摩司

营业中

休息中

2019年1月18日星期五今日親戚請食飯一行12人訂左八點，分開咗兩張枱先至坐得晒。人數太多比老人家坐大枱先，我哋後生嘅就坐左一張四人枱等隔離枱埋單走人。美中不足嘅係隔離嗰台見到我哋咁多人食完又唔肯走。既影響人哋做生意又阻住我哋冇得食講番啲嘢食真係冇得彈西冷牛扒。好好味口感一流。配菜加埋醬汁都十分之正呢一個係餐廳推介嘅肉眼牛扒，佢提醒我哋食完西冷再食肉眼。果然冇講錯。肉眼牛扒仲正龍蝦配意大利飯，餐廳好細心幫我地啲龍蝦斬件方便我哋share。意大利飯煮得啱啱好好味再嚟係豬手豬手唔會太肥, share 每人一件啱啱好呢一個油甘魚配意大利粉有驚喜。平時食油甘魚通常都係食刺身估唔到煎出嚟好好味

本身同屋企人同埋加拿大來的親戚約咗去附近嘅中餐廳食飯，不過兩個小朋友太肚餓了唔想等，打咗個電話過嚟睇吓有冇10人枱。非常好彩地知有足夠嘅位置容納我哋10個人。餐廳嘅服務一流，事關太多嘢食唔知點樣揀，服務員比咗兩個湯俾小朋友飲先。飲咗一個蘑菇湯一個南瓜湯，小朋友即刻開心晒仲有佢哋最鍾意食嘅蒜蓉包。講下主菜先：我哋主要叫咗四款嘢食，三文魚帶子意粉、豬手配薯菜、羊架牛肉串燒配豬腩肉、牛扒配薯菜。三文魚非常新鮮應該唔係雪藏嘅，因為俾小朋友食所以叫咗一個七成熟嘅三文魚。配意粉一流呢一份係豬扒意粉，唔知道佢個豬扒點樣整因為個豬扒實在太好食了豬手幫我地起埋骨，總共有五塊，非常方便我哋share。10分10分好食呢一份係我朋友叫嘅佢話好想食豬腩但係唔食羊。益左我我食埋。呢塊羊扒煮得非常好食，五成熟啱啱好

琴日晨早打電話你book呢一間餐廳同阿媽慶祝生日,嘢食嘅質素真係冇得頂不愧係喺酒店做過嘅廚師!地方唔算太大環境一流前菜嘅麵包10分鬆軟(唔記得左影相),前菜仲食咗一個三文魚刺身配海膽！主菜我哋就叫咗一份牛扒，龍蝦意大利飯，煎魚配白汁意粉，同埋燒乳豬配印度米。每一份嘅主菜都係$180至到$240，價錢十分合理。主菜食得太飽了冇空間再食甜品如果唔係一定會叫返一份cheese cake食下.期待下次再嚟食

幫襯merci minnie好多好多年了 由大學讀緊書去到依加出左黎社會做野 merci minnie都陪伴我成長 女朋友都帶過好幾個去食 😂Merci minnie係一間人情味濃的街坊小店 店長may姐為左一圓兒子開店的夢想 打本比自己個仔開左lee間餐廳 而佢個仔之前起holiday inn做大廚既 所以起merci minnie餐廳食野有酒店fine dining既感覺 😋今晚食既係限量供應既燒三文魚頭配沙律餐湯餐包 三文魚頭新鮮juicy 好似食緊魚雲咁😂 個沙律🥗無影到相喇 但食得出係好靚既沙律菜配埋醋同埋parmesan cheese 是日餐湯係mushroom soup 質地creamy 同出面果啲紅色白色湯係唔同層次 餐包係現點現烘的garlic bread 拎上手係熱咬落去係脆身既 試問起香港有邊間餐廳會比個熱既包你食 😂去到最後點多件blueberry cheesecake配埋杯即磨咖啡 ☕️ 為晚餐劃下完美既句號 🤗

難得今日唔使返工 去咗東大門搵嘢食 點知就有少少失望啦一嚟個餐湯係冇得揀嘅 只有大蒜忌廉湯 但係大蒜實在係唔香 湯又好稀 成個湯冇乜味咁 麻麻地 我就真係唔係太鐘意啦跟住嘅雜扒餐 一落order五分鐘之內就到咗 攞上嚟嗰下又冇啱啱煮完嗰種熱氣 咁好明顯係整定擺喺度嘅😕😕肉腸完全冇肉腸嘅感覺 咬落去好似食緊粉咁 豬排有啲硬 而且會乾 bacon就成張折埋咗嘅a4紙咁 唔香不過好在 個雞排係ok嘅 腌得好入味 肉質好滑 味道亦都唔錯嘅義大利飯就幾好味啦!! 啲飯黏黏地 又煙煙韌韌 口感好好 上面有啲鮑魚 飯入面有啲菇 都煮得好入味 又唔會太鹹 值得一試!! 但係份量有啲少 一個成年人食嘅話絕對唔夠飽雖然唔係特別難食 但係呢個價錢嚟講唔抵食 好似普通cafe咁 試一次就夠了

食西餐，我一定選擇鋸扒!只係食意粉沙律我覺得好寡。湯有多種菇切碎煲成嘅， 飲得出好濃嘅菇味。但我唔記得咗影相。同老闆娘傾過計，佢話佢個廚跟過酒店嘅大廚學煮嘢食，我都相信係，事關佢伴菜到豬扒都煮得唔馬虎。煎厚切豬扒要煎得好食淋身，豬扒唔韌又唔燶， 小燶又要香口， 我相信係一門學問。豬扒嘅水準多變， 因為有時食軟硬適中，有時食嗰邊好脆，但個心好實。 我諗會唔會係有兩個廚呢? 鵝肝肥美甘香， 牛柳就煎得一般， 煎得過熟 。芝士味好濃， 食唒成塊會好膩。

今日天氣清涼,又出發行吓山。行完又落東大街食晏,醫肚。見到這個摩司店内有位,價位由$70-$100,而且現金付款免收加ㄧ，所以二話不說入去坐低看餐牌。店子不大,只有幾張枱,枱與枱的空氣很小,假如想同朋友談心,就怕影响鄰枱的客人。待應招乎不錯,不時和客人交流。叫了香煎海鱸魚忌廉汁意粉餐。上菜很快。先來是日餐湯---什菌湯。這個湯很香什菌味，入口後什菌充滿口腔，但湯身很稀,香味不能停留在口中。湯還没有喝完,主菜就上來了。意粉的忌廉汁很香,很厚,使到意粉入口後,有滑溜溜的感覺,但有點油膩。伴菜的西蘭花,甘筍仔，青瓜煎得也很入味,鱸魚也煎得適中,魚肉很滑,但味道很清淡,被忌廉汁蓋過了。整體這餐不過不失。

筲箕灣好多餐廳 因為東大街嘅關係都已經收得好貴貴得有道理嘅當然係摩司從來都只是食午餐 由當初＄60左右到現在＄80左右不過要食好啲都係來呢度雖然東大街最高價位既地位已經俾其他餐廳超越不過論性價比依然高 午餐會有湯 當然係包一杯野飲 即磨咖啡係唔駛加錢 咖啡豆間中會轉下 亦會跟餐湯 今次係牛尾湯 味道似羅宋湯再加紅菜頭嘅味道 好多料係入面 起碼多點菜菜先啦香煎盲鰽意粉呢度嘅意粉係進口意粉 口感真係得架如果由飯轉意粉的話要加＄5 意粉會比天使麵好食 通常都係卡邦尼醬 好食香煎盲鰽好香口 層皮脆卜卜 配黑醋橄欖油汁 酸酸甜甜好易入口平時就好鐘意釀雞髀 如果有一定要食All day breakfast 都唔錯 不過好大份 食唔曬星期三隔個星期會休息 怕多人 可以訂枱架May 姐個人係有點性格既 黎多幾次就無事架喇

東大街食店非常多, 一到晏畫飯時間就人頭湧湧, 好多時候遲左落去就要等好耐先有飯開🙈摩司屬於呢度少數午市都可以訂座嘅餐廳, 我地一行8人因為訂左座, 一去到就可以安排到入座👍餐廳唔大, 得5, 6張枱左右, 我地各自點左自己想食嘅Lunch set, 是日餐湯就只得一款, 味道都唔錯, 主菜我地Share食, 點左漢堡, 三文魚, 豬扒同雞扒, 味道認真唔錯, 價錢都唔算貴, 80蚊左右一個set。如果去東大街又唔想排隊等位食晏, 呢間確實係一個唔錯嘅選擇😁漢堡好大個, 肉質都好juicy, 薯角香脆👍豬扒好好味, 肉質有口感熟嘅魚我唔太喜歡🙈慢煮雞扒好味圓桌lunch

筲箕灣東大街，好多會馬上聯想到食街及魚蛋粉。除了美味的魚旦粉外，很多人不知道東大街還有一間食物質素很高的西餐廳- 摩司（MercI)。地方雖然細，但廚房工作十分認真，絕不馬虎。今天中午點了慢煮雞肉配沙律及蒜蓉飽，雞肉十分嫩滑及肉汁豐富，咬下去時肉汗已經流出來，十分美味！另外沙律菜十分新鮮，蒜蓉飽亦十分香脆可口。同老闆娘閒談間才知道原來大廚是外國學習廚藝回港及在酒店西餐部工作過，怪不得能煮出那麼高的食物。筲箕灣給人的印象是舊區，十分值得推薦給大家

I come here once again 東大街西餐溫馨小店。生蠔：好肥美好大隻海鮮意粉：Al dente口感、半生熟帶子：煮得啱啱好！仲有雜菜，感覺均勻營養☺️蟹肉海膽多士：啖啖肉

食物質素一般，夠熱，但味道嘛嘛我食左牛扒配飯，叫左7成熟，但黎到似5-6成熟，勁多血水朋友叫左個驢魚意粉，驢魚個皮又唔脆，又無咩味最值得一提係服務態度！服務態度極差，不只員工差，老闆娘亦差，我覺得係貼錢買難受，完全不值$80一餐仲要+1！

When was the last time you had dinner worth over $800, that was prepared with a passion, whilst not spending more than $800?  If you have not had dinner at Merci Minnie, then you have never done so.The establishment is a little cozy, but that never stopped them from churning out excellent cooking!  Their extensive menu, from salmon sashimi to oysters to steaks, means that you will have to keep going back to try everything.  Plus, they introduce new items from time to time, so try not to miss out

朋友堅持今晚很堅持要帶我食好嘢!! 他說這是他的飯堂之一 好吧, 今晚給他們話事! 結果來了一間裝修好像茶餐廳的地方, 地方很小, 只可以放十幾人說真的, 一打開 menu, 還真嚇親, 茶餐廳的格局, 但食的是fine dining 的菜式, 叫價是$2XX - $3XX真的想不明白 但當菜色開始陸續送過來, 我就開始明白了!  牛尾雜菜湯不得了的湯, 見到羅宋湯很足料, 是用蕃茄打出來的湯而不是茄汁膏, 裡面仲有牛尾! 是一煲很真材實料的湯呢! 意大利包用上這個給翻熱的湯, 真的一流.....野菌燴黑松露闊麵不得了, 闊麵很有口感, 比較厚身! 黑松露濃濃的包圍著野菌跟闊麵, 真的很香口! 美國穀飼皮埃蒙特牛西冷(300克)配薯菜問了店員. 他們說這牛扒偏薄, 所以5成熟就可以了, 我們就照跟他意思真的不得了, 牛扒約1cm 厚吧, 很容易切開, 而且肉汁都給鎖左裡面!! 而薯蓉是另一精彩, 竟然加了黑松露在裡面, 真的很香呢!!! 想不到貌似茶餐廳的地方, 有這麼好的美食! Smoked Salmon Caesar Salad看得出食材新鮮, 而且portion 都幾大! 香煎白

我好少喺東大街食西餐，今日跟同事入去試試。鋪頭細細間，但估唔到都幾有水準。我叫咗雜扒餐，有牛排雞排煙肉同司華力腸，雖然個腸仔係「迷你版」，但份量啱啱好，如果可以揀跟飯定意粉就更好。同事叫咗雞翼卡邦尼，雞翼幾夠味但麵有d乾😅