家呢個市道，中環IFC店開店都開咗半年，都仲係每朝搶演唱會飛咁訂位，都咪話唔誇張!! 想book到正常lunch/ dinner hours，真係要一星期前搭正10AM入佢地inline網頁鬥快搶見到咁犀利，我都加入戰團試試佢，最後終於成功book到平日夜晚7PM嘅2人位套餐包咗3件漢堡扒﹑生雞蛋一隻﹑白飯任加﹑醬料任落，講真係夠飽嘅~ 漢堡扒由你面前搓形﹑放炭爐燒，視覺都係個享受嚟，加上有炭香又保留肉汁，好食嘅，不負咁多人爭住訂座醬料方面，我自己最鍾意青唐辛子鹽漬檸檬同MOU先生的特製麻辣粉!另外另外，杯檸檬特飲有驚喜！好飲呀，推介叫埋！值得一試，祝大家預約順利~! 哈哈!

📍中環IFC - 挽肉と米-本身對呢個日本過江龍漢堡扒無咩興趣，因為賣相一嚿肉咁樣唔吸引，點知食完超有驚喜！而且$138+10%呢個價，豐富嘅一餐，環境又超靚，大推呀！「挽肉と米」套餐 $138(包三件炭火現烤牛肉漢堡扒，一碗味噌湯，白飯任添)炭火現烤牛肉漢堡扒有三種建議食法，各有特色：👉食法1: 原汁原味食～ 超級多肉汁，啲肉好👉食法2: 加柚子醋& 蘿蔔肉食～ 幾清新嘅配搭，無咁沮！👉食法3: 加蛋漿食～ 唔好意思我唔食生蛋，但朋友話加埋會再滑口啲！餐廳仲有6款特色調味，全部都偏咸，但我好鍾意🤣 最like個椒麻醬，會空口食多兩啖～溫馨提示，食完3件真係超級飽，留定個空肚先幾嚟食呀🫶挽肉と米香港店📍中環國際金融中心 IFC Mall4樓4011號店 (花園平台)