探魚烤魚

营业中

休息中

朋友話呢一間烤魚餐廳喺大陸好出名，觀塘APM都有我哋就喺呢度聚會。佢哋烤魚嘅口味款式都幾多，辣度都可以自己選擇。條魚好厚肉都幾嫩滑，但係只不過個爐係完全唔識滾，應該滾咗成個鐘之後先至算係好熱，開頭我哋食嘅魚都係唔夠熱嘅，呢個認真扣分！其他嘅味道同質量都算OK。本身烤魚個底冇乜配料，平時好簡單有土豆片、豆卜、芽菜呢啲都冇，要加錢，不過價錢喺香港嚟講都算係抵食。串燒拼盤就唔算好出色，如果嚟試嘅話可以唔叫。必飲一桶裝嘅水果特飲，一齊share飲幾抵，但係佢將薄荷葉、香水檸檬嗰啲全部放晒喺飲品面，基本上係飲唔到嗰啲味道，最後我朋友自己搣碎佢放喺杯嗰度飲好飲好多。總括嚟講不過不失，如果喺香港嚟講比較高質嘅烤魚店仲有好多選擇，所以未必會回頭。

聽就聽得多，第一之試，估唔到在香港食。太肚餓嘅關係，首先嗌咗啲串燒嚟食吓先，串燒都幾好食，而且有個小火爐熱住。因為同桌有人唔食得辣，就叫左一個蒜香、一個香辣。蒜香的有驚喜，茄子相當好食，煮菜亦係好夾。唔辣的話都幾推介。香辣的不算太辣，魚要煮起碼三個字先開始入味，加豆腐係好好食。因為越食越咸，我地都叫左兩大樽特飲，味道正常，不會過甜。因為食得太飽，都無加錢食冰粉。算不錯的餐廳，喜歡魚的朋友可以一試。

今次帶咗媽咪去觀塘APM嗰間，就腳好多，環境都Okay，坐得好闊落。🌟新品：日月光蕃茄烤魚賣相都幾靚仔！呢度烤魚有3款魚揀，最抵食嘅凌波魚🐟係無幼骨，肉質會實淨啲，好易起到晒啲肉出嚟。估唔到呢款都幾有辣度🥵，蕃茄味都濃郁，再搭個白飯餸住食好惹味，幾啱我呢啲10小辣嘅朋友學吓食辣🫡🧡 絕絕子爆汁炸雞呢個名意頭真係唔OK😅，不過食落有驚喜！包好咗紙一嚿嚿咁分開，唔怕整污糟手。肉質幾嫩滑，個粉又夠薄，係好食喎👍🏻！不過都想建議個名要執執佢🤣🤣🍧 無限探索 +$9/位 (解鎖冰粉自由🩷)有冰粉自助區，自己糖水自己整💪🏻好鍾意佢個蜜桃冰粉🍑，食落有水蜜桃香氣但又唔會好甜。加埋桃膠、寒天、白珍珠，再加少少黑糖汁同花奶，Real 正✨！9蚊雞勁抵玩🫶🏻！🍹 囂張冰桔桶 $78 巨型到，我已經好努力咁飲都係飲唔晒。好清爽解渴，性價比極高✨！‧ ‧ ‧ ‧ ‧ ‧💡優惠大發現！原來佢哋都有午市一人套餐 $98🌟有4款烤魚口味🐟，仲包埋白飯同埋冰粉任食。喺附近返工嘅朋友可以諗諗佢，好抵食呀😍！‧ ‧ ‧ ‧ ‧ ‧

今次去咗觀塘APM嘅探魚烤魚，餐廳環境幾舒適，裝修風格時尚現代，感覺幾唔錯！✨ 雖然佢哋有推出幾款抵食嘅一人烤魚餐，但係朋友仔想試吓餐牌上推薦嘅日月光蕃茄烤魚，所以我就哋就散叫啦！1. **日月光蕃茄烤魚 ($298)**：我哋揀咗凌波魚，聽講係冇乜細骨，肉質細膩！果然係！🐟 魚肉鮮嫩滑溜，入口即溶，完全唔會覺得鞋口！ 湯底係酸酸甜甜帶少少辣嘅蕃茄湯，味道好惹味，而且顏色鮮艷，賣相吸引！🍅 上面仲鋪滿咗新鮮嘅蕃茄同蔥花，仲有幾粒好似雞蛋咁嘅年糕丸子，口感煙韌，吸晒湯汁嘅精華，簡直係畫龍點睛！2. **香烤花菜 ($38)**：呢個香烤花菜好細心，將啲辣椒仔放喺隔離，唔食辣嘅朋友仔就唔使擔心啦！🌶️ 花菜烤得啱啱好，外層微焦，內裏仲保持住花菜嘅爽脆口感，而且充滿烤嘅香味，味道香濃惹味！3. **海陸空霸把把燒 ($68)**：呢個拼盤有12串，包括魷魚鬚、牛肋條同埋雞軟骨，份量十足！串串都均勻地沾滿咗香辣嘅味粉，仲帶有少少孜然嘅香味，好惹味！😋 魷魚鬚爽口彈牙，牛肋條有咬口，雞軟骨脆口彈牙，三種唔同嘅口感同味道，令人食唔停口！4. **五常米飯 ($18)**：勝在份量夠多，夠

🔸酸菜烤凌波魚 $238🔸囂張冰桔桶 $78🔸黃金組合 $56🔸土豆泥烤雞 $88🔸五常米飯 $18-我最鍾意食烤魚呢啲濃味嘢，見APM開咗間探魚，難得今日老公肯陪我食，真係好開心呀！因為酸菜烤凌波魚做緊特價所以就叫佢。當職員試條魚過泥個陣大碟到有d嚇親🤣 凌波魚都幾多肉，魚味都幾出，魚骨唔算多而且都係粗身唔係細骨，唔會好易吞骨。再叫左個蔬菜拼盤（黃金組合），有好幾款菜：白菜、金菇、白蘿蔔、薯仔片，索晒湯汁超好味！再叫左份烤雞，表面脆脆地、肉質唔會柴。老公話d汁同d酸菜好岩送飯食，所以叫左一碗。另外我地見佢冰桔桶幾過癮，就叫左桶試試，佢唔太甜、酸酸微微，開胃又解膩。

觀塘道418號創紀之城五期真係美食處處這間內地烤魚店也進駐這裡, 圓拱形門口光彩耀目, 空間感十足, 用餐環境寬敞。日月光蕃茄烤淩波魚 份量十足寧波魚原爐上桌,濃郁蕃茄湯底, 酸甜醒胃, 寧波魚皮滑肉嫩, 肉質厚滑滋味, 鋪滿鮮紅蕃茄片、蕃茄粒、煙韌麻糬豆腐粒和爽脆酸筍片, 多重口感配料, 提升烤魚層次。絕絕子爆汁炸雞炸雞有四塊, 外層炸得酥脆, 內層雞肉嫩滑, 肉汁豐富。棒棒麻辣口水雞雞肉厚滑有嚼勁, 麻辣適度好惹味。易燃易爆小吃天團 小吃炸得好香脆, 蟹柳、酥肉、蓮藕片、花菜等, 酥脆可口。飲番罐冰凍可口可樂, 解辣怡神。

探魚黎到apm都有一段時間了，太懷念那烤鱼的味道，終於唔使上深圳，同朋友黎食個lunch。我地點左新口味「日月光番茄烤寧波魚」，一端上来，那濃郁的蕃茄湯味道，直接香得我七荤八素，口水都要流下来。店員小哥說，滚沸等三分鐘可食；我是一秒也等不了。嘗了一口鱼肉，我直接十脸震惊——寧波魚怎么能這麼好吃？！真的是超鮮甜，啖啖肉，還是這個蕃茄濃湯，酸甜微微辣，愈食愈入味。還點了份「寛粉」，唔好浪費甘正的湯，再用粉索曬佢。「海陸空把把燒天團」3拼串燒4串牛肋骨，4串魷魚須，4串掌中寶，勁有風味的串燒，牛肉咸香嫩滑，魷魚爽口彈牙，掌口寶一定要試，我都係第一次食，原來是鳳爪中間那個掌心位，超爽口，比雞軟骨更好食。飲品要推介「囂張冰桔桶」，同深圳係一樣味道，2個人都飲唔晒，冰涼唔會太甜，岩曬食辣野解津，一定要點。食完會再想食的餐廳，非「探魚」莫属。

繼續年尾放假早放同媽媽去完觀塘行街係APM 食佢想食既探魚,發現佢地出左蕃茄湯🤭媽媽想食探魚好耐,一於同佢試下新野🤭叫左佢地新出既日月光蕃茄烤魚(HK$298)除左火鍋料外,仲同媽媽額外叫左海陸空把把燒天團(HK$68),分別有掌中寶,牛肋條同小酥肉各4串🤭除番開大既$5.5一串~幾抵咁🤭細睇番Memu先發現佢地最近推出左一人餐,基本每種味道烤魚都有做,咁就唔駛煩下下一大班人先食到成條魚🤭

唔洗北上都可以食到「探魚」，佢哋主打各式各樣嘅烤魚，仲有一人午餐，已經包咗飯同必食嘅冰粉，啱晒朋友同事一齊去食「金銀蒜香味烤魚」，蒜蓉嘅香味好重，魚肉鮮嫩，熱辣辣，真係唔錯「醬香味烤魚」，味道更加濃郁，又唔會太重口味😋「一把滿足烤羊肉串」，羊肉串份量唔算多，外焦內嫩，羊吐奶味鮮美👍🏻👍🏻「蒜泥青瓜」作為小菜，清新爽口，真係好醒胃🥒✨「探魚」嘅午市一人餐真係幾抵食，下次再來試下其他味道！👍🏻

餐廳的裝潢簡約而舒適，以橙色黑色為主調。午市一人餐$98好抵食，奉送米飯同無限探索冰粉區。但見到最近新推出的蕃茄烤凌波魚，主打純正蕃茄濃湯，酸甜微微辣！非常吸引。最後同朋友揀咗蕃茄烤凌波魚！日月光蕃茄烤凌波魚 $298烤魚以先烤後燉方式，熱騰騰端上桌，非常沸騰，香氣十足 ，即時食慾大增！凌波魚的外皮酥脆，內裡魚肉鮮嫩。純正蕃茄濃湯湯底酸甜適中，微微的辣味非常惹味。除咗新鮮的蕃茄片外更有蕃茄碎粒，更有麻糬豆腐粒，薯仔片和筍片等多種配料。鍾意番茄嘅朋友仔必食！！黃金組合 $58食烤魚最喜歡加入各種配菜，黃金組合有齊娃娃菜，海帶和金菇。蔬菜搭配濃郁的湯底非常入味！檸檬冰桔茶 $38檸檬和桔子的香氣濃厚，帶有一種清新的果香味，當中的話梅粒帶出輕輕的鹹味，檸檬和桔子的酸甜味道令整體十分清爽又解辣！

內地人氣烤魚店 我成日同FD返大陸都有幫襯初初佢哋進軍香港嘅時候好多人都話香港價錢一定貴好多 寧願返大陸先食係香港開價錢當然會貴D啦 人工鋪租已經貴一大截 係香港都開咗兩間分店我少同屋企人一齊返大陸 就可以帶佢哋係香港品嘗下 其實係好唔錯嘅🥢酸菜烤寧波魚 ($298)烤魚有好多口味 呢款係新口味 酸酸辣辣好開胃寧波魚肉質好嫩滑 夠入味 唔多骨 仲配有薯仔配菜🥢一把滿足魷魚須🦑 ($58)有6串 可以走辣 熱辣辣食 GOOD 🥢娃娃菜 ($30)🥢金針菇 ($30)🥢萵筍 ($30)配菜有好多款式 我揀咗3款我最鐘意食嘅放落烤魚度煮 好似打邊爐咁 呢3款蔬菜都好索味🥤玉米汁 ($38)有熱有凍老人家同小朋友都好岩飲呢款玉米汁原價加$9 依加加$1就可享自助茶飲吧同任食冰粉❗有超多配料 原味&蜜桃味冰粉 提子乾 爆珠 麻糬波波 桂花蜜等除咗大大份原條魚 仲有午市限定一人餐 已經跟埋白飯同任食冰粉 都係$98咋❗

第一次在香港吃探魚，質素還不錯，環境好乾淨整潔，服務也好。見午市一人套餐幾吸引，用打邊爐形式上鮮青椒爽麻味烤魚，烤魚色澤金黃，外皮香，魚肉鮮嫩。青椒的麻與魚肉的細膩口感形成了豐富的味道。蒜泥的香氣與辣椒的微辣交相輝映，魚肉愈煮愈入味，讓人一口接一口，愈吃愈過癮😍點了蒜泥青瓜中和一下口感，這道小菜清爽可口，青瓜的脆感，蒜泥的香氣與調味料的酸甜交融，讓每一口都充滿風味，且不會過於油膩，完美地平衡了烤魚的濃厚口味。這道菜非常適合作為開胃菜👍🏻👍🏻再點了杯檸檬冰桔茶，清涼解渴，檸檬與橘子的搭配讓茶香更加豐富，冰冰涼涼的口感，吃完滾燙的魚肉讓人感到舒適～

去年年尾正式登陸香港嘅「探魚」，今年六月喺觀塘開左分店。成日聽人講喺香港食探魚一定貴好多，今次就實測下香港嘅探魚到底值唔值得一試！🐟🐟酸菜烤寧波魚 ($238)同深圳探魚一樣大大鍋，酸菜同檸檬佈滿喺寧波魚上面，增加咗魚嘅鮮味，寧波魚啖啖肉，好少骨，老人家同小朋友食都絕對冇問題！配菜方面亦有好多選擇，我哋加咗Q彈小年糕同埋鮮腐竹，每樣配菜都係$30左右，份量亦都唔少，其實都幾抵食喎！🍢海陸空把把燒天團 ($68）最佳烤魚伴侶串燒！當中包括魷魚鬚、牛肋條和掌中寶各4串！串燒調味料充足，香口惹味！🍢一把滿足烤羊肉串（ $58/6串 ）帶有臊味嘅羊肉串，鮮嫩有肉汁，喜歡食羊嘅人必點！🥤冰爽酸梅湯（ $28 ）吃串燒配搭酸梅湯，清新解渴之餘，又可以減低熱氣嘅感覺！🍺探魚徳式小麥啤酒 （ $29 ）支裝啤酒，冰凍解渴，串燒配搭啤酒，也是必須的😁喺香港食探魚，雖然一定冇深圳咁抵食，但有時放工weekday心思思想食探魚，近近地搭程地鐵就可以食到，慳咗來回北上嘅車錢之餘，仲節省好多時間👍🏻👍🏻👍🏻@tanyuhongkong #探魚#酸菜烤寧波魚#寧波魚#烤魚#串燒#酸梅湯#羊肉串#過江龍 ##hon

香辣味烤魚一人餐🐟 $98平時食烤魚起碼都要人均$300以上，呢一間新開嘅烤魚舖頭，唔使$100就可以食到🈹🈹烤魚套餐仲已經包埋五常米飯🍚 同 自助解辣冰粉區🍧 呢一個香辣味烤魚係冇得揀辣度既～唔係咁食得辣嘅話，建議揀返醬香烤魚，因為呢個香辣烤魚真係幾辣下，我食得辣就覺得好滋味啦😋😋我哋仲揀咗兩款蔬菜，分別係娃娃菜🥬$30 同 金針菇🍄‍🟫 $30，放落烤魚嘅湯底度，浸過湯底嘅蔬菜真係特別好食🤤🤤易燃易爆小吃天團🍢$68幾推介大家叫呢一個炸物嘅小食拼盤，入面一共有幾款炸物，分別係嘭嘭小穌肉🐽、黃金炸花菜🥦、酥嫩炸蟹柳🦀、香脆炸藕片 等等～每款我都覺得幾好食，尤其是係炸藕片，真係整到好似薯片咁脆😍😍一把滿足魷魚須🦑 （六串）$58佢哋嘅魷魚鬚非常之彈牙，辣辣地好滋味，爭啲想encore多多六串🙈🙈一把滿足烤羊肉串🐏（六串）$58羊臊味唔算好突出，反而有羊肉嘅油香，幾蚊一串可以一試～

一個人都可以去食探魚🙈 無錯，就算獨L一個都可以去，我就係人板🫢 有午市限定一人餐，仲要先$98‼️包埋五常大米同無限探索冰粉區，超級抵食 lol環境餐牌 午市限定一人餐 $98 包五常大米、無限探索冰粉區。有4款口味揀，次次食烤魚都食辣，今次試下金銀蒜香味。一人份量都唔少🫣魚片都有原條嘅1/4左右，蒜香味十足，大量蒜蓉，湯底直程係稠身，魚皮煎香，魚肉嫩滑，佐以豆皮、大白菜及豆花配料，全部都係索汁食材，真係佐飯一流。另外仲加咗寬粉，勁飽😂仲有冰粉任食🤩 鍾意咩配料都可以自己加，桂花蜜、酒釀等等都有！ 香烤花菜 $38 仲叫咗碟椰菜花，走油更香。