故鄉俱樂部

营业中

休息中

黎長洲又點可以吾食呢間大熱餐廳紅豆餅相信大家都知 我都吾多講反而想推介下佢個手卷有別一般手卷 偃無任何刺身選擇反而有腸仔，蟹柳呢d特別野我就一樣叫左一個d飯其實係普通飯 吾會有日本醋既酸味反而佢加左沙律醬落去 別有一番風味整體各樣材料好夾好配合雖然價錢相比紅豆餅吾算好平 但難得入黎長洲無計喇

紅豆餅, 是, 紅豆不太甜, 但沒紅豆味,紅蓉唔算好細嫩而個餅皮麵粉蛋香同牛油香都是從欠啦,都是因人太多工廠式出品之故, 大失所望。已一早做好已應付人流, 所以唔新鮮同唔夠熱辣辣

雖然話最出名既係紅豆餅，但芝士狂魔見到有芝士紅豆餅都係忍唔住想試下。 12一隻，俾紅豆餅貴一倍，其實芝士好少，食到後面先食得出。而鹹味既芝士同好甜既紅豆唔多夾，所以我地一致認為都係齋紅豆餅會好食D！

細細個果陣已經成日黎長洲架啦,到宜家大個左都會間唔中入去行下. 要數到我至愛既小食,故鄉茶寮既壽司一定係我至愛之一.由於宜家多左好多人去光顧,所以做左個小小既分流,分開買紅豆餅同買壽司既顧客.(嗯,咁兩樣都買既應該排邊呢?😅😅)餐牌依舊係人手畫既,好清晰. 今次去見到除左有招牌紅豆餅($6)之外,仲多左款新口味-芝士紅豆餅($12). 今次冇買到紅豆餅,試唔到新口味,所以留返下次啦.今次我揀左 腸仔蟹子壽司($26), 壽司即叫即整,份量岩岩好,紫菜夠脆,蟹子混合左沙律醬,好正!以價錢黎講, 一件要$26就貴左少少, 不過能夠回憶返兒時既味道就算啦💸

🧀芝士紅豆餅$12-故鄉茶寮黎到故鄉茶寮就諗起中學旅行既回憶🙈 普通紅豆餅就試得多,加左芝士就真係未試過, 質感依舊鬆軟綿滑, 餡料依舊豐滿, 芝士味道唔算濃郁,並無流心效果,但微微既芝士鹹香跟香甜紅豆茸又配合得幾好! 👍🏻rating:7/10

故鄉茶寮真係日本人開?有幸到長洲一遊, 試下這裡的紅豆餅.見有新物- 芝士紅豆餅, 又試下.叫了一個普通紅豆餅, 一個芝士紅豆餅.怎料, 非常失望, 普通既冇紅豆味, 一定唔係日式.那個貴一陪的芝士紅豆餅同普通既完全冇分別. 騙人.希望個D出左名既店都有D良心, keep下D食物資素

難得sem break，於是約埋三五知己一齊去長洲！去長洲嘅指定動作就係：掃街！ 大學的傳統o camp遊戲就係city hunt！雖然已經過左玩o camp嘅年齡，但係係呢個彈丸之地，就玩個長洲hunt啦，哈哈！其中一個task就係要「尋找多啦A夢最喜歡吃的食物」，大家諗唔諗到係咩？ 就係紅豆餅啦！ 呢個紅豆餅價錢就夠平啦，但係等佢整都要幾耐，可能係即叫即整的原因吧！ 雖然係要等，但到手嘅時候係熱辣辣家，唔會凍冰冰。熱到手指都紅晒，可想而知有幾熱。 食落口就，有點奇怪。首先個外皮好乾，如果係夏天口渴嘅時候食，應該難以吞嚥。而且唔知點解外皮味道會有鹹味？！ 不過，餡料尚算豐滿，紅豆蓉中會食到一粒粒的紅豆，而且味道不會過甜，是健康的充飢好選擇！ 整體而言，價錢是可取，但味道各方面還有進步的空間呢！

紅豆餅 （$6）故鄉茶寮既手卷同紅豆餅都實食嫁啦！6蚊個紅豆餅，超熱的，唔會要求太多，但都好驚喜！可能因為我食既時候岩岩整起，好熱好鬆軟同個蛋糕漿既味道調教得好好。紅豆既味道天然，唔會係一陣虛甜，口感和咬口一流，一個的份量岩岩好，而且我幾鍾意個外皮的味道，食完很有飽肚的感覺！所以我個人都幾鐘意，因為我好怕食到啲勁甜又無紅豆味既野，呢個唔太甜，味道一流！

門面清楚故鄉俱樂部 @ #foodki長洲芝士紅豆餅 (6.5/10)($10)去到長洲又係要試下既😙，今次新出既係芝士紅豆餅唔係平時既#紅豆餅 😍。餅外層好鬆化，紅豆餅餡少少甜，配上芝士，味道幾特別😛。但好可惜foodki塊餅唔夠熱😳，如果熱辣辣必定更加吸引。

來到長洲，紅豆餅也是另一必食之選. 位於長洲教堂路的故鄉俱樂部，是往沙灘的必經之路，所以既然路過，那就買來吃吃. 除了售賣紅豆餅，也有手卷、飲品等售賣，不過對於手卷沒甚興趣，每人吃一個紅豆餅就足夠了.紅豆餅 ($6)雖然紅豆餅已預先弄好，一手交$，一手接紅豆餅. 紅豆餅送上時仍然是暖烘烘的，外皮不夠金黃易軟身，如果你期望吃到外層香脆的紅豆餅，相信會感到失望! 幸好內裡紅豆蓉都幾多，但是味道偏甜，但以遊客區內，只售$6 的紅豆餅仍然有價有市.店外放有幾張椅子，如果不想站着吃，也可稍稍休息一會，也算貼心!P.S. 近日遊台北，吃過超美味的 <有時候紅豆餅>，紅豆餅外脆內軟，且紅豆餡甜度適中亦多得驚人，價格更只是$15 台幣，只可說句，又平又好食長洲教堂路17號地下2981 5038

上次來長洲島吃過念念不忘的就是紅豆餅，終於有機會再來吃了！如果沒記錯的話是漲錢了，現在$6一個，但味道還是很棒的，皮很軟餡很香。手卷很想試下但無奈實在太飽，下次再來試吧！

Open Rice 的評論都話呢間係日本人開的餐廳, 覺得日本人對工作認真的態度, 食物點都有返咁上下水準. 行完山落返黎好累, 所以想堂食坐下, 但堂食只給叫餐的客人 (因為入面好細, 只得2 張枱而已). 且叫餐的話仲要每個入去的客人都一定要叫餐至得, 唔可以唔食或食單點的食物... =_= OK, 身邊人都累了, 就個個都叫餐入去坐坐吧. 我同老公叫左蟹籽蟹柳手卷餐 (HK$42/Set), 我奶奶同佢朋友則叫左蟹柳手卷 (HK$37/Set) 同蟹籽手卷餐 (HK$38/Set). 手卷係即場制作的, 紫菜食時仲好脆, 入面的沙律醬比較多 (幸好我鍾意食沙律醬), 唔會覺得d 飯好乾. 手卷的感覺好住家Feel, 唔似平時0係街食到的味道, 都幾好食 (可惜太肚餓, 又唔記得左影相...). 之後上紅豆餅. 食的時候紅豆餅微溫, 食落去唔會太甜. 味道還可以. 唔知點解玄米茶都一樣係俾我家的感覺, 又係唔似平時在街飲的味道. 總括而言, 呢度的食物都不錯.

平時都係買完企係到食 都未入過去今次入去坐定定叫左3個set一set有 一件手卷+一件紅豆餅+任飲日式茶（玄米綠茶）店員姨姨不斷催我地盡快食件手卷 所以只能hea影一張手卷-紫菜夠脆 料同飯比例岩岩好紅豆餅-個皮厚左少少 所以食完有D滯 但都可以一試味道還可以玄米綠茶-飲左4壺（吸水怪x3) 店員姨姨不斷幫我地refill 仲會再放D新嘅玄米入去 所以味一直都冇變淡 好好飲入面環境好優雅 至岩扮貴婦影相 店員姨姨仲好好人主動幫我地影相$34 /set （for 蟹柳手卷only）

食過串串，我們就繼續行，行到故鄉俱樂部，竟然只有幾個人排隊，難得呀！那我們當然要跟隊買件紅豆餅啦！紅豆餅 ($6) 雖然只是六大洋，可是，美味極了！外層香脆，內層鬆軟帶有蛋香，雖然小妹不愛紅豆，但這紅豆餡兒，粉稔綿密，甜而不膩，味道剛好！六大洋換來的幸福美味感覺，絕對是物超所值呀!

去長洲個個都話要食紅豆餅，於是一早就去買黎食，講真。。。真係平凡到不得了。。其實真係唔太好食，紅豆又唔多甜，又唔係即整，佢o係個保溫箱拎出黎，其實已經"林"哂。。唔會似燒餅咁o既質感架啦，算啦，我下次去長洲都唔會再試架啦。。