故鄉俱樂部

营业中

休息中

難得同朋友一起入到來長州，就緊係要試一試呢度好出名既紅豆餅啦。紅豆餅既價錢並唔係好貴，都只係＄6 一個，個人覺得都好抵食。以上就係紅豆餅喇。紅豆餅熱辣辣，剛剛出爐既，非常新鮮。餅既外層好鬆化，而紅豆就粒粒飽滿。最好既就係甜而不膩，味道剛剛好，而且紅豆既口感亦都係非常好。終於都明白點解呢度既紅豆餅會出名喇。非常值得一試再試。

每年都會入一次長洲，紅豆餅同手卷就像陪我成長一樣，所以每次來到必食，有時可以在兩天內食3次紅豆餅同手卷紅豆餅食落去感覺，熱騰騰，內裡的紅豆軟軟熟熟，但唔會太甜，甜到適中。食落去有仲幸福的感覺。而手卷雖然貴了少許，但種有種用普通食材都可以整成美食的吸引力我會繼續支持的

  不甜不膩!去親長洲都錯不多會食~~~星期日可能因為落雨啦入到去又唔係好多人~~隊都唔洗排!!!正呀!!  其實上次入黎已經好想食!!今次終於食到啦!!!好啦!!!咬落去啦~~~熱LALA~個皮又唔會好厚呀好硬咁~都幾鬆化!入面啲紅豆餡又唔會好甜~~~總括黎講~係好味好味!!!唔太甜唔太膩..入黎會再食!

故鄉茶寮出晒名的紅豆餅仲有手卷不過剛吃完午餐真係吃不下了紅豆餅$6/件~熱辣辣出爐已加分不少外層算得上鬆軟不甚驚喜但紅豆內餡就頗驚豔香甜紅豆蓉跟口腔交纏不斷~好纏綿噢!!

長洲之旅，大家都各有喜好，所以可以試到好多自己無試過嘅食品，呢個紅豆餅餅置近沙灘，除了紅豆餅仲有壽司，無位置坐低食，去到在窗口買食物，店員即刻包好比我們，我哋大人同小朋友分享一件餅（咁就可以食多啲款式）熱辣辣即食，顏色比日常見嘅淺色，比較白，外脆內軟，幾香奶香，中央紅豆蓉唔過甜，份量唔少，好味到肥髀就霸晒來食！店員好有禮，尤其當小朋友，會同小朋友講下笑，好輕鬆！仲有一隻好乖嘅貓！

沒有吃紅豆餅就等如沒有來長洲! 難得不用排隊當然要買個夠本!店主是日本人, 對食物製作有日本人的執著, 聽聞製作紅豆餅的材料大部份都是made in Japan 的, 儘量將日本的好味道原原本本的帶來給香港人!紅豆餅($20 / 4個)的外形像車輪, 圓滾滾的, 好可愛! 外皮很柔軟, 像蛋糕一樣, 有淡淡的小麥粉香及蛋香, 在旺角街頭賣的完全比不上. 裡面塞滿紅豆餡, 多得快要跑出來! 紅豆餡很綿密軟糯, 偶爾咬到一些紅豆皮, 證明是真材實料, 而且口感很好! 味道不過甜. 多吃一個也不覺膩!好喜歡店主將附近的街道粉飾得七彩繽紛, 正好反映出渡假的悠閒心情!

簡單的用料, 做出溫暖的味道。食品不在乎用料的價值, 平價的用料, 只要用心, 一樣做出天上凡間的美食。每次來到這裏食的手卷都一樣, 不是為食名貴的用料, 為的是食那一顆用錢都買不到的心意。特別一提, 手卷的飯甜酸度剛剛好, 不酸也不太甜, 紫菜爽脆, 腸仔出奇地好味, 還有蟹柳不是全粉那種, 魚子沙律也沒有太多的沙律味, 不太肥膩, 這種味道是市面難找到的。

年初三赤口，諗住入長洲行山掃小食。原來係超級多人。行山前掃小食，見有紅豆餅。$6/個， $20/4個。岩岩好，一行四人， $20， 每人一個。紅豆餅 ：夠哂熱，要吹下熱氣先食得。好多紅豆餡，而且唔太甜，又足料又平，好抵食。

我已經聽說過很久有關長洲紅豆餅於是當天到長洲一定要去嚐嚐紅豆餅$6一個紅豆十分多，一咬下去已經「爆」了紅豆出來紅豆也十分綿，不會說有太多原粒紅豆但也不會全個餅也是硬的紅豆蓉但是我覺得那個「餅」質感很像蛋糕，但是稍為乾了一點，蛋味也頗足夠，假若可以再濕潤一些就最好！不過不失吧！

去東灣之前咁好多人排隊，去完東灣之後又係咁多人排隊係咁真係咁好食，排隊買個試下先個紅豆餅入左咁多餡都唔漏出黎餡料咁多又唔會太甜但係個餅底就無咩蛋味如果可以的話，再烤多一陣的話我諗可以令到個餅脆一點，入面亦唔會咁濕

紅豆餅6蚊一個幾抵食，手卷就一般般啦，20幾蚊一個，好平常好普通嘅食物，可以唔點哩個。紅豆餅就真係唔錯，熱辣辣，皮薄，紅豆餡比較多同熱，甜而不膩啦。速度好快，ok

這是我第一次吃這間“故鄉俱樂部”的紅豆餅。當天周三日，天陰，長洲遊客不多。緣著海灘一路行到這裡，零星得只有數人。來到這家店，同樣地，人不多，很好，喜歡這一份寧靜。不用排隊，點了一個紅豆餅。紅豆餅一拿上手，不是熱的，是暖暖的。冷冷的天氣，配上手中暖暖的紅豆餅，有一種說不出口的幸福感。紅豆餅 $6.00暖暖的餡餅，咬一口，內裡的紅豆就有種要爆出來的感覺。紅豆餡不會太甜太膩，是屬於清甜類型的餡。紅豆餅外皮粉漿，不是厚身的，是薄薄的一層。沒有想像中的蛋香味，應該用蛋量比較少。雖然餅皮如此，但整體餡餅仍是做得不錯。再想想，只是$6.00， 在香港別的地方，真的找不到！

長洲必食食物之一----->紅豆餅日本人打理的店 好出名既紅豆餅 $6之前好耐之前好似係$5哈哈都係加左一蚊姐壽司都好出名嫁 蟹子蟹柳腸仔$24 必食啊所以同將軍點左哩兩個食 未行到去 係路邊都幾多牌指示 唔驚唔識去啊 係沙灘個邊所以好易去放心 將軍BB要食壽司 蟹子幾好食 好似撈左沙律醬嫁 24$都算ok既 壽司唔會太重醋味 岩岩好 少少醬油好味啊紅豆餅 小妹就係為左佢先黎嫁 不過有少少失望 因為外面好淋 可能整左一陣 不過無損我對佢既印象 紅豆餅更爆涵 好多涵阿 好好味

週末為食之旅鎖定長洲，記憶中以美食聞名的離島。長洲除了太平清醮的平安包，還有豐富又多樣的特式小食，當中馳名的日式紅豆餅當然要試試。小店位置不難找，大路轉角處見到搶眼的大紅招牌，外加等吃的人龍，就知找對地方了！舖面不大中間有個小小的售賣處，旁邊是漆成白色的木籬笆，用粉筆畫在黑版上的店名很有DIY的感覺。是日5:30pm才到排隊的人龍不算長，當中以女性為主，大部份都是來買紅豆餅的。小賣部旁邊放滿色彩鮮艷的餐牌，都是店主親手所畫，很有小島風情。招牌下有指示，紅豆餅排左邊，壽司手卷排右邊。小食多滋味，是日單點一件紅豆餅淺嘗即止。店主先在枱上放小紙條，再放上熱辣辣的紅豆餅。餅皮是淡淡的黃色，比一般雞蛋仔來得淺，小小一個大概2吋圓。上手還是很熱的，應該是剛剛新鮮出爐，餅皮有彈性是淋身的，跟雞蛋仔那種香脆外皮不同。咬下去餅皮兩邊比較厚，口感尚算軟綿，可惜欠缺蛋香味。反而紅豆餡有粒粒紅豆，味道不太甜，比一般死甜的紅豆餡好吃得多。以$6即製紅豆餅來講，品質算是交足功課。雖然外表實而不華，卻充滿了手作的幸福滋味，來長洲玩的話，記得一試這個紅豆餅。

不嬲都知呢度紅豆餅出名之前都係拎走食夏日熱辣辣同男朋友尼呢度 就試下堂食啦一入到去見到入面擺左好多日式擺設 環境舒適 我地一人叫左個手卷set有紅豆餅+手卷+熱茶先尼左一壺熱茶果度既人比左一本簿我睇入面全部都係d客尼食野果時食我當然都循例寫翻句到此一遊啦☺️紅豆餅味道唔錯 新鮮熱辣我揀左蟹籽蟹柳手卷我諗住相機食先啦 點知個老闆娘已經喝住我要快d食唔係d紫菜會好快淋咁話喎Overall: 環境好好 最岩遊人坐低享受一下慢慢的時光野食又okay因為老闆娘係日本人 特別感受到呢到既野都幾有心思臨走前仲特登行出尼送客 講arigatou係正既